နိုင်ငံတော်သမ္မတဦးထင်ကျော် ရာထူးမှနုတ်ထွက်

ပြည်သူ့လွှတ်တော်ဥက္ကဋ္ဌဦးဝင်းမြင့် တစ်နေ့တည်းမှာပင်နုတ်ထွက်ပြီး သမ္မတသစ်ဖြစ်လာရန် ရေပန်းစား

နှစ်ပေါင်း ၅၀ ကျော် အတွင်း ပထမဆုံးအရပ်သား သမ္မတဖြစ်သော ဦးထင်ကျော် သည်ရာထူးသက်တမ်း ၂ နှစ်ပြည့် ရန်ကိုးရက်အလိုတွင် အလုပ်တာ ၀န်များမှ အနားယူလို၍နုတ်ထွက် ကြောင်း ယမန်နေ့က တရားဝင် ကြေညာသည်။

လာမည့်ဇူလိုင်တွင် အသက် (၇၂)နှစ်ပြည့်မည်ဖြစ်သော ဦး ထင်ကျော်သည် လွန်ခဲ့သည့်တစ် နှစ်ခန့်ကစတင်ကာ ကျန်းမာရေး ချို့ယွင်းခဲ့သော်လည်း ရာထူးမှ နုတ်ထွက်ချိန်၌ ကျန်းမာရေး ကောင်းမွန်သည်ဟု နိုင်ငံတော် သမ္မတရုံးပြောခွင့်ရပုဂ္ဂိုလ်ဦးဇော် ဌေးက ပြောသည်။

လစ်လပ်သွားသည့် နိုင်ငံ တော်သမ္မတရာထူးကို အလုပ် လုပ်ရက်ခုနစ်ရက်အတွင်း ဖြည့် စွက်နိုင်ရေး အခြေခံဥပဒေနှင့်အ ညီဆက်လက်ဆောင်ရွက်မည် ဖြစ်ကြောင်း နိုင်ငံတော်သမ္မတရုံး ထုတ်ပြန်ချက်တွင် ဖော်ပြသည်။

၂၀၀၈ ဖွဲ့စည်းပုံအခြေခံ ဥပဒေအရ နိုင်ငံတော်သမ္မတနေ ရာလစ်လပ်လျှင် ဒုတိယသမ္မတ (၁)ဦးမြင့်ဆွေက ယာယီသမ္မတ အဖြစ်တာဝန်ယူမည်ဖြစ်ကာ ၎င်း သည် ယမန်နေ့ညနေတွင် မော်ရို ကိုနိုင်ငံမှ ရန်ကုန်အပြည်ပြည် ဆိုင်ရာလေဆိပ်သို့ ပြန်လည် ရောက်ရှိခဲ့သည်။

ပြည်သူ့လွှတ်တော်ဥက္ကဋ္ဌ နုတ်ထွက်၊ ဦးဝင်းမြင့် သမ္မတဖြစ်ရန်ရေပန်းစား

ဦးထင်ကျော်သည် သမ္မတ တာဝန်ကို ၇၂၁ ရက် တာဝန်ထမ်းဆောင်ကာ နုတ်ထွက်သည့် ကြေညာချက်ထွက်ပေါ်အပြီး နာ ရီပိုင်းအကြာတွင် ပြည်သူ့လွှတ် တော် ဒုဥက္ကဋ္ဌ ဦးတီခွန်မြတ်က ပြည်သူ့လွှတ်တော် ဥက္ကဋ္ဌဦးဝင်း မြင့် နုတ်ထွက်ကြောင်း လွှတ် တော်သို့အသိပေးသည်။

ထို့အတွက် အမျိုးသားဒီမိုက ရေစီအဖွဲ့ချုပ် ဗဟိုအလုပ်အမှု ဆောင်အဖွဲ့အတွင်းရေးမှူးအဖွဲ့ ၀င်အသက် ၆၆ နှစ်အရွယ် ဦးဝင်းမြင့်က လစ်လပ်သွားသောနိုင်ငံတော်သမ္မတနေရာအတွက် ခန့်အပ်ခံရမည်ဖြစ်ကြောင်း အာဏာရပါတီဝင်များနှင့် နိုင်ငံရေး လေ့လာသူများက သုံးသပ်သည်။

‘‘တဖြည်းဖြည်းနဲ့ ရုပ်လုံးပေါ် လာတာပေါ့ဗျာ။ သမ္မတကြီးဦး ထင်ကျော်ကတော့ နုတ်ထွက် သွားတယ်ပေါ့။ ကျန်းမာရေး ကြောင့်လို့ သဘောပေါက်ပါ တယ်။ သူ့နေရာကို ဘယ်သူဆက် ခံမလဲဆိုတော့ ပြည်သူ့လွှတ်တော် ဥက္ကဋ္ဌဦးဝင်းမြင့် လက်ခံဖို့ရှိပါ တယ်’’ ဟု ဒီချုပ်ပါတီ၏ ဗဟိုပြန်ကြားရေးအတွင်းရေးမှူး မုံရွာအောင်ရှင်က ပြောသည်။

လစ်လပ်သွားသော ပြည်သူ့ လွှတ်တော်ဥက္ကဋ္ဌ နေရာအတွက်ဒုတိယဥက္ကဋ္ဌ ဦးတီခွန်မြတ်နှင့် ဥပဒေကြမ်းကော်မတီ ဥက္ကဋ္ဌဦး ထွန်းထွန်းဟိန်တို့ ရေပန်းစားနေ သည်။ သို့သော် ပြည်သူ့လွှတ် တော်ဥက္ကဋ္ဌကို ဦးစွာရွေးချယ်တင် မြှောက်ပြီးမှသာ နိုင်ငံတော်သမ္မ တရာထူးနေရာအတွက် ဆက် လက်ရွေးချယ်တင်မြှောက်ခြင်း လုပ်ငန်းစဉ်ကို ဆောင်ရွက်မည် ဖြစ်၍ ပြည်သူ့လွှတ်တော်ဥက္ကဋ္ဌ သစ်ကို ယနေ့(မတ်လ ၂၂ ရက်) ပြုလုပ်မည့် လွှတ်တော်အစည်း အဝေး၌ပင် ရွေးချယ်ရန်လျာထား သည်။

သမ္မတသစ်ကို ဘယ်လိုရွေးချယ်မလဲ

ဦးထင်ကျော်သည် ပြည်သူ့ လွှတ်တော်ကိုယ်စားလှယ်အစု အဖွဲ့မှ သမ္မတ အမည်စာရင်းတင်သွင်းခြင်းခံရသူဖြစ်၍ ၎င်းနေရာအစားထိုးရန် ပြည်သူ့လွှတ်တော်ကိုယ်စားလှယ်များအစုအဖွဲ့က ဒုတိယ သမ္မတလောင်း အမည်စာရင်းတင်သွင်းရမည်ဖြစ်သည်။

နိုင်ငံတော်သမ္မတရွေးချယ် တင်မြှောက်ခြင်းလုပ်ငန်းစဉ်ကို အမြန်ဆုံး ဆောင်ရွက်မည်ဖြစ် ကြောင်း အာဏာရပါတီကိုယ်စား လှယ်အချို့က ပြောသည်။

‘‘ရုံးဖွင့်ရက် ခုနစ်ရက်အ တွင်းဆိုတော့ အမြန်ဆုံးဆောင် ရွက်သွားမှာပါပဲ’’ ဟု ပြည်သူ့ လွှတ်တော်၊ လွှတ်တော်အခွင့်အ  ရေးကော်မတီ အတွင်းရေးမှူး ဒေါက်တာလှမိုးက ပြောသည်။

ပြည်သူ့လွှတ်တော် ကိုယ် စားလှယ်များအစုအဖွဲ့က ဒုတိယ သမ္မတတစ်ဦး ရွေးချယ်တင် မြှောက်ပြီးပါက လက်ရှိဒုတိယ သမ္မတနှစ်ဦးအပါအ၀င် ဒုတိယ သမ္မတသုံးဦးအနက် တစ်ဦးကို ပြည်ထောင်စုလွှတ်တော် ကိုယ် စားလှယ်များက နိုင်ငံတော်သမ္မ တအဖြစ် ရွေးချယ်တင်မြှောက်ရ မည်ဖြစ်သည်။

ပြည်ထောင်စုလွှတ်တော်၌ ဆန္ဒမဲအများဆုံးရသူသည် နိုင်ငံ တော်သမ္မတအဖြစ် လည်း ကောင်း၊ ဒုတိယဆန္ဒမဲအများဆုံး ရသူသည် ဒုတိယသမ္မတ(၁)အ ဖြစ်လည်းကောင်း ဆန္ဒမဲအနည်း ဆုံးရသူသည် ဒုတိယသမ္မတ(၂) အဖြစ်လည်းကောင်း ရွေးချယ် တင်မြှောက်ခံရမည်ဖြစ်သည်။

သမ္မတသစ်အပေါ် မျှော်လင့်ချက်

နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်၏ ငယ်သူငယ်ချင်းဦးထင်ကျော်ကို အေးဆေးတည်ငြိမ်သူအဖြစ်ပြည် သူအများစုက သတ်မှတ်ထား သော်လည်း သမ္မတတာဝန်ထမ်း ဆောင်စဉ် ကာလတစ်လျှောက် ပြည်သူများ ကျေနပ်အားရ လောက်သည့်ဆောင်ရွက်နိုင်စွမ်း နည်းပါးသူအဖြစ် ဒီချုပ်အမတ်အ ချို့အပါအ၀င် လေ့လာစောင့်ကြည့်သူအများစုက သုံးသပ်သည်။

‘‘သမ္မတ ဦးထင်ကျော်က တော့ လူအေးကိုး။ ဦးဝင်းမြင့်က တော့ နိုင်ငံရေးသမား တစ် ယောက်အနေနဲ့ တောက်လျှောက် ဖြတ်သန်းလာတယ်ဆိုတော့ မတူ တာလေးတွေ၊ ကွာဟချက်လေး တွေရှိတာပေါ့။ နိုင်ငံရေးသမား တစ်ယောက်အမြင်နဲ့ သာမန် ပညာရှင်တစ်ယောက် အမြင်နဲ့ မတူကြဘူးလေ။ နိုင်ငံကို စီမံခန့် ခွဲအုပ်ချုပ်တဲ့နေရာမှာ၊ နိုင်ငံကို အုပ်ချုပ်တဲ့နေရာမှာ နိုင်ငံရေးသ မားတွေရဲ့အမြင်က ပိုပြီးတော့ အားကောင်းမောင်းသန် ရှိတတ် တယ်’’ ဟု ရခိုင်အမျိုးသားပါတီ ကိုယ်စားပြုကျောက်ဖြူအမတ် ဦး ဘရှိန်ကပြောသည်။

ပြည်ခိုင်ဖြိုးပါတီမှ မိတ္ထီလာ မြို့နယ်အမတ် ဒေါက်တာမောင် သင်းကလည်း သမ္မတဦးထင် ကျော်သည် နိုင်ငံတော်သမ္မတ တစ်ဦးအနေဖြင့် ထက်မြက်သည့် ဦးဆောင်မှုမရှိကြောင်းနှင့်၎င်းနေ ရာတွင် ထက်ထက်မြက်မြက် ဆောင်ရွက်နိုင်သူတစ်ဦးဖြစ်လိမ့် မည်ဟု ယူဆကြောင်း မှတ်ချက် ပြုသည်။

လက်တွေ့နိုင်ငံရေးအရ သြ ဇာအာဏာသည် ဒေါ်အောင်ဆန်း စုကြည်၌ ဖြစ်တည်နေ၍ ထူးခြား သည့်သက်ရောက်မှု မရှိနိုင်သော် လည်းတစ်စိတ်တစ်ပိုင်းအားဖြင့် ဦးဝင်းမြင့်က အတူပူးတွဲ ထမ်း ဆောင်နိုင်လိမ့်မည်ဟု မြန်မာ့ နိုင်ငံရေးလေ့လာသူ ဦးတင်မောင် သန်းက သုံးသပ်သည်။

‘‘ဒေါ်အောင်ဆန်းစုကြည်က အရေးကြီးတဲ့ကိစ္စတွေကို ပိုပြီး အာရုံစိုက်နိုင်လိမ့်မယ်ထင်တယ်။ အဲဒီတော့ ဦးဝင်းမြင့်က သူ့ရုံး (နိုင်ငံ တော်သမ္မတရုံး) ကို ဘယ်လိုဖွဲ့ စည်းမလဲဆိုတာ စောင့်ကြည့် ရမှာပေါ့’’ ဟု ၎င်းက မှတ်ချက်ပြု သည်။ သို့သော် နိုင်ငံတော်သမ္မတ သည် တိုင်းပြည်၏ အရေးကြီး သည့် ဘဏ္ဍာရေးကော်မရှင်တွင် ဥက္ကဋ္ဌတာဝန်ယူရ၍ ယင်းကော်မ ရှင်အောက်မှ ဆက်စပ်လုပ်ငန်း များကို အပြောင်းအလဲလုပ်လာ နိုင်ခြေရှိကြောင်း ဦးတင်မောင် သန်းက အောက်ပါအတိုင်း ဥပမာပေးသည်။

‘‘ပြည်သူ့ဘဏ္ဍာငွေစီမံခန့်ခွဲ မှုပေါ့။ အစိုးရက သူသုံးမယ့် ဘဏ္ဍာငွေကို အကျိုးရှိရှိ အသုံးချ မယ့် စနစ်တွေကို ထူထောင်မယ် ဆိုရင်လည်း ထူထောင်လို့ရမယ့် အခွင့်အလမ်းရှိမယ်’’။

အရေးပါသည့် ပြည်သူ့လွှတ်တော်ဥက္ကဋ္ဌနေရာ

ပြည်သူ့လွှတ်တော် ဥက္ကဋ္ဌ နေရာသည် အုပ်ချုပ်ရေးမဏ္ဍိုင် နှင့် တရားစီရင်ရေး မဏ္ဍိုင်တို့ကို အပြန်အလှန် ထိန်းကျောင်းမှု (Check and Balance) ပြုလုပ် နိုင်သည့် အဓိကအခန်းကဏ္ဍတွင် ပါဝင်နေသည့်အပြင် ဒုတိယလ ၃၀ တွင် ပြည်ထောင်စုလွှတ်တော်နာယကနေရာကို ထမ်းဆောင်ရမည်ဖြစ်၍ လက်ရှိအပြောင်းအလဲကို မြန်မာ့နိုင်ငံရေး လေ့လာသူများက စိတ်ဝင်စားမှု မြင့်တက်နေသည်။

ယနေ့ (မတ်လ ၂၂ ရက်) ကျင်းပမည့် ပြည်သူ့လွှတ်တော် အစည်းအဝေးတွင် ဥက္ကဋ္ဌရွေး ကောက်တင်မြှောက်ခြင်း အစီအ စဉ်ပါဝင်နေ၍ ပြည်သူ့လွှတ်တော် ဥက္ကဋ္ဌသစ်သည် ယနေ့ပင် သိရတော့မည်ဖြစ်သည်။

ယမန်နေ့ကစ၍ ပြည်သူ့လွှတ်တော်ဥက္ကဋ္ဌ ရာထူးမှ နုတ်ထွက်ခဲ့သော ဦးဝင်းမြင့်သည် ယမန်နေ့လွှတ်တော် အစည်းအ ဝေးပြီးချိန်တွင် အမျိုးသားဒီမိုက ရေစီအဖွဲ့ချုပ်ပါတီမှ လွှတ်တော် ကိုယ်စားလှယ်များနှင့် ၁၅ မိနစ် ခန့်တွေ့ဆုံခဲ့ပြီး စည်းကမ်းရှိရှိနှင့် ညီညီညွတ်ညွတ်နေထိုင်ရန် မှာ ကြားခဲ့ကြောင်း တက်ရောက်ခဲ့သူ လွှတ်တော်ကိုယ်စားလှယ်အချို့ က ပြောသည်။

‘‘(ဦးဝင်းမြင့် ဘာကြောင့် နုတ်ထွက်တယ်ဆိုတာ) မပြောဘူး။ စောင့်ကြည့်ဖို့ပဲ ပြောပါတယ်။ အစိုးရပိုင်းကပဲ သတင်းစာ ရှင်းလင်းပွဲ လုပ်ပါလိမ့်မယ်။ ကျွန်မတို့ကိုတော့ ဘာမှမပြောပါဘူး’’ ဟု ရန်ကင်းမြို့နယ်အမတ် ဒေါ်ဇင်မာအောင်က ပြောသည်။

ပြည်သူ့လွှတ်တော် ဥက္ကဋ္ဌ ရာထူးအတွက် ပြည်ခိုင်ဖြိုးပါတီမှ နုတ်ထွက်ထားသူ ဦးတီခွန်မြတ် နှင့် အမျိုးသားဒီမိုကရေစီအဖွဲ့ ချုပ် ပါတီဗဟိုအလုပ်အမှုဆောင် အဖွဲ့ဝင် ဦးထွန်းထွန်းဟိန်တို့က ရှေ့ဆုံးမှ ရေပန်းစားနေသည်။

ပြည်သူ့လွှတ်တော် ဥက္ကဋ္ဌ နေရာကို ဦးဝင်းမြင့်တာဝန်ယူစဉ် က လွှတ်တော်ကိုနိုင်နင်းစွာ ကိုင် တွယ်နိုင်ပြီး လွှတ်တော်လုပ်ငန်းစဉ်များကို ဆောင်ရွက်နိုင်သဖြင့် ဆက်ခံမည့်လွှတ်တော်ဥက္ကဋ္ဌကိုလည်း လွှတ်တော်ထိန်းကျောင်းနိုင်မည့် ပုဂ္ဂိုလ်အဖြစ် ပြည်သူ့လွှတ်တော်ကိုယ်စားလှယ်များက မျှော်လင့်ထားသည်။

‘‘ဘယ်လိုပုဂ္ဂိုလ်လာမလဲဆို တာတော့ မသိသေးဘူး။ ကျွန်မတို့ကတော့ ပါတီဝင်တွေဖြစ် တယ်။ ပါတီရဲ့လမ်းညွှန်မှုအရ ပါတီရဲ့ဂိုက်လိုင်းအရ သွားရမှာ ဖြစ်တယ်’’ ဟု ပုလဲအမတ်ဒေါ်ခင် စန်းလှိုင်က ပြောသည်။

ကွတ်ခိုင်အမတ် ဦးတီခွန် မြတ်သည် ဥပဒေပိုင်းဆိုင်ရာ ကျွမ်းကျင်သူဖြစ်ပြီး ၂၀၀၈ ဖွဲ့ စည်းပုံအခြေခံ ဥပဒေရေးဆွဲစဉ် က ပါဝင်ခဲ့သူတစ်ဦးဖြစ်သည်။ ထို့အပြင် ၎င်းသည် ပထမအကြိမ် လွှတ်တော်သက်တမ်း အတွေ့အ ကြုံရှိထားသူလည်းဖြစ်သည်။

 နောင်ချိုအမတ် ဦးထွန်း ထွန်းဟိန်သည် လက်ရှိအာဏာရ ပါတီဝါစဉ်၌ အကြီးအကဲပိုင်းတွင် ပါဝင်နေပြီး ထိုအချက်ကပင် ပြည်သူ့လွှတ်တော်ဥက္ကဋ္ဌဖြစ်လာရန် ၎င်းကို ထင်ကြေးပေးမှု ခံရခြင်း ဖြစ်သည်။

‘‘ပြည်သူ့လွှတ်တော်ဥက္ကဋ္ဌ ကတော့ အင်န်အယ်လ်ဒီရဲ့ ဝါစဉ် အရ ဦးထွန်းထွန်းဟိန်ဖြစ်ဖို့ တော် တော်လေးနီးစပ်တယ်လို့ ပြောကြပါတယ်။ (အခြားကနေ) ဥက္ကဋ္ဌ ဖြစ်လာမယ်လို့မထင်ဘူး။ ဦးထွန်း ထွန်းဟိန်ဖြစ်ဖို့ များတယ်’’ ဟု ဒီချုပ်ပြောခွင့်ရပုဂ္ဂိုလ် မုံရွာအောင်ရှင်က ပြောသည်။

အာဏာရပါတီ၏ ထိပ်ပိုင်းခေါင်းဆောင် ကွက်လပ်

လူထုခေါင်းဆောင်  ဒေါ် အောင်ဆန်းစုကြည် အစိုးရအဖွဲ့ အတွင်းသို့ ရောက်ရှိသွားချိန်တွင် ပါတီ၏လုပ်ငန်းများ ဆောင်ရွက် ခြင်း မပြုရ၍ ဗဟိုအလုပ်အမှု ဆောင်ငါးဦး ပါဝင်သည့် အတွင်း ရေးမှူးအဖွဲ့ဖြင့် ပါတီကို ထိန်း ကျောင်းခဲ့သည်။

ယင်းအတွင်းရေးမှူးအဖွဲ့ ၀င်ငါးဦးတွင် ဦးဝင်းမြင့်ကတစ်ဦး အပါအ၀င်ဖြစ်ခဲ့ပြီး အကယ်၍ ၎င်းနိုင်ငံတော်သမ္မတ ဖြစ်လာလျှင် ပါတီ၏လုပ်ငန်းစဉ်များနှင့် အလိုအလျောက်ကင်းကွာရမည် ဖြစ်သည်။ ယခုနှစ်ဆန်းပိုင်းတွင် အ တွင်းရေးမှူးအဖွဲ့ဝင်တစ်ဦးဖြစ် သူဦးဝင်းထိန် ဩစတြေးလျနိုင်ငံ သို့ ထွက်ခွာသွားကာပါတီ၌ဆက် ရှိ၊ မရှိ ရှင်းလင်းပြောကြားခြင်း မရှိဘဲ ပဟေဠိချန်ထားခဲ့သည်။

သို့ရာတွင် မကြာမီက ဒေါ် အောင်ဆန်းစုကြည်၏ ဩစ တြေးလျခရီးစဉ်တွင် ဦးဝင်းထိန် နှင့် သီးသန့်တွေ့ဆုံခဲ့ပြီး ဦးဝင်း ထိန် မြန်မာပြည်ပြန်လာမည်ဟု သတင်းများထွက်ပေါ်ခဲ့သည်။

ယခုကဲ့သို့ ဦးဝင်းမြင့်အား နိုင်ငံတော်သမ္မတနေရာ လျာ ထား၍ ပါတီကိုထိန်းကျောင်းရန် ဦးဝင်းထိန် မြန်မာပြည်ပြန်လာ မည်ဆိုသည့်သတင်းသည် ပိုမိုခိုင် မာလာသည်။

ထို့အပြင် လက်ရှိအမျိုးသား ဒီမိုကရေစီအဖွဲ့ချုပ်ပါတီသည် တည်ငြိမ်မှုကို ထိန်း၍သွားသည့် မူဝါဒကို ကျင့်သုံးနေသည်ဟု ယူ ဆကြောင်းနှင့် ဦးဝင်းမြင့်တာဝန် ထမ်းဆောင်နိုင်ခြင်း မရှိပါက ပြဿနာရှိမည်မဟုတ်ဘဲ အတွင်း ရေးမှူးအဖွဲ့ဝင်တစ်ဦးကို ထပ်မံ ခန့်ထားနိုင်ကြောင်း နိုင်ငံရေးလေ့ လာသူဦးတင်မောင်သန်းက သုံး သပ်သည်။