ရန်ကုန်စီးပွားရေးတက္ကသိုလ် ဒုတိယပါမောက္ခချုပ် ဒေါက်တာထွန်းအောင်နှင့် တွေ့ဆုံမေးမြန်းခြင်း

‘‘စီးပွားရေးတက္ကသိုလ်မှာ တက်ရောက်မယ့် ကျောင်းသား၊ ကျောင်းသူတွေသည် ဉာဏ်ရည်ဉာဏ်သွေး၊ ပြဿနာဖြေရှင်းနိုင်မှု၊ တီထွင်ဖန်တီးနိုင်မှုတွေမှာ နဂိုအခံ ဘယ်လောက်ရှိသလဲအပေါ်မူတည်ပြီး နှုတ်မေး၊ ဖြေ စိစစ်ရွေးချယ်ရခြင်းဖြစ်ပါတယ်’’
ယခုနှစ်ရန်ကုန်စီးပွားရေးတက္ကသိုလ်ဝင်ခွင့်တွင် တက္ကသိုလ်ဝင်ခွင့်စာမေးပွဲအမှတ်နှင့် နှုတ်ဖြေစစ်ဆေးထားသည့် အမှတ်နှစ်ခုပေါင်း၍ စိစစ်ရွေးချယ်မည်ဖြစ်သည်။ (ဓာတ်ပုံ-ကျော်ဇင်သန်း)

၂၀၁၈ တက္ကသိုလ်ဝင် စာမေးပွဲ အောင်မြင်သူ များအတွက် ရန်ကုန်နှင့်မန္တလေးရှိ တက္ကသိုလ် ၁၁ ခုကတက္ကသိုလ်ဝင်ခွင့် လျှောက်လွှာ များကို ဇွန်လ ၁၅ ရက်တွင် စတင်လက်ခံနေပြီဖြစ်သည်။ ထို တက္ကသိုလ် ၁၁ ခုအနက် တက္ကသိုလ်ခြောက်ခုက ယခင်နှစ် များကဲ့သို့ တက္ကသိုလ်ဝင်စာမေးပွဲ ရမှတ်တစ်ခုတည်းဖြင့် ၀င်ခွင့် ဆုံးဖြတ်မည်မဟုတ်ဘဲ နှုတ်မေး၊ ဖြေ ပါစစ်ဆေးပြီး နှစ်ခုပေါင်းရမှတ် ဖြင့် ဆုံးဖြတ်မည်ဖြစ်သည်။ ထိုသို့နှုတ်ဖြေစစ်ဆေးကာ ၀င်ခွင့်လက်ခံ မည့် ရန်ကုန်စီးပွားရေး တက္ကသိုလ် ဒုတိယပါမောက္ခချုပ်နှင့် တွေ့ဆုံ မေးမြန်းထားသည်။

ရန်ကုန်စီးပွားရေးတက္ကသိုလ် (ရွာ သာကြီးနယ်မြေ)နဲ့ လှိုင်နယ်မြေ တို့မှာ ဒီနှစ် တက္ကသိုလ်ဝင်ခွင့်လျှောက်လွှာတွေကို စတင်လက်ခံ နေပြီလို့ သိရပါတယ်။ ဘယ်လို စိစစ်ရွေးချယ်မှာပါလဲ။

ရန်ကုန် စီးပွားရေးတက္က သိုလ်ကို တက်ချင်တဲ့ ကျောင်း သား၊ ကျောင်းသူတွေကို ဇွန်လ ၁၅ ရက်ကနေစပြီးတော့ ဝင်ခွင့် လျှောက်လွှာပုံစံတွေကို ပေး တယ်။ ဝင်ခွင့်လျှောက်လွှာတွေ ကို လက်ခံတယ်။ လက်ခံပြီးတော့ ရန်ကုန် စီးပွားရေးတက္ကသိုလ်ရဲ့ မူအရ သူတို့ကို အင်တာဗျူးနှုတ် မေး၊ ဖြေစစ်ဆေးမယ်။ တက္ကသိုလ် ဝင်စာမေးပွဲအမှတ်နဲ့ နှုတ်ဖြေစစ် ဆေးထားတဲ့ အမှတ်နှစ်ခုကို ပေါင်းပြီးတော့ စိစစ်ရွေးချယ်မှာ ဖြစ်ပါတယ်။ ရန်ကုန်စီးပွားရေး တက္ကသိုလ် ရွာသာကြီးနယ်မြေမှာ ဝါဏိဇ္ဇဗေဒဘွဲ့၊ စီးပွားရေး ပညာဘွဲ့၊ စာရင်းအင်းပညာဘွဲ့၊ စီးပွားရေးလုပ်ငန်းစီမံခန့်ခွဲမှု ပညာဘွဲ့တွေ သင်တယ်။ လှိုင်နယ်မြေမှာ စာရင်းကိုင်ပညာ၊ ဖွံ့ဖြိုးမှုပညာ၊ ပြည်သူ့ရေးရာ စီမံခန့်ခွဲမှုပညာ၊ လူဦးရေပညာဘွဲ့တွေသင်တယ်။ ဝင်ခွင့်လက်ခံတဲ့အခါမှာလည်း ကောင်တာတွေခွဲပေးထားတယ်။ ကိုယ်စိတ်ဝင်စားတဲ့ ဘာသာရပ် တွေအပေါ် မူတည်ပြီးတော့ သူ့နယ်မြေအလိုက် လျှောက်လို့ရ တယ်။ သို့သော်လည်း သတ်မှတ်ထားတာက ရွာသာကြီးနယ်မြေ အတွက်ဆို အမှတ် ၄၀၀ နဲ့အထက်ရရမယ်။ လှိုင်နယ်မြေအတွက်ဆို ၄၅၀ နဲ့ အထက်ရရမယ်။ ဒါပေမဲ့ဒီအမှတ်တစ်ခုတည်း ကြည့်မှာ မဟုတ်ဘူး။ နှုတ်မေး၊ ဖြေမှာရတဲ့အမှတ်ရော၊ တက္ကသိုလ်ဝင်တန်း မှာ ရတဲ့အမှတ်ရော နှစ်ခုပေါင်းပြီး မှ စိစစ်ရွေးချယ်မှာဖြစ်ပါတယ်။ 

တိုက်ရိုက်ခေါ်တဲ့ တက္ကသိုလ်တွေ ထဲမှာ တချို့တက္ကသိုလ်တွေက နှုတ်ဖြေစစ်ဆေးတာမျိုး မရှိပေ မယ့် ရန်ကုန်စီးပွားရေးတက္ကသိုလ် က နှုတ်ဖြေစစ်ဆေးရတဲ့ ရည်ရွယ် ချက်ကိုလည်း သိချင်ပါတယ်။ 

နိုင်ငံတကာတက္ကသိုလ်တွေ မှာလည်း ဒီလိုပါပဲ။ ကိုယ့်ကျောင်း သူ၊ ကျောင်းသားတွေမှာ နဂိုအခံ အထုံဝါသနာတွေ ပါလာခဲ့ရင် သူတို့ရဲ့ ဘာသာရပ်တွေကိုလေ့လာ တဲ့နေရာမှာ ပိုပြီးတော့ ကောင်း တယ်၊ ပိုပြီးတော့ ထူးချွန်ကြတယ်။ ဒါတွေကို သွားတွေ့တာပေါ့။ အဲဒီတော့ ရန်ကုန်စီးပွားရေးတက္ကသိုလ် ကလည်း စီးပွားရေးဘာသာရပ် တွေ၊ စီမံခန့်ခွဲမှုပညာဘာသာရပ် တွေ၊ စာရင်းအင်းပညာရပ်တွေ၊ စာရင်းကိုင်ပညာရပ်တွေကို သင်ပေးနေတဲ့ တက္ကသိုလ်ဖြစ်တဲ့အ တွက် စီးပွားရေးလုပ်ငန်းတစ်ခုကို စီမံခန့်ခွဲရရင်၊ အစိုးရလူမှုအဖွဲ့အ စည်းတွေကို စီမံခန့်ခွဲရရင် ဉာဏ် ရည်ဉာဏ်သွေးရှိဖို့လည်း လိုတယ်။ ပြဿနာကို ဖြေရှင်းနိုင်ဖို့Problem Solving တွေလည်းလိုတယ်။ ပညာရေးရည်မှန်းချက်တွေ ထဲမှာလည်းပါပါတယ်။ အလွတ်ကျက် မှတ်တာမဟုတ်ဘဲနဲ့ သူ့ရဲ့တီထွင် နိုင်စွမ်းအားကို မြှင့်တင်ပေးမှသာလျှင် လူငယ်တွေဟာတီထွင်ဖန်တီးနိုင်စွမ်းအားတွေရှိ ပြီးတော့ နိုင်ငံတကာမှာ ဝင်ဆံ့နိုင်တာပေါ့။ ဒါတွေနဲ့ပတ်သက်ပြီး သူတို့မှာ အထုံဝါသနာတွေ ပါလာခဲ့ ရင် သင်ကြားပို့ချမှုတွေက အောင်မြင်ပြီးတော့ ကိုယ်တိုင်လည်း ထူးချွန်တဲ့ကျောင်းသူ၊ ကျောင်းသားတွေဖြစ်နိုင်တာပေါ့။ စီးပွားရေးတက္ကသိုလ်မှာ တက်ရောက်မယ့် ကျောင်းသူ၊ ကျောင်းသားတွေ သည် ဉာဏ်ရည်ဉာဏ်သွေး၊ ပြဿနာဖြေရှင်းနိုင်မှု၊ တီထွင်ဖန် တီးနိုင်မှုတွေမှာ နဂိုအခံဘယ် လောက်ရှိသလဲအပေါ် မူတည်ပြီး နှုတ်မေး၊ ဖြေစိစစ်ရွေးချယ်ရခြင်း ဖြစ်ပါတယ်။ 

နှုတ်မေး၊ ဖြေ စစ်ဆေးတဲ့အခါ နောက်ဆက်တွဲ ဖြစ်လာနိုင်တဲ့ ဟာကွက်တွေ အတွက်ကော ဘယ်လိုပြင်ဆင်ထားပါသလဲ။ 

စိစစ်ရွေးချယ်ရေးကို တစ်ဦး တစ်ယောက်တည်းက လုပ် ဆောင်တာမဟုတ်ဘဲနဲ့ အဖွဲ့ဖွဲ့ ထားတယ်။ ရန်ကုန်စီးပွားရေး တက္ကသိုလ်ဝင်ခွင့်စိစစ်ရွေးချယ် ရေးအဖွဲ့ပေါ့။ အဲဒီမှာ ကျွန်တော် က ဥက္ကဋ္ဌအနေနဲ့ ပါပြီးတော့ ကျန်တဲ့ပါမောက္ခ(ဌာနမှူး)တွေ၊ သင် တန်းရေးရာနဲ့ စီမံဌာနမှူးတွေက လည်း အဖွဲ့ဝင်အနေနဲ့ ပါတယ်။ အဲဒီအဖွဲ့ကနေမှ ဘယ်လိုမေးခွန်း မျိုးတွေ မေးမယ်၊ ဘယ်လိုအချက် တွေ ပါရမယ်ဆိုတာကို သတ်မှတ်ပေးလိုက်တာ။ သတ်မှတ်ပေးပြီး တော့မှ ပါမောက္ခ(ဌာနမှူး)တွေ ဦးဆောင်တဲ့ အင်တာဗျူးလုပ်တဲ့ အဖွဲ့တွေက မေးမြန်းစစ်ဆေးသွား မှာ။ နှုတ်မေး၊ ဖြေစစ်ဆေးတယ်ဆို တာသည် စီးပွားရေးတက္ကသိုလ် အတွက် အထူးအဆန်းတော့ မဟုတ်ဘူး။ MBA လို မဟာဘွဲ့တွေ ခေါ်ရင် Entrance Written ရေးဖြေလည်းဖြေရတယ်။ နှုတ်မေး၊ ဖြေလည်းဖြေရတယ်။ အဲဒီမှာ နှုတ်မေး၊ ဖြေစစ်တာက Used to ဖြစ်ပြီးသားပါ။ ပါမောက္ခ (ဌာနမှူး)တွေသည် အတွေ့အကြုံရှိပြီးသား ပါ။ နိုင်ငံခြားပညာတော်သင်သွား မယ်ဆိုရင်လည်း ပါမောက္ခ(ဌာန မှူး)တွေကပဲ မေးမြန်းတာမျိုးဆို တော့ အတွေ့အကြုံက ရှိပြီးသားပါ။ ဒါပေမဲ့ အခုလိုမေးမြန်းတဲ့အ ခါမှာ အထောက်အထား ခိုင်ခိုင်မာမာလည်းရှိအောင်၊ ဓမ္မဓိဋ္ဌာန်ကျကျနဲ့ ရွေးချယ်နိုင်အောင် ဝင်ခွင့် စိစစ်ရွေးချယ်ရေးအဖွဲ့ကနေ ဘယ်အချက်တွေ မေးရမယ်၊ ဘယ်အချက်တွေပါရမယ်၊ ဘယ်လိုအမှတ်ပေးရမယ်ဆိုတာတွေ သတ်မှတ်ထားပြီးသားပါ။ သတ်မှတ်ထားတဲ့အပေါ် မူတည်ပြီးတော့ စိစစ်ရွေးချယ်ဖို့ စီစဉ်ထားပါတယ်။ 

မေးတဲ့အခါမှာ အထွေထွေဗဟုသုတတွေကို မေးမှာမျိုးလား၊ စီးပွား ရေးနဲ့ဆိုင်တဲ့ အခြေခံအချက်တွေ မေးမှာမျိုးလား။

စီးပွားရေး လုပ်ငန်းတစ်ခု လုပ်တော့မယ်၊ ဒါမှမဟုတ် အစိုးရ လူမှုအဖွဲ့အစည်းတွေမှာ စီမံခန့် ခွဲမှုလုပ်ငန်းတွေ လုပ်တော့မယ်ဆို ရင် အဓိကက ဉာဏ်ရည်ဉာဏ် သွေး၊ ပြဿနာဖြေရှင်းနိုင်စွမ်း၊ တီထွင်ဖန်တီးနိုင်မှုစွမ်းအား အဲဒါ တွေကို အဓိကမေးသွားမယ်။ ရိုးရိုးသာမန် အင်တာဗျူးတွေမှာ မေးနေ ကျ အထွေထွေဗဟုသုတတို့ ဘာ တို့ကပါရင်လည်း ပါမှာပေါ့လေ။ ဒါပေမဲ့ အဲဒါကို Focusမလုပ်ဘူး။ စီးပွားရေးလုပ်ငန်း ဒါမှမဟုတ် အစိုးရအဖွဲ့အစည်းတွေမှာ စီမံခန့်ခွဲနိုင်ဖို့ဆိုရင် လိုအပ်ချက်တွေက အများကြီး။ သင်ပေးတာတော့ သင်ပေးတာပေါ့။ ဒါပေမဲ့ အထုံဝါသနာပါလာခဲ့သူဆိုရင် သင်ပေးတာနဲ့ တစ်ခါတည်း မြန်မြန်ဆန်ဆန် ထူးထူးချွန်ချွန် ဖြစ်သွားနိုင် တာပေါ့။ ဒါကြောင့် သမားရိုးကျအင်တာဗျူးတွေမှာ မေးလေ့မေးထရှိတဲ့ မေးခွန်းတွေတော့ ဖြစ်မှာမဟုတ်ဘူး။ ဒါကိုလည်း သူ့အချိန်နဲ့သူ ထုတ်ပြန်ကြေညာမှာပါ။ အခုကတော့ ဝင်ခွင့်လျှောက်လွှာလက် ခံတာပဲရှိသေးတယ်။ နှုတ်မေး၊ ဖြေစစ်ဆေးတော့မယ်ဆိုရင် ထုတ် ပြန်ကြေညာပါမယ်။

ကျေးဇူးတင်ပါတယ်။