ဗြိတိန်အကူအညီဖြင့် တက္ကသိုလ်အုပ်ချုပ်စီမံသူများအတွက် အမျိုးသားအဆင့်မြင့်ပညာဖွံ့ဖြိုးရေးကျောင်းဖွင့်မည်

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး (ဓာတ်ပုံ − ကျော်ဇင်သန်း)

 မြန်မာနိုင်ငံရှိတက္ကသိုလ် အုပ်ချုပ်သူ၊ စီမံခန့်ခွဲသူများ၏ ဦး ဆောင်မှုနှင့် စီမံခန့်ခွဲရေးစွမ်းရည် များမြှင့်တင်ရန် ပညာရေး ၀န်ကြီးဌာနက ဗြိတိန်ပညာရေး အဖွဲ့အစည်းများ၏ အကူအညီ ဖြင့် အမျိုးသားအဆင့်မြင့်ပညာ ဖွံ့ဖြိုးရေးကျောင်း (NIHED) ဖွင့်လှစ်မည်ဟု ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောသည်။

ကျောင်းထူထောင်ရန် အ ဆင့်မြင့်ပညာရေး ဦးဆောင်မှုနှင့် စီမံခန့်ခွဲရေးပြုပြင်ပြောင်းလဲမှု အ စီအစဉ်ကို တစ်နှစ်စီမံကိန်းအဖြစ်  ဗြိတိသျှကောင်စီ၊ Irrawaddy Policy Exchange တို့၏ ငွေကြေးပံ့ပိုးမှု၊ University College London-Institute of Education (UCL) ၏နည်းပညာပံ့ပိုးမှုဖြင့် ပညာရေးဝန်ကြီးဌာန အဆင့်မြင့်ပညာဦးစီးဌာန၊ အမျိုးသားပညာရေး မူဝါဒကော်မရှင်တို့ပူးပေါင်းကာ စမ်းသပ်ဆောင် ရွက်မည်ဖြစ်သည်။


တစ်နှစ်စီမံကိန်း၏ တစ် စိတ်တစ်ဒေသဖြစ်သည့် အဆင့် မြင့်ပညာဦးဆောင်မှုနှင့် စီမံခန့်ခွဲ  ရေးပြုပြင်ပြောင်းလဲရေးအမျိုး သားအဆင့်ညီလာခံကို ရန်ကုန် တက္ကသိုလ်စိန်ရတုခန်းမ၌ ဇွန်လ ၂၉ နှင့် ၃၀ ရက်တွင်ကျင်းပ နေသည်။

‘‘တက္ကသိုလ်တွေကနေ အ ရည်အသွေးမီ ပညာရေးတွေ ပေး နိုင်ဖို့တက္ကသိုလ်စီမံခန့်ခွဲရေးမှာ ဆောင်ရွက်မယ့်သူတွေရဲ့ စီမံခန့် ခွဲရေးအရည်အသွေးတွေတက်ဖို့ လိုပါတယ်။ တက္ကသိုလ်တွေကို ကိုယ်ပိုင်အုပ်ချုပ်ခွင့်ရရှိဖို့ဆောင် ရွက်တဲ့နေရာမှာ စီမံခန့်ခွဲမှုကအဓိ က စိန်ခေါ်မှုဖြစ်နေပါတယ်။ လုပ် ငန်းခွင်လုပ်သားလိုအပ်ချက်နဲ့ ကိုက်ညီတဲ့ ကိုယ်ပိုင်အုပ်ချုပ်ခွင့် ရတက္ကသိုလ်တွေအဖြစ်ရပ်တည် နိုင်ဖို့ စီမံအုပ်ချုပ်သူတွေကိုသင် တန်းပေးဖို့လိုအပ်တာကြောင့် NIHED ကိုတည်ထောင်ဖို့ကြိုး ပမ်းနေပါတယ်’’ ဟု ဒေါက်တာ မျိုးသိမ်းကြီးက ယင်းညီလာခံဖွင့်ပွဲ တွင်ပြောကြားသည်။

NIHED တည်ထောင်ရေး တစ်နှစ်တာစမ်းသပ်ဆောင်ရွက် ချိန်တွင် ရန်ကုန်တက္ကသိုလ်နှင့် မန္တလေး တက္ကသိုလ်အပါအ၀င်တက္ကသိုလ် ၁၁ ခုမှ အုပ်ချုပ်စီမံသူများအား ရန်ကုန်တက္ကသိုလ်ပင်လုံဆောင်၌ အုပ်ချုပ်ရေးနှင့် စီမံခန့်ခွဲရေးသင်တန်း ခြောက်ခုကို UCL မှ ပညာရှင်များက ပို့ချမည်ဖြစ်ပြီး သုတေသနနှင့် သင်ကြားမှုအရည်အသွေး တိုး တက်မြင့်မားရေးဆိုင်ရာ ကျောင်း တွင်းပရောဂျက်များဆောင်ရွက်မည်ဖြစ်သည်။

 ‘‘လမ်းဟောင်းအတိုင်းပဲ သွားနေခဲ့ရာကနေ တက္ကသိုလ် တွေကို စပြီးပြုပြင်ပြောင်းလဲမှု လုပ်တဲ့အခါမှာ Training တွေ လိုတယ်။ အခုတစ်နှစ်ပရောဂျက် အတွင်းမှာ ကမ္ဘာ့အဆင့်နံပါတ်  (၇) မှာရှိနေတဲ့ UCL လို တက္ကသိုလ်က လာပို့ချတာဖြစ် တာကြောင့် ကိုယ့်တက္ကသိုလ်ပဋိ ညာဉ်တွေဆွဲဖို့၊ ကိုယ်ပိုင်အုပ်ချုပ် ခွင့်အတွက် ဘာတွေစပြီးလုပ်ဖို့ လိုမလဲဆိုတာ ဆွေးနွေးခွင့်ရတယ်’’ ဟု မန္တလေးတက္ကသိုလ်တာဝန်ခံ ဒုတိယပါမောက္ခချုပ် ဒေါက်တာမင်းမင်းရီက ပြောသည်။

NIHED ကိုအမျိုးသားပညာ ရေးမဟာဗျူဟာ စီမံကိန်း (၂၀၁၆ - ၂၀၂၁)ပါ ပညာရေးပြု ပြင်ပြောင်းလဲမှု မဟာဗျူဟာ(၁) ဖြစ်သည့် အဆင့်မြင့်ပညာရေး ကဏ္ဍအုပ်ချုပ်မှုနှင့် စီမံခန့်ခွဲမှု အားကောင်းခိုင်မာစေရန် ဖွင့်လှစ်ခြင်းဖြစ်ကြောင်း ပညာရေးဝန်ကြီးဌာနက ထုတ်ပြန်သည်။