ကျောင်းနေအရွယ် ကလေးငယ်ထက်ဝက်ခန့် ထမင်းဘူးကုန်အောင်မစားဘဲ စားကြွင်း စားကျန်များ လွှင့်ပစ်ကြကြောင်း စစ်တမ်းငယ်တစ်ခုဖော်ပြ

အခြေခံပညာကျောင်းသားကျောင်းသူအများစုကို မိသားစုက အိမ်မှ ထမင်းဘူးထည့်ပေးလေ့ရှိသည်။ (ဓာတ်ပုံ − ကျော်ဇင်သန်း)

ရန်ကုန်ရှိ ကျောင်းနေ အရွယ်ကလေးငယ်ထက်ဝက်ခန့် သည် နေ့လယ်စာထမင်းဘူးကို ကုန်အောင် မစားကြောင်းနှင့် ကလေးငါးဦးလျှင် သုံးဦးသည် မုန့်ပဲသရေစာနှင့် အချိုရည်များကို ပုံမှန် ဝယ်ယူစားသောက်နေ ကြောင်း စစ်တမ်းငယ်တစ်ခုက ထုတ်ပြန်သည်။

အဆိုပါစစ်တမ်းငယ်သည် မြန်မာကျောင်းနေအရွယ်ကလေး ငယ်များ၏ စားသောက်မှုအလေ့ အထ အမူအကျင့်များနှင့် ပတ် သက်၍ Nestl'e MILO က မေလ အတွင်း ရန်ကုန်မြို့ရှိ အစိုးရ ကျောင်းနှင့် ပုဂ္ဂလိကကျောင်းများ မှ အသက်(၇)နှစ်မှ (၁၂)နှစ်အ တွင်း ကလေးဦးရေတစ်ရာကို ကောက်ယူခြင်းဖြစ်သည်။


ယင်းလေ့လာတွေ့ရှိချက် အ ရ ကျောင်းနေကလေးများ၏ထက် ဝက်ခန့် (၄၆)ရာခိုင်နှုန်းသည် နေ့ လယ်စာထမင်းဘူးကို ကုန်အောင် မစားဘဲ စားကြွင်းစားကျန်များကို လွှင့်ပစ်ကြောင်း၊ ကလေးအ များစုက အပြင်ဆိုင်များမှ အစားအသောက်များသည် ကျန်းမာရေး နှင့် မညီညွတ်ကြောင်း သိရှိထား သော်လည်း ကလေးငါးဦးလျှင် သုံးဦး (၅၈) ရာခိုင်နှုန်းသည် ပြင်ပ စာများ၊ အချိုရည်များကို ပုံမှန် ဝယ်ယူ စားသုံးလေ့ရှိကြောင်း၊ ကလေးအများစု (၈၆)ရာခိုင်နှုန်း က အိမ်တွင် နံနက်စာစားခဲ့သော် လည်း ၎င်းတို့အနက် ထက်ဝက် ကျော် (၅၅)ရာခိုင်နှုန်းက စာသင်နေစဉ် ဗိုက်ဆာတတ်ကြောင်း ပြောကြားသည်ဟု ဖော်ပြထားသည်။

‘‘ကျောင်းနေအရွယ်ကလေး တွေမှာ လိုအပ်တဲ့အာဟာရပြည့် စုံစွာမရလို့ အာဟာရချို့တဲ့တာ တွေကို လေ့လာတွေ့ရှိရတယ်။ မြန်မာနိုင်ငံမှာ အာဟာရပိုင်းနဲ့ ပတ်သက်ပြီး ကြီးမားတဲ့စိန်ခေါ်မှု တစ်ခုဖြစ်လာတယ်။ ဒါကြောင့် ကျောင်းချိန်အတွင်းမှာ အာဟာရ ပြည့်ဝမှုရှိရဲ့လား သိချင်လို့ ပြုလုပ်ခဲ့တာဖြစ်ပါတယ်’’ဟု Nestl'e Myanmar Corporate Nutrition မန်နေဂျာ၊ အာဟာရကျွမ်းကျင် ပညာရှင် ဒေါက်တာဆုနွယ်ဇော် က ပြောသည်။

ထို့ကြောင့် ၎င်းတို့အနေဖြင့် မိဘများအား အာဟာရနှင့်ပတ် သက်၍ အသိပညာပေးပွဲများကို ရန်ကုန်မြို့ရှိ Junction City တွင် ဇူလိုင် ၆ ရက်မှ ၈ ရက်အထိ၊ မန္တလေးမြို့ မင်္ဂလာမန္တလေးတွင် သြဂုတ် ၁၁ ရက်မှ ၁၂ ရက်အထိ၊ ရန်ကုန်မြို့သာကေတ Capital တွင် သြဂုတ် ၁၈ ရက်နှင့် ၁၉ ရက်တွင် ကျင်းပမည်ဖြစ်သည်။

အားဖြည့်အချိုရည်များတွင် ကဖိန်းဓာတ်များ ပါဝင်သဖြင့် မသောက်သင့်ကြောင်းနှင့် မုန့်ပဲ သရေစာများ၌ ပြည့်စုံလုံလောက် သည့် အာဟာရမပါဝင်သဖြင့် ရှောင်ကြဉ်သင့်ကြောင်း ဆရာဝန် ကြီးများက အကြံပြုသည်။

‘‘အားဖြည့်အချိုရည်တွေကို မသောက်သင့်ဘူး။ ကဖိန်းပါလို့ ခေါင်းကိုက်တာတို့၊ အိပ်မပျော် တာတို့၊ အစားကောင်းကောင်း မစားနိုင်တာတို့နဲ့ သွေးပေါင်ချိန် တက်တာတွေ ဖြစ်တတ်တယ်။ ပြီးတော့ မုန့်ပဲသရေစာကတော့ ပြည့်စုံလုံလောက်တဲ့ အာဟာရ မပါလို့ လိုအပ်တဲ့ စွမ်းအင်ပမာဏ မရဘူး။ ဒီမှာကြည့်လိုက်ရင် မုန့်ပဲ သရေစာတွေကို ဘာလို့အစားများ လဲ။ ဖြစ်နိုင်ခြေက ကြိုက်နှစ် သက်လို့ စားဖြစ်တာရှိမယ်။ အ ရောင်တွေ၊ ရုပ်ပုံတွေနဲ့ ကလေးတွေကို ဆွဲဆောင်လို့ စားဖြစ်တာ ရှိမယ်။ အိမ်က ပါတဲ့ ထမင်းဘူး မစားကြတော့ဘူး။ အဲဒီအခါကျရင် လိုအပ်တဲ့ စွမ်းအင်ပမာဏ မရလို့ ထက်မြက်မှုမှာ အားနည်း သွားတာမျိုး ဖြစ်နိုင်တယ်’’ဟု ရန်ကုန်ပြည်သူ့ကျန်းမာရေးတက္က သိုလ်မှ တွဲဖက်ပါမောက္ခ ဒေါက် တာအေးအေးဝင်းက ပြောသည်။

 ကလေးငယ်များအတွက် နံနက်စာသည် လွန်စွာအရေးကြီး ပြီး ယင်းအချိန်တွင် အာဟာရပြည့် စုံစွာစားနိုင်ပါက တစ်နေ့တာလို အပ်သည့် စွမ်းအင်များရရှိမည် ဖြစ်သည်။ ထို့ကြောင့် မိဘများ အနေဖြင့် ထမင်းဘူးပြင်ပေးရာ တွင် အာဟာရပြည့်စုံမျှတပြီး ကျန်းမာရေးနှင့် ညီညွတ်သော ကစီဓာတ်၊ အသားဓာတ်၊ အဆီ ဓာတ်၊ ဗိုက်တာမင်နှင့် သတ္တုဓာတ်တို့အပြင် ရေဓာတ်ကိုပါ အချိုး အစားညီမျှအောင် ပြင်ဆင်ပေးရန် လိုအပ်ကြောင်း ဆေးပညာရှင် များက အကြံပြုသည်။