ကယားပြည်နယ်ရှိ ကန့်သတ်နယ်မြေများကို ထပ်မံဖြေလျှော့ပေးမည်ဟုဆို

ကယားပြည်နယ်ရှိ နာမည်ကျော် တောင်ကွဲစေတီကို ဖူးတွေ့ရစဉ် ဓာတ်ပုံ − ဂျေမောင်မောင် (အမရပူရ)

ကယားပြည်နယ်အတွင်း ခရီးသွားကဏ္ဍ၌ အဟန့်အတားဖြစ်နေသည့် ကန့်သတ်နယ်မြေ များကို နယ်မြေအေးချမ်းသည့် အပေါ်မူတည်၍ ထပ်မံဖြေလျှော့ ပေးမည်ဟု ဟိုတယ်နှင့်ခရီးသွား လာရေးဝန်ကြီးဌာန ပြည်ထောင် စုဝန်ကြီးဦးအုန်းမောင်က မေလ တတိယပတ်တွင် ပြောသည်။


ကယားပြည်နယ်တွင် မြို့ နယ်ခုနစ်ခုရှိသည့်အနက် ရွာ သစ်မြို့နယ်တစ်ခုသာ ဆက် လက်ခွင့်ပြုရန် ကျန်ရှိနေပြီး လွိုင် ကော်၊ ဒီးမော့ဆို၊ ဖရူဆို၊ ဘော် လခဲ၊ ဖားဆောင်းနှင့် မယ်စဲ့မြို့ နယ်တို့ကို ခရီးသွားဒေသအဖြစ် ခွင့်ပြုပေးပြီးဖြစ်ကြောင်း ဟိုတယ် နှင့်ခရီးသွားလာရေးဝန်ကြီးဌာန လက်ထောက်ညွှန်ကြားရေးမှူး (ကယား)ဦးလင်းဇော်ထွဋ်ကပြောသည်။

 ပြည်တွင်း ခရီးသွားများ ကယားပြည်နယ်အတွင်း လွတ် လပ်စွာသွားလာနိုင်သော်လည်း ပြည်ပခရီးသွားများသည် ခွင့်ပြု ထားသည့်မြို့ပေါ်များတွင်သာ ခရီးသွားလာခွင့်ရှိပြီး ဒေသတွင်းရှိ ကျေးရွာများသို့ သွားရောက်လည် ပတ်ရန် ခွင့်ပြုချက်တင်ရသည်ဟု ၎င်းကပြောသည်။

‘‘၂၀၁၇ နှစ်ကုန်ပိုင်းမှာတော့ ရွာနှစ်ရွာကို ခွင့်ပြုချက်မလိုဘဲ သွားခွင့်ပေးခဲ့တယ်’’ ဟု ဦးလင်း ဇော်ထွဋ်ကပြောသည်။

ပြည်ပခရီးသွားများ စိတ်ဝင် စားသည့် အချို့သောရပ်ရွာအခြေ ပြုခရီးစဉ်များသည် ခွင့်ပြုချက် တောင်းခံပြီးမှသာ သွားလာနေရ သည်ဟု ဖိုးဝခရီးသွားလုပ်ငန်းမန် နေဂျင်း ဒါရိုက်တာဦးငြိမ်းချမ်း ကျော်က ပြောသည်။

ကယားပြည်နယ်သို့ သွား ရောက်လည်ပတ်ရန် FIT ဟုခေါ် သည့် တစ်ကိုယ်ရေပြည်ပခရီး သွားဧည့်သည်များက ပိုမိုစိတ်ဝင် စားပြီး ခရီးသွားကုမ္ပဏီများနှင့် ချိတ်ဆက်သွားလာသည့် ပြည်ပ ဧည့်သည်များ ၀င်ရောက်မှုနည်း ပါးနေသည်ဟု ၎င်းကသုံးသပ် သည်။

ပြည်ပခရီးသွားများ ခွင့်ပြု ချက်တောင်းခံရသည့်လုပ်ငန်းစဉ် သည် မခက်ခဲသော်လည်း ခရီး သွားလုပ်ငန်းအတွက် အဟန့်အ တားတစ်ခုဖြစ်ကြောင်း ဦးငြိမ်း ချမ်းကျော်က ပြောသည်။

လက်ရှိတွင် ကယားပြည် နယ်မြောက်မှတောင်သို့ ဖောက် ထားသည့် ပြည်နယ်ဖြတ်ကျော် လမ်းမကြီးအတိုင်း မြို့နယ် ခြောက်ခုကို ပြည်ပခရီးသွားဧည့် သည်များအား လည်ပတ်ခွင့်ပြု ထားသည်။