F8 2018 ညီလာခံမှာ ကြေညာသွားတဲ့ ဖေ့စ်ဘွတ်ခ် ရဲ့ ပြုပြင်ပြောင်းလဲမှုငါးခု

မေလ ၁ ရက်က ကျင်းပခဲ့တဲ့ F8 2018 Developer ညီလာခံမှာ ဖေ့စ်ဘွတ်ခ်ဟာ ယခုနှစ်အတွက် အရေးပါတဲ့ အပြောင်းအလဲ အစီအစဉ်အချို့ကို အတည်ပြုကြေညာခဲ့ပါတယ်။ ကမ္ဘာ့အကြီးမားဆုံး လူမှုကွန်ရက် မီဒီယာကြီးရဲ့ အကြီးအကဲဖြစ်သူ ဇူကာဘက်မာ့ခ်ကိုယ်တိုင် ဒီညီလာခံကို တက်ရောက်ပြီးဖေ့စ်ဘွတ်ခ်ရဲ့ လုပ်ဆောင်မှုအသစ်တွေနဲ့ပတ်သက်လို့ရှင်းလင်းခဲ့ပါတယ်။

ဖေ့စ်ဘွတ်ခ်က ခရီးဆက်မယ့် မဟာဗျူဟာစီမံကိန်း အသစ်တွေထဲမှာ အရေးပါတဲ့၊ အဓိကသိသင့်တဲ့အကြောင်းအရာငါးခုကို ထုတ်နုတ်ဖော်ပြလိုက်ပါတယ်။


Oculus Go စရောင်းမယ့်နေ့
မေလဆန်းကစပြီး ဖေ့စ်ဘွတ်ခ်ရဲ့ VR အထောက်အပံ့ နည်းပညာခေါင်းဆောင်းတွေ စရောင်းမယ်ဆိုတာကို F8 2018 မှာ အတည်ပြုသွားခဲ့ပါတယ်။ ဒါပေမဲ့ နိုင်ငံအရေအတွက် ၂၃ ခုမှာပဲ ကန့်သတ်ပြီး ရောင်းချဦးမှာပါ။ အဲဒီနိုင်ငံတွေထဲမှာ အမေရိကန်၊ ဗြိတိန်၊ ဩစတြေးလျ၊ကနေဒါတို့ ပါဝင်ပါတယ်။ ဇူကာဘက်က Oculus Go ဟာအမှန်တကယ်ဈေးနှုန်းသင့်တင့်ပြီး စွမ်းဆောင်ရည်မြင့်မားတဲ့ ပထမဆုံး VR ခေါင်းဆောင်းအဖြစ် ဈေးကွက်ထဲရောက်လာမယ်လို့ အာမခံသွားပါတယ်။ သိုလှောင်မှု ပမာဏပါဝင်တဲ့ 32GB ပါရှိတဲ့ အခြေခံအကျဆုံး အမျိုးအစားက ရောင်းဈေး ၁၉၉ ဒေါ်လာဖြစ်မှာပါ။ 64GB ဗားရှင်းကတော့ ၂၄၉ ဒေါ်လာ ကျသင့်ပါမယ်။ Oculus Go အတွက် အသုံးပြုနိုင်မယ့် ဂိမ်းနဲ့ App ပေါင်း ၁,၀၀၀ လောက် လောလောဆယ်ရွေးချယ်ခွင့်ရှိနေပြီလို့ဆိုပါတယ်။

Dating ဝန်ဆောင်မှု
ဖေ့စ်ဘွတ်ခ်ဟာ သူငယ်ချင်းတွေ၊ မိတ်ဆွေတွေ၊ လုပ်ဖော်ကိုင်ဖက်တွေကြား ချိတ်ဆက်ပေးနေရုံနဲ့ မကျေနပ်တော့ပါဘူး။ အောင်သွယ်အဆင့်ထိ တက်လှမ်းဖို့ပါ ပြင်ဆင်လာပါပြီ။ သိပ်မကြာခင်လပိုင်းလောက်မှာ ဖေ့စ်ဘွတ်ခ်က ပံ့ပိုးတဲ့ Dating ဝန်ဆောင်မှုကို အသုံးပြုနိုင်တော့မှာဖြစ်ပါတယ်။ အဲဒီ Feature ဟာ နိုင်ငံတကာမှာ အသုံးတွင်ကျယ်နေတဲ့ Dating App တွေနဲ့ အလုပ်လုပ်ပုံ တူညီမှာပါ။ ဒီဝန်ဆောင်မှုကြောင့် ရေရှည်ခိုင်မြဲပြီး လေးနက်တည်ကြည်တဲ့ အချစ်ရေးမျိုးကို ထိန်းသိမ်းထူထောင်နိုင်မယ်လို့ ဇူကာဘက်က ပြောပါတယ်။ ဖေ့စ်ဘွတ်ခ်ရဲ့ Datingဝန်ဆောင်မှုအသစ်အတွက် စမ်းသပ်လည်ပတ်မှုတွေကို ယခုနှစ်ကုန်ပိုင်းမှာ စတင်ပါမယ်။

ဒီဇိုင်းပြောင်းမယ့် Messenger
ဖေ့စ်ဘွတ်ခ်ရဲ့ စာတိုပေးပို့မှုစနစ် Messenger ကို ဒီဇိုင်းပိုင်းပြောင်းလဲမှာ ဖြစ်တဲ့အပြင် Feature အသစ်တွေပါ ပေါင်းစပ်ပေးသွားမယ်လို့ဆိုပါတယ်။ နောက်ပိုင်းမှာMessenger ကို သုံးပြီး 4K အရည်အသွေးအထိ ကောင်းမွန်တဲ့ ဓာတ်ပုံတွေပေးပို့နိုင်မှာဖြစ်သလို ဉာဏ်ရည်တုအထောက်အပံ့နဲ့ ဘာသာပြန်နည်းပညာတွေလည်း ပါဝင်လာဖို့ရှိပါတယ်။ဒီဇိုင်းပိုင်းမှာတော့ ပိုပြီးအမြင်ရှင်းတဲ့၊ သပ်ရပ်တဲ့ပုံစံမျိုးပြောင်းလဲသွားဖို့ စီစဉ်ထားတယ်လို့ ဇူကာဘက်ကဆိုပါတယ်။ Messenger အသုံးပြုသူတွေ တွေ့မြင်နေရတဲ့Game နဲ့ ကင်မရာခလုတ်တွေကို ဖယ်ရှားဖို့စိတ်ကူးထားတယ်လို့ သူကပြောပါတယ်။ ဒီအပြောင်းအလဲကလည်း သိပ်မကြာခင် ရုပ်လုံးပေါ်လာနိုင်ပါတယ်။

အချက်အလက် လုံခြုံရေး
ကိုယ်ရေးအချက်အလက် ပေါက်ကြားမှုတွေ မဖြစ်ဖို့အတွက် ဖေ့စ်ဘွတ်ခ်ကိုမသုံးဘဲနေရတဲ့အထိ စိမ်းကားဖို့ မလိုတော့ပါဘူး။ ဒီပြဿနာကို ဖေ့စ်ဘွတ်ခ်က Clear Historyဆိုတဲ့ ရွေးချယ်ခွင့်နဲ့ ဖြေရှင်းပေးမယ်လို့ကတိပေးခဲ့ပါတယ်။ ဒီရွေးချယ်မှုကို ခွင့်ပြုပေးထားတဲ့အခါ ကိုယ့်ရဲ့အချက်အလက်တွေကို ဖေ့စ်ဘွတ်ခ်က သိုမှီးထားခွင့်ရှိတော့မှာမဟုတ်ပါဘူး။ လက်ရှိ အခြေအနေမှာတော့ ဖေ့စ်ဘွတ်ခ်ဟာ ကိုယ် Like လုပ်ထားတာတွေ၊ ရှာဖွေကြည့်ရှုထားတာတွေကို အလိုလိုသိမ်းဆည်းမှတ်သားထားပါတယ်။ Clear History လုပ်ထားတယ်ဆိုရင်တော့ ကိုယ်လုပ်ဆောင်သမျှကို ဖေ့စ်ဘွတ်ခ်ရဲ့ ဆာဗာတွေက သိရှိမှတ်သားထားနိုင် တော့မှာ မဟုတ်ဘူးလို့ ဇူကာဘက်က ပြောပါတယ်။ အချက်အလက်ပေါက်ကြားမှု ပြဿနာတွေကြောင့် နာမည်ပျက်ခဲ့တဲ့အတွက် ဖေ့စ်ဘွတ်ခ်ဟာ ဒီကိစ္စကို ထိထိရောက်ရောက် ကိုင်တွယ်ဖြေရှင်းလာပုံပေါ်ပါတယ်။

Camera Effect တွေ ပါလာမယ့်Instagram နဲ့ Messenger
ဖေ့စ်ဘွတ်ခ်ရဲ့ လက်အောက်ခံ App တွေဖြစ်တဲ့ Instagram ရော Messenger မှာပါ အသုံးပြုသူတွေရဲ့စိတ်ကို ပိုပြီးရွှင်ပြကြည်လင်စေမယ့် ရွေးချယ်ခွင့်တွေ ထည့်သွင်းပေးမယ်လို့ ဇူကာဘက်က ပြောပါတယ်။ အသစ်ပြောင်းလဲမယ့် Feature တွေမှာဓာတ်ပုံကင်မရာရိုက်ကူးတဲ့အခါ Augmented Reality (AR) နည်းပညာအခြေပြုတဲ့ 3DAnimation ပုံရိပ်လေးတွေပါ ထည့်သွင်းပေါင်းစပ်နိုင်မယ်လို့ဆိုပါတယ်။ ဥပမာ ကိုယ့်ဓာတ်ပုံမှာ လိုက်ဖက်တဲ့ နှုတ်ခမ်းမွေးတပ်ထားသလိုမျိုးပေါ့။ တခြား 3D ပစ္စည်းပုံရိပ်တွေကိုပါ ဖြည့်စွက်နိုင်ပါသေးတယ်။ ဖေ့စ်ဘွတ်ခ်ဟာ Nike၊ Asus၊ Sephora နဲ့ Kia တို့လို မိတ်ဖက်လုပ်ငန်းတွေနဲ့ လက်တွဲ ထားပြီး အဲဒီကုမ္ပဏီတွေရဲ့ ထုတ်ကုန်တွေကိုလည်း 3D ပုံရိပ်တွေအနေ နဲ့ Messenger ရော Instagramမှာပါ ထည့်သွင်းပေးထားပါတယ်။ ဒါကြောင့် ကိုယ်ရိုက်ထားတဲ့ ဓာတ်ပုံတွေမှာ Kia ကထုတ်တဲ့ Stinger မော်တော်ကားတွေ၊ Nike ရဲ့ ရောင်စုံ ရွေးချယ်နိုင်တဲ့ အမှတ်တံဆိပ်တွေကိုပါ ထည့်သွင်းနိုင်တော့မှာ ဖြစ်ပါတယ်။

—Ref: Tech Radar