တပ်မတော်ခေါင်းဆောင်များနှင့် မြောက်ပိုင်းလက်နက်ကိုင်ခုနစ်ဖွဲ့ တွေ့ဆုံဆွေးနွေး NCA လက်မှတ်ထိုးနိုင်ရေး ဆွေးနွေးမှုပါဝင်ကြောင်း တပ်မတော်ထုတ်ပြန် 

ဓာတ်ပုံ−Senior General Min Aung Hlaing'FB

တပ်မတော်ကာ ကွယ်ရေးဦးစီးချုပ်ဗိုလ်ချုပ်မှူး ကြီးမင်းအောင်လှိုင်နှင့် ဒုတိယ တပ်မတော်ကာကွယ်ရေးဦးစီး ချုပ် ဒုတိယဗိုလ်ချုပ်မှူးကြီးစိုးဝင်း သည်  မြောက်ပိုင်းလက်နက်ကိုင် ခုနစ်ဖွဲ့ကို နှစ်စုခွဲ၍ သီးခြားစီ လက်ခံတွေ့ဆုံသည်။

‘၀’အဖွဲ့ (UWSA)၊ ကချင် အဖွဲ့ (KIA)၊ မိုင်းလားအဖွဲ့(NDAA)၊ ရှမ်းအဖွဲ့ (SSPP)၊ တအာင်းအ ဖွဲ့ (TNLA)၊ ကိုးကန့်အဖွဲ့(MNDAA)နှင့် ရခိုင်အဖွဲ့ (AA)မြောက် ပိုင်းလက်နက်ကိုင်ခုနစ်ဖွဲ့သည် ပြည်ထောင်စုနိုင်ငံရေးဆွေးနွေး ညှိနှိုင်းရေးကော်မတီ (FPNCC)ဟူ၍ စုဖွဲ့ထားရာ ယင်းစုဖွဲ့မှုကို အစိုးရနှင့်တပ်မတော်က အသိအ မှတ်မပြုသေးပေ။

သို့ရာတွင် တရုတ်နိုင်ငံ၏ ကြားဝင်ညှိနှိုင်းမှုဖြင့် ဇူလိုင် ၁၁ ရက်ကနေပြည်တော်၌ စတင် ကျင်းပသည့် ၂၁ ရာစုပင်လုံသို့ တက်ရောက်ခဲ့သည်။ ဗိုလ်ချုပ်မှူး ကြီးမင်းအောင်လှိုင်သည် ပြည် ထောင်စုငြိမ်းချမ်းရေးညီလာခံ ၂၁ ရာစုပင်လုံတတိယအစည်းအ ဝေးသို့ တက်ရောက်လာသည့် UWSA, KIA,NDAA နှင့် SSPP (SSA ၀မ်ဟိုင်း)တို့မှ ကိုယ်စား လှယ်များအား ဇူလိုင် ၁၁ ရက် မွန်းလွဲတွင် လက်ခံတွေ့ဆုံခဲ့ ကြောင်း တပ်မတော်ကာကွယ် ရေးဦးစီးချုပ်ရုံးက သတင်းထုတ် ပြန်သည်။

ထိုသို့တွေ့ဆုံရာတွင် တပ် မတော်ကာကွယ်ရေးဦးစီးချုပ်က ပြည်သူများကရွေးချယ်သည့် ပါ တီစုံဒီမိုကရေစီစနစ်ကို လျှောက် လှမ်းနေပြီး မည်သူမဆိုဒီမိုကရေ စီကျင့်စဉ်များနှင့်အညီ လုပ် ဆောင်ရန်လိုအပ်ကြောင်း၊ ထိုသို့ ဆောင်ရွက်နေချိန်တွင် အားလုံး ကလည်း စိတ်တူကိုယ်တူဖြင့် လိုက်ပါလုပ်ဆောင်ရန် လိုအပ် ကြောင်း၊ ဒီမိုကရေစီနှင့်ဖက်ဒ ရယ်စနစ်တို့ကို အခြေခံသော ပြည်ထောင်စုကို တည်ဆောက် ရာတွင် အေးအတူပူအမျှအတူတ ကွလက်တွဲဆောင်ရွက်ရမည်ဖြစ် ကြောင်း ပြောကြားခဲ့သည်ဟု ထုတ်ပြန်ချက်တွင်ပါရှိသည်။ ထို့ အပြင် တစ်နိုင်ငံလုံးပစ်ခတ်တိုက် ခိုက်မှုရပ်စဲရေးဆိုင်ရာသဘောတူ စာချုပ်(NCA)လက်မှတ်ရေးထိုး နိုင်ရေးဆိုင်ရာကိစ္စရပ်များ၊ တွေ့ ဆုံဆွေးနွေးညှိနှိုင်းမှုမှသည် ငြိမ်း ချမ်းရေးလုပ်ငန်းစဉ်များ တိုး တက်လာစေရေးဆိုင်ရာ ကိစ္စရပ် များအား ရင်းနှီးစွာဆွေးနွေးခဲ့ သည်ဟုလည်း ဖော်ပြသည်။

တပ်မတော်ကာကွယ်ရေး ဦးစီးချုပ်သည် NCA မထိုးရသေး သည့်အဖွဲ့များပါဝင်လက်မှတ် ထိုးရန် ၂၁ ရာစုပင်လုံတတိယအ စည်းအဝေးဖွင့်ပွဲတွင် အဓိကထား ပြောကြားခဲ့သည်။ တပ်မတော် ကာကွယ်ရေးဦးစီးချုပ်၏ ပြော ကြားမှုနှင့်ပတ်သက်၍ KIO/KIA ကိုယ်စားလှယ်ဗိုလ်ချုပ်ဂွန်မော် က ‘‘အမြန်ထိုးပါလို့ ပြောတဲ့အခါ မှာ ဘယ်လိုထိုးကြမလဲဆိုတဲ့အ ပိုင်းညှိနှိုင်းဖို့လိုပါတယ်။ ကျွန် တော်တို့ဘက်ကလည်း စဉ်းစား မှာပါ’’ ဟု ပြောကြားသည်။ UWSA,KIA,NDAA နှင့် SSPP သည်အစိုးရနှင့်နှစ်ဦးနှစ်ဖက် သ ဘောတူစာချုပ်များ ချုပ်ဆိုထား သည်။

အဆိုပါတွေ့ဆုံမှုအပြီးတွင် ဒုတိယတပ်မတော်ကာကွယ်ရေး ဦးစီးချုပ်သည် မြောက်ပိုင်းခုနစ် ဖွဲ့တွင် ပါဝင်သည့် TNLA,MNDAA နှင့် AA တို့မှကိုယ်စားလှယ် များကို လက်ခံတွေ့ဆုံသည်။ အဆိုပါတွေ့ဆုံမှုတွင် NCA ဆိုင် ရာကိစ္စရပ်များ၊ ယုံကြည်မှုတည် ဆောက်ရေးဆိုင်ရာကိစ္စရပ်များ၊ ငြိမ်းချမ်းရေးတည်ဆောက်မှုဆိုင် ရာကိစ္စရပ်များနှင့်ပတ်သက်ပြီး အပြန်အလှန်ဆွေးနွေးခဲ့ကြောင်း တပ်မတော်ကာကွယ်ရေးဦးစီး ချုပ်ရုံးက သတင်းထုတ်ပြန်သည်။

TNLA, MNDAA နှင့် AA အ ဖွဲ့များ NCA တွင်ပါဝင်လက်မှတ် ထိုးခွင့်ကို တပ်မတော်ကငြင်းပယ် ထားသည်။ ယခုတွေ့ဆုံမှုနှင့်ပတ် သက်ပြီး သတင်းထုတ်ပြန်ချက် တွင်လည်း NCA ဆိုင်ရာဆွေးနွေး မှုသာပါရှိပြီး NCA ထိုးနိုင်ရေး ဆွေးနွေးခြင်းရှိ၊ မရှိဖော်ပြမထား ပေ။

တပ်မတော်ခေါင်းဆောင် များနှင့် မြောက်ပိုင်းအဖွဲ့များ၏ ဆွေးနွေးမှုနှင့် ပတ်သက်ပြီး မြောက်ပိုင်းအဖွဲ့တာဝန်ရှိသူအ ချို့အား မေးမြန်းရာလတ်တလော ဖြေကြားနိုင်ခြင်းမရှိသေးဟု ဖြေ ကြားသည်။