အခြေခံပညာကျောင်းများတွင် ကျောင်းအပ်စတင်လက်ခံ

ရန်ကုန်မြို့ရှိ အခြေခံပညာအထက်တန်းကျောင်းတစ်ကျောင်းတွင် ကျောင်းအပ်နှံနေကြစဉ် (ဓာတ်ပုံ − နစ်ကီ)

အခြေခံပညာကျောင်း များတွင် မေလ ၂၅ ရက်က ကျောင်းအပ်စတင်လက်ခံနေပြီး ဇွန်လ ကျောင်းဖွင့်ချိန်အထိ ကျောင်းသို့ ရောက်ရှိမလာသော ကျောင်းနေ အရွယ်ကလေးငယ်များကို မြို့ နယ်အုပ်ချုပ်ရေးမှူးများနှင့် ပူး ပေါင်းကာ အိမ်တိုင်ရာရောက်ခေါ်ယူမည်ဟု ရန်ကုန်တိုင်းဒေသကြီး ပညာရေးမှူးရုံး ဒုတိယညွှန်ကြား ရေးမှူးချုပ် ဒေါ်ခင်မာဆွေက ပြောသည်။

အသက် (၅) နှစ်၊ (၆) နှစ်ပြည့်ပြီးသည့် ကလေးအရေအတွက်ကို ရန်ကုန်တိုင်းဒေသကြီး ပညာရေး မှူးရုံးနှင့် သက်ဆိုင်ရာရပ်ကွက်၊ ကျေးရွာအုပ်ချုပ်ရေးမှူးများ ပူး ပေါင်း၍ မတ်လနှင့် ဧပြီက စာ ရင်းကောက်ယူထားသည်။

ယင်းစာရင်းအရ သတ်မှတ် နယ်မြေကျောင်းများသို့ ကျောင်း ဖွင့်ချိန်အထိ ရောက်ရှိမလာသော ကလေးငယ်များ၊ ယခင်အတန်း များတွင် ကျောင်းတက်ရောက်ပြီး ယခုနှစ်၌ ကျောင်းမတက်သော ကျောင်းသား၊ ကျောင်းသူများကို လိုက်လံခေါ်ယူပြီး ကျောင်းတက်ရောက်နိုင်ရန် ချိတ်ဆက်ဆောင်ရွက်မည် ဖြစ်သည်။

‘‘မြို့နယ်အထွေထွေအုပ် ချုပ်ရေးမှူးတွေနဲ့ ပေါင်းပြီး အဲဒီ ကလေးတွေသည် ဘာကြောင့်ပျက်ကွက်နေလဲ။ ဘာကြောင့် မနေနိုင်တာလဲဆိုတာ လိုက်လံကောက်မယ်။ မိသားစုရဲ့ စားဝတ်နေရေးကို သူလုပ်နေရတယ်ဆိုရင် ကျောင်းပြင်ပပညာရေးမှာ သူတက်နိုင်သလားဆိုတာ ချိတ် ဆက်ပေးမယ်’’ဟု ဒေါ်ခင်မာဆွေ က ပြောသည်။

ပုံမှန်အခြေခံပညာကျောင်း မတက်ရောက်နိုင်သော ကလေး များကို ပညာရေးဝန်ကြီးဌာနက ဖွင့်လှစ်ထားသည့် ကျောင်းပြင်ပ ပညာရေးအခြေစိုက်စခန်းများ၌ သင်ယူနိုင်ရန် ချိတ်ဆက်ပေးမည် ဟု ၎င်းက ဆိုသည်။

ကျောင်းနေအရွယ်ကလေး တိုင်း ကျောင်းသို့ရောက်ရှိလာရေးနှင့် ကျောင်းထွက်သူပပျောက် ရေးစီမံချက်အဖြစ် ယင်းအစီအစဉ်ကို ဆောင်ရွက်နေပြီး မိဘများပူးပေါင်းပါဝင်ဆောင်ရွက်ရန်  ပညာရေးဝန်ကြီးဌာနက တိုက်တွန်းထားသည်။

ယခုပညာသင်နှစ်အတွက် ကျောင်းလခ၊ မိဘဆရာအသင်း ကြေး၊ အားကစားကြေး၊ စာရေး ကိရိယာနှင့် စာကြည့်တိုက်ကြေး အပါအ၀င် မည်သည့်အခကြေး ငွေမျှ မကောက်ခံဘဲ မူလတန်း အဆင့်အတွက် ကျောင်းဝတ်စုံ တစ်စုံ၊ ဗလာစာအုပ် ခြောက်အုပ် နှင့် ကျောင်းသုံးပြဋ္ဌာန်းစာအုပ် တစ်စုံစီ၊ အလယ်တန်းအဆင့်နှင့် အထက်တန်းအဆင့်အတွက် ကျောင်းသုံးပြဋ္ဌာန်းစာအုပ်တစ်စုံ စီ ထောက်ပံ့မည် ဖြစ်သည်။

ပညာရေးဝန်ကြီးဌာနက ကျောင်းနေအရွယ်ကလေးအား လုံး ကျောင်းတက်နိုင်ရန် နှစ်စဉ် မေလ ၂၅ရက် မှ ၃၁ ရက်အထိ ကျောင်းအပ်နှံရေး သီတင်းပတ်အ ဖြစ် သတ်မှတ်ထားသည်။ ဇွန်လ ၁ ရက်တွင် အခြေခံပညာကျောင်း များ စတင်ဖွင့်လှစ်မည် ဖြစ်သည်။

ယခုပညာသင်နှစ် ကျောင်း အပ်လက်ခံရာတွင် သတ်မှတ်နယ်မြေအလိုက် လက်ခံရန် ညွှန်ကြားထားပြီး  နယ်ကျော်ကျောင်းအပ်လက်ခံပါက အရေးယူမည်ဟု ရန်ကုန်တိုင်းဒေသကြီးပညာရေးမှူးရုံးက ကြေညာထားသည်။

ရန်တိုင်းတိုင်းဒေသကြီးတွင် ၂၀၁၇-၁၈ ပညာသင်နှစ်က ကျောင်းသား၊ ကျောင်းသူ ၁၀ သိန်းခွဲရှိသည်။

Top News