ရွေးကောက်ပွဲ အနိုင်ရ အင်အားစုနှင့် သမ္မတကြား သဘောကွဲလွဲမှုကြောင့် ပိုမို ရှုပ်ထွေးလာသည့် အီတလီနိုင်ငံရေး

အီတလီ သမ္မတ မာတာရယ်လာကို လာရောက်တွေ့ဆုံသည့် ရွေးကောက်ပွဲ အနိုင်ရ အင်အားစုခေါင်းဆောင် ကွန်တီ။

သမ္မတကို ရာထူးမှ ဖြုတ်ချရေး မဲခွဲဆုံးဖြတ်ရန် ရွေးကောက်ပွဲ အနိုင်ရ အင်အားစု ခေါင်းဆောင်က တောင်းဆိုလိုက်ပြီးနောက် အီတလီ နိုင်ငံရေး အခြေအနေက ပိုမို၍ ရှုပ်ထွေးလာခဲ့သည်။

အီတလီသည် မတ်လဆန်း ကတည်းက အာဏာလက်ရှိ အစိုးရ မဖွဲ့စည်းနိုင်ဘဲ နိုင်ငံရေး ယန္တရား လည်ပတ်နေခြင်း ဖြစ်သည်။ ရွေးကောက်ပွဲတွင် မဲအရေအတွက် ၃၂ ရာခိုင်နှုန်းထိ အနိုင်ရခဲ့သည့် Five Star ပါတီ၏ အကြီးအကဲ ဂူဆက်ပီ ကွန်တီက ပေါ်ပြူလစ် ပါတီဝင်များနှင့် ညှိနှိုင်းပြီးနောက် ညွန့်ပေါင်း အစိုးရ ဖွဲ့စည်းရန် စီစဉ်ခဲ့သည်။

အဆိုပါ ညွန့်ပေါင်း အစိုးရတွင် ကွန်တီက ဝန်ကြီးချုပ် အနေဖြင့် ဦးဆောင်သွားမည် ဖြစ်သည်။ သို့သော် ကွန်တီက ဖွဲ့စည်းမည့် အစိုးရသစ် ဝန်ကြီးများ စာရင်းမှ စီးပွားရေးနှင့် ဘဏ္ဍာရေး ဝန်ကြီးလောင်းကို အီတလီ သမ္မတ ဆာဂျီယို မာတာရယ်လာက ဗီတိုအာဏာသုံးပြီး ငြင်းဆန်ခဲ့သဖြင့် အစိုးရသစ် ဖွဲ့စည်းမည့် အစီအစဉ် အထမမြောက်ခဲ့ချေ။

ယင်းကိစ္စကို ကွန်တီက ဒေါသတကြီး ဝေဖန်ခဲ့သလို ၎င်း၏ မဟာမိတ် ပေါ်ပြူလစ် ခေါင်းဆောင် လူဂီဒီမွိုင်ကလည်း သမ္မတသည် ဖွဲ့စည်းပုံ ဥပဒေကို အရှုပ်အထွေးများ ဖြစ်ပေါ်အောင် လုပ်ဆောင်ခဲ့သည်ဟု ပြင်းပြင်းထန်ထန် စွပ်စွဲခဲ့သည်။

မာတာရယ်လာကမူ ဘဏ္ဍာရေးနှင့် စီးပွားရေး ဝန်ကြီးလောင်းအဖြစ် ကွန်တီ အမည်တင်သွင်းသော ပေါ်လို ဆာဗိုနာကို ရင်းနှီးမြှုပ်နှံမှု လုပ်ငန်းရှင် အများစုက မလိုလားကြောင်းနှင့် အီတလီ၏ ကြွေးမြီ ပြဿနာကို ပိုမို ဆိုးရွားသွားစေနိုင်ကြောင်း ထောက်ပြကာ ငြင်းဆိုခဲ့ခြင်း ဖြစ်သည်။

ထိုပြဿနာ၏ နောက်ဆက်တွဲ အနေဖြင့် ကွန်တီသည် ညွန့်ပေါင်း အစိုးရ အဖွဲ့သစ်၏ ဦးဆောင်ရာထူးမှ ဆင်းပေးရမည် ဖြစ်သည်။ ထို့နောက်တွင်မူ ကွန်တီက သမ္မတကို ရာထူးမှ ဖယ်ရှားရေးအတွက် တောင်းဆိုလာခြင်း ဖြစ်သည်။ ပြည်တွင်းမီဒီယာ အချို့ကမူ အီတလီတွင် နိုင်ငံရေး နယ်ပယ်မှ မဟုတ်သူတစ်ဦး ဝန်ကြီးချုပ် ဖြစ်လာနိုင်ကြောင်းလည်း ခန့်မှန်း ဖော်ပြနေကြသည်။

အီတလီတွင် သမ္မတ ရာထူးသည် နိုင်ငံရေးအရ ဩဇာ မရှိသော်လည်း ဝန်ကြီးချုပ်နှင့် အစိုးရ အဖွဲ့ကို ခန့်အပ်ရန်အတွက် သမ္မတ၏ အတည်ပြုချက် မဖြစ်မနေ လိုအပ်သည်။ အီတလီ ဥပဒေများအရ သမ္မတကို ဖြုတ်ချလိုပါက လွှတ်တော်ထဲတွင် အယုံအကြည်မရှိအဆို မဲခွဲ အတည်ပြုရန် လိုအပ်ပြီး ဖြုတ်ချလိုကြောင်း ထောက်ခံ ဆန္ဒမဲ များမှသာ အရေးယူနိုင်မည် ဖြစ်သည်။

ကွန်တီသည် အီတလီ ညွန့်ပေါင်း အစိုးရ အဖွဲ့ကို လက်ယာယိမ်းဝါဒီ အများစုဖြင့် ဖွဲ့စည်းရန် ကြိုးပမ်းခဲ့ခြင်း ဖြစ်သည်။ ယခုအခါ ပြည်တွင်းရှိ နိုင်ငံရေး အင်အားစု အချို့ကလည်း ရွေးကောက်ပွဲများ ပြန်လည် ကျင်းပရန် တောင်းဆိုမှုများ ရှိနေကြောင်း သိရသည်။

Ref: BBC