ငြိမ်းချမ်းရေးလိုလားသူနှင့် ပြည်ထောင်စုအကျိုးစီးပွားကြည့်သူများ ၂၁ ရာစု ပင်လုံတွင် ပေါ်လွင်လာမည်ဟု ဒေါ်အောင်ဆန်းစုကြည်ပြော

၂၀၂၀ ထက်မကျော်ဘဲ ငြိမ်းချမ်းရေးလုပ်ငန်းစဉ်များ ပြီးပြတ်အောင် ဆောင်ရွက်ရန် တပ်ချုပ်တိုက်တွန်း
၂၁ ရာစုပင်လုံ တတိယအစည်းအဝေးဖွင့်ပွဲတွင် နိုင်ငံတော်သမ္မတဦးဝင်းမြင့်နှင့် နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်တို့ကို တွေ့ရစဉ် (ဓာတ်ပုံများ −ဂျေမောင်မောင်(အမရပူရ))

အမှန်တကယ်ငြိမ်းချမ်းရေးလိုလားသူနှင့် ပြည်ထောင်စု အကျိုးကို မိမိအစုအဖွဲ့အကျိုးထက် တန်ဖိုးထားသူများ ၂၁ ပင်လုံ ညီလာခံတွင် ပေါ်လွင်လာမည်ဖြစ်ပြီး ပြည်သူများစောင့်ကြည့်နေ သဖြင့် သိရှိလာမည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ တတိယ အစည်းအဝေးကို ဇူလိုင် ၁၁ ရက်က နေပြည်တော်၌ စတင်ကျင်းပရာ အခမ်းအနားအဖွင့်မိန့်ခွန်းတွင် ဒေါ်အောင်ဆန်းစုကြည်က ထည့်သွင်း ပြောကြားသည်။

‘‘ဘယ်သူတွေဟာ အမှန်တကယ် ငြိမ်းချမ်းရေးလိုလားတယ်၊ ဘယ်သူတွေက ပြည်ထောင်စုအကျိုးကို ကိုယ့်အကျိုး၊ ကိုယ့်အစု အဖွဲ့အကျိုးထက် တန်ဖိုးထားတယ်ဆိုတာ ဒီ ၂၁ ပင်လုံညီလာခံအစည်းအဝေးတွေမှာ ပေါ်လွင် လာမှာပါ။ ပြည်သူတွေက ကြည့် နေကြပါတယ်။ ပြည်သူတွေက  သိလာကြမှာပါ’’ဟု ၎င်းက ပြော သည်။

ဒီမိုကရေစီဖက်ဒရယ်ပြည် ထောင်စုကြီးပေါ်ထွန်းလာရေးနှင့် အနာဂတ်မျိုးဆက်သစ်များအ တွက် စစ်မက်ကင်းစင်ပြီး ငြိမ်း ချမ်းတည်ငြိမ်သည့် ပတ်ဝန်းကျင် ဖန်တီးပေးနိုင်ရေးသည် အမျိုး သားဒီမိုကရေစီအဖွဲ့ချုပ်(NLD) အစိုးရ၏ရေရှည်မျှော်မှန်းချက် ဖြစ်သည်ဟု ၎င်းက ရှင်းပြပြီး မျှော်လင့်ချက်များ တောက်ပလာ စေရေး မလျှော့သည့် စိတ်ဖြင့် ဆက်လက်ကြိုးပမ်းမည်ဟု အသိ ပေးသည်။

ခေတ်အဆက်ဆက် မျှော် လင့်ခဲ့သော်လည်း ဝေးကွာခဲ့ရ သည့်အမျိုးသားပြန်လည်သင့် မြတ်ရေးနှင့် ပြည်ထောင်စုငြိမ်း ချမ်းရေးဆောင်ကြဉ်းနိုင်ရန် အား လုံးက စည်းလုံးညီညွတ်စွာ အား ထုတ်ကြိုးပမ်းကြရန်လည်း ဒေါ် အောင်ဆန်းစုကြည်က တိုက်တွန်း သည်။

၂၁ ရာစုပင်လုံတတိယအ စည်းအဝေးသို့ အစိုးရ၊ တပ်မ တော်၊ လွှတ်တော်၊ နိုင်ငံရေးပါတီ များ၊ တစ်နိုင်ငံလုံး ပစ်ခတ်တိုက် ခိုက်မှုရပ်စဲရေးသဘောတူစာချုပ် (NCA)လက်မှတ်ထိုးတိုင်းရင်း သားအဖွဲ့များ၊ NCA မထိုးရသေး  သည့် တိုင်းရင်းသားအဖွဲ့များမှ ခေါင်းဆောင်ကိုယ်စားလှယ်များ တက်ရောက်သည်။

ညီလာခံအဖွင့်မိန့်ခွန်းကို ဒေါ်အောင်ဆန်းစုကြည်၊ တပ်မ တော်ကာကွယ်ရေးဦးစီးချုပ် ဗိုလ် ချုပ်မှူးကြီးမင်းအောင်လှိုင်၊ NCA လက်မှတ်ထိုးအဖွဲ့များကိုယ်စား ကရင်အမျိုးသားအစည်းအရုံး (KNU)ဥက္ကဋ္ဌ ဗိုလ်ချုပ်ကြီးစောမူ တူးစေးဖိုး၊ နိုင်ငံရေးပါတီများ ကိုယ်စား ရခိုင်အမျိုးသားပါတီ (ANP)ဒုဥက္ကဋ္ဌ ဒေါ်အေးနုစိန်တို့ က ပြောကြားရာ ရုပ်မြင်သံကြား မှ တိုက်ရိုက်ထုတ်လွှင့်ခဲ့သည်။

NCA တွင် ပါဝင်လက်မှတ်ထိုးရန် ဒေါ်အောင်ဆန်းစုကြည်နှင့်တပ် ချုပ်တိုက်တွန်း

NCA သည် အလုံးစုံပြီးပြည့် စုံခြင်းမရှိသေးသည့်တိုင် ရန်ဘက်အသွင်ဆောင်ကာ တိုက်ပွဲဖော် ဆောင်ခဲ့သူများအကြား အားလုံး လက်ခံနိုင်သည့် ပဋိညာဉ်တစ်ရပ် ရရှိရန် စေ့စပ်ညှိနှိုင်းဆွေးနွေးခဲ့ကြ သူအားလုံးနှင့် ယခု ၂၁ ရာစုပင်လုံသို့ ငြိမ်းချမ်းရေးအတွက် အရေးကြီးသည့် သက်ဆိုင်သူများ စုံညီစွာ တက်ရောက်နိုင်ရေး ပံ့ပိုးပေးသည့် ပြည်တွင်း၊ ပြည်ပမိတ်ဆွေများကို ကျေးဇူးတင်ကြောင်း ဒေါ်အောင်ဆန်းစုကြည်က ပြောကြားသည်။

မြန်မာ-တရုတ်နယ်စပ်အ ခြေပြုတိုင်းရင်းသား လက်နက် ကိုင်အဖွဲ့ ခုနစ်ဖွဲ့ကို ၂၁ ရာစုပင် လုံသို့ လာရောက်ရေး တရုတ်နိုင် ငံက ကြားဝင်ညှိနှိုင်းဆောင်ရွက် ပေးခဲ့သည်။ ယင်းခုနစ်ဖွဲ့အပါအ ဝင် NCA မထိုးရသေးသည့် တိုင်းရင်းသားလက်နက်ကိုင်ကိုးဖွဲ့ ၂၁ ရာစုပင်လုံ တတိယအစည်းအဝေး သို့ တက်ရောက်ခဲ့သည်။

ထို့အပြင် NCA ဖြစ်စဉ်အစ တွင် ပါဝင်ခဲ့သည့် အဖွဲ့အချို့အ ပြင်၊ အစိုးရနှင့် နှစ်ဖက်သဘော တူညီချက်လက်မှတ်ထိုးထား သည့်အဖွဲ့များ NCA တွင် ပါဝင် လာခြင်းမရှိသေးဟု ဒေါ်အောင် ဆန်းစုကြည်က ထောက်ပြသည်။

မြောက်ပိုင်းခုနစ်ဖွဲ့တွင် ပါ ဝင်သည့် ကချင်အဖွဲ့(KIA)၊ ရှမ်းအဖွဲ့ (SSPP)၊ တောင်ပိုင်း အဖွဲ့ ကရင်နီအမျိုးသားတိုးတက် ရေးပါတီ (KNPP)တို့သည် NCA ရရှိရေး ညှိနှိုင်းစဉ်က ပါဝင်ခဲ့သော် လည်း လက်ရှိအချိန်ထိ လက်မှတ် မထိုးနိုင်သေးပေ။ ‘ဝ’အဖွဲ့ (UWSA)နှင့် မိုင်းလားအဖွဲ့ (NDAA)သည် အစိုးရနှင့် တိုက်ပွဲ မရှိဟုဆိုကာ NCA တွင် ပါဝင်ရေးငြင်းပယ်ထားသည်။

‘‘အလုံးစုံအားလုံးပါဝင်နိုင်ဖို့ အင်မတန်မှ ခက်ခဲနိုင်မယ်ဆိုတာ သိထားပေမယ့်လည်း ကျွန်မတို့ နိုင်ငံ၊ ကျွန်မတို့ ပြည်ထောင်စုရဲ့ သမိုင်းဝင်နိုင်ငံရေးဆွေးနွေးပွဲ တွေဟာ ဒီအဖွဲ့တွေ ပါဝင်လာနိုင် ခြင်းမရှိသေးတာကြောင့် ပြီးပြည့် စုံပြီလို့ မဆိုနိုင်သေးပါဘူး။ လစ် ဟာချက်ကို ဖြည့်ဆည်းနိုင်ဖို့ ကျွန်မတို့အနေနဲ့ အချိန်တိုင်းဆက် ပြီး ကြိုးစားနေဦးမှာပါပဲ’’ဟု ဒေါ်အောင်ဆန်းစုကြည်က ပြော သည်။

ထို့အပြင် NCA လက်မှတ် မထိုးရသေးသည့် အဖွဲ့များ ပြည် ထောင်စုအပေါ် စေတနာ၊ သစ္စာ စောင့်ပြီး ပါဝင်လာရေး ဒေါ် အောင်ဆန်းစုကြည်က ဖိတ်ခေါ်ခဲ့ သည်။ ‘‘အစဉ်အမြဲကြိုဆိုလျက် ပါ’’ ဟု ၎င်းက ပြောသည်။

တပ်မတော်ကာကွယ်ရေး ဦးစီးချုပ်ကလည်း ပြည်ထောင်စု လွှတ်တော်က အတည်ပြုခဲ့သည့် NCA ကို တိုင်းရင်းသားလက်နက် ကိုင်အဖွဲ့အစည်းတိုင်းက လက် မှတ်ရေးထိုးရမည်ဟု ပြောကြား သည်။

ယခင်က တပ်မတော်က စစ် အုပ်ချုပ်ရေးဖြင့် အုပ်ချုပ်ခဲ့ပြီး လက်ရှိတွင် ပါတီစုံဒီမိုကရေစီ စနစ်ဖြင့် နိုင်ငံတော်ကို အုပ်ချုပ် နေခြင်းဖြစ်သည်ကို သတိချပ်ပြီး ငြိမ်းချမ်းရေးလုပ်ငန်းစဉ်များ သည်လည်း ဒီမိုကရေစီစံနှုန်းများ အတိုင်း အများစုက လက်ခံသ ဘောတူညီချက်များအတိုင်း အ ခြေခံဆောင်ရွက်ရန်လိုသည်ဟု ပြောသည်။

‘‘ပစ်ခတ်တိုက်ခိုက်မှုတွေ မရှိလို့ လက်မှတ်ထိုးစရာမလိုဘူး လို့ ပြောဆိုနေတာတွေ၊ ယခင် သဘောတူညီချက်တွေရှိပြီး ဖြစ် တယ်လို့ ဆိုနေတာတွေဟာ လျှောက်လှမ်းနေတဲ့ ဒီမိုကရေစီ ကျင့်ဝတ်တွေနဲ့ ညီညွတ်မှုမရှိဘူး လို့ ပြောလိုပါတယ်’’ဟု တပ်မ တော်ကာကွယ်ရေးဦးစီးချုပ်က ဆိုသည်။

တပ်မတော်ကာကွယ်ရေး ဦးစီးချုပ်၏ပြောဆိုချက်နှင့်ပတ် သက်၍ ကချင်လက်နက်ကိုင်အ ဖွဲ့ (KIO/KIA)ကိုယ်စားလှယ် ဗိုလ်ချုပ်ဂွန်မော်က ‘‘လက်မှတ်မ ထိုးသေးတဲ့ အဖွဲ့တွေကို အမြန် ထိုးပါလို့ ပြောတာက တပ်မတော် ခေါင်းဆောင်ကနေပြီးတော့မှ ထိုး စေချင်တဲ့သဘောလို့ နားလည်ပါတယ်။ အမြန်ထိုးပါလို့ ပြောတဲ့ အခါမှာ ဘယ်လိုထိုးကြမလဲဆိုတဲ့ အပိုင်း ညှိနှိုင်းဖို့ လိုပါတယ်။ ကျွန် တော်တို့ဘက်ကလည်း စဉ်းစား မှာပါ’’ဟု မီဒီယာများအား ပြော ကြားသည်။

NCA ထိုးခြင်း၊ မထိုးခြင်း ကိစ္စကို မြောက်ပိုင်းလက်နက် ကိုင်ခုနစ်ဖွဲ့ပါဝင်ဖွဲ့စည်းထား သည့် ပြည်ထောင်စုနိုင်ငံရေးဆွေး နွေးညှိနှိုင်းရေးကော်မတီ(FPN CC) တွင် မညှိနှိုင်းရသေးဟု ၎င်း က ပြောသည်။

‘‘FPNCC က နေပြီး တင် သွင်းထားတဲ့ မူဝါဒပဲရှိပါတယ်။ အဲဒီတော့ အစိုးရနဲ့ ငြိမ်းချမ်းရေး ကော်မရှင်နဲ့ FPNCC က ဒီသဘော ထားတွေကို အရင်ဆွေးနွေးဖို့ လိုပါတယ်။ အဲဒါပြီးမှပဲ ထိုးမလား၊ မထိုးဘူးလားဆိုတဲ့ အဖြေက ထွက်လာမှာဖြစ်ပါတယ်’’ဟု ဗိုလ်ချုပ်ဂွန်မော်က ဆိုသည်။

FPNCC တွင် ‘ဝ’အဖွဲ့ (UWSA)၊ ကချင်အဖွဲ့(KIA)၊ ရှမ်း အဖွဲ့ (SSPP)၊ မိုင်းလားအဖွဲ့ (NDAA)၊ တအာင်းအဖွဲ့(TNLA)၊ ကိုးကန့်အဖွဲ့(MNDAA)၊ ရခိုင်အ ဖွဲ့ (AA)တို့ပါဝင်ပြီး NCA မထိုးဘဲ နိုင်ငံရေးဆွေးနွေးရန် ရည်ရွယ်ဖွဲ့စည်းထားခြင်းဖြစ်သည်။ ယင်း စုဖွဲ့မှုကို အစိုးရနှင့် တပ်မတော် က အသိအမှတ်မပြုသေးပေ။ ယင်းခုနစ်ဖွဲ့အနက် KIA, TNLA, MNDAA နှင့် AA တို့သည် တပ်မ တော်နှင့် တိုက်ပွဲများ မကြာခဏ ဖြစ်ပွားခဲ့သည်။

ငြိမ်းချမ်းရေးလုပ်ငန်းစဉ်နှောင့် နှေးနေမှုအပေါ် အတိုင်ပင်ခံ ပုဂ္ဂိုလ်၊ တပ်ချုပ်နှင့် KNU ဥက္ကဋ္ဌ တို့၏သဘောထား

NCA အရ ၂၁ ရာစုပင်လုံ အပါအဝင် နိုင်ငံရေးဆွေးနွေးပွဲ များ ကျင်းပနေသည့်တိုင် ငြိမ်း ချမ်းရေးလုပ်ငန်းစဉ်နှောင့်နှေး ကြန့်ကြာမှု ဖြစ်ပေါ်နေခြင်းကို ခေါင်းဆောင်များက ၎င်းတို့၏အမြင် သဘောထားများကို မိန့်ခွန်းတွင် ထည့်သွင်းပြောကြားသည်။

NLD စတင်ဖွဲ့စည်းကတည်း က ဒီမိုကရေစီဖက်ဒရယ်ပြည် ထောင်စုတည်ဆောက်နိုင်မှသာ နိုင်ငံရေးပြဿနာများဖြေရှင်းနိုင် မည်ဆိုသည့် ယုံကြည်ချက်ကို စွဲမြဲခိုင်မာစွာ ဆုပ်ကိုင်ထားသကဲ့သို့ တိုင်းရင်းသားလက်နက်ကိုင်အဖွဲ့ အစည်းများကလည်း လက်နက် ကိုင်ပဋိပက္ခများ ချုပ်ငြိမ်းနိုင်ရေး ဖက်ဒရယ်စနစ်တည်ဆောက်ရန် လိုကြောင်း အစဉ်တစိုက်ပြောဆို ခဲ့သည်ဟု ဒေါ်အောင်ဆန်းစု ကြည်က ပြောသည်။

‘‘တစ်ချိန်က ‘ဖက်ဒရယ်’ ဆို တဲ့ဝေါဟာရကို လုံးဝလက်မခံခဲ့ တဲ့ ရပ်တည်ချက်တွေဟာ ပြောင်း လဲခဲ့ပြီး ဒီမိုကရေစီနဲ့ ဖက်ဒရယ် ပြည်ထောင်စုတည်ဆောက်ရေး ကို ဦးတည်ကြိုးပမ်းဖို့ NCA စာ ချုပ်မှာပင် လက်မှတ်ရေးထိုးပြီး ကတိကဝတ်ပြုထားကြပြီးဖြစ်ပါ တယ်။ သို့သော်လည်း ယခုတိုင် ‘ဖက်ဒရယ်’ကိစ္စနဲ့ပတ်သက်ပြီး လိုအပ်တဲ့ သဘောတူညီမှုတွေ မရယူနိုင်ကြခြင်းက ငြိမ်းချမ်းရေး ဖြစ်စဉ်ရဲ့အပြီးအပိုင်အပြည့်အဝ အောင်မြင်ခြင်းကို နှောင့်နှေးစေ ပါတယ်’’ဟု အတိုင်ပင်ခံပုဂ္ဂိုလ် က ပြောသည်။

ဖက်ဒရယ်သည် ခွဲထွက်ရေး သို့ ပို့ဆောင်သည့် စနစ်မဟုတ်ဘဲ ညီညွတ်ရေးကို ခိုင်မာစေသည့် စနစ်ဖြစ်ကြောင်း အကြိမ်ပေါင်း များစွာ ပြောဆိုကြေညာပြီးဖြစ် သည်ဟု ဒေါ်အောင်ဆန်းစုကြည် က ပြောသည်။

ထို့အပြင် ဖက်ဒရယ်အ ကောင်အထည်ဖော်ရာတွင် အဓိ ကကျသည့် အခြေခံသဘောတ ရားဖြစ်သော ပြည်ထောင်စုမှ ခွဲ မထွက်ရေးမူနှင့် ကိုယ်ပိုင်ပြဋ္ဌာန်း ခွင့်ဆိုင်ရာ မူများ ညှိနှိုင်းမရသေး ၍ ယခု ၂၁ ရာစုပင်လုံတွင် မဆွေးနွေးနိုင်ခြင်းကိုလည်း ဒေါ်အောင် ဆန်းစုကြည်က ထောက်ပြသည်။

ယင်းကိစ္စကို အစိုးရ၊ တပ် မတော်နှင့် NCA လက်မှတ်ထိုးတိုင်းရင်းသားအဖွဲ့များအကြား ညီလာခံမတိုင်မီ အလွတ်သဘော ညှိနှိုင်းခဲ့သော်လည်း ပြေလည်မှု မရပေ။

‘‘ဒီကိစ္စရဲ့ ကြီးမားတဲ့ အရေး ပါမှုကို ကျွန်မတို့အားလုံး သတိရှိ နေကြမယ်ဆိုတာ ယုံမှားသံသယ ရှိစရာမလိုပါဘူး’’ဟု ဒေါ်အောင် ဆန်းစုကြည်က ပြောသည်။

အနာဂတ်တွင် ဖြစ်ပေါ်လာ မည့် ဒီမိုကရေစီဖက်ဒရယ်ပြည် ထောင်စုကို မျှော်မှန်းပြီး ဘက် တစ်ဖက်တည်း၊ အစုအဖွဲ့တစ်ဖွဲ့ တည်း၏မူဝါဒများ၊ ရပ်တည်ချက် များအပေါ်တွင် ဖက်တွယ်မထား ဘဲ ညှိနှိုင်း၍ အပေးအယူလုပ်ကာ ကွဲလွဲမှုများကို ကျော်လွှားရန် ၎င်း က တိုက်တွန်းသည်။

‘‘ပန်းတိုင်တူ၊ လမ်းကြောင်း တူနေပြီဖြစ်တဲ့ ဒီလိုအချိန်မှာ တစ်ကျောင်း တစ်ဂါထာ၊ တစ်ရွာ တစ်ပုဒ်ဆိုသလို ဝိဝါဒကွဲပြားစရာ အဖြေရှာမှုတွေ ထွေပြားမြား မြောင်လာမယ်ဆိုရင် အားလုံး မျှော်မှန်းတဲ့ ရလဒ်နဲ့လည်း ဝေး ကွာလာနိုင်တာကို အထူးသတိပြု ကြဖို့ ပြောကြားလိုပါတယ်။ အား လုံးညှိနှိုင်းလက်ခံပြီးတဲ့နောက်မှာ အခုတစ်မျိုး၊ တော်ကြာတစ်မျိုး အနေအထားတွေ မကြာခဏဖြစ် ပေါ်လာရင် ယုံကြည်မှုတွေ ပျက် ပြားသွားစေနိုင်သလို ငါ့မြင်းငါ စိုင်းဆိုတဲ့ အခြေအနေတွေနဲ့ လည်း ကြုံတွေ့လာရနိုင်ပါတယ်’’ ဟု ဒေါ်အောင်ဆန်းစုကြည်က ပြောသည်။

ငြိမ်းချမ်းရေးသည် ဖိအား ပေးပြီး ရယူနိုင်သည့်ကိစ္စမဟုတ် ဘဲ နားလည်မှု၊ ယုံကြည်မှုများ နှင့် တည်ဆောက်ရခြင်းဖြစ်သည် ဟု ဒေါ်အောင်ဆန်းစုကြည်က ပြောသည်။

တိုင်းရင်းသားပြည်သူများ လွတ်လပ်အေးချမ်းစွာ နေထိုင် လုပ်ကိုင်စားသောက်နိုင်သည့် အ ခွင့်အလမ်းများ ရွေးချယ်ခွင့်ရရန် လိုကြောင်း၊ ငြိမ်းချမ်းရေးသည် ဦးရာလူဝေစုစနစ် မဟုတ်သော် လည်း အမြော်အမြင်ရှိသူ၊ အား ထုတ်သူများက ငြိမ်းချမ်းရေး အ ကျိုးကျေးဇူးကို ဦးစွာခံစားရမည် ဖြစ်ကြောင်း ဒေါ်အောင်ဆန်းစု ကြည်က ပြောသည်။

‘‘ဒါကြောင့် ကျွန်မတို့နိုင်ငံ ရေး ဆွေးနွေးပွဲ ကြန့်ကြာမှု၊ နှောင့်နှေးမှုတွေကြောင့် ကျွန်မတို့ပြည် သူတွေရဲ့ အခွင့်အလမ်းတွေကို အလဟဿဖြုန်းတီးရာရောက်ရှိ သွားမှာကိုလည်း စိုးရိမ်မိကြောင်း အထူး အလေးအနက်ထားပြီး ထောက်ပြလိုပါတယ်’’ဟု ၎င်းက ဆိုသည်။

၂၁ ရာစု ပင်လုံညီလာခံကို ၂၀၁၈ တွင် တစ်ကြိမ်၊ ၂၀၁၉ တွင် နှစ်ကြိမ်ကျင်းပကာ ၂၀၂၀ ပြည့်နှစ်မတိုင်မီ ညီလာခံ သုံးကြိမ်အတွင်း ငြိမ်းချမ်းရေးအတွက် အ ရေးကြီးသည့် ဒီမိုကရေစီနှင့် ဖက် ဒရယ်စနစ်ဆိုင်ရာ အခြေခံမူများ အပြီးအပြတ်ချမှတ်နိုင်ရန် မျှော် မှန်းထားကြောင်း ၎င်းက ထပ်လောင်းပြောကြားသည်။

‘‘ဒီမျှော်မှန်းချက်ဟာ မဖြစ် နိုင်တဲ့အတွက် စိတ်ကူးယဉ်သက် သက် မျှော်မှန်းချက်မဟုတ်ပါ ဘူး။ ကျွန်မတို့နိုင်ငံ၊ ကျွန်မတို့ ပြည်ထောင်စုအတွက် မျှော်မှန်း သင့်၊ မျှော်မှန်းထိုက်တဲ့၊ ဖြစ်နိုင် တဲ့၊ ရနိုင်တဲ့ မှတ်တိုင်တစ်ရပ်ပဲ ဖြစ်ပါတယ်’’ဟု ဒေါ်အောင်ဆန်း စုကြည်က ပြောကြားပြီး ယင်း မျှော်မှန်းချက်ကို အစိုးရနှင့်အတူ သန္နိဋ္ဌာန်ချ ကြိုးပမ်းဆောင်ရွက် ပေးရန် မေတ္တာရပ်ခံခဲ့သည်။

၂၀၂၀ ထက်မကျော်ဘဲ ငြိမ်းချမ်း ရေးလုပ်ငန်းစဉ်များ ပြီးပြတ် အောင် ဆောင်ရွက်ရန် တပ်ချုပ် တိုက်တွန်း

တပ်မတော်ကာကွယ်ရေး ဦးစီးချုပ်က စစ်မှန်သည့် ငြိမ်းချမ်း ရေး၊ ပြည်ထောင်စုနှင့် တိုင်းရင်း သားစည်းလုံးညီညွတ်ရေးကို မထိ ခိုက်သည့် ငြိမ်းချမ်းရေး၊ လွတ်လပ်ရေးနှင့် အချုပ်အခြာအာဏာ ကို မထိခိုက်နိုင်သည့် ငြိမ်းချမ်း ရေးကို ဖြစ်နိုင်သမျှ အမြန်ဆုံးရ လိုသည်ဟု ပြောကြားသည်။

‘‘ငြိမ်းချမ်းရေးလုပ်ငန်းစဉ် များဟာ လိုအပ်တာထက်ပိုပြီး အ ချိန်ကြာလာရင် ဘေးပယောဂ တွေ၊ ဝင်ရောက်စွက်ဖက်မှုတွေ၊ ကြိုးကိုင်ခြယ်လှယ်တာတွေရှိလာ ပြီး ရရှိပြီးဖြစ်တဲ့ ယုံကြည်မှုတည် ဆောက်ထားတာတွေ၊ ခက်ခက် ခဲခဲတည်ဆောက်ထားရတဲ့ ရရှိပြီး သဘောတူညီချက်တွေ အားနည်း သွားနိုင်ပါတယ်’’ဟု ၎င်းက ဆို သည်။

ကိုယ်စားလှယ်များ အနေ ဖြင့် ဆွေးနွေးမှုများကို ရေရှည်ငြိမ်း ချမ်းရေး၊တည်တံ့ခိုင်မြဲရေး ရလဒ် ရသည်အထိ ဆက်တိုက်ဆောင် ရွက်ရန်လိုမည်ဟု တပ်ချုပ်က ပြောသည်။

‘‘ရလဒ်မထွက်မီ ဆွေးနွေးမှု ရပ်နားပြီးနောက် အခြေအနေ ပြောင်းလဲမှုများ မကြာခဏတွေ့ ရတဲ့အတွက် ရလဒ်ထွက်သည်အ ထိ ဆွေးနွေးဖို့ ကျွန်တော်တိုက် တွန်းရခြင်းဖြစ်ပါတယ်။ လုပ်ငန်း စဉ်များကို စဉ်ဆက်မပြတ် တစ် ဆက်တည်းဆောင်ရွက်သွားပြီး ၂၀၂၀ ပြည့်နှစ်မှာ ကျင်းပပြုလုပ် မယ့် ဒုတိယအကြိမ် ပြည်ထောင် စုငြိမ်းချမ်းရေးညီလာခံ အစည်း အဝေးမှာ ငြိမ်းချမ်းရေးလုပ်ငန်း စဉ်များ ပြီးပြတ်စေရေး ဆောင် ရွက်သွားပါလို့ အလေးထားတိုက် တွန်းပြောကြားလိုပါတယ်’’ ဟု ၎င်းက ဆိုသည်။

လက်ရှိ ငြိမ်းချမ်းရေးလုပ် ငန်းစဉ်များကို နိုင်ငံတော်အစိုးရ နှင့် တပ်မတော်က တက်ကြွစွာ ဦးဆောင် ဆောင်ရွက်နေခြင်း သည် အင်အားချည့်နဲ့နေ၍မဟုတ် ဟု တပ်ချုပ်က သတိပေးသည်။

‘‘အမှန်တကယ် ငြိမ်းချမ်း ရေးလိုချင်တဲ့ အဖွဲ့အစည်းမှန် သမျှ သဘောတူညီချက်တွေကို သာ လိုက်နာရင် ဘာသေနတ်သံ မှ ကြားရမှာမဟုတ်ပါဘူး။ ကိုယ့် လူကိုယ်သာ နိုင်အောင်ထိန်းဖို့၊ အဓိပ္ပာယ်ကင်းမဲ့တဲ့ အကြောင်းပြ ချက်အမျိုးမျိုးမပေးဖို့ လိုပါမယ်’’ ဟု ၎င်းက ပြောသည်။

လက်ရှိကာလတွင် နားလည်မှု လွဲမှားစေနိုင်သော ကိစ္စများကို ရှေ့တန်းတင်ခြင်း၊ ငြိမ်းချမ်းရေး လုပ်ငန်းစဉ်နှင့် မသက်ဆိုင်သည့် ကိစ္စများကို ဆွဲသွင်းလာခြင်းတို့ မပြုလုပ်ရန် အရေးကြီးကြောင်း တပ်ချုပ်က ပြောသည်။

‘‘အချို့သော ဒေသမှာရှိနေ တဲ့ တိုင်းရင်းသားလက်နက်ကိုင် အဖွဲ့အစည်းများဟာ ၅၂ သန်း သော တိုင်းရင်းသားပြည်သူလူထု တစ်ရပ်လုံးကို ကိုယ်စားပြုတာ မဟုတ်သလို နိုင်ငံရေးပါတီများ ဟာလည်း သူတို့ကို ထောက်ခံသူ များကို ကိုယ်စားပြုတာဖြစ်ပါ တယ်။ ကျွန်တော်တို့ တပ်မတော် ဟာ တိုင်းရင်းသားပြည်သူလူထု က ပေါက်ဖွားလာတဲ့ ပြည်သူ့တပ် မတော်ဖြစ်တာနဲ့အညီ နိုင်ငံတော် နဲ့ ပြည်သူလူထုကို ကိုယ်စားပြုရ တဲ့ အဖွဲ့အစည်းဖြစ်ပါတယ်’’ဟု ၎င်းက ပြောသည်။

ငြိမ်းချမ်းရေးဆွေးနွေးမှုများ နှင့် ဆက်စပ်ပြီး ဖွဲ့စည်းပုံအခြေ ခံဥပဒေပြင်ဆင်ရေးဆောင်ရွက် လိုသည့် သဘောထားများကိုသိ ကြောင်း တပ်ချုပ်က ပြောကြား သည်။ ယင်းအတွက် ဆက်လက် ညှိနှိုင်းဆွေးနွေးမည်ဖြစ်ကြောင်း နှင့် ဖွဲ့စည်းပုံအခြေခံဥပဒေ ပြင် ဆင်ခြင်းအခန်းပါ ပြဋ္ဌာန်းချက် များအတိုင်း ဆောင်ရွက်ရန်လို ကြောင်း ပြောသည်။

ငြိမ်းချမ်းရေးလုပ်ငန်းစဉ်ကို အချိန်ဆွဲဆောင်ရွက်ခြင်းသည် နိုင်ငံကို ပိုမိုနိမ့်ကျစေရန် ဆွဲနှစ် နေမှုဖြစ်ကြောင်း၊ နိုင်ငံသူ၊ နိုင်ငံ သားများအတွက် အခြားလုပ်စရာ များစွာရှိနေကြောင်း တပ်ချုပ်က ပြောသည်။

‘‘ဟန်ရေးပြနေရုံနဲ့ မပြီးသေး ပါဘူး။ စကားလုံးလှလှလေးတွေ ပြောဆိုငြင်းခုံနေရုံနဲ့လည်း မပြီး နိုင်ပါဘူး။ တိုင်းပြည်ရဲ့အားဟာ ပြည်တွင်းမှာပဲ ရှိပါတယ်။ မြန်မာ နိုင်ငံသားတွေအားလုံးမှာ တာဝန် ရှိပါတယ်။ ကျွန်တော်တို့ရဲ့ ညီ ညွတ်တဲ့ အင်အား၊ စွမ်းအားကို ပဲ့သွားဖို့၊ ယိုင်နဲ့သွားစေဖို့ နှဲ့နေ၊ သွေးထိုးနေတာ သတိပြုဖို့လိုပါ တယ်။ ‘ပြိုင်တူတွန်းလျှင် ရွေ့နိုင် ပါသည်’ဆိုပေမယ့် ရွေ့အောင် မတွန်းနိုင်ရင် ကျွန်တော်တို့အ လုပ်လုပ်နေတာတွေဟာ အလုပ် ပြီးမြောက်မှုရလဒ်နဲ့ တိုင်းတာပါ က ‘သုည’ပဲ ဖြစ်ပါလိမ့်မယ်’’ဟု ၎င်းက ပြောသည်။

နိုင်ငံ၏ တိုးတက်မှုလမ်း ကြောင်းကို အဟန့်အတားဖြစ်စေ သည့် ပြည်တွင်းလက်နက်ကိုင် ပဋိပက္ခကို အချိန်မဆိုင်းဘဲ ဖယ် ရှားပစ်ရန် တပ်ချုပ်က တိုက်တွန်း သည်။

‘‘ကျွန်တော်တို့ရဲ့ အိမ်နီး ချင်းမိတ်ဆွေနိုင်ငံများကိုလည်း ကျွန်တော်တို့နိုင်ငံကိုဒီမိုကရေစီ နဲ့ ဖက်ဒရယ်စနစ်ကိုအခြေခံတဲ့ ပြည်ထောင်စုအဖြစ် တည် ဆောက်ရာမှာ ထာဝရငြိမ်းချမ်း တည်ငြိမ်တဲ့နယ်စပ်ဒေသများဖြစ် စေရေးအတွက် အလေးထား ညှိနှိုင်းဆောင်ရွက်သွားမှာ ဖြစ် ကြောင်း ပြောကြားလိုပါတယ်’’ ဟု ၎င်းကဆိုသည်။

တပ်မတော်ကာကွယ်ရေး ဦးစီးချုပ်၏ မိန့်ခွန်းအပေါ် KIO/KIA ကိုယ်စားလှယ်ဗိုလ်ချုပ်ဂွန် မော်က ‘‘တပ်ချုပ်ပြောတဲ့မိန့်ခွန်း အပေါ်မှာ ကျွန်တော်တို့နားလည် တာက ငြိမ်းချမ်းရေးကို အချိန် မဆွဲဘဲနဲ့ လုပ်ဖို့လို့ နားလည်ပါ တယ်။ ဒါကတော့ အားလုံးမှာ တာဝန်ရှိပါတယ်’’ ဟု မှတ်ချက်ပြု သည်။

ငြိမ်းချမ်းရေးလုပ်ငန်းစဉ်ကို အချိန်မဆွဲရန် ပြောဆိုချက်နှင့် ပတ်သက်ပြီး အစိုးရ၊ တပ်မတော် နှင့် တိုင်းရင်းသားလက်နက်ကိုင် အဖွဲ့အားလုံးတွင် တာဝန်ရှိသည် ဟု ဗိုလ်ချုပ်ဂွန်မော်က ပြော သည်။

ထို့အပြင် လက်နက်ကိုင်အ ဖွဲ့များသည် နိုင်ငံရေး၊ အယူဝါဒ ရေး၊ လူမျိုးရေးနှင့် ဘာသာရေးတို့ ကို အခြေခံပြီးပေါ်ပေါက်လာရ ခြင်းဖြစ်၍ တပ်မတော်ကြောင့် ပြည်တွင်းလက်နက်ကိုင်အဖွဲ့အ စည်းများ ပေါ်ပေါက်လာရသ ယောင်၊ ပြည်တွင်းလက်နက်ကိုင် ပဋိပက္ခဖြစ်ရသယောင် ပြောဆို နေခြင်းများသည် ငြိမ်းချမ်းရေး လုပ်ငန်းစဉ်များအတွက် အန္တ ရာယ်များသည့် လုပ်ဆောင်ချက် ဖြစ်သည်ဟု တပ်ချုပ်က မိန့်ခွန်း တွင် ထည့်သွင်းပြောကြားသည်။

‘‘တပ်မတော်ရဲ့ ဆောင်ရွက် ချက်များဟာ အစိုးရရဲ့ အုပ်ချုပ် ရေးယန္တရားကို အကာအကွယ် ပေးခြင်းနဲ့ ပြည်သူလူထုရဲ့အ သက်၊ အိုးအိမ်၊ စည်းစိမ်နဲ့အကျိုး စီးပွားကို အကာအကွယ်ပေးခြင်း သာဖြစ်ပါတယ်’’ ဟု ၎င်းကဆို သည်။

ပြည်တွင်းလက်နက်ကိုင် ပဋိပက္ခများ ချုပ်ငြိမ်းစေရန်နှင့် ပြည်တွင်းငြိမ်းချမ်းရေး တည် ဆောက်နိုင်ရန် အစိုးရအဆက် ဆက်က ကြိုးပမ်းရာတွင် အောင် မြင်မှု၊ မအောင်မြင်မှုအပိုင်းများ ရှိခဲ့သည်ဟုလည်း တပ်ချုပ်က ပြောကြားပြီး တပ်မတော်အနေ ဖြင့် အစိုးရအဆက်ဆက်၏ ပြည် တွင်းငြိမ်းချမ်းရေးကြိုးပမ်းမှုတိုင်း တွင် ပူးပေါင်းပါဝင်ခဲ့ကြောင်း ဗိုလ်ချုပ်မှူးကြီး မင်းအောင်လှိုင် က ပြောသည်။

တပ်မတော်ကာကွယ်ရေးဦး စီးချုပ်၏ ယင်းသို့ပြောဆိုချက်များ နှင့်ပတ်သက်ပြီး KIO/KIA ကိုယ် စားလှယ်ဗိုလ်ချုပ်ဂွန်မော်က ‘‘ဒီ ကိစ္စကို ကျွန်တော်တို့မဝေဖန်လို ပါဘူး။ ဘာလို့လဲဆိုတော့ တပ်မ တော်ကနေ ဘယ်လိုခံယူသလဲဆို တဲ့အပိုင်းကို သူ လူထုကိုအသိပေး တယ်လို့ပဲ မြင်ပါတယ်’’ ဟု ပြော ကြားသည်။

တိုင်းရင်းသားညီညွတ်ရေးကို စစ် ရေးဖိအားပေး၍ တည်ဆောက်၍ မရကြောင်း KNU ဥက္ကဋ္ဌပြော

NCA စာချုပ်၏ အန္တိမရည် မှန်းချက်သည် ရေရှည်တည်တံ့ ခိုင်မြဲသည့် ငြိမ်းချမ်းရေးရရန်ဖြစ် သည်ဟု KNU ဥက္ကဋ္ဌဗိုလ်ချုပ်ကြီး စောမူတူးစေးဖိုးက ပြောကြား သည်။

ထိုသို့ရေရှည်ငြိမ်းချမ်းရေးရ ရှိရန် မြန်မာနိုင်ငံတွင်သမိုင်းရှည် ကြာစွာဖြစ်ပွားခဲ့သည့် လက်နက် ကိုင်ပဋိပက္ခများ အဆုံးသတ်နိုင် ရေး၊ ပင်လုံစိတ်ဓာတ်နှင့်အညီ ဒီ မိုကရေစီရေး၊ အမျိုးသားတန်းတူ ရေးနှင့် ကိုယ်ပိုင်ပြဋ္ဌာန်းခွင့်အခွင့် အရေးများအာမခံချက်အပြည့်အ ၀ရှိသော ဒီမိုကရေစီနှင့်ဖက်ဒရယ် စနစ်တို့ကို အခြေခံသည့် ပြည် ထောင်စုကို နိုင်ငံရေးဆွေးနွေးပွဲ ရလဒ်နှင့်အညီ တည်ဆောက်ရန် ဟူ၍ NCA တွင် ဖော်ပြသဘော တူညီထားကြောင်း ၎င်းက ဆို သည်။

ထိုသို့နိုင်ငံရေးဆွေးနွေးပွဲ ရလဒ်နှင့်အညီ တည်ဆောက်ရာ တွင် မြန်မာနိုင်ငံတော်အားပြည် ထောင်စုမပြိုကွဲရေး၊ တိုင်းရင်း သားစည်းလုံးညီညွတ်မှု မပြိုကွဲ ရေးနှင့် အချုပ်အခြာအာဏာ တည်တံ့ခိုင်မြဲရေးတို့ကို ရှေးရှုရ မည်ဟုလည်း NCA တွင် ဖော်ပြ ထားသည်။

တိုင်းရင်းသားစည်းလုံးညီ ညွတ်ရေးသည်သာ ပြည်ထောင် စု မပြိုကွဲရေး၊ အချုပ်အခြာအာ ဏာတည်တံ့ခိုင်မြဲရေးတို့ကို ထိန်း သိမ်းကာကွယ်နိုင်မည်ဟုလည်း KNU ဥက္ကဋ္ဌက ပြောသည်။

‘‘တိုင်းရင်းသားစည်းလုံးညီ ညွတ်ရေးကို စစ်ရေးအရ ဖိအား ပေးခြင်းနဲ့ အတင်းအကျပ်တည် ဆောက်လို့ မရပါ။ တိုင်းရင်းသား စည်းလုံးညီညွတ်ရေးကို တိုင်းရင်း သားလူမျိုးများအကြား လွတ်လပ် မှု၊ တန်းတူညီမျှမှု၊ တရားမျှတမှု အခြေခံတရားများဖြင့်သာ တည် ဆောက်နိုင်မည်ဖြစ်သည်။ ယုံ ကြည်မှု၊ စာနာမှုများဖြင့် တည် ဆောက်ရမည်ဖြစ်သည်။ လက် တွေ့လုပ်ငန်းဖြင့်သာ တည် ဆောက်ရမည်ဖြစ်သည်’’ ဟု ၎င်း က ဆိုသည်။

နိုင်ငံရေးဆွေးနွေးပွဲ၏ အ မြင့်ဆုံးအဆင့်သည် ပြည်ထောင် စုငြိမ်းချမ်းရေးညီလာခံ-၂၁ ရာစု ပင်လုံဖြစ်သော်လည်း အမျိုးသား အဆင့်နိုင်ငံရေးဆွေးနွေးပွဲကို နိုင် ငံရေးဆွေးနွေးမှုဆိုင်ရာ မူဘောင် ပြဋ္ဌာန်းချက်နှင့်အညီ မကျင်းပနိုင် ခြင်း၊ ဆွေးနွေးရမည့် အကြောင်း အရာများအပေါ် အမြင်မတူခြင်း ကြောင့် ခြောက်လတစ်ကြိမ် ကျင်းပရန် သတ်မှတ်ထားသည့် အတိုင်း မကျင်းပနိုင်ခဲ့ကြောင်း KNU ဥက္ကဋ္ဌက ပြောသည်။

ယခုကျင်းပနေသည့် ၂၁ ရာ စုပင်လုံတွင် ငြိမ်းချမ်းရေး အတွက် ဆွေးနွေးညှိနှိုင်းအဖြေရှာ ကြရမည်ဖြစ်၍ ဆွေးနွေးဆုံးဖြတ် မှုများသည် အရေးကြီးသည်ဟု ၎င်းက ဆိုသည်။

‘‘ငြိမ်းချမ်းရေးတည်ဆောက် မှုဟာ ချောတိုင်တက်သလိုဖြစ်ပါ တယ်။ အခုရရှိနေတဲ့အဆင့်ကနေ ကျဆင်းမသွားဖို့လိုပါတယ်။ အခု ရရှိနေတဲ့အဆင့်ကနေ ဆက်ပြီး တော့ ငြိမ်းချမ်းရေးပန်းတိုင်ကို အားလုံးညီညီညွတ်ညွတ်နဲ့ ပုံဖော် ရမှာဖြစ်ပါတယ်’’ ဟု ဗိုလ်ချုပ်ကြီး စောမူတူးစေးဖိုးက ပြောကြားသည်။

လက်ရှိ ရရှိနေသော ငြိမ်း ချမ်းရေးလုပ်ငန်းစဉ်အဆင့်ကို အောက်သို့ ဆွဲမချရန်လိုအပ်သည် ဟုလည်း KNU ဥက္ကဋ္ဌက ပြော သည်။

လက်ရှိအစိုးရလက်ထက် တွင် သုံးကြိမ်မြောက်ပြုလုပ်သည့် ၂၁ ရာစုပင်လုံသို့အစိုးရ၊ လွှတ် တော်၊ တပ်မတော်၊ နိုင်ငံရေးပါ တီနှင့် NCA လက်မှတ်ထိုးတိုင်း ရင်းသားလက်နက်ကိုင် ၁၀ ဖွဲ့မှ ညီလာခံကိုယ်စားလှယ်များတက် ရောက်ကာ နိုင်ငံရေးဆွေးနွေးပွဲ သဘောတူညီချက်များ ရရှိရေး ဆွေးနွေးမည်ဖြစ်သည်။