ဦးစိုးဝင်းကို စီမံဘဏ္ဍာဝန်ကြီး ခန့်အပ်ရန် လွှတ်တော် သဘောတူ

သမ္မတက စီမံ ကိန်းနှင့် ဘဏ္ဍာရေးဝန်ကြီးဌာန ပြည်ထောင်စု ၀န်ကြီးအဖြစ် ခန့်အပ်ရန်အဆိုပြုသော ဦးစိုး ၀င်းကို ပြည်ထောင်စုလွှတ်တော် က ကန့်ကွက်သူမရှိ သဘောတူ ကြောင်း နာယက မန်းဝင်းခိုင်သန်းက မေလ ၃၁ ရက်တွင် ကြေညာ သည်။

ပြည်ထောင်စုလွှတ်တော်က သဘောတူညီပြီးနောက် ဦးစိုးဝင်း ကို စီမံဘဏ္ဍာရေး ပြည်ထောင်စု ဝန်ကြီးအဖြစ် ခန့်အပ်တာဝန်ပေး လိုက်ကြောင်း နိုင်ငံတော်သမ္မတ ဦးဝင်းမြင့်က ယမန်နေ့ညတွင် အမိန့်ထုတ်ပြန်သည်။  ဘဏ်လုပ်ငန်း ကျွမ်းကျင် သူနှင့် ပညာရှင်အဖြစ် လူသိများ သော အသက်(၈၀)အရွယ် ဦးစိုးဝင်းသည် ဒီချုပ်အစိုးရလက်ကျန် သက်တမ်း သုံးနှစ်ခန့်တွင် စီမံကိန်းနှင့် ဘဏ္ဍာရေးဝန်ကြီးအဖြစ် တာဝန်ထမ်းဆောင်မည်ဖြစ်ပြီး ၎င်းသည် လက်ရှိအစိုးရအဖွဲ့၏ အသက်အကြီးဆုံးပြည်ထောင် စုဝန်ကြီး ဖြစ်လာသည်။

‘‘ကောင်းတယ်။ လုပ်နိုင် မယ်ထင်တယ်။ ကျွန်တော်နဲ့ လည်း သိတယ်။ အပြစ်ပြောစရာ ဆိုလို အသက်ကြီးတာလေးပဲ ရှိမယ်။ ဒါပေမဲ့ (အလုပ်လုပ်မယ့် အချိန်) အချိန်နည်းသွားပြီလို့ ထင်တယ်’’ ဟု ယခင်အစိုးရ လက်ထက် သမ္မတရုံးဝန်ကြီး လက်ရှိအမျိုးသားလွှတ်တော် ကိုယ်စား လှယ် ဦးစိုးသိန်းက မှတ်ချက်ပြု သည်။

စီမံကိန်းနှင့် ဘဏ္ဍာရေးဝန် ကြီးဌာန ပြည်ထောင်စုဝန်ကြီး ဦးစိုးဝင်းကို စီးပွားရေးလုပ်ငန်း ရှင်အများစုက အကောင်းမြင်ထား ပြီး လူမှန်၊ နေရာမှန်ရွေးချယ်မှု ဟု မှတ်ချက်ပြုသည်။

ဦးစိုးဝင်းသည် အစိုးရဌာန နှင့် ပုဂ္ဂလိကကဏ္ဍ နှစ်ခုစလုံးတွင် နှစ်ပေါင်းများစွာ ဖြတ်သန်းခဲ့ဖူး ပြီး ပြည်တွင်းနှင့် နိုင်ငံတကာအ တွေ့အကြုံကောင်းများ ရှိသည်။

၎င်းသည် နိုင်ငံတကာ အ ကြံပေးကုမ္ပဏီ Deloitte  မြန်မာ နိုင်ငံဝင်ရောက်လာချိန်တွင် De-loitte Myanmar အတွက် ခန့် အပ်သော အုပ်ချုပ်မှုဆိုင်ရာ အကြီးအကဲ (Country Manag -ing Partner) အဖြစ် တာဝန်ပေးခံရသည်။

ထို့အပြင် ၎င်းသည် နိုင်ငံ တ ကာနှင့် ပြည်တွင်းအကြံပေးပညာ ရှင်အဖြစ် လုပ်ငန်းအတွေ့အကြုံ ၄၆ နှစ်ကျော်ရှိကာ အခွန်အ ကောက်၊ ရင်းနှီးမြှုပ်နှံမှုဥပဒေနှင့် ဘဏ်ပိုင်းဆိုင်ရာ နယ်ပယ်များ၌ ကျွမ်းကျင်သူအဖြစ် ထင်ရှားသည်။

ဦးစိုးဝင်းသည် ၁၉၆၁ တွင် မြန်မာ့စီးပွားရေးဘဏ် ဒုမန်နေဂျာအဖြစ် စတင်လုပ်ကိုင်ခဲ့သည်။ ယင်းနောက် မြန်မာ့နိုင်ငံခြားကုန်သွယ်မှုဘဏ်(MFTB) တွင် နှစ် ၃၀ ခန့်လုပ်ကိုင်ကာ နိုင်ငံတကာ ဘဏ်လုပ်ငန်းအတွေ့အကြုံရှိပြီး စာရင်းစစ်၊ အခွန်နှင့် ဥပဒေရေးရာ အကြံပေးအဖြစ် ၁၆ နှစ်ကြာ လုပ်ကိုင်ခဲ့သည်။

မြန်မာနိုင်ငံ၏ ဘဏ်ဥပဒေ ရေးဆွဲရာတွင် ဦးစိုးဝင်းသည် အဓိကပါဝင်ပြီး အင်္ဂလန် Na-tional Westmister ဘဏ်နှင့် The Bank of England တို့၌ ဘဏ်လုပ်ငန်းဆိုင်ရာ သင်တန်း များ တက်ရောက်ခဲ့ကာ မြန်မာ နိုင်ငံ ဘားကောင်စီအဖွဲ့ဝင်တစ် ဦးလည်း ဖြစ်သည်။

စီမံကိန်းနှင့် ဘဏ္ဍာရေးဝန် ကြီးဌာန ပြည်ထောင်စုဝန်ကြီး ဖြစ်လာသည့် ဦးစိုးဝင်းသည် ဇွန် လ ၅ ရက်တွင် ကျင်းပမည့် ပြည် ထောင်စုလွှတ်တော်အစည်းအ ဝေး၌ ကတိသစ္စာပြုမည် ဖြစ် သည်။ တစ်ချိန်တည်းတွင် ယမန် နေ့ကကျင်းပသော ပြည်ထောင် စုလွှတ်တော် အစည်းအဝေး၌ ပြည်ထဲရေးဝန်ကြီးဌာန ဒုတိယ ၀န်ကြီးအဖြစ် ဗိုလ်ချုပ်အောင်သူ ကို ခန့်အပ်ကြောင်း နိုင်ငံတော် သမ္မတက ပေးပို့သော သ၀ဏ် လွှာကို နာယကမန်းဝင်းခိုင်သန်း က လွှတ်တော်သို့ပြောကြားပြီး မှတ်တမ်းတင်ကြောင်း ကြေညာ သည်။

စီမံကိန်းနှင့် ဘဏ္ဍာရေးဝန် ကြီးအဖြစ်မှ နုတ်ထွက်သူ ဦးကျော်ဝင်းနှင့်ပတ်သက်၍ အဂတိလိုက်စားမှု တိုက်ဖျက်ရေး ကော်မရှင်က နိုင်ငံတော်သမ္မတ၊ ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌတို့ထံ အစီရင်ခံစာပေးပို့ထားပြီး သမ္မတ၏ ဆုံးဖြတ်ချက်စောင့်ဆိုင်းနေကြောင်း ယင်းကော်မရှင်အဖွဲ့ဝင်တစ်ဦးက ပြောကြားသည်။