အစားအသောက် ပြောင်းလဲပေးခြင်းဖြင့် အရိုးအဆစ်နာကျင်မှုများ သက်သာစေနိုင်

အစားအသောက် အပြောင်းအလဲလုပ်ခြင်းနှင့် လေ့ကျင့်ခန်းလုပ် ခြင်းသည် အရိုးအဆစ်နာကျင်ရောင်ရမ်းခြင်း လက္ခဏာများကို သက်သာလျော့ပါးစေနိုင်သည်ဟု ဗြိတိန်နိုင်ငံမှ လေ့လာမှုတစ်ရပ် က ဖော်ပြသည်။

အရိုးအဆစ်နှင့် အစားအသောက်ဆက်စပ်မှု အကြီးမားဆုံး လေ့လာမှုတွင် ဆာရေးတက္ကသိုလ်မှ သုတေသီများသည် အစာအာဟာရနှင့် ကမ္ဘာပေါ်တွင် အဖြစ်အများဆုံး အရိုးအဆစ်ရောင်ခြင်းကြား လေ့လာထားသော စာတမ်း ၆၈ ခုကို ခွဲခြမ်းစိတ်ဖြာလေ့ လာခဲ့သည်။


အသက်(၆၀)ကျော် အမျိုးသမီး ၁၈ ရာခိုင်နှုန်းနှင့် အမျိုးသား ၉ ဒသမ ၆ ရာခိုင်နှုန်းသည် အရိုးအဆစ်ရောင်ရမ်းခြင်း ခံစားနေရ သည်ဆိုပြီး လက်တွေ့တွင် ပိုမိုများပြားနိုင်သည်ဆိုသည်။

လက်ရှိတွင်လည်း ယင်းရောဂါအတွက် ကုသနည်းမရှိသေးဘဲ ရောဂါခံစားရသူများအနေဖြင့် ရောဂါလက္ခဏာများကို ကုသရန်အ ကိုက်အခဲပျောက်ဆေးများသာ အများအားဖြင့် အသုံးပြုနေရသည်။

သုတေသီများ၏ လေ့လာမှုမှ တွေ့ရှိချက်တစ်ခုမှာ ငါးကြီးဆီ ကို တစ်နေ့လျှင် တစ်ဂရမ်ခန့် ဖြည့်စွက်စာအနေဖြင့် သောက်သုံးပါ က နာကျင်မှုကို သက်သောစေသည်။ ယင်းမှာ ငါးကြီးဆီတွင် ပါဝင် သော ဖက်တီးအက်စစ်များက အဆစ်အမြစ်ရောင်ရမ်းမှုကို လျှော့ ချပေးသောကြောင့်ဖြစ်သည်။ ငါးကြီးဆီက နှလုံးကျန်းမာရေးကို လည်း အထောက်အကူဖြစ်နိုင်သည်။

ထို့အပြင် ဗီတာမင်ကေ  ကြွယ်ဝသော အစားအစာများဖြစ်သည့် ဆလတ်၊ မုန်ညင်းနှင့် တရုတ်နံနံ စသော အစားအစာများသည်လည်း အရိုးအဆစ်နာကျင်မှုများ သက်သာစေသည်။ အရိုးနှင့် အဆစ်များ ကြီးထွားရန် ဗီတာမင်ကေ လိုအပ်ပြီး အရိုးအဆစ်နာကျင် မှုကို လျှော့ချပေးနိုင်ကြောင်း သိရသည်။

လူနာများအတွက် အရိုးအဆစ်သန်မာစေရေး၊ လှုပ်ရှားမှုလွယ်ကူစေရေးအတွက် လေ့ကျင့်ခန်းများလည်း လိုအပ်ပြီး လေ့ကျင့်ခန်းများက အဝလွန်ခြင်းကိုလည်း တားဆီးပေးနိုင်သည်။

အရိုးအဆစ်များ သန်မာစေရန် အစားအသောက်နှင့် လေ့ကျင့်ခန်းလုပ်ခြင်းကို ပူးတွဲလုပ်ဆောင်ရမည်ဟု သုတေသန စာတမ်းရေးသားသူ အလီမိုဘာရှာရီက ပြောသည်။    

—Ref: AFP

Top News