ဒေါ်အောင်ဆန်းစုကြည်နှင့် မြောက်ပိုင်းလက်နက်ကိုင် အဖွဲ့များတွေ့ဆုံဆွေးနွေး

FPNCC က တင်ပြထားသည့်စာတမ်းကို ဆက်လက်ဆွေးနွေးလိုကြောင်း တင်ပြခဲ့ ဟု ဗိုလ်ချုပ်ဂွန်မော် ပြော
ဒေါ်အောင်ဆန်းစုကြည်နှင့် UWSA မှ တာဝန်ရှိသူများ တွေ့ဆုံနေစဉ် (ဓာတ်ပုံ − နိုင်ငံတော်အတိုင်ပင်ခံရုံး)

နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် နှင့် မြောက်ပိုင်းလက်နက်ကိုင်ခုနစ်ဖွဲ့ခေါင်းဆောင်ကိုယ်စားလှယ်များ ယမန်နေ့က နေပြည်တော်၌ အလွတ်သဘောတွေ့ဆုံ၍ ငြိမ်းချမ်းရေး ကိစ္စများ ဆက်လက်ညှိနှိုင်းရန် ဆွေးနွေးခဲ့သည်။

တွေ့ဆုံရာတွင် ဒေါ်အောင်ဆန်းစုကြည်သည် ‘၀’အဖွဲ့(UWSA)၊ ကချင်အဖွဲ့(KIO/KIA)၊ မိုင်းလားအဖွဲ့(NDAA)နှင့် ရှမ်းအဖွဲ့ (SSPP)တို့လေးဖွဲ့နှင့်ညနေ  ၃ နာရီခွဲတွင် တွေ့ဆုံခဲ့သည်။ ထို့နောက် တအာင်း အဖွဲ့(TNLA)၊ ကိုးကန့်အဖွဲ့(MNDAA) နှင့် ရခိုင်အဖွဲ့(AA)တို့ သုံးဖွဲ့နှင့် ညနေ ၄ နာရီခွဲတွင် တွေ့ဆုံခဲ့သည်။

ဒေါ်အောင်ဆန်းစုကြည်နှင့်တွေ့ဆုံစဉ် မြောက်ပိုင်းလက်နက်ကိုင် ခုနစ်ဖွဲ့ပါဝင်ဖွဲ့စည်းထားသည့် ပြည်ထောင်စုနိုင်ငံရေးဆွေးနွေးညှိနှိုင်း ရေးကော်မတီ(FPNCC)၏ မူဝါဒစာတမ်းကို ဆက်လက်ဆွေးနွေးရန် တင်ပြခဲ့ကြောင်း KIO/KIA ကိုယ်စားလှယ် ဗိုလ်ချုပ်ဂွန်မော်က ပြော ကြားသည်။‘‘အဓိကကတော့ ကျွန်တော် တို့ဘက်က FPNCC ဘက်ကအ ရင်တင်ထားတဲ့စာတမ်းအပေါ်မှာ ဆက်ပြီးဆွေးနွေးချင်တဲ့ အ ကြောင်းပြောပါတယ်။ ပြီးတော့ အဖွဲ့ခေါင်းဆောင်ဦးကျောက် ကော်အမ်းက ဦးစီးပြီးတော့ NCA အ ပေါ်မှာထားရှိတဲ့တချို့သဘော ထားတွေကို တင်ပြတာဖြစ်ပါ တယ်။ ပြီးတော့ နိုင်ငံတော်အ တိုင်ပင်ခံပုဂ္ဂိုလ်ကလည်း သူတို့ ဘက်က သဘောထားတွေတချို့ ကို ကျွန်တော်တို့ကိုပြန်ပြီးရှင်းပြ ပါတယ်’’ ဟု ဗိုလ်ချုပ်ဂွန်မော်က ပြောသည်။

FPNCC သည် NCA မထိုး ဘဲနိုင်ငံရေးဆွေးနွေးလိုကြောင်း ယခင်က သဘောထားထုတ်ဖော် ထားပြီး ၎င်းတို့ပြုစုထားသည့်မူဝါ ဒစာတမ်းကို အစိုးရနှင့်တပ်မ တော်ထံ ၂၀၁၇ ကတည်းက တင် ပြထားသည်။ ၂၀၁၇ မေလက ကျင်းပသည့် ၂၁ရာစုပင်လုံဒုတိ ယအစည်းအဝေးလာရောက်စဉ် ကလည်း FPNCC ၏မူဝါဒကို မြောက်ပိုင်းအဖွဲ့က ထုတ်ပြန်ခဲ့ သည်။ အစိုးရနှင့်တပ်မတော်က မူ FPNCC ၏စုဖွဲ့မှုကို အသိအ မှတ်မပြုပေ။

မြောက်ပိုင်းလက်နက်ကိုင် အဖွဲ့များ၏ မူဝါဒစာတမ်းတွင် ၂၀၀၈ ဖွဲ့စည်းပုံအခြေခံဥပဒေ ပြင်ဆင်သည်ဖြစ်စေ၊ ပြန်လည် ရေးဆွဲရန်ဖြစ်စေ အကောင်အ ထည်ဖော်ရန် အချက် ၁၅ ချက်ကို ၎င်းတို့၏ အထွေထွေမူဝါဒနှင့် ရပ်တည်ချက်အဖြစ် တောင်းဆို ထားသည်။

အခြေခံဥပဒေပြင်ဆင်သည် ဖြစ်စေ၊ ပြန်လည်ရေးဆွဲသည်ဖြစ် စေ နိုင်ငံတော်ဖွဲ့စည်းပုံစနစ်ဆိုင် ရာကိစ္စ၊ ပြည်ထောင်စုသမ္မတ တာဝန်ကို ထမ်းဆောင်သောအ ရည်အချင်း ပုဒ်မဆိုင်ရာကိစ္စ၊ ပြည်ထောင်စုတပ်မတော်ကို အ စိုးရအုပ်ချုပ်မှုအောက်တွင် ထား ရှိရေး၊ တိုင်းရင်းသားတန်းတူညီမျှ ရေး၊ ဥပဒေပြုပိုင်ခွင့်၊ တရားစီ ရင်ခွင့်၊ စီးပွားရေးဖွံ့ဖြိုးတိုးတက် ပိုင်ခွင့်၊ ဘဏ္ဍာအခွန်နှင့်ငွေကြေး ရေးရာ၊ သယံဇာတတူးဖော်အ သုံးချခြင်း၊ ဒေသန္တရနယ်စပ်ရေး ရာလုံခြုံရေးကိစ္စ၊ အကောက်ခွန် နှင့် ကူးစက်ရောဂါစစ်ဆေးကာ ကွယ်ထိန်းချုပ်ရေးကဏ္ဍ၊ တိုင်း ရင်းသားတပ်ဖွဲ့ဆိုင်ရာကိစ္စ၊ လူ မှုရေးရာကဏ္ဍစသည့်အချက်များ နှင့်ပတ်သက်၍ တောင်းဆိုမှုအ ပေါ် ဘက်စုံတရားမျှတစွာအ ကောင်အထည်ဖော်ရန် မြောက် ပိုင်းလက်နက်ကိုင်ခုနစ်ဖွဲ့၏ မူဝါ ဒစာတမ်းတွင်ပါရှိသည်။

ထို့အပြင် ယခုမြောက်ပိုင်း အဖွဲ့များ၏ ခရီးစဉ်တွင် FPNCC ကိုလက်ခံမှုရှိ၊ မရှိခေါင်းစဉ်ကို ဆွေးနွေးခြင်းမရှိကြောင်း ဗိုလ် ချုပ်ဂွန်မော်က ပြောသည်။

ဇူလိုင် ၁၁ ရက်က ကျင်းပ သည့် ၂၁ ရာစုပင်လုံတွင် ဒေါ် အောင်ဆန်းစုကြည်နှင့် တပ်မ တော်ကာကွယ်ရေးဦးစီးချုပ်က NCA မထိုးရသေးသည့်အဖွဲ့များ၊ NCA တွင်ပါဝင်ရန်တိုက်တွန်း ထားရာ ယင်းသို့တိုက်တွန်းမှုကို စဉ်းစားမည်ဟု ဗိုလ်ချုပ် ဂွန်မော်က ပြောသည်။

‘‘ဒီချိန်မှာ ထိုးဖို့၊ မထိုးဖို့ဆိုတာပြောဖို့ စောပါသေးတယ်။ ဘာပဲဖြစ်ဖြစ် ဆွေးနွေးပြီးတဲ့ နောက်ပိုင်းမှာ ဆုံးဖြတ်ကြမှာဖြစ် ပါတယ်’’ ဟု ၎င်းကဆိုသည်။

မြောက်ပိုင်းလက်နက်ကိုင် ခုနစ်ဖွဲ့သည် ဇူလိုင် ၁၁ ရက်က လည်း တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်း အောင်လှိုင်၊ ဒုတိယတပ်မတော် ကာကွယ်ရေးဦးစီးချုပ် ဒုတိယ ဗိုလ်ချုပ်မှူးကြီး စိုးဝင်းတို့နှင့် လည်း အဖွဲ့များခွဲ၍ သီးခြားစီ တွေ့ဆုံခဲ့သည်။

တပ်မတော်ကာကွယ်ရေး ဦးစီးချုပ်က UWSA,KIA,NDAA နှင့် SSPP တို့ကို လက်ခံတွေ့ဆုံ ခဲ့ပြီး ယင်းတွေ့ဆုံစဉ် NCA ထိုး နိုင်ရေးဆွေးနွေးခဲ့ကြောင်း တပ်မ တော်၏သတင်းထုတ်ပြန်မှုတွင် ဖော်ပြထားသည်။ ဒုတိယတပ်မ တော်ကာကွယ်ရေးဦးစီးချုပ်က TNLA, MNDAA နှင့် AA တို့ကို လက်ခံတွေ့ဆုံစဉ် NCA ဆိုင်ရာ ကိစ္စကိုသာ ဆွေးနွေးခဲ့ကြောင်း ထုတ်ပြန်ချက်တွင်ပါရှိသည်။

မြောက်ပိုင်းလက်နက်ကိုင် ခုနစ်ဖွဲ့သည် နိုင်ငံတော်၏အတိုင် ပင်ခံပုဂ္ဂိုလ်နှင့် တပ်မတော်ကာ ကွယ်ရေးဦးစီးချုပ်တို့နှင့် တွေ့ဆုံ စဉ် ဆွေးနွေးညှိနှိုင်းမှုများအတွက် ချိတ်ဆက်မှုပြုလုပ်ရန် ဆွေးနွေး ခဲ့ကြောင်း ဗိုလ်ချုပ်ဂွန်မော်က ဆိုသည်။

ကချင်ဒေသတွင် ခုနစ်နှစ် ကြာစစ်ပွဲများ ဖြစ်ပွားနေမှုနှင့်ပတ် သက်ပြီး ဆွေးနွေးခြင်းရှိ၊ မရှိ သတင်းထောက်တစ်ဦး၏ မေး မြန်းမှုအပေါ် ဗိုလ်ချုပ်ဂွန်မော်က ‘‘ကာကွယ်ရေးဦးစီးချုပ်နဲ့လည်း အဲဒီကိစ္စတွေမပြောပါဘူး။ အခု ပြောတဲ့ချိတ်ဆက်မှု တစ်ခုကို လုပ်ဖို့လိုတယ်ဆိုတဲ့ အပိုင်းပဲ ပြောပါတယ်။ ဘာဖြစ်လို့လဲဆို တော့ ဒီတစ်ကြိမ်က ကျွန်တော်တို့ ကေအိုင်အိုရဲ့အရေးကိုပြောဖို့ သီးသန့်မဟုတ်ဘဲနဲ့ ခုနစ်ဖွဲ့လုံးရဲ့ အရေးကိုပြောတာဖြစ်တဲ့အတွက် ကြောင့် အဲဒီကိစ္စတွေမဆွေးနွေး ပါဘူး’’ ဟု ပြောသည်။

သို့သော်ကချင်ပြည်နယ်နှင့် ကချင်တိုင်းရင်းသားများအတွက် အကောင်းဆုံး ဆွေးနွေးဆောင်ရွက်မည်ဟု ၎င်းကဆိုသည်။

နိုင်ငံတော်၏ အတိုင်ပင်ခံ ပုဂ္ဂိုလ်၊ တပ်မတော်ခေါင်းဆောင် တို့နှင့် တွေ့ဆုံနိုင်ခဲ့ခြင်းကြောင့် ငြိမ်းချမ်းရေးအတွက်တိုးတက်မှု များစွာရရှိခဲ့ကြောင်း TNLA ဒု ဥက္ကဋ္ဌ(၂)ဗိုလ်မှူးချုပ်တာခိုလန်း က ပြောသည်။

TNLA ပြောရေးဆိုခွင့်ရှိသူ ဗိုလ်မှူးမိုင်းအိုက်ကျော်ကမူ ‘‘အ စည်းအဝေးပြီးလို့ရှိရင် ကျွန်တော် တို့ဒေသမှာ ထိုးစစ်တွေလျော့ သွားမယ်၊ တိုက်ပွဲတွေလျော့သွား မယ်လို့ မျှော်လင့်တာပေါ့’’ ဟု မှတ်ချက်ပြုသည်။

လက်ရှိမြေပြင်အခြေအနေ တွင်တပ်မတော်နှင့် TNLA အ ကြား တိုက်ပွဲဖြစ်ပွားမှုမရှိဘဲ အ ခြေအနေတည်ငြိမ်နေသည်ဟု ၎င်းကဆိုသည်။

မြောက်ပိုင်းလက်နက်ကိုင် အဖွဲ့များသည် ဒေါ်အောင်ဆန်း စုကြည်နှင့် တွေ့ဆုံပြီးနောက် ယမန်နေ့ ညနေ၌ မြန်မာ နိုင်ငံဆိုင်ရာတရုတ်သံအမတ်မစ္စ တာဟုန်လျန်နှင့် Horizon Lake View ဟိုတယ်တွင် တွေ့ဆုံခဲ့ သည်။ ထို့အပြင် တရုတ်နိုင်ငံခြား ရေးဝန်ကြီးဌာနအာရှရေးရာ အ ထူးကိုယ်စားလှယ် မစ္စတာဆွန် ကော်ရှန်းနှင့်လည်း မြောက်ပိုင်း လက်နက်ကိုင်အဖွဲ့ခေါင်းဆောင် များက တွေ့ဆုံခဲ့သည်။

မြောက်ပိုင်းလက်နက်ကိုင် အဖွဲ့များအနေဖြင့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးသ ဘောတူစာချုပ်(NCA)ကိုရှောင် ၍မရနိုင်ဟု မစ္စတာဆွန်ကော်ရှန်း က ပြောကြားသည်။

‘‘NCA ကိုရှောင်လို့မရနိုင်ပါ ဘူး။ အဘက်ဘက်က NCA စာ ချုပ်ကို အမြန်ဆုံးချုပ်ဆိုဖို့အ တွက် ကျွန်တော်တို့ကတိုက်တွန်း နေပါတယ်။ သက်ဆိုင်ရာအဘက် ဘက်တွေက NCA စာချုပ်ချုပ် ဆိုဖို့အတွက် သူတို့က တက်ကြွ တဲ့ရပ်တည်ချက်ရှိတယ်လို့ ဖော် ပြနိုင်ပါတယ်။ ဒီလမ်းကြောင်း ဆက်လက်တိုးတက်နိုင်ပါတယ် လို့ မျှော်လင့်ပါတယ်’’ ဟု မစ္စတာ ဆွန်ကော်ရှန်းက မြောက်ပိုင်းအ ဖွဲ့နှင့်တွေ့ဆုံရန် လာရောက်စဉ် မီဒီယာများအား ပြောကြားသည်။

More in News Section