နေရပ်စွန့်ခွာသူများ ပြန်လည်လက်ခံရေး မြန်မာနှင့် ဘင်္ဂလားဒေ့ရ်ှဆွေးနွေးမည်

 နေရပ်စွန့်ခွာသူများ ပြန် လည်လက်ခံရေးညှိနှိုင်းရန် မြန်မာ-ဘင်္ဂလားဒေ့ရှ် နှစ်နိုင်ငံအစိုးရ တာဝန်ရှိသူများသည် ဒါကာမြို့၌ မေလ ၁၇ ရက်တွင် တွေ့ဆုံမည် ဖြစ်သည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနမှ တာဝန်ရှိသူများ ပါဝင်ပြီး နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးဆောင် သော မြန်မာကိုယ်စားလှယ်အဖွဲ့ သည် ဘင်္ဂလားဒေ့ရ်ှနိုင်ငံ ကိုယ် စားလှယ်အဖွဲ့နှင့်တွေ့ဆုံရန် မေလ ၁၅ ရက်က လေကြောင်းခရီး စဉ်ဖြင့် ထွက်ခွာခဲ့သည်။

‘‘ကျွန်တော်တို့ မေလ ၁၇ ရက်မှာ ဆွေးနွေးမယ်။ နှစ်နိုင်ငံ ပူးတွဲလုပ်ငန်းအဖွဲ့ (Joint Work-ing Group) အနေနဲ့ ဆွေးနွေးတာ။ ဘာတွေ ဆွေးနွေးခဲ့ကြတယ်၊ ဘာတွေ သဘောတူညီကြတယ် ဆိုတာ ဆွေးနွေးပွဲပြီးမှ သတင်း ထုတ်ပြန်ပါလိမ့်မယ်’’ ဟု လူမှုဝန် ထမ်း၊  ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန ညွှန်ကြားရေးမှူးချုပ် ဒေါက်တာကိုကိုနိုင်က ပြော သည်။

မြန်မာနှင့် ဘင်္ဂလားဒေ့ရှ် နှစ်နိုင်ငံပူးတွဲလုပ်ငန်းအဖွဲ့ (Joint Working Group) အစည်းအဝေး ကို နေပြည်တော်တွင် ယခုနှစ် ဇန်နဝါရီလက တစ်ကြိမ်ပြုလုပ်ခဲ့ ပြီး ယခုဒုတိယအကြိမ်ပြုလုပ်ခြင်း ဖြစ်သည်။

Top News