မိတ္ထီလာမြို့တွင် ပထမဆုံးအကြိမ် အိုင်တီနှင့် နည်းပညာဆိုင်ရာ ဆွေးနွေးပွဲကျင်းပမည်

ရန်ကုန်ကွန်ပျုတာ တက္ကသိုလ်တွင် ပြုလုပ်သည့် IT Camp ဆွေးနွေးပွဲတစ်ခု (ဓာတ်ပုံ - UCSY IT-Camp)

မိတ္ထီလာမြို့တွင် ပထမဆုံးအကြိမ် အိုင်တီနှင့် နည်းပညာဆိုင်ရာ ဆွေးနွေးပွဲ အိုင်တီကမ့်ကို ယခုနှစ် ဩဂုတ်အတွင်း ကျင်းပမည်ဖြစ် ကြောင်း မန္တလေးတိုင်း ကွန်ပျူတာပညာရှင်အသင်းဥက္ကဋ္ဌ ဦးဥက္ကာ ကျော်က ပြောသည်။

‘‘အိုင်တီကမ့်ကို မိတ္ထီလာ ကွန်ပျူတာတက္ကသိုလ်မှာပဲ လုပ် မှာပါ။ ဆောင်ရွက်သွားမယ့် အ သေးစိတ်ကိုတော့ ကျောင်းအုပ် ဆရာမကြီးနဲ့ ဆွေးနွေးနေပါတယ်။ နည်းပညာနဲ့ ပတ်သက်တဲ့ အ ကြောင်းအရာပေါင်းစုံကို ကျောင်း သားတွေ လေ့လာနိုင်ဖို့ ဆွေးနွေးပွဲ ပုံစံမျိုးပြုလုပ်သွားမှာ ဖြစ်ပါတယ်’’ဟု ဦးဥက္ကာကျော်က ပြောသည်။

အိုင်တီကမ့် ဆွေးနွေးပွဲသည် နိုင်ငံတစ်ဝန်း ပြုလုပ်နေသည့် ဘားကမ့်နည်းပညာဆွေးနွေးပွဲကဲ့သို့ ကဏ္ဍပေါင်းစုံမှ အကြောင်းအရာ ပေါင်းစုံကို အများပြည်သူများ လေ့လာနိုင်ရန် ဆွေးနွေးခြင်းမျိုး မဟုတ်ဘဲ ကျောင်းသားများ လေ့လာနိုင်ရန် အိုင်တီနှင့် နည်းပညာကဏ္ဍ သီးသန့်ကို ပညာရှင်များက ဆွေးနွေးမည့် ဆွေးနွေးပွဲမျိုးဖြစ်သည်။

‘‘ပထမဆုံးအကြိမ်အနေနဲ့ အသင်းကနေ ကြီးကြပ်ပြီးတော့ ဆွေးနွေးပွဲဖြစ်မြောက်အောင် လုပ် ပေးမှာဖြစ်ပြီးတော့ နောက်နှစ်တွေမှာ ကျောင်းကနေပဲ ကိုယ်တိုင်ဆက်ပြီးဆောင်ရွက်နိုင်အောင် စီစဉ်ပေးမှာဖြစ်ပါတယ်’’ ဟု ဦးဥက္ကာကျော်က ပြောသည်။

အဆိုပါ ဆွေးနွေးပွဲကို အိုင် တီနှင့် နည်းပညာနယ်ပယ်မှ လုပ် ငန်းရှင်များ၊ ပညာရှင်များနှင့် အဖွဲ့အစည်းများကို ဖိတ်ခေါ်ကာ ကျင်းပပေးမည်ဖြစ်သည်။

အလားတူ အိုင်တီကမ့် ဆွေး နွေးပွဲကို ၂၀၁၇ က မန္တလေး ကွန်ပျူတာတက္ကသိုလ်တွင် ကျင်းပခဲ့သည်။