အလုပ်သမားပြဿနာများ တိုက်ရိုက်ဆက်သွယ်အကူအညီတောင်းခံနိုင်ကြောင်း ဒီချုပ်ထုတ်ပြန်

တစ်ရက်လုပ်ခရရှိရေးနှင့် ပတ်သက်၍ ဆန္ဒထုတ်ဖော်နေကြစဉ်(ဓာတ်ပုံ − စိုင်းဇော်)

 ဒီချုပ်ပါတီက ဖွဲ့စည်း ထားသော ဗဟိုအလုပ်သမားရေး ရာအဖွဲ့သည် အလုပ်သမားပြဿ နာများကို ရုံးဖွင့်ရက်များအတွင်း နေ့စဉ်ရုံးထိုင်လျက် အတတ်နိုင် ဆုံး ဖြေရှင်းပေးနေကြောင်း ပါတီ က ထုတ်ပြန်သည်။

‘‘ကျွန်မတို့ နေ့စဉ် အလုပ် သမားကိစ္စတွေကို ဖြေရှင်းပေးနေ ပါတယ်။ ကျွန်မတို့ကို ဆက်သွယ် ရမယ့်  ဖုန်းနံပါတ်တွေလည်း ပေး ထားပါတယ်။ အလုပ်သမားကိစ္စ ကျေလည်မှုမရှိတာတွေကို ကျွန်မ တို့ တတ်နိုင်သလောက် ဖြေရှင်း ပေးနေပါတယ်’’ဟု ဒီချုပ်ပါတီ ဗဟိုအလုပ်သမားရေးရာအဖွဲ့ အတွင်းရေးမှူး ဒေါ်အိရွှေစင်ညွန့် က ပြောသည်။


ဒီချုပ်ပါတီ ဗဟိုအလုပ်သ မားရေးရာအဖွဲ့အနေဖြင့် အလုပ် သမားရေးရာ ကိစ္စအရပ်ရပ်ကို အကြံပြုခြင်း၊ ပဋိပက္ခများ ညှိ နှိုင်းဖြေရှင်းပေးခြင်း၊ တည်ဆဲအ လုပ်သမားရေးရာ ဥပဒေများကို သုံးသပ်ပြီး သက်ဆိုင်ရာဝန်ကြီး ဌာနသို့ အကြံပြုခြင်းတို့ ဆောင်ရွက်နေကြောင်း ပါတီက ထုတ် ပြန်သည်။

ထို့အပြင် အမျိုးသားဒီမိုက ရေစီအဖွဲ့ချုပ်ပါတီအနေဖြင့် မေ လ ၂၂ ရက်တွင် ကျင်းပသည့် ဒီချုပ်ပါတီ ဗဟိုအလုပ်အမှုဆောင်အဖွဲ့ အစည်းအဝေးဆုံးဖြတ်ချက်အရ ဗဟိုအလုပ်သမားရေးရာအဖွဲ့ကို ပြင်ဆင်ဖွဲ့စည်းခဲ့သည်။

 ပြန်လည် ပြင်ဆင်ဖွဲ့စည်း သည့် ဗဟိုအလုပ်သမားရေးရာ အဖွဲ့တွင် ဒီချုပ်ပါတီဗဟိုအလုပ် အမှုဆောင်အဖွဲ့ အတွင်းရေးမှူး ဦးဟံသာမြင့်က ဥက္ကဋ္ဌတာဝန်ယူ ထားပြီး ပြောရေးဆိုခွင့်ရှိသူများ အဖြစ် ဒေါ်အိရွှေစင်ညွန့်နှင့် ဦးကျော်ဇေယျာဝင်းတို့ကို တာဝန် ပေးအပ်ထားသည်။

ဒီချုပ်ပါတီက အသစ်ပြန် လည်ပြင်ဆင်ဖွဲ့စည်းသည့် ဗဟို အလုပ်သမားရေးရာအဖွဲ့ကို အ လုပ်ရှင်၊ အလုပ်သမားများ ဆက်သွယ်လိုပါက ဒေါ်အိရွှေစင်ညွန့် (အတွင်းရေးမှူး)ဖုန်း၀၉-၄၃၂၀ ၉၆၀၈၊ ဦးကျော်ဇေယျာဝင်း (အဖွဲ့ဝင်) ၀၉-၅၀၂၄၇၉၉တို့သို့ ဆက်သွယ်တိုင်ကြားနိုင်ကြောင်း ဒီချုပ်ပါတီက ထုတ်ပြန်သည်။

ထို့အပြင် တိုင်းဒေသကြီး၊ ပြည်နယ်များ၊ ခရိုင်နှင့် မြို့နယ် များတွင် အလုပ်သမားရေးရာ အဖွဲ့အဆင့်ဆင့် ဖွဲ့စည်းရန် ပါတီက မေလ ၂၂ ရက်တွင် ညွှန်ကြားချက်ထုတ်ပြန်ထားသည်။

စက်မှုဇုန်အချို့၌ ဖြစ်ပေါ်နေ သည့် ဆန္ဒပြမှုများတွင် အလုပ် သမားသမဂ္ဂအချို့၏ လှုံ့ဆော်မှု များပါဝင်နေပြီး အဆိုပါဖြစ်စဉ် များကြောင့် ဆက်လက်ဆောင် ရွက်ရန် အခက်အခဲရှိနေသည်ဟု ရန်ကုန်မြို့ Jasmine Palace ဟိုတယ်၌ မေလ ၁၉ ရက်က နိုင်ငံခြားစက်ရုံလုပ်ငန်းရှင် ၂၀ ဦးခန့် တက်ရောက်သည့် သတင်းစာရှင်းလင်းပွဲပြုလုပ်ပြီးနောက် အဆိုပါကြေညာချက်ထွက်လာသည်။

ဒီချုပ်ပါတီအနေဖြင့် အလုပ် သမားရေးရာကိစ္စများကို ရွှေဂုံ တိုင်ရှိ ပါတီဌာနချုပ်တွင် ကူညီဖြေရှင်း ဆောင်ရွက်ပေးနေပြီး တိုင်းဒေသကြီး၊ ပြည်နယ်များရှိ အလုပ်သမားရေးရာ ကိစ္စရပ်များ ရှိပါက ပါတီသို့ လာရောက်ချိတ် ဆက်လျှင် ကူညီဆောင်ရွက်ပေး မည်ဖြစ်ကြောင်း ဒီချုပ်ပါတီဗဟို အလုပ်သမားရေးရာအဖွဲ့ တာဝန် ရှိသူများက ပြောသည်။

Top News