မူးယစ်ဥပဒေပြင်ဆင်မှု အလုပ်ဖြစ်မလား

တစ်ကိုယ်ရေစာ ဆေးသုံးစွဲသူများကို ထောင်ချသည့် ပုဒ်မကို ပယ်ဖျက်ခဲ့သော်လည်း ရောင်းဝယ်သူများကို ထောင် ၁၀ နှစ်မှ အကန့်အသတ်မရှိ ကျခံစေရန် ပြဋ္ဌာန်းထားသည်။ (ဓာတ်ပုံ − စိုင်းဇော်)

ဖိလစ်ပိုင် သမ္မတ ဒူတာတီ၏ ကြမ်းကြမ်း ရမ်းရမ်း မူးယစ် ဆေးဝါးနှိမ်နင်းမှုကြောင့် လူထောင်ချီသေဆုံးခဲ့ရကာ ထောက်ခံသူတစ်ဖက်၊ ဝေဖန်သူတစ်ဖက်ဖြင့် အုတ်အော်သောင်းတင်းဖြစ်ခဲ့ ရသည်။ အာဆီယံဒေသတွင်းနိုင်ငံ ၏ အဆိုပါအခင်းအကျင်းကာလ၌ ပင် မြန်မာကလည်း မူးယစ်ဆေးတိုက်ဖျက်မှုကို မတူညီသည့်ချဉ်းကပ်မှုနှင့် ချဉ်းကပ်ခဲ့သည်။ နှစ် ၂၀ကျော်အရိုးစွဲနေသည့် ၁၉၉၃ မူးယစ်ဥပဒေကို ပြန်လည်ပြင်ဆင် ခြင်းဖြင့်ဖြစ်သည်။

ထိုပြင်ဆင်သော ဥပဒေမှာ မရေးဆွဲမီကတည်းက စိတ်ဝင်တ စားစောင့်ကြည့်ခံခဲ့ရသည်။ ဥပဒေထွက်လာသည့်အခါ ဝေဖန်မှုများ၊ ကြိုဆိုလက်ခံကြသူများ လှုပ်လှုပ်ရှားရှား ဖြစ်ခဲ့သည်။ အကြောင်းမှာ ဆေးဝါးသုံးစွဲသူများကို လူမှုရေးပြစ်ဒဏ်သာ ပေးမည့် အချက်အပါအဝင် လက်ဝယ်တွေ့ရှိသည့် မူးယစ်ဆေးဝါးပမာဏများ ပြောင်းလဲသတ်မှတ်ချက်အပေါ် အဓိက ငြင်းခုံဆွေးနွေးနေသည်။

မူးယစ်ဥပဒေတွင် ပုဒ်မ ပေါင်း ၃၀ ရှိသည့်အနက် ပုဒ်မ ၂၀ ကို ပြင်ဆင်ခြင်း၊ အစားထိုးခြင်း၊ စကားလုံးပြောင်းလဲခြင်း စသည့် အသေးစားပြင်ဆင်မှုများကိုသာ ပြုလုပ်ပြီး သိသာစွာ ပြင်ဆင်သော အချက်လေးချက်ရှိခဲ့သည်။  ယင်း တို့မှာ-

(၁) တစ်ကိုယ်ရေစာဆေးသုံး စွဲသူများကို ဖမ်းဆီးအရေးယူပြီး ထောင်သုံးနှစ်မှ ငါးနှစ်အထိ ချနိုင် သည့် ပုဒ်မ ၁၅ ကို ပယ်ဖျက်သည်။(၂) တစ်ကိုယ်ရေစာဆေး သုံးသည်ဟု သံသယရှိသူ၊ ကျော် စောသတင်းရှိသူကို ရဲက ဖမ်းဆီး ခြင်းမပြုတော့ဘဲ ဆေးဖြတ်ပေး ရန် ပြန်လည်ထူထောင်ရေးစခန်း သို့ ခေါ်ဆောင်သွားမည်။

(၃) မူးယစ်ဆေးဝါးသုံးစွဲသူ သည် ပြန်လည်ထူထောင်ရေး စခန်းတွင် နေထိုင်ရင်း သတ်မှတ် စည်းကမ်းထပ်မံဖောက်ဖျက်ပါက တစ်နေ့လျှင် နှစ်နာရီဖြင့် သုံးလမှ တစ်နှစ်အထိ သက်ဆိုင်ရာ အကြီး အကဲထံ အပ်နှံ၍ လူမှုရေးလုပ်ငန်း များ (သတ်မှတ်ယူနီဖောင်းဖြင့် ပရဟိတလုပ်ငန်းများ၊ လမ်းတံ တားများ၊ ပန်းမန်စိုက်ပျိုးသည် များ စသည်)အခကြေးငွေမရဘဲ လုပ်ကိုင်ရမည်။

(၄) တစ်ကိုယ်ရေစာ လက် ဝယ်ထားရှိမှုဆေးခြောက်ပမာဏ ကို ၁၀၀ ဂရမ်သို့ တိုးမြှင့်ပြောင်း လဲလိုက်သည်။

ယင်းဥပဒေကို ဖေဖော်ဝါရီ ၁၅ ရက်တွင် နိုင်ငံတော်သမ္မတ က လက်မှတ်ရေးထိုး ထုတ်ပြန်ခဲ့ သည်။

ယခုဥပဒေသည် နောက် ကြောင်းပြန် သက်ရောက်မှုမရှိသ ဖြင့် ယခင်ပြစ်ဒဏ်ကျခံသူများ၊ တရားရင်ဆိုင်နေရသူများအတွက် သက်ရောက်မည် မဟုတ်ပေ။ ဥပဒေအသက်ဝင်ပြီး နောက်ပိုင်း ဖမ်းမိသူများသာ ယင်းဥပဒေနှင့် အရေးယူခံရမည်ဖြစ်၏။

အဓိကပြောင်းလဲသော အ ချက်လေးချက်နှင့် ပတ်သက်၍ ဝေဖန်သူများရှိသလို ကြိုဆိုလက် ခံကြသူများလည်း ရှိသည်။

(၁) တစ်ကိုယ်ရေစာဆေးသုံးစွဲသူ များကို ထောင်သုံးနှစ်မှ ငါးနှစ်အ ထိ ချနိုင်သည့် ပုဒ်မ ၁၅ ကို ပယ် ဖျက်ခြင်း

အဆိုပါပုဒ်မကို ပယ်ဖျက် ခြင်းကြောင့် မူးယစ်ဆေးသုံးစွဲပြီး မူးယစ်ဆေးဝါးလက်ဝယ်မတွေ့ရှိ ပါက ဖမ်းဆီးခံရတော့မည် မဟုတ် ပေ။ထို့ကြောင့် မူးယစ်ဆေးသုံးစွဲရုံ ဖြင့် ထောင်ဒဏ်ကျခံရမည်မဟုတ် ဘဲ လက်ဝယ်တွေ့ရှိပါက ပုဒ်မ ၁၆ အရ ထောင်ဒဏ်ငါးနှစ်မှ ၁၀ နှစ်အထိ၊ ရောင်းချခြင်းပြုလျှင် ပုဒ်မ ၁၉(က) အရ ထောင်ဒဏ် ၁၀ နှစ်မှ အကန့်အသတ်မရှိ ကျခံရ မည်ဖြစ်သည်။

‘‘သုံးစွဲတဲ့ လက်ဝယ်တွေ့ရှိ တဲ့သူ တွေ့ရင် လက်ဝယ်တွေ့တဲ့ သူ အရေးယူမယ်။ ကျန်တဲ့လူတွေ အရေးမယူဘူး။ သုံးတယ်ဆိုတာ သိရင်တော့ ကုသမှုခံယူရမှာပါ။ အရေးတော့ မယူဘူး’’ ဟု မြန်မာနိုင်ငံ မူးယစ်ဆေးဝါးတားဆီးနှိမ် နင်းရေးရဲတပ်ဖွဲ့(ဗဟို)မှ ဒုတိယ ရဲမှူးကြီး ခိုင်စိုးက ပြောသည်။

ထို့ပြင် ပုဒ်မ ၁၅ ပယ်ဖျက် ခြင်းကြောင့် မူးယစ်ဆေးသုံးစွဲသူ အနေဖြင့် ဆေးအောင်၊ မအောင် စစ်ဆေးရခြင်း၊ ဆေးအောင်ရေး အတွက် သက်ဆိုင်ရာ တာဝန်ရှိသူ တို့ကို လာဘ်ငွေပေးရမှု စသည့် ပြဿနာများရှိလာမည် မဟုတ် တော့ပေ။


ဆေးခြောက်အချို့ကို တွေ့ရစဉ် (ဓာတ်ပုံ − normlfl.org)

သို့သော် တစ်ကိုယ်ရေစာ ဆေးသုံးမှုကိုသာ ပယ်ဖျက်ပြီး လက်ဝယ်တွေ့ရှိမှု ပုဒ်မ ၁၆ ကိုပြစ်ဒဏ်မလျှော့ချသဖြင့် ဝေဖန်သူ များလည်း ရှိနေသည်။ ‘‘အရက်သမားကိုတော့ အရက်ပုလင်းနဲ့ အတူတူတွေ့ရမှာပဲလေ။ အဲဒါကို ၁၅ ပဲ ဖြုတ်ပြီး ၁၆ ကို အရင်အတိုင်းဆိုတော့ ဘာမှမထူးဘူးလို့ ထင်ပါတယ်။ လက်ဝယ်ဆိုတာ ရဲက ဆင်တဲ့ ထောက်ချောက်လည်း ဖြစ်နိုင်တာပဲလေ။ ၁၆ ကို မဖြစ်မနေ ထောင်ချချင်တယ်ဆိုရင် တော့ သူ့ပစ္စည်းဆိုတာ သေချာပါတယ်ဆိုတဲ့ တိကျတဲ့ စစ်ဆေးမှု ဥပမာ လက်ဗွေစစ်တာမျိုး လုပ်ပေး နိုင်ရင်တော့ တစ်မျိုးပေါ့’’ ဟု ခင်ပွန်းသည် မူးယစ်ဆေးဝါးအမှုဖြင့် ရင်ဆိုင်နေရသော အမျိုးသမီး တစ်ဦးက ပြောသည်။

သို့သော် အထက်တန်းရှေ့ နေ ဦးခင်ဇော်(မရမ်းကုန်း)ကမူ ပုဒ်မ ၁၆ အရ လက်ဝယ်တွေ့မှု ဖြင့် အဖမ်းမခံနိုင်လျှင် လက်ဝယ်  မထားဖို့သာ ရှိသည်ဟု မှတ်ချက် ပြုသည်။

ထိုပုဒ်မ ၁၆ မှာ ဆေးဖြန့်သူ များ၊ လက်ကြီးသမားများအတွက် ရည်ရွယ်ထားသဖြင့် ပြစ်ဒဏ် လျှော့စရာမလိုဟုလည်း ၎င်းက သုံးသပ်သည်။

(၂) ဆေးသုံးသည်ဟု သံသယရှိ် သူ၊ ကျော်စောသတင်းရှိသူကို မဖမ်းဘဲ ဆေးဖြတ်ပေးမည်

အဆိုပါအချက်သည် ယခုဥပ ဒေ၏ အကြီးမားဆုံးအပြောင်းအ လဲတစ်ခုဖြစ်သည်။ ထို့ပြင် အလွန် အရေးကြီးသော အချက်လည်းဖြစ် သည်။

လက်ဝယ်မတွေ့ဘဲ ဆေးသုံး စွဲသည်ဟု ယူဆရသူကို ရဲက ဖမ်းဆီးမည်မဟုတ်ဘဲ ပုဒ်မ ၉ (ဃ) အရပြန်လည်ထူထောင်ရေးစခန်းသို့ ခေါ်ဆောင်သွားပြီး ကောင်းမွန်စွာ ဆေးဖြတ်ပေးမည်ဖြစ်သည်။ ရဲက ခေါ်ဆောင်သည်ကို ငြင်းဆန်ပါက တရားရုံးအမိန့်ဖြင့် ထူထောင်ရေး စခန်းတွင် ခြောက်လကြာ နေထိုင် ရမည်ဖြစ်သည်။

ထို့အတွက် ပြန်လည်ထူ ထောင်ရေးသည် အရေးတကြီး လုပ်ငန်းစဉ်ဖြစ်လာပြီး စနစ်တကျလုပ်နိုင်ပါက မူးယစ်ဆေးစွဲသူ ပမာဏ လျှော့ချပေးနိုင်မည့် လမ်း စတစ်ခုလည်းဖြစ်လာသည်။

ဤတွင် အများစု ဝေဖန်ကြ သည်က ဆေးသုံးစွဲသူများကို မဖမ်းဆီးပါက ဆေးသုံးစွဲသူများပို၍ များ လာမည်ဟု ယူဆခြင်းဖြစ်သည်။ သို့သော် ယခုကဲ့သို့ တစ်ကိုယ်ရေ စာ လူမှုရေးပြစ်ဒဏ်သာ ပေးခြင်း သည် တိုးတက်ပြီး နိုင်ငံအချို့ တွင်လည်း ကျင့်သုံးနေပြီး စိုးရိမ်စရာမလိုကြောင်း မူးယစ်ရဲတပ်ဖွဲ့ မှ အငြိမ်းစားရဲမှူးကြီး ဦးခမ်း အောင်က ပြောသည်။

‘‘သတင်းအချက်အလက်အ မှန်တွေ၊ စနစ်တကျ ကျယ်ကျယ် ပြန့်ပြန့် ပညာပေးတဲ့စနစ်တွေ ထူ ထောင်လေ့ကျင့်လက်တွေ့ကျင့် သုံးရင် ကာကွယ်တားဆီးနိုင်ပါ တယ်။ ဒီလိုလုပ်ခဲ့တဲ့ နိုင်ငံတွေမှာ Evidence Based သာဓကတွေ ရှိပါတယ်။ ပိုမသုံးလာပါဘူး။ မှုခင်းတွေလည်း ကျဆင်းလာတာ သက်သေသာဓကတွေရှိပါတယ်။ ဒါတွေလေ့လာဖို့၊ အတုယူဖို့၊ ကျင့် သုံးဖို့ လိုပါတယ်’’ဟု ၎င်းက ပြော သည်။

မူးယစ်ဆေးစွဲ၍ မက်သဒုန်း အစားထိုး သောက်နေရသည့် ကိုဝင်းကိုကိုဌေးကမူ ဆေးဖြတ် သည့်လုပ်ငန်းစဉ်များကို မည်မျှ အဆင့်မြင့်အောင် လုပ်စေကာမူ ဆေးစွဲနေသူများတွက် ကောင်းမွန်သော ဝန်းကျင်ကို မဖန်တီးနိုင်ပါ က မူးယစ်နွံအတွင်းမှ လူငယ်များ ထွက်နိုင်မည်မဟုတ်ဟုဆိုသည်။

‘‘ကြိုက်သလောက် ကောင်း အောင်ဖြတ်။ ပြန်ထွက်လာလို့ ဆေးက လွယ်လွယ်ရ၊ လူက လည်း အလုပ်အကိုင်မရှိဆို ဒါပဲ ပြန်သုံးမှာပဲ။ အခုလိုဖြစ်လာတာ တော့ တစ်ခုအတွက်တော့ ကျေး ဇူးတင်ပါတယ်။ လူငယ်တွေကို စေတနာရှိရင် လက်ကြီးသမား တွေ ဖြန့်တဲ့လူတွေကိုသာ ထိထိ ရောက်ရောက်ဖမ်းပါ’’ဟု ၎င်းက ဆိုသည်။

ထို့ပြင် ထောင်ဒဏ်မချဘဲ လူမှုရေးပြစ်ဒဏ်သာပေးလျှင် မူး ယစ်ဆေးဝါးသုံးစွဲသူများသည် ထူ ထောင်ရေးစခန်းများ၊ ဆေးဖြတ် စခန်းများကိုသာ စုပြုံရောက်လာ မည်ဖြစ်သည်။  ထိုအခါ ထူထောင် ရေးစခန်းများ၊ ဆေးဖြတ်စခန်းများ ကို သေချာကြပ်မတ်စွာ ဆောင် ရွက်ရန် အစိုးရအတွက် စိန်ခေါ်မှု ရှိလာနိုင်ကြောင်းလည်း လေ့လာ သူအချို့က ဝေဖန်ကြသည်။

ထိုပြဿနာအတွက် အစိုးရ မှ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီး ဌာနလက်အောက်တွင် ‘ပြန်လည် ထူထောင်ရေးဦးစီးဌာန’ဟူ၍  ဦးစီးဌာနတစ်ခုတိုးချဲ့ပြီး တစ်နိုင်ငံလုံးတွင် ဆေးဖြတ်စခန်းများကို စီမံ ချက်တစ်ခုအနေဖြင့် တည်ဆောက်နေသည်ဟု လူကယ်ပြန် ဝန်ကြီး ဒေါက်တာဝင်းမြတ်အေး က ပြောကြားသည်။

(၃) မူးယစ်ဆေးဝါးသုံးစွဲသူများ ရပ် ရွာအကျိုးပြုလုပ်ငန်းများလုပ်ကိုင် ရမည်

အဆိုပါအချက်သည် အများ စုသဘောကျသော အချက်ဖြစ်ပြီး အစိုးရ၏ကြပ်မတ်မှုကိုသာ စောင့်ကြည့်အမှတ်ပေးရမည်ဟု လေ့ လာသူများက ဆိုသည်။

‘‘ဆေးဖြတ်တယ်ဆိုတာက စိတ်ကို ကုတာပါ။ ဒီလိုရပ်ရွာအ ကျိုးပြုလုပ်ငန်းတွေ ခိုင်းတာက တစ်ပိုင်း၊ ပြီးတော့ ကုသရေးမှာ လည်း ဒီလိုလုပ်ရတာဟာ လူရှေ့ သူရှေ့ အရှက်ခွဲတာမဟုတ်ဘူး။ လူမှုရေးအကျိုးပြုပေးတာ စသည် ဖြင့် ရှင်းပြနိုင်ရမှာပေါ့။ ဒီကိစ္စက အကျိုးရှိမှာပါ’’ဟု မူးယစ်ဆေး ဖြတ်ရန် ကူညီပေးနေသည့် ဒေါက် တာမျိုးကျော်စွာဦးက ပြောသည်။

ရပ်ရွာအခြေပြုလုပ်ငန်းများ ကို မူးယစ်ဆေးစွဲသူများသာမက ပြင်ပ ပရဟိတအဖွဲ့အစည်းများ ကလည်း ပူးပေါင်း ကူညီလုပ် ဆောင်သင့်ကြောင်း မြန်မာ့လူငယ် အဖွဲ့ ဦးဆောင်သူဖြစ်ပြီး ကိုယ် တိုင်ဆေးဖြတ်စခန်းများတွင် အကူအညီပေးဖူးသူ ဒေါက်တာမျိုးဝင်း လှိုင်က ပြောသည်။ ‘‘ဆေးစွဲနေတဲ့ သူချည်းသက်သက်လုပ်ခိုင်းရင် အုပ်စုလိုက် ဟိုတစ်စု၊ ဒီတစ်စုနဲ့ ဗျာ။ သူများကလည်း ခွဲခြားခွဲခြား ရှိမယ်ဆိုရင် လုပ်ချင်မယ်မဟုတ် ဘူး။ ပွဲလမ်းသဘင်တွေမှာလည်း သူတို့ကို လုပ်အားပေးအနေနဲ့ ခေါ်ပြီး ကူညီခိုင်းတာမျိုးဖြစ်သင့် ပါတယ်’’ဟု ၎င်းက ဆိုသည်။

(၄) လက်ဝယ်ထားရှိမှု ဆေး ခြောက်ပမာဏကို ၁၀၀ ဂရမ်သို့ တိုးမြှင့်လိုက်ခြင်း

ပုဒ်မ ၂၆ တွင် ထည့်သွင်း သော အဆိုပါအချက်သည် ပြောင်း လဲသတ်မှတ်ခဲ့သော်လည်း ထူး ခြားသော အပြောင်းအလဲမဟုတ် ကြောင်း ဆေးခြောက်သုံးစွဲသူများ က ပြောသည်။ ပြင်ဆင်ခဲ့သည်မှာ ရောင်းချရန်အလို့ငှာ လက်ဝယ် ထားသည့် ပမာဏကို ဆေးခြောက် ၂၅ ဂရမ်မှ ၁၀၀ ဂရမ်သို့ ပြောင်းလဲ ခဲ့ခြင်းဖြစ်သည်။

ယခင်က ဆေးခြောက် ၂၅ ဂရမ်နှင့် အထက် ဖမ်းဆီးမိလျှင် ရောင်းချရန်အလို့ငှာ လက်ဝယ် ထားရှိမှုပုဒ်မ ၁၉(က) အရ ဖမ်းဆီးနိုင်ပြီး ထောင်ဒဏ် ၁၀ နှစ်မှ တစ် သက်တစ်ကျွန်းကျခံနိုင်သည်။ ၂၅ ဂရမ်အောက်မိလျှင် ပုဒ်မ ၁၆ ဖြင့် ဖမ်းဆီးနိုင်ပြီး ထောင် ငါးနှစ်မှ ၁၀ နှစ် ကျခံနိုင်သည်။

ယခုအခါ ထိုပမာဏကို ၁၀၀ ဂရမ်သို့ ပြောင်းခဲ့၍ ဆေးခြောက် ၁၀၀ ဂရမ်အောက် ကိုင်ဆောင် လျှင် ပုဒ်မ ၁၆ ဖြင့် ဖမ်းဆီးပြီး ထောင်ဒဏ်ငါးနှစ်မှ ၁၀ နှစ်အထိ ကျခံရနိုင်သည်။ ၁၀၀ ဂရမ်နှင့်အ ထက် ကိုင်ဆောင်ထားလျှင် ရောင်းချရန်အလို့ငှာ ကိုင်ဆောင်ခြင်းဖြင့် ပုဒ်မ ၁၉(က) အရ ထောင်ဒဏ် ၁၀ နှစ်မှ တစ်သက်တစ်ကျွန်းကျခံ နိုင်သည်။ ပမာဏကိုသာ ဖြေလျော့ခြင်းဖြစ်ပြီး ပြစ်မှုကို ဖြေလျော့ပေး ခြင်းမရှိပေ။

သို့သော် ဆေးခြောက်ကို တစ်ကိုယ်ရေစာ လက်ဝယ်ထား လို့ရသည်ဆိုသော ကောလာဟလ များထွက်နေကြောင်း ဆေးခြောက် သုံးစွဲသူတစ်ဦးကပြောသည်။ ‘‘ဥပ ဒေကိုလည်း သေချာမဖတ်၊ တာ ဝန်ရှိတဲ့သူတွေကလည်း မရှင်းပြ တော့ ဆေးခြောက်သုံးတဲ့ လူတွေ ကပဲ ၁၀၀ ဂရမ်ကိုင်ပြီးသုံးရသလို လို ထင်နေကြတယ်။ အကုန်ပြဿ နာတက်ကုန်မယ်။ တစ်ခုမိလည်း ထောင်ကျမှာ၊ နှစ်ခုမိလည်း ထောင်ကျမှာ။ ဒုံရင်းက ဒုံရင်းပဲ’’ ဟု ၎င်းက ပြောသည်။

ယခုဥပဒေအတွက် ပြည်သူ များက များစွာမျှော်လင့်ခဲ့ရသည့် အလျောက် အမှန်တကယ်ပြဋ္ဌာန်း ပြီးသည့်အခါ အားမလိုအားမရဖြင့် ဝေဖန်သူများ များခဲ့သည်။ အကြောင်းမှာ ယခုဥပဒေက နောက်ကြောင်းပြန် သက်ရောက်မှုမရှိ ခြင်းကြောင့် တရားရင်ဆိုင်နေရ သူများနှင့် ပုဒ်မတပ်တရားစွဲပြီး သွားသူများ အကျုံးမဝင်သော ကြောင့်ဖြစ်သည်။

‘‘ဥပဒေထုတ်ပြန်တဲ့နေ့ (ဇန် နဝါရီ ၁၄) နောက်ပိုင်း ဖမ်းတဲ့အမှု တွေကိုပဲ ဒီဥပဒေက သက်ရောက် မှာ။ ပုဒ်မ ၁၅ သုံးစွဲမှုနဲ့ ပြစ်ဒဏ်မခံ ရတော့ဘူးပေါ့။ အရင်အမှုရင်ဆိုင် နေရတဲ့ လူတွေက နဂိုပုဒ်မနဲ့ပဲ အမိန့်ချမှာ။ အဖမ်းခံရပြီးသားလူ တွေလည်း အဲဒီ ၁၅ နဲ့ပဲ အမိန့်ချ မှာ’’ဟု မူးယစ်ဆေးမှုဖြင့် အမှုရင် ဆိုင်နေရသည့် ဆွေမျိုးရှိသူ အမျိုး သမီးတစ်ဦးက ပြောသည်။ ထို့ပြင် ပုဒ်မ ၁၅ ဖြင့် ထောင်ဒဏ်ကျခံပြီး သားဖြစ်သည့် မူးယစ်ဆေးသုံးစွဲ သူများကို စိစစ်ပြီး ပြန်လွှတ်ပေးရန် အလိုရှိနေသည်။ ‘‘ဥပဒေက ပြင်ပြီးပြီဆိုတော့ အထဲက လူတွေအ တွက်လည်း တစ်ခုခု စဉ်းစားပေး စေချင်ပါတယ်’’ဟု ကိုဝင်းကိုကို ဌေးက ပြောသည်။

အထက်တန်းရှေ့နေ ဦးခင် ဇော်(မရမ်းကုန်း)က တရားရင် ဆိုင်နေရသူများနှင့် ထောင်ဒဏ် ကျပြီးသားလူများအနေဖြင့် ဥပဒေ ပြင်ပြီးပြီးဖြစ်၍ ယင်းအချက်ကို ထောက်ပြပြီး ဥပဒေပြင်ပြီးဖြစ်၍ သက်ညှာပေးရန် အယူခံတက်နိုင် ကြောင်း အကြံပြုသည်။

ယခုအသစ်ပြင်ဆင်သည့် ဥပဒေသည် စိန်ခေါ်မှုများသည့် ဥပဒေဖြစ်သည့်အလျောက် တစ် ဖက်တွင်လည်း မူးယစ်ဆေးဝါးနွံ အတွင်း နစ်နေသည့် လူငယ်များ အတွက် အရွေ့တစ်ခု ဖြစ်လာနိုင် ကြောင်း လေ့လာသူအများစုက သုံးသပ်သည်။ ထို့ပြင် ယခု ပြင်ဆင်သော မူးယစ်ဥပဒေ၏အသက် သည် ပြန်လည်ထူထောင်ရေးဖြစ် သည့်အလျောက် ဆေးစွဲနေသူများ အတွက် မျှတမှုရှိသော စောင့် ရှောက်မှုနှင့် ကောင်းမွန်သော ပတ်ဝန်းကျင် ဖန်တီးပေးရန် လိုအပ် မည်ဖြစ်သည်။