ရွှေလီမြို့ တရုတ်ဘဏ်တွင် မြန်မာကုန်သည်များ ဘဏ်စာရင်းအပိတ်ခံရမှုကို အစိုးရကူညီပေးမည်

 ရွှေလီမြို့ရှိ တရုတ် ဘဏ်များတွင် ဘဏ်ငွေစာရင်း အပိတ်ခံထားရသော မြန်မာကုန် သည်များ၏ ငွေစာရင်းပြန်လည် ဖွင့်လှစ်နိုင်ရေး အစိုးရကကူညီ ဆောင်ရွက်ပေးမည်ဟု စီးပွားရေး နှင့်ကူးသန်းရောင်းဝယ်ရေးဝန် ကြီးဌာန ညွှန်ကြားရေးမှူးချုပ်ဦးရန်နိုင်ထွန်းက ပြောသည်။

အပိတ်ခံထားရသည့်ငွေစာ ရင်းများ အမြန်ပြန်လည်ဖွင့်လှစ် ပေးနိုင်ရေးကို ဇွန်လ ဒုတိယပတ် တွင် ကူမင်းမြို့၌ ပြုလုပ်သောကုန်စည်ပြပွဲတွင် စီးပွားရေးနှင့်ကူးသန်းရောင်းဝယ်ရေး ၀န်ကြီးဌာန ပြည်ထောင်စုဝန်ကြီးက တရုတ်နိုင်ငံ အစိုးရတာဝန်ရှိသူများနှင့် တွေ့ဆုံစဉ် ဆွေးနွေးခဲ့သည်ဟု၎င်းက ပြောသည်။

‘‘အမြန်ဖွင့်ပေးဖို့ဆိုတာ အ လောင်းအစားနဲ့ မသက်ဆိုင်တဲ့ မြန်မာကုန်သည်တွေရဲ့ ဘဏ်စာ ရင်းတွေကိုဆိုလိုတာပါ’’ ဟု ဦး ရန်နိုင်ထွန်းက ပြောသည်။

ပြီးခဲ့သည့် မတ်လကုန်ပိုင်း က ယူနန်ပြည်နယ်ရှိ တရုတ် ဘဏ်များတွင် မြန်မာကုန်သည် များ၏ ငွေစာရင်း ၂၅၀ မှ ၄၀၀ အကြားအပိတ်ခံခဲ့ရသည်။ ထိုကဲ့ သို့ ငွေစာရင်း အပိတ်ခံရခြင်း ကြောင့် ဇွန်လအတွင်းမူဆယ်မြို့ ရှိ ငွေလွှဲလုပ်ငန်းလုပ်ကိုင်သူအ များစု လုပ်ငန်းများရပ်နားခဲ့သည်။

ထို့ကြောင့် တရုတ်နိုင်ငံမှ ကုန်ပစ္စည်းများဝယ်ယူပြီး မြန်မာ နိုင်ငံသို့ တင်သွင်းရာတွင် ငွေ ကြေးလွှဲပြောင်းပေးရန် အခက်အ ခဲများကြုံတွေ့နေရသည်။ ထိုအ ခြေအနေကို တရုတ်ကုန်သည်များ က ၎င်းတို့၏အစိုးရထံ တင်ပြ တောင်းဆိုသဖြင့် တရုတ်ဗဟို ဘဏ်က ယူနန်ပြည်နယ်ရွှေလီမြို့ ရှိ တရုတ်လယ်ယာစိုက်ပျိုးရေး ဘဏ်၊ တရုတ်စက်မှုနှင့်ကူးသန်း ရောင်းဝယ်ရေးဘဏ်တို့က ငွေ စာရင်းများပြန်လည်ဖွင့်လှစ်ပေး ရန် စိစစ်လာကြောင်း မူဆယ်မြို့မှ ကုန်သည်အချို့က ပြောသည်။ ထိုသို့ဆောင်ရွက်မှုများနှင့် ငွေကြေးလွှဲပြောင်းသူများလုပ်ငန်းပြန်လည်လုပ်ကိုင်လာမည်ဆိုပါက ပို့ကုန်၊ သွင်းကုန်လုပ်ငန်းများ မကြာမီရက်ပိုင်းအတွင်း အဆင်ပြေလာနိုင်ကြောင်း ကုန်သည်များက မျှော်လင့်နေသည်။

မြန်မာ-တရုတ်နယ်စပ်ကုန် သွယ်ရေးတွင် ယွမ်ငွေကိုသာအ ဓိကအသုံးပြုပြီး ယွမ်ငွေဖြင့်ကုန် ပစ္စည်းများဝယ်ယူရောင်းချရာ၌ မြန်မာနိုင်ငံက ယွမ်ငွေကိုတရား ၀င်အသိအမှတ်မပြုထားသဖြင့် ပုဂ္ဂလိကဘဏ်၊ အစိုးရဘဏ်များ နှင့်ချိတ်ဆက်ဆောင်ရွက်နိုင်ခြင်း မရှိကြောင်း မူဆယ်မြို့မှ ကုန် သည်အချို့ကပြောကြားသည်။

ထို့ကြောင့် နှစ်နိုင်ငံနယ်စပ် ကုန်သွယ်ရေးတွင် ယွမ်ငွေနှင့် မြန်မာကျပ်ငွေလဲလှယ်ခြင်း၊ လွှဲ ပို့ခြင်းကို တစ်နိုင်တစ်ပိုင်ငွေလွှဲ လုပ်ငန်းလုပ်ကိုင်သူများနှင့်ချိတ် ဆက်ဆောင်ရွက်နေသည်။

ငွေလွှဲဝန်ဆောင်မှုလုပ်ကိုင် နေသူများက တရုတ်နိုင်ငံရှိ မြန် မာနိုင်ငံသားများကို ငွေစာရင်းဖွင့်လှစ်ခွင့်ပြုထားသော ဘဏ်များတွင် စာရင်းဖွင့်လှစ်ပြီးကုန်သည်များ ငွေလွှဲပြောင်းမှု၊ ငွေကြေးလဲလှယ်မှု ဆောင်ရွက်နေသည်။