ရွှေတိဂုံစေတီ အလှူငွေကျပ် ၆၇ ဘီလီယံနှင့် ဒေါ်လာ ၁၅ သန်းကျော်ရှိ၊ ယခင်နှစ်က ဘဏ်အတိုး ကျပ်သိန်း ၄,၇၀၀ ကျော်ရ

ရွှေတိဂုံစေတီ၏ အလှူငွေများကို ဘဏ်တွင် နောက်ဆုံးအပ်နှံထားမှုသည် စုစုပေါင်း ကျပ် ၆၇ ဘီလီယံနှင့် ကန်ဒေါ်လာ ၁၅ သန်းကျော်ရှိပြီး ငွေစုစာအုပ်များမှ ယခင်နှစ်အတွင်း အတိုးကျပ် သိန်း ၄,၇၀၀ ကျော်ရ ရှိကြောင်း ရန်ကုန်တိုင်းဒေသကြီး လူမှုရေးဝန်ကြီး ဦးနိုင်ငံလင်းက ပြောသည်။

ရန်ကုန်တိုင်းဒေသကြီးလွှတ်တော်ကိုယ်စားလှယ် ဦးကျော်ဇေယျက မေလ ၁၆ ရက်တွင်ပြုလုပ်သည့် တိုင်းဒေသကြီး လွှတ်တော်အစည်းအဝေး၌ ရွှေတိဂုံ စေတီအပါအ၀င် ရန်ကုန်တိုင်းဒေသကြီးရှိ ဘုရား စေတီများရှိ ဂေါပကများရွေးချယ်ထားရှိမှု၊ အလှူငွေ ရရှိမှုနှင့် ရရှိသည့်အလှူငွေများကို စနစ်တကျအသုံးချ မှု ရှိ၊ မရှိ မေးမြန်းရာ လူမှုရေးဝန်ကြီးက ပြန်လည် ဖြေကြားခဲ့သည်။

နောက်ဆုံးအချိန်အထိ အလှူငွေရရှိထားမှုနှင့် ပတ်သက်၍ ရွှေတိဂုံစေတီသည် အလှူငွေအများ ဆုံးစုဆောင်းထားရှိပြီး ယင်းငွေများကို မြန်မာ့စီးပွား ရေးဘဏ်နှင့် မြန်မာ့နိုင်ငံခြားကုန်သွယ်မှုဘဏ် (MFTB)တွင် အပ်နှံထားကြောင်း ဦးနိုင်ငံလင်းက ဆက်လက်ပြောသည်။ထို့အပြင် ဗိုလ်တထောင်စေ တီသည်ကျပ် ၁၄၅ သိန်းကျော်နှင့် ကန်ဒေါ်လာ ၁၅၂ သိန်းကျော်၊ ကမ္ဘာအေးစေတီသည် ကျပ်သိန်း ၈၉၀ ကျော်နှင့် ကန်ဒေါ်လာ ၂,၁၀၀ ကျော်၊ ဆူးလေစေတီ သည်ကျပ်သိန်း ၁၆၀ ကျော်နှင့် ကန်ဒေါ်လာ ၈,၇၀၀ ကျော်၊ စင် ကာပူဒေါ်လာ ၃၈၊ စွယ်တော်မြတ် စေတီသည်ကျပ် ၁၅၈ သိန်းကျော် အလှူငွေရရှိခဲ့ကြောင်း ၎င်းက ပြောသည်။

‘‘ဂေါပကအဖွဲ့များ ရရှိတဲ့ အလှူငွေများကို စေတီတော်ဂေါ ပကအဖွဲ့စည်းမျဉ်းစည်းကမ်းများ နှင့်အညီ ဩ၀ါဒါစရိယဆရာတော်များ၏ဩ၀ါဒကိုခံယူ၍သုံးစွဲလျက်ရှိပြီး ရရှိတဲ့ငွေကိုမြို့နယ်၊ ခရိုင် အုပ်ချုပ်ရေးမှူးရုံးများနှင့်မြို့နယ် သာသနာရေးမှူးရုံးများထံ လစဉ်တင်ပြလျက်ရှိပါတယ်’’ ဟု ဦးနိုင်ငံလင်းက ဆိုသည်။

ဂေါပကအဖွဲ့များသည် နှစ် စဉ်ဇန်န၀ါရီမှ ဒီဇင်ဘာအထိ အစိုးရ ၀န်ကြီးဌာနများနည်းတူ ဘတ်ဂျက်ရေးဆွဲ လျာထားအ တည်ပြုပြီး ဘတ်ဂျက်လျာထားခွဲ ဝေမှုအတွင်းသာသုံးစွဲနေကြောင်း နှင့် ပြက္ခဒိန်နှစ်ကုန်ဆုံးချိန်တွင် ဘဏ္ဍာငွေလိုအပ်ချက်အရခေါင်း စဉ်လွှဲပြောင်းသုံးစွဲခြင်း၊ ပိုငွေပြန် လည်အပ်နှံခြင်းများကို လုပ်ထုံး လုပ်နည်းနှင့်အညီ ဆောင်ရွက်နေ သည်ဟု ၎င်းကပြောသည်။

အဆိုပါဘုရားစေတီများမှ ရရှိသည့်အလှူငွေကို စာရင်းစစ် အဖွဲ့များဖြင့်စစ်ဆေးကာ စာရင်း စစ်ချုပ်အစီရင်ခံစာတွင်ဖော်ပြ စေလိုကြောင်း ဦးကျော်ဇေယျက ထပ်ဆင့်မေးခွန်း မေးမြန်းခဲ့သည်။

ဦးနိုင်ငံလင်းက ရွှေတိဂုံစေ တီအပါအ၀င် ဗဟိုအဆင့်ဘုရား စေတီများ၏ ဘဏ္ဍာရေးအခြေအ နေကို ပြည်ထောင်စုစာရင်းစစ် ချုပ်ရုံး၏ တာဝန်ပေးမှုအရ ရန် ကုန်တိုင်းဒေသကြီးစာရင်းစစ်အ ဖွဲ့က နှစ်စဉ်စာရင်းစစ်တင်ပြနေ ပြီး နှစ်စဉ်စာရင်းစစ်ချုပ်အစီရင်ခံ စာတွင် ရေးသွင်း၍လွှတ်တော်သို့ တင်ပြပေးမည်ဟု ပြန်လည်ဖြေ ကြားသည်။

ထို့အပြင် အဆိုပါဘုရားစေ တီများရှိဂေါပကအဖွဲ့များကို အ ကျင့်စာရိတ္တကောင်းမွန်မှု၊ ယုံ ကြည်စိတ်ချစွာသာသနာပြု ဝေ ယျာဝစ္စလုပ်ငန်းများထမ်းဆောင် နိုင်မှုများအပေါ်မူတည်၍ သာသ နာရေးနှင့် ယဉ်ကျေးမှုဝန်ကြီးဌာန နှင့် တိုင်းဒေသကြီးအစိုးရတို့ကညှိနှိုင်းစိစစ်၍ လည်းကောင်း၊ ဂေါပကအဖွဲ့ ရွေးချယ်ရေးကော် မတီဖွဲ့စည်း၍ လည်းကောင်း၊ ဂေါပကစည်းမျဉ်းပါအတိုင်း ဂေါ ပကလူကြီးများရွေးချယ်၍ စေတီ တော်ဩ၀ါဒါစရိယဆရာတော် ကြီးများထံ ဩ၀ါဒခံယူ၍ သက် ဆိုင်ရာမြို့နယ်၊ တိုင်းဒေသကြီး သံဃနာယကအဖွဲ့၏ အတည်ပြု ချက်ဖြင့် ရွေးချယ်ဖွဲ့စည်းထား ကြောင်း ဦးနိုင်ငံလင်းက ပြော သည်။