လွှတ်တော်သတင်းထောက်နှင့် တပ်မတော်သားအမတ်တို့ကြားကိစ္စ ကောင်စီနှင့် လွှတ်တော် ဆွေးနွေး

ပြီးခဲ့သည့်ရက်ပိုင်းက လွှတ်တော်သတင်းထောက်အချို့ နှင့် တပ်မတော်သားလွှတ်တော်ကိုယ်စားလှယ်တို့အကြားဖြစ်ပွားသည့် ကိစ္စ အပါအဝင် လွှတ်တော်တွင်း လွတ်လပ်စွာသတင်းရယူခွင့်အတွက် သတင်းမီဒီယာကောင်စီနှင့် လွှတ်တော်ဥက္ကဋ္ဌများ ပထမအကြိမ်တွေ့ဆုံ ခဲ့သည်။

သတင်းမီဒီယာကောင်စီ ဒုဥက္ကဋ္ဌနှင့်အဖွဲ့သည် ယမန်နေ့ နေ့လယ်တွင် အမျိုးသားလွှတ်တော် ဒုတိယဥက္ကဋ္ဌဦးအေးသာ အောင်၊ ပြည်သူ့လွှတ်တော် ဒုတိယဥက္ကဋ္ဌ ဦးထွန်းထွန်းဟိန်တို့နှင့် တွေ့ဆုံခဲ့သည်။

ပြီးခဲ့သည့် ဇူလိုင် ၂၅ ရက်က ပြည်ထောင်စုလွှတ်တော်အစည်း အဝေးတွင် တပ်မတော်သားလွှတ် တော်ကိုယ်စားလှယ်တစ်ဦးသည် သတင်းဓာတ်ပုံရိုက်နေသည့် သတင်းထောက်တစ်ဦးကို ‘‘ငါ့ပုံ မရိုက်နဲ့ ရိုက်ရင် လက်သီးနဲ့ထိုး မယ်’’ဟု ပြောကြားသည်။ ယင်း အပြင် ရုပ်သံရိုက်ကူးနေသည့် သတင်းထောက်တစ်ဦးကိုလည်း ‘‘ဘာလို့ရိုက်နေတာလဲ’’ဟုဆိုကာ ဆဲဆိုခဲ့သည်။

ယင်းဖြစ်စဉ်နှင့်ပတ်သက်၍ တပ်မတော်ဘက်က သတင်းမီဒီ ယာကောင်စီသို့ တင်ပြထားပြီး သတင်းထောက်များဘက်က လည်း တင်ပြထားသဖြင့် ယခုကဲ့ သို့ တွေ့ဆုံမှုဖြစ်ပေါ်ခဲ့ကြောင်း သတင်းမီဒီယာကောင်စီအဖွဲ့ဝင် ဦးမြင့်ကျော်က ပြောသည်။

တွေ့ဆုံပွဲကို စာနယ်ဇင်း ကောင်စီ၊ လွှတ်တော်၊ တပ်မတော်သုံးပွင့်ဆိုင်တွေ့ဆုံပွဲအဖြစ် စီစဉ်သော်လည်း အကြောင်း ကြောင်းကြောင့် တပ်မတော် ဘက်က တက်ရောက်လာခြင်းမရှိ သဖြင့် ယင်းကိစ္စနှင့်ပတ်သက်၍ တပ်မတော်၏သဘောထားကို မသိခဲ့ရကြောင်း ၎င်းက ပြောသည်။

အဆိုပါတွေ့ဆုံပွဲတွင် လွှတ် တော်တွင်း သတင်းယူနေသည့် သတင်းထောက်များအတွက် နေ ရာစီစဉ်ပေးရေး (ဥပမာ-ယခင်ကကဲ့သို့ Interpreter Room မှတစ် ဆင့် သတင်းရယူခွင့်ပေးရေး) တို့ကို ဆွေးနွေးခဲ့ကြောင်း ဦးမြင့်ကျော်က ပြောသည်။ ယင်းကိစ္စ နှင့်ပတ်သက်၍ ပြည်ထောင်စုလွှတ်တော်နာယက ဦးတီခွန်မြတ်ထံ တင်ပြမည်ဟု လွှတ်တော်ဘက်က တုံ့ပြန်သည် ဟု ဆိုသည်။

‘‘ချက်ချင်းကြီးရလာဖို့က တော့ သူတို့ဘက်မှာလည်း အခက် အခဲတွေ ရှိပုံရတယ်။ သူတို့က ပြန်ဆွေးနွေးမယ်ပြောတယ်’’ဟု ဦးမြင့်ကျော်က ပြောသည်။

လွှတ်တော်တွင် သတင်းယူ နေသည့် သတင်းထောက်အားလုံး ကို လွှတ်တော်တာဝန်ရှိသူများနှင့် တွေ့ဆုံရန် သတင်းမီဒီယာ ကောင်စီက စီစဉ်ပေးမည်ဖြစ် ကြောင်း သတင်းမီဒီယာကောင်စီ တာဝန်ရှိသူများက ပြောသည်။ ယင်းအပြင် လွှတ်တော် သတင်းထောက်များအနက် သုံးဦး ခန့်ကို ရွေးချယ်ပြီး ဆက်သွယ်ရေး တာဝန်ခံ (Contact Person) အ ဖြစ် တာဝန်ပေးရန် လွှတ်တော် တာဝန်ရှိသူများက ဆန္ဒရှိနေကြောင်း သတင်းမီဒီယာကောင်စီ က ပြောသည်။