မန္တလေးအစိုးရကို ခေါင်းစားစေသော ကျူးကျော်ပြဿနာ

ပုသိမ်ကြီးမြို့နယ် ဇီးအုပ်ကျေးရွာအုပ်စုအား အပေါ်စီးမှတွေ့ရစဉ်

အစီအရီတည်ဆောက်ထား သည့် ထရံကာတဲအိမ်ငယ်လေး များကို စည်ပင်သာယာဝန်ထမ်း များက အနီရောင်သင်္ကေတများ ဖြင့် အမှတ်အသားပြုလုပ်နေကြ သည်။ မန္တလေးမြို့၏ တောင် ဘက်စွန်းစွန်းအရပ် ပုသိမ်ကြီးမြို့ နယ်အတွင်း ပါဝင်သော ကံကြီး ကုန်းနှင့် ဇီးအုပ်ကျေးရွာအုပ်စု အနီးရှိ နေအိမ်များကို စည်ပင် ဝန်ထမ်းများက စာရင်းကောက်ယူ နေခြင်းဖြစ်သည်။

ဇီးအုပ်ကျေးရွာအနီးရှိ မြေ ဧက ၃၀၀ ခန့်ပေါ်တွင် ကျူးကျော် နေအိမ် ဆောက်လုပ်နေထိုင်သူ များရှိနေပြီး အစိုးရမြေနှင့် ပိုင်ရှင် ရှိ ဂရန်မြေမများပေါ်တွင် ကျူး ကျော်နေထိုင်သည့် နေအိမ်များကို အစိုးရက ဇွန်လကုန်ပိုင်းကစတင် ကာ စာရင်းကောက်ယူနေသည်။ အဆိုပါမြေနေရာတွင် နေအိမ် ဆောက်လုပ်နေထိုင်ခြင်း မပြုရန် အုပ်ချုပ်ရေးအဖွဲ့က ဇွန်လကုန် တွင် အမိန့်ထုတ်ပြန်ခဲ့ပြီးနောက် စာရင်း ကောက်ယူနေခြင်းဖြစ် သည်။

ဇီးအုပ်ကျေးရွာအနီးရှိ အဆို ပါမြေဧက ၃၀၀ ခန့်တွင် အစိုးရ ပိုင်မြေဧက ၇၀ ခန့်ပါဝင်ပြီး ကျန် မြေများသည် ပိုင်ရှင်ရှိ ဂရန်မြေ များ ဖြစ်ကြောင်း မန္တလေးမြို့တော် စည်ပင်သာယာရေးကော်မတီမှ တာဝန်ရှိသူတစ်ဦးက ပြောသည်။

အဆိုပါ မြေနေရာတွင် နေ အိမ်ဆောက်လုပ်နေထိုင်သူများ ကို အစိုးရက ကျူးကျော်များ အဖြစ် သတ်မှတ်ခဲ့သော်လည်း ခေတ်အဆက်ဆက် ဖယ်ရှားရှင်း လင်းရန် မလွယ်ကူခဲ့သည့်နေရာ တစ်ခုလည်းဖြစ်သည်။ လက်ရှိ တွင် အဆိုပါကျူးကျော်တဲများ အတွင်း မူးယစ်ဆေးဝါး ရောင်း ဝယ်သုံးစွဲနေသည်ဟူသော သ တင်းများ ကျယ်ကျယ်ပြန့်ပြန့် ထွက်ပေါ်နေခဲ့ရာ အစိုးရက ကျူး ကျော်နေထိုင်သူများကို စိစစ်ကြပ် မတ်ရန် စီစဉ်နေသည်။

ဇီးအုပ်ကျေးရွာအနီးရှိ ကျူး ကျော်နေထိုင်သူများရှိနေသည့် မြေကွက်များသည် မူလက ဒေသ ခံ တောင်သူလယ်သမားများ ပိုင် ဆိုင်သည့် စိုက်ပျိုးမြေများဖြစ် သည်။ မန္တလေးမြို့ မြို့ကွက်သစ် ဖော်ထုတ်ရေးအဖွဲ့သည် ၁၉၉၈ တွင် ဇီးအုပ်ကွင်းအမှတ် (၅၃၅) ရှိ ဧက ၇၀၀ ခန့်ကို သိမ်းယူကာ မြေယာအခြားနည်းအသုံးပြုခွင့် လန ၃၉ ထုတ်ပေးခဲ့ကြောင်း မန်း စည်ပင် တာဝန်ရှိသူတစ်ဦးက ဆက်ပြောသည်။

မြေသိမ်းယူစဉ် မြေ ၃ ဧက အောက် ပိုင်ဆိုင်သည့် တောင်သူ တစ်ဦးလျှင် ပေ ၄၀ နှင့် ပေ ၆၀ မြေကွက်တစ်ကွက်စီ၊ မြေ ၃ ဧက အထက်ပိုင်ဆိုင်သူတစ်ဦးလျှင် ပေ ၄၀ နှင့် ပေ ၆၀ မြေကွက်နှစ် ကွက်စီ ပေးအပ်ခဲ့ကြောင်း၊ ထို့ နောက် ကျန်ရှိမြေများကို အကွက် ရိုက်၍ ဝန်ထမ်းများအား ချထား ပေးခဲ့သည်ဟု ၎င်းကဆိုသည်။ သို့ သော် မြေကွက်ရရှိသည့် ဝန်ထမ်း များက ၎င်းတို့ရရှိသည့် မြေနေရာ များအပေါ် လာရောက်နေထိုင် ခြင်းမရှိခဲ့၍ မြေကွက်လွတ်များ ဖြစ်ပေါ်ခဲ့ပြီး ယင်းမြေများပေါ်တွင် ကျူးကျော်နေထိုင်မှုများ၊ လက် ညှိုးထိုးတစ်ဆင့် ပြန်လည်ရောင်း ချခြင်းများ စတင်ဖြစ်ပေါ်ခဲ့သည် ဟုဆိုသည်။

တောင်သူများထံမှ မြေသိမ်း ယူပြီး ဝန်ထမ်းများကို နေရာချ ထားပေးခဲ့သော်လည်း လမ်းအူ ကြောင်း ဖော်ပေးမှုမရှိခြင်း၊ ကွင်း ပြင်ကျယ်ကြီးထဲ၌ မိမိမြေကွက်ကို တိတိကျကျ သိရှိမှုမရှိခြင်းတို့ ကြောင့် ဂရန်ရရှိသည့် ဝန်ထမ်း များ အနေဖြင့် မြေကွက်လက် ရောက်ရယူရန် ခက်ခဲကြောင်း ချမ်းမြသာစည်မြို့နယ်မှ အိမ်ခြံ မြေအကျိုးဆောင်တစ်ဦးက ပြော သည်။

‘‘မြေကွက်တွေကို စားပွဲပေါ် မှာပဲ အကွက်ချပြီး ပေးသွားတယ်။ ဇယားဆွဲလိုက်တော့ မြေနေရာကို သိတယ်။ ဘယ်ကနေ ဘယ် အပိုင်းကို တိုင်းရမယ်ဆိုတာ မသိ နိုင်ဘူး။ အဲဒီမှာ မြေရထားတဲ့ ရဲ ဝန်ထမ်းတစ်ဦးလည်း အခု သူ့ နေရာကို လာရှာတယ်။ အိမ်တွေ ရောက်နေတော့ ရှာလို့မရခဲ့ဘူး’’ ဟု ၎င်းကပြောသည်။

ဇီးအုပ်ကျေးရွာအနီးရှိ အဆို ပါ မြေကွက်များအပေါ် ကျူးကျော် နေထိုင်သူ လူဦးရေ တဖြည်းဖြည်း များပြားလာခဲ့သည်။ သမ္မတ ဦးသိန်းစိန်အစိုးရလက်ထက်တွင် အဆိုပါ ဇီးအုပ်ကျူးကျော်နေထိုင် သူများကို စာရင်းကောက်ယူခဲ့ပြီး ရောင်းမှားဝယ်မှားအဖြစ် သတ် မှတ်ကာ မန္တလေးမြို့ မြရည်နန္ဒာ တန်ဖိုးနည်းအိမ်ရာတွင် တိုက်ခန်း ဝယ်ယူခွင့်ပေးခဲ့သည်။

ဇီးအုပ်ကွက်သစ်တွင် နေ ထိုင်သူများအနက် ရောင်းမှားဝယ် မှားအဖြစ် သတ်မှတ်ခံရပြီး တိုက် ခန်းဝယ်ယူခွင့်ရရှိသူ ၁၂၅ ဦးရှိခဲ့ သည်။ အဆိုပါ တိုက်ခန်းဝယ်ယူ ခွင့် ရရှိသူများအနက် အများစုက တန်ဖိုးနည်းအိမ်ရာ တိုက်ခန်းတွင် ပြောင်းရွှေ့နေထိုင်ခဲ့ပြီး ငွေပေး သွင်းနေထိုင်ရန် ကျန်ရှိသူ ၂၃ ဦး ရှိသေးကြောင်း မန္တလေးမြို့တော် စည်ပင်သာယာရေးကော်မတီ မှတ်တမ်းများတွင် ဖော်ပြထား သည်။

သို့သော် ကျူးကျော်နေထိုင် သူများကို တိုက်ခန်းဝယ်ယူခွင့်ပေး ကာ ရှင်းလင်းခဲ့သော်လည်း တိုက် ခန်းမယူဘဲ မူလနေရာတွင် ပြန် လည်နေထိုင်သူများ၊ တိုက်ခန်း ဝယ်ယူပြီး မြေကွက်လွတ်ကို တစ် ဆင့်ပြန်လည် ရောင်းချခဲ့သူများ၊ တိုက်ခန်းသို့ ပြောင်းရွှေ့နေထိုင် သူများကြောင့် လွတ်ကင်းသွား သည့် မြေနေရာကို တစ်ဆင့်ခံ ပြန် လည်ရောင်းချမှုများကြောင့် အဆို ပါမြေနေရာတွင် လက်ရှိအချိန်ထိ ကျူးကျော်များ ရှိနေခြင်းဖြစ် ကြောင်း မန္တလေးမြို့တော်စည်ပင် တာဝန်ရှိသူက ဆိုသည်။ လက်ရှိ တွင် အဆိုပါမြေနေရာများအား ရပ်ကျေးအုပ်ချုပ်ရေးမှူး လက် မှတ်ထိုးဖြင့် အရောင်းအဝယ်ပြု လုပ်မှုများပင် ရှိနေပြီး ဧက ၃၀၀ ခန့် ကျယ်ဝန်းသည့် ယင်းမြေနေ ရာတွင် နေထိုင်သူများသည် အမှန်တကယ် နေထိုင်စရာမရှိ၍ ကျူးကျော်နေထိုင်သူ အနည်းငယ် သာ ပါဝင်သည်ဟု ၎င်းကဆို သည်။

‘‘ဒါတွေက တကယ်ဆိုရင် ပေးစရာမလိုတော့ဘူး။ မူလ တောင်သူတွေကိုလည်း လျော် ကြေးပေးပြီးသားပါ’’ဟု စည်ပင် သာယာ တာဝန်ရှိသူက ဆိုသည်။

အစိုးရမှ မြေသိမ်းပြီး စီမံ ကိန်းတစ်စုံတစ်ရာ ချက်ချင်း အကောင်အထည် မဖော်နိုင်မှု အပေါ် အခွင့်ကောင်းယူကာ ကျူး ကျော်နေထိုင်ခြင်းနှင့် ပြန်လည် အကွက်ရိုက် ရောင်းချခြင်းများ လုပ်ဆောင်နေခြင်း ဖြစ်နိုင် ကြောင်း ချမ်းမြသာစည်မြို့နယ် မဲဆန္ဒနယ်အမှတ် (၂)မှ တိုင်း လွှတ်တော်ကိုယ်စားလှယ် ဦးမြင့် အောင်မိုးက သုံးသပ်သည်။

မန္တလေးမြို့တွင် အိမ်ခြံမြေ ဈေးနှုန်း ကြီးမြင့်ပြီး မြို့ပေါ်ရပ် ကွက်များတွင် မြေကွက်ဝယ်ယူ နေထိုင်နိုင်ခြင်း မရှိသူများက ဈေး သက်သာသည့် အဆိုပါကျူးကျော် မြေကွက်များကို ဝယ်ယူနေထိုင် ခြင်းဖြစ်နိုင်သည်ဟု ၎င်းကဆို သည်။ ထို့အပြင် အချို့သည် ကိုယ်ပိုင်မြေရှိသော်လည်း အခွင့် အရေး ယူ လုပ်စားနေသူများလည်း ရှိနေနိုင်ကြောင်း ၎င်းကပြော သည်။

‘‘ဒီကျူးက အရမ်းအန္တရာယ် များတယ်။ ကျူးတဲ့ ၁၀၀ ရာခိုင် နှုန်းမှာ တကယ်မရှိလို့ ကျူးတာ ၃ ရာခိုင်နှုန်းလောက်ပဲရှိတယ်’’ဟု ဦးမြင့်အောင်မိုးက ဆက်ပြော သည်။

ဇီးအုပ်ကျေးရွာအုပ်စုအနီးရှိ မြေကွက်တွင် လွန်ခဲ့သည့် ရှစ်နှစ် ခန့်က ပေ ၂၀ ပတ်လည် မြေ ကွက်ကို ကျပ် နှစ်သိန်းခန့်သာ ပေါက်ဈေးရှိခဲ့ပြီး ယခုနှစ်တွင် ပေ ၂၀ နှင့် ပေ ၃၀ ပတ်လည် မြေ တစ်ကွက်လျှင် ကျပ်သိန်းသုံး ဆယ်ကျော်အထိ ပေါက်ဈေးရှိနေ ကြောင်း အဆိုပါကျေးရွာများတွင် မြေအရောင်းအဝယ် လုပ်ကိုင်နေ သူများက ပြောသည်။

ယင်းမြေကွက်များကို တရား ဝင် အိမ်ခြံမြေအကျိုးဆောင် လုပ် ကိုင်နေသူများက အရောင်းအဝယ် ပြုလုပ်ပေးခြင်းမရှိဘဲ ကြိုက် ရောင်း ကြိုက်ဝယ်ဖြင့်သာ အရောင်းအဝယ် ပြုလုပ်နေ ကြောင်း အိမ်ခြံမြေအကျိုးဆောင် များက ပြောသည်။ မြေအရောင်း အဝယ်ပြုလုပ်ရာတွင်လည်း သက် ဆိုင်ရာ အစိုးရအဖွဲ့၏ ထောက်ခံ ချက် တစ်စုံတစ်ရာ မပါရှိဘဲ ရိုးရိုး အရောင်းအဝယ် စာချုပ်ဖြင့်သာ ပြုလုပ်နေကြသည်ဟုဆိုသည်။

‘‘တကယ် နေစရာမရှိလို့ နှစ်လုံးပေါက်တဲ့ ပိုက်ဆံလေးနဲ့ ဝယ်ထားတာ။ ကြာပြီ။ တိုက် ခန်းပေးတော့လည်း ပိုက်ဆံမှ မသွင်းနိုင်တာ ပြန်ရောင်းလိုက် တယ်။ အခုတော့ ဒီနေရာလေး မှာပဲ နေနေတယ်။ ရွှေ့လို့ပြောလာ ရင်တော့ ရွှေ့ရမှာပေါ့’’ဟု အစိုးရ မှ ကျူးကျော်တဲအဖြစ် သတ်မှတ် ထားသည့် ကံကြီးကုန်းကျေးရွာ အနီးရှိ တဲငယ်တစ်လုံးတွင် နေထိုင်သူ အမျိုးသားတစ်ဦးက ပြောသည်။

တောင်သူများထံမှ မြေယာ များ သိမ်းယူခဲ့သော်လည်း အစိုးရ က စနစ်တကျ စီမံခန့်ခွဲနိုင်မှု မရှိခဲ့ ရာ အစိုးရပိုင်မြေများအား အလ ကားပေးနေသလိုဖြစ်နေပြီး နောက်ဆက်တွဲအနေဖြင့် တရားဥပဒေစိုးမိုးမှုအတွက်ပင် စိုးရိမ်ဖွယ်ရှိနေသည်ဟု ဦးမြင့်အောင်မိုးက ပြောသည်။

ဇီးအုပ်ကျေးရွာသည် ပုသိမ် ကြီးမြို့နယ်အတွင်း တည်ရှိနေ သော်လည်း ရဲစခန်း၊ မြို့နယ်အုပ် ချုပ်ရေးမှူးရုံးတို့နှင့် ခြောက်မိုင် ကွာဝေးမှု၊ မန္တလေးမြို့တော် စည်ပင်သာယာရေးကော်မတီ၏ စီမံခန့်ခွဲမှုအောက်တွင် မရှိခြင်းတို့ ကြောင့် ဒုစရိုက်ပြုလုပ်လိုသူများ အတွက် အားသာချက်ဖြစ်နေ သည်ဟု ၎င်းကဆိုသည်။

ကံကြီးကုန်းနှင့် ဇီးအုပ်ကျေး ရွာအနီး ဇီးအုပ်ကွက်သစ်ရှိ ကျူး ကျော်နေအိမ်များတွင် မူးယစ် ဆေးဝါး အရောင်းအဝယ်ပြုလုပ် သည်ဟု သတင်းများထွက်ပေါ်ခဲ့ ကာ ဇွန်လတွင် ရဲတပ်ဖွဲ့က ဝင် ရောက်ရှာဖွေ ဖမ်းဆီးမှု ပြုလုပ်ခဲ့ သည်။ မူးယစ်ဆေးဝါး သုံးစွဲ ရောင်းဝယ်နေကြောင်း နာမည် ထွက်ပေါ်နေသည့် နေအိမ်များကို ရဲတပ်ဖွဲ့ဝင် အင်အားအလုံးအရင်း ဖြင့် ဝင်ရောက်ရှာဖွေခဲ့ရာ မူးယစ် ဆေးဝါးအချို့နှင့် ကျူးလွန်သူများ ဟု ယူဆရသူတို့ကို ဖမ်းဆီးရမိ ကာ မူးယစ်ကျော်စောသူ ၁၇ ဦး ကိုလည်း ဖမ်းဆီးရမိခဲ့သည်။

မူးယစ်ဆေးဝါး ရောင်းဝယ် မှုကို ဖမ်းဆီးပြီးနောက်ပိုင်းတွင် အစိုးရက နေအိမ်စာရင်းများကို ဇွန်လ ၂၁ ရက်က စတင်စာရင်း ကောက်ခဲ့သည်။ ထိုသို့ စည်ပင် ဝန်ထမ်းများ စာရင်းကောက်နေ စဉ်အတွင်း နေအိမ်အများအပြား နေ့ချင်းညချင်း တိုးချဲ့ဆောက်လုပ် မှုများ ရှိလာခဲ့သည်။ ယခင်က စာရင်းကောက်ယူကာ တိုက်ခန်း ဝယ်ယူခွင့် ပေးခဲ့သည်များရှိ၍ အခွင့်ရရန်အတွက် အဆောက် အအုံသစ်များ တိုးချဲ့ဆောက် လုပ်ခြင်းဖြစ်နိုင်ကြောင်း ဒေသခံ များက သုံးသပ်သည်။ ထိုသို့ နေ့ချင်းညချင်း တိုးချဲ့ဆောက် လုပ်သည့် နေအိမ်များကို စည်ပင် သာယာနှင့် ရဲတပ်ဖွဲ့က ဖယ်ရှား ရှင်းလင်းရာ ဒေသခံများက တား ဆီးပြီး ရုန်းရင်းဆန်ခတ်မှု ဖြစ် ပေါ်ခဲ့သည်။ နေအိမ်များအား ဖယ်ရှားရှင်းလင်းခြင်း မပြုရန် တားဆီးသူများကို ဇွန်လ ၂၁ ရက် တွင်ပင် ထိတ်လန့်မှုဖြစ်စေရန် ပြု လုပ်ခဲ့သည်ဆိုကာ ရဲတပ်ဖွဲ့က ဖမ်းဆီးအမှုဖွင့်ခဲ့သည်။ လက်ရှိ တွင် အမျိုးသမီးလေးဦးကို ဖမ်း ဆီးထားပြီး အမျိုးသမီးငါးဦးနှင့် အမျိုးသားနှစ်ဦးတို့ကို ၅၀၅ (ခ) ဖြင့် အမှုဖွင့် တရားစွဲဆိုထား သည်။

စည်ပင်သာယာ ဝန်ထမ်း များအပါအဝင် အုပ်ချုပ်ရေးအဖွဲ့ က ကျူးကျော်နေထိုင်သူများ စာ ရင်းကောက်ယူနေစဉ် ဇွန်လ ၂၁ ရက်မှ ဇူလိုင် ၁ ရက်အထိ ၁၁ ရက်အတွင်း ထပ်ဆောက်လာ သော ကျူးကျော်တဲ ၄၂၅ လုံးကို ရှင်းလင်းခဲ့သည်ဟု မန္တလေးမြို့ တော် စည်ပင်သာယာရေးကော် မတီက သတင်းထုတ်ပြန်သည်။

အငြင်းပွားမှု ရှိနေသော အဆိုပါမြေကွက်များကို အစိုးရ က စနစ်တကျ စီမံခန့်ခွဲပြီး အမှန် တကယ် နေထိုင်စရာမရှိသူများနှင့် ဝန်ထမ်းများအတွက် အိမ်ရာစီမံ ကိန်းများ ဖော်ဆောင်ပေးနိုင်ပါက အကျိုးရှိမည်ဖြစ်သလို အစိုးရ အတွက်လည်း ကောင်းမွန်သည့် ရလဒ်တစ်ခု ဖြစ်လာနိုင်ကြောင်း လွှတ်တော်ကိုယ်စားလှယ် ဦးမြင့် အောင်မိုးက အကြံပြုသည်။

မန္တလေးမြို့ မြို့ကွက်သစ် ဖော်ထုတ်ရေးအဖွဲ့က မြေကွက် သိမ်းယူခဲ့သည်ချင်းအတူတူ ဖြစ် သော်လည်း လက်ရှိတွင် စနစ် တကျ စည်ကားနေသည့် မြရည် နန္ဒာ၊ ထွန်တုံး၊ အောင်ပင်လယ်၊ ကံသာယာစသည့် ရပ်ကွက်များ ကို အတုယူသင့်သည်ဟု ၎င်းက အကြံပြုသည်။

‘‘ကျူးကျော်တွေကို ရှင်းဖို့က တော့ အစိုးရအတွက် ကြီးမားတဲ့ စိန်ခေါ်မှုပဲ’’ဟု ဦးမြင့်အောင်မိုးက ဆိုသည်။

ပြီးခဲ့သည့် ၂၀၁၃ က ဇီးအုပ် ကျေးရွာအုပ်စုနှင့် ကပ်လျက်ရှိ သည့် မြရည်နန္ဒာရပ်ကွက်ရှိ ကျူး ကျော်နေအိမ်များ ဖယ်ရှားရန် မြို့ တော်ဝန် ဦးအောင်မောင်းကိုယ် တိုင် သွားရောက်ဆွေးနွေး ညှိနှိုင်း ခဲ့သော်လည်း ညှိနှိုင်း၍မရဘဲ မြို့ တော်ဝန်၏ကားကို ပိတ်ရပ်၍ ဆန္ဒပြမှုများနှင့် ကြုံခဲ့ရသည်။ ထို့ နောက် ရုန်းရင်းဆန်ခတ်ဖြစ်ပွားခဲ့ ရာ ရဲတပ်ဖွဲ့၏ အကူအညီဖြင့် ပြန် လည်ထွက်ခွာခဲ့ရသည်။

ဇီးအုပ်ကျေးရွာအုပ်စုရှိ ကျူး ကျော်များနှင့် မန္တလေးမြို့ပေါ်ရှိ ကျူးကျော်များကို စီမံချက်ချ ဖယ် ရှားရှင်းလင်းမည်ဟု တိုင်းဝန်ကြီး ချုပ် ဒေါက်တာဇော်မြင့်မောင်က ပြောကြားထားသည်။ သို့သော် ဇီးအုပ်ကျေးရွာအုပ်စုအနီးရှိ ကျူး ကျော်တဲများသည် အစိုးရ၏ တရားဥပဒေစိုးမိုးရေးလုပ်ငန်းများ နှင့် ကျူးကျာ်တဲရှင်းလင်းမည့် အစီအစဉ်အတွက် ကြီးမားသည့် စိန်ခေါ်မှုတစ်ရပ်အဖြစ် ရှိနေဆဲ ဖြစ်သည်။