ကျပ်တစ်ထောင်တန်အသစ် ထုတ်ခြင်းကြောင့် ငွေကြေးဖောင်းပွမှု မဖြစ်နိုင်ဟု ဗဟိုဘဏ်တာဝန်ရှိသူပြော

ဂဏန်းရှစ်လုံးပါ ကျပ် တစ်ထောင်ကျပ်တန်ငွေစက္ကူများ ထုတ်လုပ်ခြင်းကြောင့် ပြည်တွင်း ၌ ငွေကြေးဖောင်းပွမှု မဖြစ်နိုင် ကြောင်း ဗဟိုဘဏ် ငွေကြေးစီမံ ခန့်ခွဲမှုဌာန ညွှန်ကြားရေးမှူးချုပ် ဦးအောင်ကျော်သန်းကပြော ကြားသည်။

နှစ် ၂၀ ကြာ အသုံးပြုခဲ့သည့်ဟောင်းနွမ်းသော ကျပ်တစ် ထောင်တန် ငွေစက္ကူများကို ဖျက် ဆီးပြီး ငွေစက္ကူသစ်များဖြင့် ယခုလို အစားထိုးခြင်းသာ ဖြစ်ကြောင်း ၎င်းကဆိုသည်။

ကျပ်တစ်ထောင်တန် ငွေ စက္ကူများ ထုတ်ခြင်းကို ဗဟိုဘဏ် အနေဖြင့် စနစ်တကျ တွက်ချက် ပြီးမှ ဆောင်ရွက်ခြင်းဖြစ်ကြောင်း ဦးအောင်ကျော်သန်းက  ပြော သည်။  မြန်မာနိုင်ငံတွင် ကျပ်တစ်ထောင်တန် ငွေစက္ကူများကို ၁၉၉၇ ဇွန်လက စတင်အသုံးပြုပြီး အရွက်ကြီး ကျပ်တစ်ထောင်တန် ငွေစက္ကူ အများစုကို မီးရှို့ဖျက်ဆီးခဲ့ကြောင်းဆိုသည်။ ငွေစက္ကူအသစ် ရိုက်ထုတ်ခြင်းဖြစ်သော် လည်း ငွေစက္ကူအဟောင်းနေရာ တွင် အစားထိုးသုံးစွဲရန်ဖြစ်ခြင်း ကြောင့် ငွေကြေးဖောင်းပွမှု မရှိ နိုင်ကြောင်း ရှင်းပြသည်။

‘‘ငွေစက္ကူအဟောင်းအစုတ် တွေကို မဖျက်ဆီးလို့လည်း မရ ဘူး။ ထားစရာနေရာလည်းမရှိ ဘူး’’ ဟု ဦးအောင်ကျော်သန်းက ပြောသည်။

ထိုသို့ဖျက်ဆီးနိုင်ရန်ဟောင်း နွမ်းငွေစက္ကူများကို သိမ်းဆည်း ပေးရန် ပုဂ္ဂလိက ဘဏ်များသို့ ညွှန်ကြားထားကြောင်းဆိုသည်။

ဂဏန်းရှစ်လုံးပါ ကျပ်တစ် ထောင်တန် အသစ်များကို ဗဟို ဘဏ်က ထုတ်လုပ်ထားခြင်း ကြောင့် ယခုနှစ်ငွေကြေးဖောင်း ပွမှု မြင့်တက်နိုင်သည်ဟု သုံးသပ် ချက်များ ရှိနေကြောင်း စီးပွားရေး လုပ်ငန်းရှင်အချို့က ပြောသည်။

      မြန်မာနိုင်ငံ၏ ငွေကြေးဖောင်းပွမှုသည် ၂၀၁၇ -၁၈ ဘဏ္ဍာနှစ်တွင် ၅ ဒသမ ၅ ရာခိုင်နှုန်းရှိပြီး ၂၀၁၈ ကြားကာလ ဘတ်ဂျက်၌ ၄ ဒသမ ၉ ရာခိုင်နှုန်းသို့ ကျဆင်းမည်ဟု ကမ္ဘာ့ဘဏ်က ခန့်မှန်းထားသည်။