ကျောင်းမတက်နိုင်သူများအတွက် မြို့နယ် ၉၀ တွင် ကျောင်းပြင်ပမူလတန်းပညာ သင်ကြားမည်

ကျောင်းပြင်ပကလေးငယ်များအား စာသင်ကြားပေးနေစဉ် (ဓာတ်ပုံ − ဂျေမောင်မောင်(အမရပူရ))

ယခုပညာသင်နှစ်တွင် အခြေခံပညာကျောင်း မတက် ရောက်နိုင်သည့် ကလေးများအ တွက် မြို့နယ် ၉၀ ၌ ကျောင်းပြင်ပ မူလတန်းပညာရေးအခြေစိုက်စ ခန်း ၄၅၅ ခုဖွင့်လှစ်ရန် ပညာရေး ဝန်ကြီးဌာနက စီစဉ်နေသည်။

အကြောင်းအမျိုးမျိုးကြောင့် အခြေခံပညာကျောင်း လုံးဝမ တက်ရောက်ဖူးသူ၊ ကျောင်းထွက် ထားရသူ အသက်(၁၀)နှစ်မှ (၁၄) နှစ်အတွင်း ကလေးများကို တိုင်းနှင့် ပြည်နယ် ၁၄ ခုရှိ မြို့နယ် ၉၀ ၌ ကျောင်းပြင်ပမူလတန်းပညာ ရေးအခြေစိုက်စခန်းများ ဖွင့်လှစ်သင်ကြားပေးရန် မြန်မာနိုင်ငံစာ တတ်မြောက်ရေး အထောက်အ ကူပြုပင်မဌာန (MLRC)နှင့် ပူး ပေါင်းစီစဉ်နေသည်။


‘‘ကျောင်းဆက်မတက်နိုင် တဲ့ကလေးတွေအတွက် အခွင့်အ လမ်းတစ်ခုအနေနဲ့ ဖွင့်ပေးတာ ပေါ့။ မြို့နယ်ပညာရေးမှူးရုံးတွေ မှာ မေးကြည့်ပြီး စာရင်းပေးတက် လို့ရတယ်’’ဟု MLRC စီမံချက် မန်နေဂျာ ဦးထွန်းကြည်က ပြော ကြားသည်။

ကျောင်းပြင်ပ မူလတန်း ပညာရေးအခြေစိုက်စခန်းများသို့ တက်ရောက် လိုသူများသည် သက်ဆိုင်ရာ မြို့နယ်ပညာရေးမှူး ရုံးများသို့ စုံစမ်းကာ နီးစပ်ရာအ ခြေစိုက်စခန်းများ၌ တက်ရောက် နိုင်သည်။ ကျောင်းလုံးဝမနေဖူး သေးသော ကလေးများနှင့် မူလ တန်းအောက်အဆင့် ကလေးများကို အခြေစိုက်စခန်းများတွင် Level-1 အဆင့်သင်ကြားပေးပြီး မူလတန်းအထက်အဆင့် သင် ကြားဖူးသော ကလေးများကို Level-2 အဆင့်သို့ တက်ရောက် ခွင့်ပြုထားသည်။

အဆင့်နှစ်ခုစလုံး ပြီးမြောက် ပါက အခြေခံပညာကျောင်းများ တွင် အလယ်တန်းနှင့်အထက် တန်းသို့ ဆက်လက်တက်ရောက် နိုင်သည်ဟု ဦးထွန်းကြည်က ပြော သည်။

အဆိုပါ စခန်းများတွင် ကျောင်းပြင်ပပညာရေးသင်ကြား မှုသင်တန်းဆင်း ဆရာ၊ ဆရာမ များက မြန်မာစာ၊ အင်္ဂလိပ်စာ၊ သင်္ချာ၊ အထွေထွေဘာသာ၊ ဝင် ငွေတိုးလုပ်ငန်းနှင့် ရပ်ရွာဒေသ လူမှုရေးလုပ်ငန်း၊ လုပ်ငန်းစာအုပ် ဘာသာရပ်များသင်ကြားမည်ဖြစ်သည်။

ယခု ၂၀၁၈-၁၉ ပညာသင် နှစ် ကျောင်းပြင်ပမူလတန်းပညာ ရေးအခြေစိုက်စခန်းများကို ဇူလိုင်၉ ရက်တွင် စတင်ဖွင့်လှစ်မည် ဖြစ်ပြီး ပညာရေးဝန်ကြီးဌာနက မြို့နယ် ၈၁ ခု၊ ယူနက်စကိုက မြို့နယ်လေးခု၊ အလှူရှင်များက မြို့နယ်ငါးခုကို ငွေကြေးပံ့ပိုးထား သည်။

ကျောင်းပြင်ပ ပညာရေးသင် ယူနေသူများကို နည်းပညာ၊ သက်မွေးပညာရေးနှင့် လေ့ကျင့်ရေး (သို့မဟုတ်)အဆင့်မြင့်ပညာရေး ဆက်လက်သင်ယူနိုင်ရန်နှင့် လုပ် ငန်းခွင်ဝင်ရောက်နိုင်ရေး အမျိုး သားအဆင့် လူငယ်ပညာရေး အောင်လက်မှတ် ပေးအပ်ရန် ပညာရေးဝန်ကြီးဌာနက စီစဉ်နေ သည်။

မြန်မာနိုင်ငံတွင် အသက် (၅)နှစ်မှ (၁၆)နှစ်အတွင်း ကလေး ငယ် ၂ ဒသမ ၇ သန်းခန့်သည် ကျောင်းဝင်ရောက်မှုမရှိသူများ နှင့် ကျောင်းထွက်သော ကလေး များဖြစ်ကြောင်း၊ (၁၅)နှစ်အ ထက် သက်ကြီး ၃ ဒသမ ၅ သန်း ခန့်သည် စာမတတ်သူများဖြစ် ကြောင်း ပညာရေးဝန်ကြီးဌာနက ထုတ်ပြန်ထားသည်။