မြန်မာ့အနာဂတ်

အနာဂတ်မြန်မာနိုင်ငံ ၂၀၅၀ ခေါင်းစဉ်ဖြင့် ယောမင်းကြီးဇရပ်စကားဝိုင်းသို့ ဗီဒီယိုရုပ်သံမှတစ်ဆင့် ပါဝင်ဆွေးနွေးနေသော ဒေါက်တာသန့်မြင့်ဦး(ဓာတ်ပုံ - ကျော်ဇင်သန်း)

လွန်ခဲ့သော နှစ်ပေါင်း ၂,၀၀၀ ကာလ မြန်မာနိုင်ငံ ကြေးခေတ် အစောပိုင်းမှာ လယ်သမားတွေက စုပေါင်းပြီး သူတို့ရဲ့ ပထမဦးဆုံး မြို့ပြကို တည်ထောင်ခဲ့ကြတယ်။ ပိုကျယ်ပြန့်တဲ့ကမ္ဘာနဲ့ စပြီးဆက် သွယ်ခဲ့ကြတယ်။ ဗုဒ္ဓဘာသာ၊ အစိုးရစနစ်၊ အနုပညာ၊ သိပ္ပံနဲ့ ပတ်သက်တဲ့ အိုင်ဒီယာအသစ် တွေကို တင်သွင်းလာခဲ့ကြတယ်။ ဒီအိုင်ဒီယာတွေကြောင့်ပဲ သူတို့ လူမှုအဖွဲ့အစည်းကို ဖွံ့ဖြိုးတိုး တက်လာစေခဲ့တယ်။ နောက်ပိုင်း နှစ် ၁,၀၀၀ လောက်အကြာမှာ တော့ ပုဂံမှာ ဘုရင်နဲ့ မှူးကြီးမတ် ရာတွေက လှုပ်ရှားရှင်သန်နေတဲ့ ဒေသတွင်းမှာ အစိတ်အပိုင်းတစ်ခု အဖြစ် ရပ်တည်နိုင်ဖို့ အပြင်းအ ထန် ကြိုးပမ်းခဲ့ကြတယ်။ ပြည် တွင်းနဲ့ ပြည်ပက ဗဟုသုတတွေနဲ့ ပုံစံတွေကို ပေါင်းစပ်ပြီး ရင်သပ် ရှုမောဖွယ် မြို့ပြကို တည်ဆောက် ဖန်တီးနိုင်ခဲ့ကြတယ်။ အလယ် ခေတ်သမိုင်းကာလမှာ အထင်ကြီး ခံ့ညားဖွယ် မင်းနိုင်ငံငယ်တစ်ခု ဖြစ်ခဲ့တယ်။

မြန်မာနိုင်ငံက ပြင်ပကို ထိ တွေ့ပြီး ကမ္ဘာကြီးကို တံခါးဖွင့် ကြိုဆိုတဲ့အခါတိုင်း မြန်မာနိုင်ငံက အသိဉာဏ်ပိုင်းဆိုင်ရာအရရော ရုပ်ဝတ္ထုပိုင်းဆိုင်ရာအရပါ ကြွယ်ဝ ဖွံ့ဖြိုးခဲ့ပါတယ်။ မြန်မာနိုင်ငံက ကြောက်ရွံ့တဲ့စိတ်နဲ့သော်လည်း ကောင်း၊ ယုံကြည်မှုကင်းမဲ့စွာဖြင့် သော်လည်းကောင်း ကိုယ့်ပြည် တွင်းကိုသာ အလေးပေးကြည့်တဲ့ အခါတိုင်း နိုင်ငံက ဆင်းရဲမွဲတေ မှု၊ ပြည်ပကျူးကျော်သိမ်းပိုက်မှု တွေ ကြုံတွေ့ခဲ့ရပါတယ်။

မြန်မာနိုင်ငံက အခုအခါ အ ရေးပေါ်အခြေအနေ ရောက်နေပါ ပြီ။ မြန်မာပြည်သူ၊ ပြည်သားတွေ အနေနဲ့ သူတို့လိုချင်တဲ့ဘဝ၊ ကမ္ဘာပေါ်မှာ သူတို့ဖြစ်ချင်တဲ့ အဆင့် အတန်းကို အလေးအနက် ပြန်လည်စဉ်းစားဖို့ အချိန်ပါ။ နိုင်ငံ ရေးမှာ ကျရှုံးခြင်းဟာ စိတ်ကူးစိတ် သန်းတွေ ကျရှုံးရခြင်းပဲ ဖြစ်ပါ တယ်။ မြန်မာနိုင်ငံဟာ ဇာတ်လမ်း အသစ်တစ်ပုဒ်ရေးဖို့ လိုအပ်နေ သလို အနာဂတ်မျှော်မှန်းချက် အ သစ်စက်စက်တစ်ခု လိုအပ်နေပါ တယ်။ တကယ့်စိန်ခေါ်မှုပြဿနာ တွေကို အတူတကွပူးပေါင်းဖြေ ရှင်းကြဖို့ လူတွေကို ဆွဲခေါ်နိုင်တဲ့ ရည်မှန်းချက်မျိုး လိုအပ်ပါတယ်။

မြန်မာနိုင်ငံရဲ့ လူဦးရေတစ် ဝက်ဟာ အသက်(၃၀)နှစ်အောက်ပါ။

လူအများစုက သက္ကရာဇ် ၂၀၅၀ ပြည့်နှစ်အထိ (ဒါမှမဟုတ်) ပိုလွန်ပြီး နေနိုင်ကြပါလိမ့်မယ်။ အဲဒီအချိန်မှာ ကမ္ဘာကြီးက လုံးဝမတူခြားနားတဲ့ နေရာတစ်ခုဖြစ် နေမှာပါ။

ယနေ့အချိန်မှာ ကျွန်တော် တို့ ကြုံတွေ့နေရတဲ့ အကြီးမား ဆုံး ခြိမ်းခြောက်မှုကတော့ ရာသီ ဥတုဖောက်ပြန်ပြောင်းလဲမှုပဲ ဖြစ်ပါတယ်။ ကျွန်တော်တို့က ပြင်းထန် ဆိုးရွားတဲ့ ရာသီဥတုထဲကို ရောက်နေပါပြီ။ ၂၀၀၈ ခုနှစ်က ဖြစ်ခဲ့တဲ့ နာဂစ်မုန်တိုင်းလို မကြာခဏကြုံရပါလိမ့်မယ်။ မြန်မာနိုင်ငံ အချို့ဒေသတွေမှာ လူနေလို့ မရနိုင်တဲ့အထိ အပူပြင်းတာတွေ ဖြစ်လာပါ မယ်။ ဟိမဝန္တာတောင်တန်းမှာ ရေခဲတွေပျော်လို့ အကြီးအကျယ်မခန့်မှန်းနိုင်တဲ့ အတိုင်းအဆနဲ့ ရေလွှမ်းမိုးမှုတွေ ဖြစ်လာနိုင်ပါ တယ်။ ပင်လယ်ရေမျက်နှာပြင် မြင့်တက်လာမှုကြောင့် ကမ်းရိုး တန်းတွေ ရေဖုံးလွှမ်းတာ၊ နောက်ဆုံး ရန်ကုန်မြို့တော် ရေဖုံးလွှမ်း သွားတာ ဖြစ်နိုင်ပါတယ်။ ကျွန်တော်တို့က ရာသီဥတုဖောက်ပြန်ပြောင်းလဲမှု အကြီးအကျယ်ခံစား နေရတဲ့ ကမ္ဘာကြီးရဲ့ အစိတ်အပိုင်းမှာ နေထိုင်နေကြရပါတယ်။ ဒီလို ရုတ်ခြည်းနဲ့ မမျှော်လင့်ထားတဲ့ပုံစံ ပြောင်းလဲခြင်းတွေကြောင့် စိုက်ပျိုးရေးနဲ့ စားနပ်ရိက္ခာလုံခြုံရေးအ ပေါ် ထိခိုက်မှုတွေက အတိုင်းအဆမသိနိုင်အောင်ပါပဲ။ လူတွေက သူတို့နေထိုင်နေကြရာ ဘဝတွေ၊ နေ ထိုင်နေကြရာ ဒေသတွေမှာနေဖို့ မဖြစ်နိုင်တော့လောက်အောင်ပါ။ 

ကျွန်တော်တို့ဟာ ဖွံ့ဖြိုးတိုး တက်မှု တစ်ရှိန်ထိုး အားကောင်း လာနေတဲ့ တရုတ်နိုင်ငံကြီးရဲ့ အိမ် နီးချင်းအဖြစ် နေထိုင်နေကြရပါ တယ်။ တရုတ်ပြည် လူမှုအဖွဲ့အ စည်းရဲ့ အလျင်အမြန်တိုးတက် ပြောင်းလဲမှုတွေက ရင်သပ်ရှုမော ဖွယ်ဖြစ်ပြီး ဒီလိုပဲ ရှေ့ဆက်လည်း ဖြစ်ပေါ်နေပါလိမ့်မယ်။ အိမ်နီး ချင်းကပ်လျက် တရုတ်ပြည်ရဲ့ အ ဆင်းရဲဆုံး ပြည်နယ်တစ်ခုဖြစ်တဲ့ ယူနန်ပြည်နယ်မှာတောင် ဆင်းရဲ သားအရေအတွက်ဟာ ပြီးခဲ့တဲ့ ငါးနှစ်အတွင်း (လူဦးရေ ၄၃ သန်း အနက်) ၁၁ သန်းကနေ ခြောက် သန်းကို ကျဆင်းလာခဲ့ပါတယ်။ အဆိုပြုထားတဲ့ တရုတ်-မြန်မာ စီးပွားရေးစင်္ကြံလမ်းမကြီးမှာ အ ကယ်၍ တစ်ဝက်ကို အကောင်အ ထည်ဖော်နိုင်ခဲ့ရင်တောင် မြန်မာ နိုင်ငံက တရုတ်ရဲ့ဝန်းကျင်နယ် မြေထဲကို နီးနီးကပ်ကပ် ပေါင်း စည်းမိသွားမှာပါ။ စက်မှုဖွံ့ဖြိုးပြီး ဖြစ်တဲ့ (ဒါမှမဟုတ်) စက်မှုခေတ် လွန် တရုတ်နိုင်ငံက မြန်မာ့တံခါးဝ ကို ရောက်ရှိလာခြင်းအတွက် ကြောင့် မြန်မာနိုင်ငံဟာ ပြီးခဲ့တဲ့ ရာစုနှစ်နှစ်ခုနဲ့ မတူခြားနားစွာ လွှမ်းမိုးရှုပ်ထွေးမှုတွေနဲ့ ကြုံရပါ လိမ့်မယ်။

 ကမ္ဘာပေါ်မှာ အခြားအ ပြောင်းအလဲများကလည်း ဖြစ်နေ ပါတယ်။ ကမ္ဘာပေါ်မှာ ဧရာမလူ သားရွှေ့ပြောင်းအခြေချနေထိုင်မှု တွေ ဖြစ်နေပါတယ်။ ခုဆိုရင် မြန်မာပြည်မှအပါအဝင် စုစုပေါင်း ရွှေ့ပြောင်းအခြေချသူ ကမ္ဘာပေါ် မှာ သန်း ၂၅၀ လောက် ရှိပါလိမ့် မယ်။ ဒီအခြေအနေကပဲ အိမ်နဲ့ မိမိကိုယ်ပိုင်နေရာရဲ့ သဘော အဓိပ္ပာယ်ကို ပြောင်းလဲလာစေပါ တယ်။ သိပ္ပံပညာတိုးတက်မှုက လည်း သမိုင်းတစ်လျှောက် မယှဉ် သာတဲ့နှုန်းနဲ့ ရှိနေပါတယ်။ လူမှု အဖွဲ့အစည်းကို အသွင်ပြောင်းစေ တဲ့ နည်းပညာပြောင်းလဲမှုတွေ ဖြစ် စေပါတယ်။ အထူးသဖြင့် ဖန်တီးအသိဉာဏ်တု (AI) နဲ့ မျိုးရိုးဗီဇ နယ်ပယ်တွေမှာပါ။ အသစ်သော လုံခြုံရေးခြိမ်းခြောက်မှုတွေလည်း ကြုံနေရပါတယ်။ ဆိုက်ဘာစစ်ပွဲ တွေကနေ လူအစုအပြုံလိုက် သေ ကျေစေနိုင်တဲ့ လက်နက်များပါ ပါဝင်လာတဲ့ ဘက်မညီမျှတဲ့ စစ်ပွဲ တွေ၊ လူအများအပြားကို အလျင် အမြန် ကူးစက်နိုင်တဲ့ ကပ်ရောဂါ တွေ ရှိလာပါတယ်။ ယခုဖြစ်နေ တဲ့ ကမ္ဘာလုံးဆိုင်ရာ အပြောင်းအ လဲတွေအပေါ် အဆင်သင့်ရင်ဆိုင် ဖို့ မြန်မာနိုင်ငံက ဘယ်နေရာမှာမှ ရှိမနေသေးပါဘူး။ 

သိပ်မကြာခင်မှာပဲ မြန်မာ နိုင်ငံက အိုမင်းကြတော့မှာပါ။ ၁၉၇၀ ပြည့်နှစ်များကတည်းက ကမ္ဘာကြီးပေါ်မှာ ကလေးမွေးဖွား မှု အနိမ့်ဆုံးနှုန်းကို ကြုံနေကြရပါ တယ်။ ကျန်တဲ့ အာဆီယံနိုင်ငံတွေ လိုပဲ မြန်မာနိုင်ငံက ရာစုနှစ်အ လယ်မှာ အိုမင်းသူ လူဦးရေအများ အပြား ရှိလာပါမယ်။ ကျန်တဲ့သူ တွေနဲ့ မတူတာက မြန်မာနိုင်ငံက မချမ်းသာခင် အိုမင်းသွားကြမှာ ဖြစ်ပါတယ်။

သေချာတာက မြန်မာနိုင်ငံ မှာ မြို့ပြဖြစ်ထွန်းမှု ဖြစ်လာပါ လိမ့်မယ်။ ခန့်မှန်းချက်တွေအရ ဆယ်စုနှစ်အတွင်းမှာ လူ ၅-၁၀ သန်းလောက်က ရန်ကုန်နဲ့ အခြား မြို့ကြီးတွေကို ရွှေ့ပြောင်းလာပါ လိမ့်မယ်။ မြို့ပြဘဝတွေက မြန်မာနိုင်ငံရဲ့ အနာဂတ်ကို အဆုံးအ ဖြတ်ပေးပါလိမ့်မယ်။ ကျွန်တော် တို့က တီထွင်ဖန်တီးမှုနဲ့ ထုတ်လုပ် နိုင်စွမ်းရှိတဲ့ မောင်းနှင်အားတွေနဲ့ နေချင်စဖွယ် မြို့ပြကို ရမှာလား (ဒါမှမဟုတ်) ရာဇဝတ်မှုတွေ၊ လူမှုရေး မငြိမ်မသက်မှုတွေနဲ့ ဒုက္ခဘုံ မြို့ပြမျိုးကို ရမှာလားဆိုတာ ရွေး ချယ်ရပါလိမ့်မယ်။ ခုလို စိန်ခေါ်မှု ပြဿနာတွေကို မြန်မာပြည်သူ တွေက သိရှိနားလည်ပြီး ရင်ဆိုင် ဖြေရှင်းကြရပါလိမ့်မယ်။ အနာ ဂတ်အတွက် လိုချင်တဲ့ မြော်မြင် ချက်ရှိဖို့လည်း လိုအပ်ပါတယ်။

ရာသီဥတု ဖောက်ပြန်ပြောင်း လဲမှုတွေကြုံရင် လူထုတွေက ဘယ်မှာနေကြမှာလဲ၊ ဒါမှမဟုတ် တရုတ်က အကုန်လွှမ်းမိုးသွားမှာ လား။ ထိုင်းနိုင်ငံလို၊ မြို့ကြီးတွေ လို ဖြစ်လာမှာလား။ ဒါမှမဟုတ် မြို့ငယ်ကလေးတွေ၊ ရွာတွေ ဆက်ကျန်နေဦးမှာလား။

စီးပွားရေးစနစ်က ဘယ်လို ဖြစ်မှာလဲ။ ခရီးသွားလုပ်ငန်းက နေ တစ်နှစ်ကို ဒေါ်လာ ၅၀ ဘီလီ ယံ (သို့မဟုတ်) ဂျီဒီပီရဲ့ ၁၅ ရာခိုင် နှုန်းလောက်အထိ ဝင်ငွေရနေတဲ့ ထိုင်းနိုင်ငံလို ဖြစ်သင့်သလား။ ဒါမှမဟုတ် ရွှေ့ပြောင်းလုပ်သားတွေ နဲ့ သူတို့ အိမ်ပြန်ပို့ငွေအပေါ် မှီခို နေတဲ့ နိုင်ငံလား။ အရှေ့ဒေသက ကျန်တဲ့နိုင်ငံတွေရဲ့ ပုံစံအတိုင်း၊ ပြည်ပပို့ကုန် အဓိကထုတ်လုပ်မှု၊ စားသုံးသူ အလေးပေးသော ယဉ် ကျေးမှု၊ သဘာဝပတ်ဝန်းကျင် တွေ အကြီးအကျယ် ဖျက်ဆီးမှု တွေနဲ့ ဖွံ့ဖြိုးတိုးတက်အောင် လုပ် မှာလား။

ပြည်တွင်းကုမ္ပဏီကြီးအချို့ က စီးပွားရေးကို ချုပ်ကိုင်လွှမ်းမိုး ထားတာ မြန်မာပြည်သူတွေက လိုချင်ကြသလား၊ ဒါမှမဟုတ် နိုင်ငံခြားကုမ္ပဏီတွေက စီးပွားရေး မှာ အဓိကအခန်းကဏ္ဍက ပါဝင် နေတာမျိုးလား၊ ဒါမှမဟုတ် အ သေးစားနဲ့ အလတ်စားလုပ်ငန်း တွေကို အခြေပြုတဲ့ စီးပွားရေး စနစ်မျိုးလား။

ပိုလို့ အရေးကြီးတာက မြန်မာနိုင်ငံက စီးပွားရေးအရ တန်းတူညီ မျှမှုကို ဦးစားပေးမှာလား။ ဒါမှ မဟုတ် ဆင်းရဲချမ်းသာ အကြီးအ ကျယ် ကွာဟနေတဲ့အတိုင်း လက် ခံနေထိုင်ကြမှာလား။

ဒီလိုကိစ္စတွေက ကျွမ်းကျင် သူပညာရှင်တွေ ဆုံးဖြတ်ဖို့ မဟုတ်ပါဘူး။ ပြည်သူလူထုတွေက ဘယ် လိုအနာဂတ်ကို လိုချင်သလဲဆို တာနဲ့ ပတ်သက်တဲ့ နိုင်ငံရေးအရ ဆုံးဖြတ်ချက်တွေသာ ဖြစ်ပါ တယ်။

လူထုတွေရဲ့ နေ့စဉ်ဘဝအ ပေါ် အကြီးအကျယ်သက်ရောက် မယ့် စီးပွားရေးအနာဂတ်အတွက် မြန်မာနိုင်ငံက အိပ်ပျော်ရင်း လမ်း လျှောက်နေလို့ မရပါဘူး။ ဥပမာ ဆိုရင် အရေအတွက် ထောင်ချီ သော စီးပွားရေးလုပ်ငန်း အငယ် စားလေးတွေက တစ်နှစ်တစ်နှစ် ဆို သန်းနဲ့ချီတဲ့ တရုတ်နိုင်ငံသား နှင့် အခြားနိုင်ငံသားခရီးသွားဧည့် သည်တွေကို ဧည့်ခံနေတဲ့ မန္တလေး မြို့ဟာ လူနည်းစုက ထိန်းချုပ် ထားတဲ့ စက်မှုလုပ်ငန်း အနည်း ငယ်နဲ့ ယူနန်ကို ပြည်ပပို့ကုန်တွေ တင်ပို့မယ့် မန္တလေးမြို့နဲ့ နှိုင်းယှဉ် ရင် လုံးဝကွဲပြားနေတာကို တွေ့ ရမှာပါ။

၁၀၀ ရာခိုင်နှုန်း သေချာတာ က အတိတ်က မြန်မာနိုင်ငံဟာ မကြာခင်အချိန်အတွင်းမှာ ပျောက် ကွယ်သွားတော့မှာပါ။

ဒါပေမဲ့ မြန်မာနိုင်ငံရဲ့ နိုင်ငံ ရေးက အတိတ်က အကွဲအပြဲတွေ အပေါ်မှာ၊ အတိတ်က ပုံဖော်ထား ခဲ့တဲ့ အနာဂတ်ပုံရိပ်တွေပေါ်မှာ အမြစ်တွယ်နေတုန်းပါပဲ။

ဥပမာပြောရရင် ကိုယ်ပိုင် အုပ်ချုပ်ရေး၊ ဖက်ဒရယ်စနစ် စတဲ့ အပေါ်မှာ အခြေခံပြီးဖြစ်နေတဲ့ တိုင်းရင်းသားအုပ်စုတွေအကြား အချေအတင်ငြင်းခုံမှုပါ။ အကယ် ၍ ပိုလို့ပူလောင်၊ ပိုလို့စိုစွတ်နေ မယ့် ကမ္ဘာကြီးအပေါ်ရှိ မြို့ကြီးအ နည်းငယ်အတွင်းမှာ မြောက်မြား စွာသော လူပေါင်းစုံရောထွေးနေ ထိုင်ကြရတော့မယ်ဆိုရင် ဒါတွေ က ဘယ်လိုအဓိပ္ပာယ်ရှိဦးမှာပါ လဲ။

မြန်မာတွေအဖို့ အတိတ် ကာလက ယုံမှတ်မှားချက်တွေနဲ့ ကြွယ်ဝချမ်းသာမှု၊ အတိတ်က မိမိဘာသာ ဖူလုံမှု၊ သုံးမကုန်တဲ့ သယံဇာတတွေအပေါ်ကနေ ကျော်လွန် သင့်ပါပြီ။ အင်မတန် အန္တရာယ် များတဲ့၊ သေချာရေရာမှုမရှိလှတဲ့ အနာဂတ်က ခုလက်ထဲရောက်နေပြီဆိုတာကို နားလည်သင့်ပါ တယ်။

မြန်မာ့နိုင်ငံရေးကလည်း နိုး ထသင့်ပါပြီ။ အရေးပေါ်အခြေ အနေ ဘာတွေဖြစ်နေတယ်ဆိုတာ ကြည့်သင့်ပါတယ်။

မြန်မာတွေမှာ ဧရာမပိုင်ဆိုင် မှုတွေလည်း ရှိပါသေးတယ်။ ဒါပေမဲ့ လူတွေထင်ထားသလို မဟုတ် ပါဘူး။ အနာဂတ် ကမ္ဘာ့စီးပွားရေး က မြန်မာတွေရဲ့ သဘာဝဓာတ် ငွေ့၊ သစ်၊ သတ္တုတွင်းထွက်တွေ ကို လိုချင်မှ လိုပါတော့မယ်။ ဒါ ပေမဲ့ သူတို့က မြန်မာတို့ရဲ့ ထွေ ပြားတဲ့ ယဉ်ကျေးမှု၊ အံ့မခန်းတည် ရှိနေတဲ့ ဇီဝမျိုးစုံကွဲပြားမှု၊ ဗိသု ကာလက်ရာ၊ အနုပညာ၊ စာပေ အမွေအနှစ်၊ လက်ကျန်သစ်တော တွေဆီက သစ်ပင်ပန်းမန်တွေ၊ တိရစ္ဆာန်တွေ၊ ကမ်းရိုးတန်းတွေနဲ့ ကျွန်းတွေကို တန်ဖိုးထားကြမှာပါ။ မြန်မာတွေက လူအနည်းငယ် ကြွယ်ဝချမ်းသာဖို့အတွက် အနာ ဂတ်မှာ တန်ဖိုးထားကြမယ့်အရာ တွေကို ဖျက်ဆီးပစ်ကြမယ့် အန္တ ရာယ်လည်း ရှိနေပါတယ်။

မြန်မာတွေအနေနဲ့ ဒွိစုံရည် ရွယ်ချက်နှစ်ခု ပြည့်ဝဖို့လိုအပ် တယ်ဆိုတာလည်း သဘောပေါက်သင့်ပါတယ်။ ဒါတွေက ဒီမိုကရေ စီနဲ့ ဈေးကွက်စီးပွားရေးစနစ်ပါ။ လက်ရှိအချိန်မှာ အနာဂတ်စိန်ခေါ် မှုတွေကို ရင်ဆိုင်နိုင်မယ့် စွမ်းရည် တွေဟာ နေရာကဏ္ဍတိုင်းမှာ ရှိရဲ့ လား သံသယဖြစ်စရာပါ။ မြန်မာ နိုင်ငံက ၂၁ ရာစု ပြဿနာများရဲ့ ရှေ့မှောက်ရောက်နေတဲ့အချိန်မှာ ၂၀ ရာစုက အဖြေတွေနဲ့ ငြင်းခုံကြ တုန်းပါ။

 ပိုလို့ တီထွင်ဆန်းသစ်တဲ့ တွေးခေါ်မှုတွေ လိုအပ်ပါတယ်။ မြန်မာပြည်သူတွေကို အတူတကွ စုစည်းနိုင်မယ့် ဇာတ်လမ်းအသစ် တွေလည်း လိုအပ်နေပါတယ်။

လုံးဝသေချာ ရှင်းလင်းတဲ့အ ချက်က နိုင်ငံတကာနဲ့ အထီးကျန် ဖယ်ကြဉ်နေထိုင်တာက အဖြေ မဟုတ်ပါဘူး။ ဟိုရှေ့အတိတ် ကြေးခေတ်က လယ်သမားတွေနဲ့ နှစ်ထောင်ချီကြာပြီဖြစ်တဲ့ ပုဂံကာ လကလို မြန်မာတွေက တွေဝေ ဆိုင်းငံ့မနေဘဲ ပြင်ပက ဗဟုသုတ တွေကို လက်ခံသင့်ပါတယ်။ ပိုလို့ ကြီးကျယ်စွာ၊ တီထွင်ဖန်တီးမှုရှိ စွာ တွေးခေါ်ကြဖို့ လိုအပ်ပါတယ်။ ဒီလိုမှ မဟုတ်ရင် လူတွေရဲ့ သက် တမ်းအတွင်းမှာပဲ နိုင်ငံက ပျောက်ကွယ်ကောင်း ပျောက်ကွယ်သွား နိုင်ပါတယ်။

(မှတ်ချက်။ ယောမင်းကြီးဇရပ်စကားဝိုင်းတွင် မြန်မာ့အနာဂတ် ခေါင်းစဉ်ဖြင့် စာရေးဆရာနှင့် သမိုင်းပညာရှင် ဒေါက်တာသန့် မြင့်ဦး ဆွေးနွေးတင်ပြချက်ကို ကာယကံရှင်၏ ခွင့်ပြုချက်ဖြင့် ဖော်ပြခြင်းဖြစ်ပါသည်။)