ကွမ်းနှင့် ဆေးရွက်ကြီးအန္တရာယ်လှုံ့ဆော်သည့် ကမ်ပိန်းကြောင့် ကွမ်းစားသုံးသူ ၆၀ ရာခိုင်နှုန်း လျှော့ချနိုင်ခဲ့ကြောင်း စစ်တမ်းထုတ်ပြန်

မြန်မာလူမျိုးအများစုသည် ကွမ်းကို နှစ်ခြိုက်စွာ စားသုံးကြသည်။ (ဓာတ်ပုံ − ဂျေမောင်မောင်(အမရပူရ))

ကွမ်းနှင့် ဆေးရွက်ကြီးစားသုံးမှုကိုမီဒီယာလှုပ်ရှားမှုမှတစ်ဆင့် ကွမ်းစားသုံးသူ ၆၀ ရာခိုင်နှုန်း ကျော်လျှော့ချနိုင်ခဲ့ကြောင်း ပြည်သူ့ကျန်းမာရေးဖောင်ဒေးရှင်းက မေလ ၇ ရက်၌စစ်တမ်းထုတ်ပြန် သည်။

ကျန်းမာရေးနှင့်အားကစား ၀န်ကြီးဌာနနှင့် ဆေးလိပ်ဆေး ရွက်ကြီး ထိန်းချုပ်မှုလုပ်ငန်းများ ဆောင်ရွက်နေသော ပြည်သူ့ ကျန်းမာရေး ဖောင်ဒေးရှင်းတို့က ၂၀၁၇ တွင် တစ်လခွဲကြာပူးပေါင်း ဆောင်ရွက်ခဲ့သည့် ကွမ်းနှင့်ဆေး ရွက်ကြီးအန္တရာယ် အသိပေးလှုံ့ ဆော်သည့် မီဒီယာလှုပ်ရှားမှု (ကမ်ပိန်း)အပြီး၌ ရလဒ်အနေဖြင့် ယခုကဲ့သို့ စစ်တမ်းငယ်တစ်ခု ထွက်ရှိလာသည်။

၎င်းစစ်တမ်းသည် တစ်နိုင်ငံ လုံးအတိုင်းအတာဖြင့် ကျပန်းရွေးချယ်ထားသော မြို့နယ်ခြောက်ခုတို့မှ အသက်(၁၈)နှစ်မှ (၅၅)နှစ်အရွယ်ရှိ ကွမ်းစားသုံးသူ ၂၄၅ ဦးကို မေးမြန်းသုတေသနပြုထားခြင်းဖြစ်သည်။ ကမ်ပိန်းမှတစ်ဆင့် ကွမ် စားသုံးသူ ၆၂ ရာခိုင်နှုန်းခန့်ကို ကွမ်းဖြတ်နိုင်ရန် လှုံ့ဆော်ပေးခဲ့သည်ဟု စစ်တမ်းတွင် ဖော်ပြထားသည်။

 ယင်းစစ်တမ်း၌ပါဝင်သော လူဦးရေထက်ဝက်ခန့်သည် အ ဆိုပါလှုပ်ရှားမှုကို သတိပြုမိ၍ ၈၇ ရာခိုင်နှုန်းကျော်သည် ဆေး ရွက်ကြီးသည် ကျန်းမာရေးထိ ခိုက်စေသည်ဟူသောအချက်ကို လှုပ်ရှားမှုမှတစ်ဆင့် သိရှိခဲ့ပြီး စိုးရိမ်မှုများရှိခဲ့သည်ဟု ဖြေကြား ထားသည်။ ထို့အပြင် ၇၀ ရာခိုင် နှုန်းသည် မိမိတို့မိသားစုဝင်များ က ကွမ်းဖြတ်ရန် တိုက်တွန်းမှုများ ရှိလာသည်ဟု ဖြေဆိုထားသည်။

‘‘အရင်တစ်ခေါက်က လုပ်ခဲ့ တာမှာ ရုပ်သံနဲ့ရေဒီယို၊ မီဒီယာ တွေကနေတစ်ဆင့် ပညာပေးခဲ့ တဲ့ အစီအစဉ်တွေကတကယ်ပဲထိ ရောက်ခဲ့ပြီး ရလဒ်လည်းကောင်း ခဲ့ပါတယ်။ ကျွန်တော်တို့ဒီထက်ပို ပြီး ထိရောက်ကျယ်ပြန့်အောင် လည်းလုပ်သွားဖို့ အစီအစဉ်တွေ ရှိပါတယ်။ ဒီလိုလုပ်နိုင်ခြင်းက လူ့အသက်တွေကို အများကြီး ကယ်တင်နိုင်ရာရောက်ပါတယ်’’ ဟု ပြည်သူ့ကျန်းမာရေးဖောင်ဒေး ရှင်းဥက္ကဋ္ဌဒေါက်တာသန်းစိန်က ပြောသည်။

ကွမ်းနှင့် ဆေးရွက်ကြီး ကြောင့် မြန်မာနိုင်ငံတွင်နှစ်စဉ် လူဦးရေခြောက်သောင်းခန့် သေ ဆုံးနေကြောင်း၊ ယင်းသို့သေဆုံးမှု နှုန်းနည်းစေရန် အားလုံးအတူတူ လက်တွဲ၍ ဆောင်ရွက်နိုင် ကြောင်း ၎င်းကပြောသည်။

ပထမအကြိမ်ပြုလုပ်ခဲ့သော ကမ်ပိန်းတွင် ရလဒ်ကောင်းများ ထွက်ခဲ့သဖြင့် ယခုနှစ်လယ်တွင် ဒုတိယအကြိမ်ကမ်ပိန်းတစ်ခုပြုလုပ်မည်ဖြစ်သည်။ ယင်းကမ်ပိန်း တွင် ပထမအကြိမ်ကဲ့သို့ပင် ရုပ် သံမီဒီယာ၊ ရေဒီယိုနှင့် သတင်း စာဂျာနယ်များတွင် ကွမ်းနှင့်ဆေး ရွက်ကြီးစားသုံးမှု အသိပညာ ပေးလုပ်ငန်းများ ဆောင်ရွက်မည် ဖြစ်သည်။

‘‘ကမ်ပိန်းလုပ်တာကလည်း ဆေးလိပ်ဆေးရွက်ကြီးသုံးစွဲမှု၊ ကွမ်းယာစားသုံးမှု လျှော့ချဖို့အ တွက် ကောင်းမွန်တဲ့နည်းလမ်း တစ်ခုပါ။ ဒီလိုအသိပညာတွေ များများပေးရပါမယ်’’ ဟု ကမ္ဘာ့ ကျန်းမာရေးအဖွဲ့ (WHO)ဌာနေ ကိုယ်စားလှယ် မစ္စတာစတီဗင် ဂျော့က တိုက်တွန်းသည်။

မြန်မာနိုင်ငံတွင် လူဦးရေ သန်း ၅၀ ကျော်ရှိသည့်အနက် အမျိုးသားဦးရေ ၁၀ သန်းနှင့် အမျိုးသမီးဦးရေ နှစ်သန်းခန့် နေ့ စဉ်ကွမ်းယာစားသုံးနေသည်။

Top News