ကျောက်စာတိုင်များက ပြောသော အသောကမင်းတရားကြီးအကြောင်း အောင်မြင့်စိန် (ထားဝယ်)

ရာဇ၀င်တွင် ဗုဒ္ဓသာသနာပြုမင်းဟု ထင်ရှား သော အသောကမင်းတရားကြီး၏ အကြောင်းဖြစ် သည်။ အိန္ဒိယပြည်ကြီး၏ ဧကရာဇ်ဘုရင်အသောက မင်းကြီးသည် ဘီစီ ၂၆၉ တွင် နန်းတက်လာပြီး စစ်ပွဲ များစွာကို အောင်မြင်စွာတိုက်ခိုက်ကာ အင်ပါယာ ကြီး တည်ထောင်ခဲ့သည်။ ကနဦးတွင် စစ်ဘုရင်တစ် ပါးဖြစ်သော်လည်း နောက်ပိုင်း၌ ကလိင်္ဂတိုင်းကို စစ်ပွဲဆင်နွှဲရာတွင် လူတစ်သိန်းကျော် သေဆုံးပြီး ကြောက်မက်ဖွယ် သွေးထွက်သံယိုမြင်ကွင်းများတွေ့ ပြီးနောက် သတိသံဝေဂရကာ ကောင်းမှုကုသိုလ်များ ပြုလုပ်ခြင်းဖြင့် ရာဇ၀င်၌ ကမ္ပည်းရေးထိုးနိုင်ခဲ့သည်။


ယခုစာအုပ်သည် ထိုအသောကမင်းတရားကြီး ၏ အကြောင်းကို ၎င်းရေးထိုးခဲ့သော ကျောက်စာတိုင် များအား အထောက်အထားပြုမှီငြမ်းကာ ရေးသား သော အတ္ထုပ္ပတ္တိဖြစ်သည်။ မူရင်းစာရေးဆရာ Vincent.A.Smith သည် ယခုစာအုပ်ကိုရေးရာ၌ အထက်ဖော်ပြပါ ကျောက်စာများကို အသေးစိတ် အားပြုထားရုံမက ၎င်း၏ ဆက်စပ်တွေးတောချက်များကို လည်း အလျဉ်းသင့်သလို ထည့်သွင်းရေးသားထားရာ အသောကနှင့်ပတ်သက်၍ အမြင်သစ်ပေးနိုင် သော စာအုပ်လည်းဖြစ်ပေသည်။ စာအုပ်တွင် အသောကမတိုင်မီက မောရိယအင်ပါယာ၊ နန်းတက်စနှစ်၊ ဗုဒ္ဓဘာသာဝင်ဖြစ်လာပုံ၊ အခြားအယူဝါဒများအပေါ် သည်းခံခွင့်ပြုခြင်း၊ အသောက၏ ပိုင်နက်များ၊ ကျောက်စာတိုင်များ၊ သီဟိုဠ်ရာဇ၀င်လာတတိယသင်္ဂါယနာတင်ပွဲ၊ အသောကမင်းတရားကြီး၏ နောက်ဆုံးနေ့များ စသည်ဖြင့် အခန်းများခွဲကာ ရေးထားသည်။

အသောကကျောက်စာတိုင်ပါ စာတစ်ခုနှင့်ပတ် သက်၍ ‘ဘီစီ ၂၄၃ တွင် ထုတ်ပြန်သော ဥပဒေစည်း ကမ်းအရ တိရစ္ဆာန်များအားသတ်ဖြတ်ခြင်းနှင့် ညှဉ်း ပန်းနှိပ်စက်ခြင်းတို့ကို အင်ပါယာတစ်ခုလုံးတွင်မလုပ် ဆောင်ကြရန် တားမြစ်ခဲ့သည်။ လုံးဝသတ်ဖြတ်ခြင်း မပြုလုပ်ရန် တားမြစ်ထားသော သတ္တ၀ါများ၏ စာ ရင်းဇယားအရှည်ကြီးကို ထုတ်ပြန်ထားပြီး သတ်ဖြတ် ရန် ခွင့်ပြုထားသော သတ္တ၀ါများကိုလည်း အကန့်အ သတ်ဖြင့် ပြုလုပ်ထားကာ တိရစ္ဆာန်များအား ညှဉ်း ပန်းရာရောက်သော အပြုအမူအားလုံးကို ကန့်သတ် ခြင်းသော်လည်းကောင်း၊ တားမြစ်ခြင်းသော်လည်း ကောင်း ပြုလုပ်ခဲ့သည်။ ကျွဲ၊ နွား၊ မြင်း၊ ဆိတ်၊ ၀က် စသော သတ္တ၀ါများအား သင်းကွပ်ခြင်းကို မကောင်း သောအလုပ်ဟု ယူဆသော်လည်း ယင်းလုပ်ဆောင် မှုမျိုးကို တစ်နှစ်လျှင် ရက်ပေါင်း ၉၀ ခန့်မျှရှိသော အခါကြီး၊ ရက်ကြီးများတွင် မလုပ်ဆောင်စေရန် သတ်မှတ်ပါသည်။ ထို့အတူ ကျွဲ၊ နွား၊ မြင်းတို့အား သံပူကပ်၍ တံဆိပ်ရိုက်ခြင်းအလုပ်ကိုလည်း ၎င်းအ ထက်ဖော်ပြပါအတိုင်းကန့်သတ်ပါသည်။ တံငါသည် များအားလည်း တစ်နှစ်လျှင် ၅၆ ရက်မျှ ငါးများအား ဖမ်းဆီးခြင်းနှင့် ရောင်းဝယ်ခြင်းမလုပ်ရန် တားမြစ် ထားပါသည်။ ရွှင်မြူးစရာပွဲလမ်းများတွင်လည်း တိရစ္ဆာန်များအား ထိခိုက်အနာတရ ဖြစ်စေသည့် ကိစ္စများကို ရှောင်ကြဉ်ကြရန် ဖော်ပြထားပါသည်’ ဟူ၍ ဖတ်ရပါမည်။ ယခုစာအုပ်နှင့်ပတ်သက်၍ ဘာ သာပြန်ဆိုသူ အောင်မြင့်စိန်(ထားဝယ်)က......

‘ယခု ကျွန်တော်ဘာသာပြန်ဆိုရေးသားသော စာအုပ်ငယ်မှာ သမိုင်းကို အဓိကထား၍ ရေးသား သောစာအုပ်သာဖြစ်ပါသည်။ သို့သော် သီဟိုဠ်ရာဇ ၀င်နှင့်အိန္ဒိယရာဇ၀င်တို့တွင်ပါရှိသော အသောက၏ ရာဇ၀င်ဇာတ်လမ်းများကို မချန်လှပ်ထားပါ။ စာဖတ် သူများ တစ်နည်းတစ်ဖုံ ဗဟုသုတရစေရန် မူရင်းစာ အုပ်တွင် ရေးသားထားသည့်အတိုင်း တိကျစွာ ဘာ သာပြန်ပေးထားပါသည်။ မူရင်းစာရေးဆရာ၏ အိန္ဒိ ယမှ အမည်များ (ပါဠိအမည်များ)မှာ အင်္ဂလိပ်အသံ ထွက်နှင့် အီတလီအသံထွက်များဖြစ်နေပါသဖြင့် မြန် မာ ပါဠိအမည်များသို့ ပြောင်းလဲရာတွင် ကျွန်တော့် တွင် ပါဠိဘာသာမကျွမ်းကျင်သဖြင့် အခက်အခဲများ စွာကြုံခဲ့ရပါသည်။ ကျွန်တော်၏အဓိကရည်မှန်းချက် မှာ အသောကမင်းတရားကြီး၏ ဗုဒ္ဓသာသနာတော် ဖြန့်ဖြူးရာတွင် မည်မျှ လုံ့လ၀ီရိယ စိုက်ထုတ်ခဲ့ရ ကြောင်းနှင့် သူ၏ သာသနာအပေါ်ထားရှိသော စိတ် ဓာတ်မှာ ကျွန်တော်တို့ နှောင်းခေတ် ဗုဒ္ဓဘာသာဝင် များအတွက် အလွန်ကျေးဇူးကြီးမားကြောင်း သိစေ လိုသော ဆန္ဒပင်ဖြစ်သည်’ဟု အမှာတွင် ရေးထား သည်။ ယခုစာအုပ်ကို မိတ်ဆွေများစာပေက တန်ဖိုး ၂,၅၀၀ ကျပ်ဖြင့် ဖြန့်ချိပြီး ဖုန်း ၀၉-၂၅၄၀၁၀၂၄၅ သို့ ဆက်သွယ်မှာယူနိုင်ပါသည်။