လာမည့် ပညာသင်နှစ်တွင် အဝေးသင်ပထမနှစ် စာမေးပွဲမေးခွန်းများကို တက္ကသိုလ်အလိုက်ထုတ်မည်

ဒီဇင်ဘာတွင် ဖွင့်လှစ်မည့် အဝေးသင်တက္ကသိုလ် ၂၀၁၈-၁၉ ပညာသင်နှစ် ပထမနှစ်အတန်းများအ တွက် စာမေးပွဲမေးခွန်းကို အဝေးသင် တက္ကသိုလ်ဌာနခွဲရှိသည့် တက္ကသိုလ်အလိုက် မေးခွန်းထုတ်ခွင့်ပြုမည်ဟု အဆင့်မြင့်ပညာဦးစီး ဌာန ညွှန်ကြားရေးမှူးချုပ် ဒေါက်တာသိန်းဝင်းကပြောသည်။ 

လက်ရှိတွင် တစ်နိုင်ငံလုံးရှိ အဝေးသင်တက္ကသိုလ်ဌာနခွဲ ဖွင့် ထားသည့် တက္ကသိုလ်တိုင်း၌ ရန်ကုန်တက္ကသိုလ်၊ ဒဂုံတက္ကသိုလ်၊ ရန်ကုန်အဝေးသင်တက္ကသိုလ်နှင့် မန္တလေးအဝေးသင်တက္ကသိုလ်တို့မှ ပါမောက္ခများထုတ်သော စာမေးပွဲ မေးခွန်းဖြင့်သာ စစ်ဆေးနေသည်။

ထိုစနစ်ကို စတင်ပြောင်းလဲ ရန် လာမည့် ပညာသင်နှစ် ပထမ နှစ်သင်တန်းများအတွက် အဝေး သင်တက္ကသိုလ် ဌာနခွဲရှိသည့် တက္ကသိုလ်တိုင်းကို တက္ကသိုလ်အ လိုက် ထုတ်သည့် မေးခွန်းဖြင့်သာ စာမေးပွဲစစ်ရန် ခွင့်ပြုခြင်းဖြစ် ကြောင်း ဆိုသည်။ 

‘‘အခုက ရန်ကုန်အဝေးသင် တက္ကသိုလ်နဲ့ မန္တလေးအဝေးသင် တက္ကသိုလ်တွေက မေးခွန်းထုတ် တာကို ဖြေရတယ်။ နောင်နှစ်မှာ အဝေးသင်ဌာနခွဲတွေက သူ့တက္က သိုလ်အလိုက် မေးခွန်းထုတ်မှာပါ။ အတန်းအားလုံးတော့မဟုတ်ဘူး။ ပထမနှစ် တစ်တန်းကိုပဲထုတ်မှာ ပါ’’ ဟု ဒေါက်တာသိန်းဝင်းကပြော သည်။ 

မြန်မာနိုင်ငံတွင် ရန်ကုန်နှင့် မန္တလေး၌ အဝေးသင်တက္ကသိုလ် နှစ်ခုရှိပြီး ထိုအဝေးသင်တက္က သိုလ်များ၏ဌာနခွဲအဖြစ် ဝိဇ္ဇာ၊ သိပ္ပံတက္ကသိုလ် ၃၆ ခု၌ ဖွင့်ထား သည်။ ကျောင်းအပ်လက်ခံခြင်း၊ စာစဉ်လက်ခံခြင်း၊စာမေးပွဲမေးခွန်းထုတ်ခြင်း၊ စာမေးပွဲကျင်းပ ခြင်း၊ အဖြေလွှာစစ်ဆေးခြင်း၊ အောင်စာရင်း ထုတ်ပြန်ခြင်းကို ရန်ကုန်အဝေးသင်တက္ကသိုလ်နှင့် မန္တလေး အဝေးသင်တက္ကသိုလ် တို့နှင့် အဝေးသင်ဌာနခွဲများက ပူးပေါင်းဆောင်ရွက်ရသည်။ 

‘‘ပထမနှစ်တွေပဲ ဒီနှစ် စ ထုတ်ရမယ်လို့တော့ ကြားတယ်။ ကျွန်မတို့ကိုတော့ ဌာနကတိုက် ရိုက်ပြောတာ မရှိသေးပါဘူး။ ထုတ်ဆိုရင်တော့  ပုံမှန် Day အ တန်းတွေအတွက်လည်း ကိုယ့် ကျောင်းနဲ့ကိုယ် ထုတ်ရတာပဲဆို တော့ သိပ်အခက်အခဲမရှိနိုင်ပါ ဘူး’’ဟု မိတ္ထီလာတက္ကသိုလ်မှ ကထိကဆရာမတစ်ဦးက ဆို သည်။ အဝေးသင်တက္ကသိုလ်များ အတန်းတင်စာမေးပွဲကို ပညာ သင်နှစ်တစ်နှစ်လျှင် တစ်ကြိမ် ကျင်းပသည်။ 

အဝေးသင်စာစဉ်များကို ပညာသင်နှစ်တစ်နှစ်လျှင် နှစ်ကြိမ်တင်သွင်းရပြီး သတ်မှတ်ရက် အတွင်း စာမေးပွဲဝင်ခွင့်လျှောက် လွှာတင်သွင်းပြီးမှသာ စာမေးပွဲ ဝင်ရောက်ဖြေဆိုခွင့်ပြုသည်။ ထို့ အပြင် သိပ္ပံဘာသာရပ်အထူးပြု သင်တန်းများတွင် သိပ္ပံလက် တွေ့သင်တန်းကို ၇၅ ရာခိုင်နှုန်း တက်ရောက်ပြီးမှသာ စာမေးပွဲ ဖြေဆိုခွင့်ရမည်ဖြစ်သည်။ 

၂၀၁၇-၁၈ ပညာသင်နှစ်၌ တစ်နိုင်ငံလုံးတွင် အဝေးသင် တက္ကသိုလ်ကျောင်းသား၊ ကျောင်းသူ ငါးသိန်းကျော်ရှိသည်။