ယခင်ဘဏ္ဍာနှစ် ခွင့်ပြုခဲ့သည့်လုပ်ငန်းများ ၄၀ ရာခိုင်နှုန်းခန့် အချိန်မီမပြီး

အရည်အသွေးမပြည့်မီခြင်းသည် မတော်တဆမဟုတ်ဘဲ ရည်ရွယ်ချက်ရှိရှိလုပ်ဆောင်ခြင်းဖြစ်

၂၀၁၇-၁၈ ဘဏ္ဍာနှစ်အတွင်း အပြီးသတ်ဆောင်ရွက် ရန်ခွင့်ပြုခဲ့သော လုပ်ငန်းစီမံကိန်းများအနက် ၄၀ ရာခိုင်နှုန်းခန့် အချိန်မီ ပြီးစီးမှုမရှိကြောင်း ပြည်သူ့ငွေစာရင်းပူးပေါင်းကော်မတီက ပြည် ထောင်စုလွှတ်တော်သို့ ပြောသည်။

ယမန်နေ့ကျင်းပသော ပြည်ထောင်စုလွှတ်တော်အစည်းအဝေး ၌ ပညာရေးဝန်ကြီးဌာန၊ အခြေခံပညာဦးစီးဌာန၏ ၂၀၁၇-၁၈ ဘဏ္ဍာနှစ် တည်ဆောက်ရေးလုပ်ငန်းများ အကောင်အထည်ဖော် ဆောင်ရွက်နိုင်မှု အခြေအနေနှင့်ပတ်သက်၍ ပြည်သူ့ငွေစာရင်းကော်မတီ၏ လေ့လာ တွေ့ရှိချက်နှင့် သဘောထားမှတ်ချက်အစီရင်ခံစာတင်ပြရာတွင် ထိုသို့ ပြောကြားခဲ့သည်။

၂၀၁၇-၁၈ ဘဏ္ဍာနှစ်အ တွင်း ခွင့်ပြုလုပ်ငန်း ၉,၀၀၀ ကျော်ရှိပြီး လုပ်ငန်း ၅,၀၀၀ ကျော်သာ သတ်မှတ်ကာလအတွင်း ပြီးစီး ကာ ကျန်လုပ်ငန်း ၄,၀၀၀ ခန့်(၄၀ ရာခိုင်နှုန်းခန့်) ပြီးစီးမှုမရှိကြောင်း ပြည်သူ့ငွေစာရင်းပူး ပေါင်းကော်မတီ ဒုဥက္ကဋ္ဌ(၁) ဦးအောင်မင်းက ပြောသည်။

ယင်းလုပ်ငန်းများသည် ဗဟို အဖွဲ့အစည်းခြောက်ခု၊ ဝန်ကြီး ဌာန ၁၉ ခုနှင့် စည်ပင်သာယာရေး ကော်မတီသုံးခု၏ လုပ်ငန်းများ ဖြစ်သည်။

‘‘အချိန်မီမပြီးတော့ ပြည်သူ တွေ အကျိုးမခံစားနိုင်ဘူးပေါ့။ သတ်မှတ်ချိန်အတွင်း ပြီးအောင် မလုပ်တဲ့ ကန်ထရိုက်လုပ်ငန်း တွေကို ထိထိရောက်ရောက် အ ရေးယူဖို့ လိုတယ်’’ဟု ဦးအောင် မင်းက ပြောသည်။

ပညာရေးဝန်ကြီးဌာနနှင့် ကျန်းမာရေးဝန်ကြီးဌာနသည် အချိန်မီပြီးစီးမှုမရှိသည့် လုပ်ငန်း ပမာဏအများဆုံးဖြစ်ပြီး အများ စုသည် စာသင်ကျောင်းဆောင် များနှင့် ဆေးရုံ၊ ဆေးခန်းတို့ဖြစ် ကြောင်း ဦးအောင်မင်းက ပြော သည်။ စာသင်ကျောင်းများ အချိန်မီမပြီးသဖြင့် ကျောင်းသူ၊ ကျောင်းသားများ စာသင်ရန် နေရာအခက် အခဲရှိသကဲ့သို့ ဆေးရုံ၊ ဆေးခန်း များ မပြီးသေး၍ အခက်အခဲရှိ ကြောင်း ၎င်းက ပြောသည်။

၂၀၁၇-၁၈ ဘဏ္ဍာနှစ်တွင် ခွင့်ပြုသော လုပ်ငန်းများကို ဘဏ္ဍာနှစ်ဆန်းကာလဖြစ်သည့် ၂၀၁၇ ဧပြီ ၁ ရက်မှ ၂၀၁၈ မတ် လ ၃၁ ရက်အတွင်း အပြီးသတ် ဆောင်ရွက်ရမည်ဖြစ်သည်။ လုပ် ငန်းဆောင်ရွက်ရန် တင်ဒါခေါ်ယူ  ခြင်းကို ဘဏ္ဍာနှစ်၏ပထမသုံးလ တာအတွင်း ခေါ်ယူရမည် ဖြစ် သော်လည်း အချို့ဌာနများတွင် ပထမရှစ်လခန့်အထိ တင်ဒါခေါ် ယူခြင်းမရှိသည်ကို တွေ့ရကြောင်း ကော်မတီက ပြောသည်။

ထိုသို့ လုပ်ငန်းများအချိန်မီ ပြီးစီးမှုမရှိခြင်းသည် ဝန်ကြီးဌာနများ၏ကြီးကြပ်မှုအားနည်းခြင်း၊ ကန်ထရိုက်လုပ်ငန်းများနှင့် ချုပ် ဆိုသည့် စာချုပ်များတွင် သတ်မှတ်ချိန်အတွင်း မပြီးပါက အရေးယူနိုင်မည့် ခိုင်မာသည့်အချက်အ လက်များ မပါရှိ၍ ဖြစ်ကြောင်းဦးအောင်မင်းက ထောက်ပြသည်။

သတ်မှတ်ချိန်အတွင်း ပြီးစီး မှုမရှိပါက တာဝန်ယူဆောင်ရွက် သည့် ကန်ထရိုက်လုပ်ငန်းများထံ မှ လျော်ကြေးတောင်းခံရမည်ဖြစ် ပြီး စာချုပ်တွင် ထည့်သွင်းရေးသားရန် လိုအပ်ကြောင်း၊ လက်ရှိစာချုပ်များ၌ ထိုသို့မပါရှိကြောင်း ၎င်းက ပြောသည်။

ထို့အပြင် ဆောင်ရွက်ပြီးစီး သည့် လုပ်ငန်းများလည်း အရည် အသွေးပြည့်မီမှုမရှိကြောင်း၊ အ ရည်အသွေး ပြည့်မီမှုမရှိသည့် လုပ်ငန်းများကို လုပ်ငန်းအပ်နှံသူ ကျေနပ်သည်အထိ ပြင်ဆင်ပေး ရမည်ဟု လက်ရှိစာချုပ်တွင် ဖော် ပြထားသော်လည်း လက်တွေ့၌ စည်းကမ်းလိုက်နာသူ နည်းပါး ကြောင်း ဦးအောင်မင်းက ဆို သည်။

‘‘အရည်အသွေးစံချိန်စံညွှန်း မမီတာဟာ   မတော်တဆမှားယွင်း မှုတွေ မဟုတ်ပါဘူး။ ကန်ထရိုက် တာတွေရဲ့ မတရားအကျိုးအ မြတ်ရရှိအောင် တမင်ရည်ရွယ် ချက်နဲ့ လုပ်ဆောင်ခြင်းဖြစ်တယ် လို့ပဲ ကျွန်တော်တို့ သုံးသပ်ပါ တယ်’’ဟု ၎င်းက လွှတ်တော်သို့ တင်ပြသည်။

ကန်ထရိုက်ယူထားသည့် ကုမ္ပဏီများ၏ အရည်အသွေး ပြည့်မီအောင် ဆောင်ရွက်မှု မရှိခြင်းနှင့်ပတ်သက်၍ ‘‘တချို့နေရာတွေမှာဆိုရင် သွပ်ပြားကအစ တိုင်းရမလိုဖြစ်နေပြီ။ အဲဒီ လောက်အထိ လိုက်တိုင်းနေရပြီ ဆိုတော့။ ဒါပေမဲ့ ကျွန်တော်တို့ ပိုစစ်တယ်။ ဌာနဘက်ကလည်း ကြီးကြပ်မှုအားနည်းတယ်။ ကိုယ့်အသိနဲ့ကိုယ်၊ ကိုယ့်တာဝန်နဲ့ကိုယ် ဆောင်ရွက်မယ်ဆိုရင်  ဘာမှဖြစ်လာစရာ အကြောင်းမရှိဘူး။ ကုမ္ပဏီတွေကလည်း ဌာနက ကြီးကြပ်မှ သူတို့လုပ်ရမယ်ဆိုတာ မဟုတ်ဘူး။ ဒီစာချုပ်မှာ ဘယ်နေ့ ပြီးရပါမယ်ဆိုတာကို အသေးစိတ် ပါပြီးသား။ အဲဒီဟာကို သူတို့ လိုက်မလုပ်တာ’’ဟု ၎င်းက လွှတ် တော်အပြီးတွင် သတင်းမီဒီယာ များအား ဖြေကြားသည်။

၂၀၁၇-၁၈ အတွင်း ပညာ ရေးဝန်ကြီးဌာနက ခွင့်ပြုသည့် လုပ်ငန်း ၂,၅၀၀ ကျော်ရှိသည့်အနက် ၆၀၀ ကျော်သာ သတ်မှတ်ချိန်အတွင်း ပြီးစီးပြီး ကျန် ၁,၉၀၀ ခန့် (၇၅ ရာခိုင်နှုန်း) ပြီးစီးမှုမရှိသေး ကြောင်း ပြည်သူ့ငွေစာရင်းပူး ပေါင်းကော်မတီက လွှတ်တော် သို့ တင်ပြသည်။

ယင်းတင်ပြချက်များနှင့် ပတ်သက်၍ ဆွေးနွေးလိုသည့် လွှတ်တော်ကိုယ်စားလှယ်များ အနေဖြင့် အမည်စာရင်းပေးသွင်းနိုင် ကြောင်း ပြည်ထောင်စုလွှတ်တော် နာယကက ဖိတ်ခေါ်ထားသည်။