ဗြိတိန်နိုင်ငံခြားရေးဝန်ကြီးအဖြစ် ဂျရီမီဟန့်တ်ကို ခန့်အပ်

_Reuters

 ဗြိတိန်ဝန်ကြီးချုပ် ထရီ ဆာမေသည် နိုင်ငံခြားရေးဝန်ကြီး ရာထူးမှ နုတ်ထွက်ခဲ့သော ဘော ရစ်ဂျွန်ဆင်၏ နေရာတွင် ကျန်း မာရေးဝန်ကြီးအဖြစ် ကာလရှည် ထမ်းဆောင်ခဲ့သူ ဂျရီမီဟန့်တ် ကို အစားထိုးခန့်အပ်ခဲ့သည်။

ဥရောပသမဂ္ဂအဖွဲ့ (အီးယူ) မှ ဗြိတိန်ထွက်ခွာရေး (Brexit) လုပ်ငန်းစဉ်တွင် ထရီဆာမေနှင့် သဘောထားကွဲလွဲပြီးနောက် ဘောရစ်ဂျွန်ဆင်သည် နိုင်ငံခြား ရေးဝန်ကြီးအဖြစ်မှ တနင်္လာနေ့ တွင် နုတ်ထွက်ခဲ့သည်။

ဟန့်တ်ကို ရာထူးခန့်အပ် ခြင်းက ထရီဆာမေ၏ ထိပ်တန်း ဝန်ကြီးအဖွဲ့တွင် Brexit လုပ်ငန်း စဉ်နှင့်စပ်လျဉ်း၍ ချိန်ခွင်လျှာ အ ပြောင်းအလဲဖြစ်နိုင်သည်။

၂၀၁၆ က ကျင်းပခဲ့သော ပြည်သူ့ဆန္ဒခံယူပွဲ၌ ဂျွန်ဆင်သည် အီးယူမှ ဗြိတိန်ထွက်ခွာရေး လှုံ့ ဆော်စည်းရုံးသူများတွင် အထင် ရှားဆုံး ပုဂ္ဂိုလ်များအနက် တစ်ဦး ဖြစ်ပြီး ဟန့်တ်က အီးယူအတွင်းဆက်လက်နေရန် ထောက်ခံခဲ့သူ ဖြစ်သည်။

သို့သော် Brexit စေ့စပ်ညှိ နှိုင်းမှုများအတွင်း အီးယူ၏ လူ ပါးဝသော အပြုအမူကြောင့် ယင်းကိစ္စနှင့်ပတ်သက်၍ စိတ်ပြောင်း ခဲ့ကြောင်း ဟန့်တ်က ၂၀၁၇ အောက်တိုဘာတွင် ပြောကြားခဲ့ သည်။

Brexit ကြောင့် လုပ်ငန်းများ ကို အခြားသို့ပြောင်းရွှေ့မည်ဟု သတိပေးချက်ထုတ်ပြန်ခြင်းသည် Airbus ကဲ့သို့ စီးပွားရေးလုပ်ငန်း ကြီးများအတွက် မသင့်လျော် ကြောင်း အောက်တိုဘာအတွင်း ဟန့်တ်က ပြောကြားပြီး ယင်း အစား ထရီဆာမေ၏နောက်တွင် ရပ်တည်သင့်သည်ဟု ဆိုသည်။

‘‘တိုင်းပြည်ရဲ့ သမိုင်းမှာ ဒီ လိုအရေးကြီးတဲ့ အခိုက်အတန့် မှာ နိုင်ငံခြားရေးဝန်ကြီးအဖြစ် ခန့်အပ်ခံရတာဟာ ကြီးမားတဲ့ ဂုဏ်ပြုမှုပါ။ ကြီးကျယ်တဲ့ Brexit သဘောတူညီချက်ရဖို့ ဝန်ကြီးချုပ်ထရီဆာမေကို ထောက်ခံချိန် ကျရောက်ပါပြီ။ အခု ထောက်ခံ ရင် ထောက်ခံ၊ မထောက်ခံရင် ဘယ်တော့မှ ဖြစ်မှာမဟုတ်ဘူး’’ ဟု ဟန့်တ်က တွစ်တာ၌ ဖော်ပြ သည်။

ထို့အပြင် ဂီယောဖ်ဖီကော့ခ်ျ သည် ရှေ့နေချုပ်သစ်ဖြစ်လာမည် ဟု ထရီဆာမေ၏ရုံးက ပြော သည်။

—Ref: Reuters