အင်းလေးဇုန်ဝင်ကြေးလက်မှတ်များအတုလုပ်ခြင်းကြောင့် ပုံစံသစ်ဖြင့် ပြောင်းလဲကောက်ခံမည်ဟုဆို

အင်းလေးဒေသသို့ လာရောက်သော နိုင်ငံခြားခရီးသွားအချို့ကို စက်လှေဖြင့် ပို့ဆောင်ပေးနေစဉ် ဓာတ်ပုံ − စိုင်းဇော်

အင်းလေးဒေသတွင် ဇုန်ဝင် ကြေးကောက်ခံရာ၌ ၀င်ကြေး လက်မှတ်များ အတုပြုလုပ်ခြင်းနှင့် လက်မှတ်များလက်ဆင့်ကမ်း ခြင်းကို တားဆီးနိုင်ရန် ယခုနှစ် ဇွန်လဆန်းကစ၍ ပုံစံသစ်ပြောင်းလဲကျင့်သုံးမည်ဖြစ်ကြောင်း အင်းလေးဇုန်ဝင်ကြေး ကောက်ခံရေးကော်မတီ ဒုဥက္ကဋ္ဌဦးဇော်ဌေးအောင်က ပြောသည်။


အင်းလေးကန်သို့ လာရောက်သော နိုင်ငံခြားဧည့်သည်များသည် ဇုန်ဝင်ကြေးလက်မှတ်ကို ကာလာပရင်တာဖြင့်အတုလုပ်ခြင်း၊ကျော ပိုးအိတ်ခရီးသွားများ (FIT) များ က ၀င်ကြေးလက်မှတ်ကို လက် ဆင့်ကမ်းခြင်းတို့ကြောင့် ဖြတ်ပိုင်း သုံးခုဖြင့် ၀င်ကြေးကောက်ခံမည် ဖြစ်ကြောင်း ၎င်းက ပြောသည်။

လက်ရှိတွင် အင်းလေးဒေသ ၌ နိုင်ငံခြားသားဧည့်သည်များကို ဇုန်ဝင်ကြေးကောက်ခံသည့် ဂိတ် ခုနစ်ခုရှိပြီး ၀င်ကြေးကောက်ခံမှု ပို၍ စနစ်ကျစေရန် အဆိုပါဂိတ်များက ကောက်ခံမည့်အပြင် ၀င်ကြေး လက်မှတ်ပြပြီးမှသာ ဟိုတယ်များတွင် တည်းခိုခွင့်ပေး မည့်အစီအစဉ်နှင့် သတ်မှတ်ထား သော စားသောက်ဆိုင်များ၌ လက်မှတ်ပြ၍ အစားအသောက် များ Discount ဖြင့် ၀ယ်ယူစားသောက်နိုင်မည့်အစီအစဉ်ကို ပြုလုပ်မည် ဖြစ်သည်။

‘‘၀င်ကြေး ကောက်တဲ့အခါ မှာ ဖြတ်ပိုင်းကို သုံးခုလုပ်ထား မယ်။ တစ်ခုက ကောက်ခံတဲ့ ရုံးမှာ သိမ်းထားမယ်၊ နှစ်ခုကို ဧည့် သည်ကို ပေးလိုက်မယ်၊ သူ့ကို ပေးလိုက်တဲ့ နှစ်ခုထဲက တစ်ခုက ဟိုတယ်မှာ တည်းတဲ့အခါမှာ ပေး ရမှာ ဖြစ်ပါတယ်။ အဲဒါပေးနိုင်မှ ဟိုတယ်မှာ တည်းခွင့်ရှိမှာဖြစ်ပြီး တော့ ကျန်တဲ့ တစ်ခုကိုတော့ ဧည့် သည်ကပဲ သိမ်းထားပြီး စားသောက်ဆိုင်တွေမှာ Discount နဲ့ စားခွင့်ရှိ မယ်’’ဟု ဦးဇော်ဌေးအောင်ကပြောသည်။ အင်းလေးဇုန်ဝင်ကြေးကောက်ခံရေးကော်မတီအနေဖြင့် အဆိုပါ အစီအစဉ်ကို ခရီးသွားလုပ်ငန်းရှင် များအသင်း၊ ဟိုတယ်လုပ်ငန်းရှင် များအသင်း၊ စားသောက်ဆိုင်လုပ် ငန်းရှင်များအသင်းတို့နှင့် ပူးပေါင်း ကာ အကောင်အထည်ဖော်ဆောင် ရွက်မည် ဖြစ်သည်။

ယခင်က အင်းလေးဇုန်ဝင် ကြေးကို ပုဂ္ဂလိကလုပ်ငန်း (သို့မဟုတ်) တစ်ဦးတစ်ယောက်ကလေလံဆွဲကာ တာဝန်ယူဆောင်ရွက်သော်လည်း ၂၀၁၈ မေလကစ၍ ရှမ်းပြည်နယ်အစိုးရ၏ ခွင့်ပြုချက်ဖြင့် ဟိုတယ်နှင့် ခရီးသွားညွှန်ကြားမှုဦးစီးဌာန၊ ခရီးသွားလုပ်ငန်းရှင်များအသင်း၊ ဟိုတယ်လုပ်ငန်းရှင်များအသင်း၊ အရပ်ဘက် အဖွဲ့အစည်းများပါဝင်သည့် အင်းလေးဇုန်ဝင်ကြေး ကောက်ခံရေးကော်မတီကို ဖွဲ့စည်းကာ အဆိုပါကော်မတီက တာဝန်ယူကောက်ခံမည် ဖြစ် သည်။ ယင်းကော်မတီ အနေဖြင့် ပြည်နယ်အစိုးရ၏ ခွင့်ပြုချက်အရ ၂၀၁၈ မေလမှ စက်တင်ဘာအထိ ငါးလကြာ ဇုန်ဝင်ကြေးကောက်ခံခွင့်ရရှိထားပြီး လုပ်ငန်းဆောင်ရွက်မှုများ အောင်မြင်ပါကလာမည့်ဘဏ္ဍာနှစ်တွင်ဆက်လက်ဆောင်ရွက်ခွင့်ပြုရန် စီစဉ်ထားကြောင်း ဦးဇော်ဌေးအောင်က ပြောသည်။

ဇုန်ဝင်ကြေးများကို ရှမ်းပြည် နယ်အစိုးရသို့ ၄၅ ရာခိုင်နှုန်း၊ အင်းလေးအမျိုးသားဖွံ့ဖြိုးရေး ရန် ပုံငွေသို့ ၄၅ ရာခိုင်နှုန်း၊ ကော်မတီ ကုန်ကျစရိတ်နှင့် ၀န်ထမ်းလစာ အတွက် ၆ ရာခိုင်နှုန်း၊ ရှမ်းပြည်နယ် ခရီးသွားမြှင့်တင်ရေးအတွက် ၂ ရာခိုင်နှုန်းနှင့် အင်းလေးဒေသရှိ အရပ်ဘက်အဖွဲ့အစည်းများ ဖွံ့ဖြိုးရေးရန်ပုံငွေအဖြစ် ၂ ရာခိုင်နှုန်း နေ့စဉ်ပေးသွင်းရန်သတ်မှတ်ထားသည်။