ကနောင်စက်ရုံဟောင်းမှသည် စစ်ကိုင်းဆီသို့

တစ်ချိန်က ထည်ဝါခံ့ညား ခဲ့သော စက်ရုံဟောင်းကြီး၏ အချို့နေရာများတွင် ယခုတော့ ချုံနွယ်ပိတ်ပေါင်း ထူထပ်ကာ အမှိုက်များ ပြည့်နှက်နေသည်။ အုတ်ရိုးမြောင်းများနှင့် အုတ်ကန် ငယ်များ၊ အရွယ်စုံအုတ်ခုံများက စက်ရုံဟောင်းကြီးအတွင်းတွင် နေ ရာအနှံ့တည်ရှိနေသည်။

တစ်ဖက်လျှင် ၁၅ ပေခန့်ရှိ ပြီး စတုရန်းပုံညစ်ထည်းထည်း အုတ်ခေါင်းတိုင်ကြီးနှင့် မြေ အောက်လိုဏ်များဖြင့် စနစ်တကျ ဆက်သွယ်ပြုလုပ်ထားသောအုတ် ရိုးမြောင်းများကိုလည်း စက်ရုံ ဟောင်းတွင် တွေ့မြင်နိုင်သည်။ထို စက်ရုံဟောင်းက မြန်မာနိုင်ငံအ လယ်ပိုင်းရှိ အထင်ကရနေရာ ဖြစ်သော စစ်ကိုင်းမြို့တံတားသစ်နံဘေးတွင်တည်ရှိသော ရှေး ဟောင်းသမိုင်းဝင် စက်ရုံဟောင်း တစ်ရုံဖြစ်သည်။

တစ်နည်းဆိုရသော် မြန်မာ နိုင်ငံကို ခေတ်မီစက်မှုနိုင်ငံတော် အဖြစ်တည်ထောင်ရန် ကြိုးပမ်း အားထုတ်ခဲ့သူ ကနောင်မင်းသား ကြီး၏ မြောက်မြားစွာသော စက်ရုံ များထဲမှ တစ်ခုလည်းဖြစ်သည်။  ကုန်းဘောင်ခေတ် နှောင်းပိုင်း တွင် ကနောင်မင်းသားကြီးတည် ထောင်ခဲ့သော စက်ရုံ ၅၀ ကျော် အနက်မှတစ်ခုလည်း ဖြစ်သည်။ ဧရိယာစတုရန်းပေ ၈၇၀ ကျယ် ဝန်းသည်။

စစ်ကိုင်းမြို့ ရွှေတောင်ဦး မော်ဘုရားအနီးတွင် တည်ရှိသော ထိုစက်ရုံဟောင်းသည် ကနောင် မင်းသားကြီးအစီအမံဖြင့် တည် ထားခဲ့သော သံရည်ကျိုစက်ရုံ ဟောင်းတစ်ခုဖြစ်ခဲ့ပြီး ယခုစစ် ကိုင်းတိုင်းအစိုးရက ခရီးသွားလုပ် ငန်းမြှင့်တင်နိုင်ရေးအတွက် ခရီး သွားလာလည်ပတ်စရာနေရာတစ် ခုအဖြစ် ပြန်လည်မွမ်းမံမှုများစတင်နေလေပြီ။

စက်ရုံကို ၁၈၇၄ တွင် အုတ် မြစ်ချတည်ဆောက်ခဲ့သည်။ က နောင်မင်းသားကြီး လုပ်ကြံခံရပြီး ရှစ်နှစ်အကြာတွင်မှ စက်ရုံစတင် တည်ဆောက်ခြင်း ဖြစ်သော် လည်း ကနောင်မင်းသားကြီး၏ ကြိုးစားဆောင်ရွက်မူများကြောင့် ပေါ်ပေါက်လာသည့် စက်ရုံဖြစ် သည်။ အဆိုပါသံရည်ကျိုစက်ရုံ တွင်တစ်ရက်လျှင် ကျောက်မီး သွေးတန်တစ်ရာဖြင့် လည်ပတ် နိုင်ရန်စီစဉ်ခဲ့သော်လည်း ဗြိတိန် နိုင်ငံမှ စက်ပစ္စည်းများ အပြည့် အ၀ မရသဖြင့် မလည်ပတ်ခဲ့ရသော စက်ရုံတစ်ခုဖြစ်ကြောင်း သမိုင်းမှတ်တမ်းများက ဆိုသည်။


လွန်ခဲ့သောနှစ်ပေါင်း ၁၅၀ ခန့်က ဆောက်လုပ်ခဲ့သည့် ကနောင်မင်းသားကြီး၏ သံရည်ကျိုစက်ရုံ ၀န်းကျင်ကို တွေ့ရစဉ် (ဓာတ်ပုံ − စည်သူလင်း)

အိမ်ရှေ့စံ ကနောင်မင်း သားကြီးက ကုန်းဘောင်ခေတ် နှောင်းပိုင်း ရတနာပုံခေတ်တွင် ခေတ်မီစက်မှုနိုင်ငံ တည်ထောင် နိုင်ရန် ကြိုးပမ်းခဲ့သည်။ မြန်မာ နိုင်ငံ၌ စက်ရုံ၊ အလုပ်ရုံများ တည်ဆောက်နိုင်ရန် ၁၈၅၄ က စတင်ကာ စက်ပစ္စည်းများ စတင် စုဆောင်းခဲ့ပြီး ၁၈၆၃ ကစ၍ ပညာတော်သင်များကို အိန္ဒိယ၊ အီတလီ၊ ပြင်သစ်နှင့် အင်္ဂလန် နိုင်ငံများသို့ စေလွှတ်ခဲ့သည်။ ၁၈၆၆ တွင် ကနောင်မင်းသားကြီး လုပ်ကြံခံရပြီး စက်ရုံ၊ အလုပ်ရုံ တည်ဆောက်ရေး လုပ်ငန်းများ ထင်သလောက် အောင်မြင်ခြင်း မရှိခဲ့သော်လည်း၎င်း၏ ကြိုးစား ဆောင်ရွက်မှုများကြောင့် ရတနာ ပုံခေတ်တွင် ဒင်္ဂါးစက်ရုံ၊ သံရည် ကျိုစက်ရုံ၊ ရက်ကန်းစက်ရုံ၊ မဲ နယ်စက်ရုံ၊ ကန့်စက်ရုံ၊ ရေနံချက် စက်ရုံ၊ လျှပ်စစ်စက်ရုံ၊ ဘွိုင်လာ ရေနွေးငွေ့စက်၊ လက်နက်စက်၊ ဆန်စက်၊ သစ်စက်၊ သကြားစက် နှင့် ကြေးနန်းဆက်သွယ်ရေးအစရှိသည့် လုပ်ငန်းများအတွက် စက်ရုံ ၅၀ ကျော် တည်ဆောက်နိုင်ခဲ့သည်။

နှစ်ပေါင်း ၁၅၀ နီးပါး အမေ့ လျော့ခံထားခဲ့ရသော ကနောင် မင်းသားကြီး၏ သံရည်ကျိုစက်ရုံ ဟောင်းကြီးကို စစ်ကိုင်းမြို့၏ လည်ပတ်လေ့လာစရာနေရာအ ဖြစ်ပြောင်းလဲရေး စတင်ဆောင်  ရွက်နေပြီဖြစ်သည်။ စစ်ကိုင်းမြို့ ၏ ခရီးသွားလုပ်ငန်းဖွံ့ဖြိုးရေး အတွက် ဆောင်ရွက်မည့်လုပ်ငန်း များစွာထဲမှ ကနဦးခြေလှမ်းတစ်ခု လည်းဖြစ်သည်။

စက်ရုံခြံဝင်းကို မန္တလေး ကျုံးမြို့ရိုးအတိုင်း အုတ်တံတိုင်း ခတ်ကာရံခြင်း၊ အလှဆင်ခြင်းနှင့် လေ့လာကြည့်ရှုသူများ အဆင် ပြေစေရန် လျှောက်လမ်းများပြုလုပ်ခြင်း၊ သန့်စင်ခန်းများ ဆောက်လုပ်ခြင်းနှင့် သမိုင်းအ ချက်အလက်များ ရေးသွင်းထား သောဘုတ်ပြားထောင်ခြင်း စ သည်တို့ ပြုလုပ်မည်ဖြစ်ကြောင်း စစ်ကိုင်းမြို့နယ် စည်ပင်သာယာ ရေးကော်မတီဥက္ကဋ္ဌဦးဝင်းနိုင်က ဆိုသည်။

စက်ရုံဟောင်းကို စစ်ကိုင်း တိုင်းအစိုးရအဖွဲ့မှ ကျပ်သိန်း ၅၄၀ အကုန်ကျခံကာ  မတ်လ ပထမပတ်ကစတင်၍ ပြုပြင်ထိန်း သိမ်းနေသည်။


ညောင်ရမ်းခေတ် နံရံဆေးရေးပန်းချီများရှိရာ တိလောကဂုရုလိုဏ်ဂူ ((ဓာတ်ပုံ − စည်သူလင်း))

စစ်ကိုင်းတိုင်း ဒေသကြီး အစိုးရအနေဖြင့် ယခုဘဏ္ဍာနှစ်မှ စတင်ကာ တိုင်းဒေသကြီးအတွင်း ခရီးသွားလုပ်ငန်းကဏ္ဍဖွံ့ဖြိုးတိုး တက်ရေးအတွက် ခရီးစဉ်ဒေသ အသစ်များ ဖော်ထုတ်ရန်စီစဉ်နေ သည်။

စစ်ကိုင်းတိုင်း၏ ဝင်ပေါက် ထွက်ပေါက်နှင့် ရှေးဟောင်းအ ဆောက်အအုံများစွာရှိသော  စစ် ကိုင်းမြို့ကို အဓိကထားအကောင် အထည်ဖော်ရန် လျာထားသည်။ ကနောင်မင်းသားကြီး၏ သံရည် ကျိုစက်ရုံသည် သမိုင်းအစဉ်အ လာရှိပြီး ပြည်တွင်း၊ ပြည်ပခရီး သွားများကို ဆွဲဆောင်နိုင်သည့် ခရီးစဉ်သစ်တစ်ခုဖြစ်လာရန်မျှော် မှန်းထားကြောင်း စစ်ကိုင်းတိုင်း ဒေသကြီးအစိုးရအဖွဲ့ တာဝန်ရှိသူ တစ်ဦးက ပြောသည်။

‘‘အဲဒီစက်ရုံအနီးမှာ အမှိုက် မပစ်ရဘူးဆိုလည်း ညခင်းတွေဆို ခိုးပြီးပစ်တာပဲ။ အုတ်တံတိုင်းတွေ ခတ်လိုက်ရင်တော့ လုပ်လို့မရ တော့ဘူးပေါ့’’ဟု စစ်ကိုင်းမြို့ သံရည်ကျိုစက်ရုံအနီး နေထိုင် သော အသက်(၇၄)နှစ်အရွယ် အ ဘွားတစ်ဦးက ပြောသည်။

စစ်ကိုင်းမြို့သည် မြန်မာနိုင် ငံအလယ်ပိုင်းတွင်တည်ရှိပြီးလမ်း ပန်းဆက်သွယ်ရေး ကောင်းမွန် သော မြို့တစ်မြို့ဖြစ်သည်။ ကုန်း လမ်း၊ ရေလမ်းဖြင့် အလွယ်တကူ သွားလာနိုင်သလို မြန်မာနိုင်ငံ၏ ဒုတိယအကြီးဆုံးမြို့တော် မန္တ လေးမြို့နှင့် မြစ်တစ်စင်းသာခြား ပြီး အလွန်နီးကပ်စွာတည်ရှိသည်။ စစ်ကိုင်းတောင်၊ ကောင်းမှုတော် ဘုရား၊ ဆွမ်းဦးပုညရှင်စေတီ၊မင်း ကွန်းဒေသ၊ ကနောင်မင်းသားကြီး သံရည်ကျိုစက်ရုံ၊ အစေခံ ခံတပ်၊ ရှေးဟောင်းရုပ်စုံကျောင်းနှင့် ညောင်ရမ်းခေတ်နံရံဆေးရေးပန်း ချီများရှိသော တိလောကဂုရုလိုဏ် ဂူစသည့် ရှေးဟောင်းသမိုင်းဝင် အဆောက်အအုံ အများအပြား တည်ရှိသည်။

စစ်ကိုင်းမြို့သည် မန္တလေး မြို့ထက် ပြည်တွင်း၊ ပြည်ပခရီး သွားဧည့်သည်များ လေ့လာလည် ပတ်စရာ နေရာများစွာရှိသည်ဟု ဦးဝင်းနိုင်က ပြောသည်။

သို့သော် စစ်ကိုင်းမြို့သို့ ခရီး သွားဧည့်သည် လာရောက်လည် ပတ်မှုနည်းပါးသည်။


သံရည်ကျိုစက်ရုံတစ်နေရာကို တွေ့ရစဉ် (ဓာတ်ပုံ − စည်သူလင်း)

ယခု ၂၀၁၇-၁၈ ဘဏ္ဍာနှစ် အတွင်း စစ်ကိုင်းမြို့သို့  ပြည် တွင်း၊ ပြည်ပခရီးသွားဧည့်သည် တစ်သိန်းကျော် လာရောက်လည် ပတ်ခဲ့ပြီး ပြီးခဲ့သည့်နှစ်ထက် ၄၄  ရာခိုင်နှုန်းကျော် မြင့်တက်ခဲ့သည် ဟု စစ်ကိုင်းတိုင်းဒေသကြီး ဟို တယ်နှင့်ခရီးသွား ညွှန်ကြားမှု ဦး စီးဌာန ညွှန်ကြားရေးမှူးဦးအောင် သူဦးက ပြောသည်။

ယင်းမှာ မိုင်အနည်းငယ်သာ ကွာဝေးသည့် မန္တလေးမြို့နှင့် နှိုင်းယှဉ်လျှင်ပင် ခရီးသည်ဝင် ရောက်မူ အလွန်နည်းကြောင်း ဖော်ပြနေသည်။ ၂၀၁၇ အတွင်း မန္တလေးမြို့သို့ နိုင်ငံခြားသား ခရီး သွားဧည့်သည် လေးသိန်းခန့် လာ ရောက်လည်ပတ်ကြောင်း ဟို တယ်နှင့် ခရီးသွားညွှန်ကြားမူဦး စီးဌာန ထုတ်ပြန်ချက်များတွင် ဖော်ပြထားသည်။

စစ်ကိုင်းမြို့သို့ ခရီးသွားဧည့် သည် လာရောက်လည်ပတ်မူ နည်းပါးခြင်းသည် သမိုင်းဝင်ရှေး ဟောင်း အဆောက်အအုံများကို ဖော်ထုတ်မှု မရှိခြင်းနှင့် မင်းကွန်း ဒေသသို့ ဖြတ်သန်းသွားလာရ သော စစ်ကိုင်းမြို့တွင် လမ်းများ ကျဉ်းမြောင်းကာ လမ်းပန်းဆက် သွယ်ရေး အခက်အခဲရှိနေခြင်း ကြောင့် ဖြစ်နိုင်ကြောင်း ခရီးသွား လုပ်ငန်းရှင်များက သုံးသပ်သည်။

စစ်ကိုင်းမြို့နယ်ရှိ မင်းကွန်း ရှေးဟောင်း ယဉ်ကျေးမှုနယ်မြေ သို့ ခရီးသွားများ လာရောက်လည် မူ များသော်လည်း  နိုင်ငံခြားသား ခရီးသွား အများစုသည် မန္တလေး ဆိပ်ကမ်းမှ တစ်ဆင့် ရေကြောင်း ဖြင့် မင်းကွန်းဒေသသို့သာ အများ ဆုံး လည်ပတ်သည်ဟု ခရီးသွား လုပ်ငန်းရှင်များက ပြောသည်။

‘‘စစ်ကိုင်းကို နိုင်ငံခြားသား ခရီးသွားတွေ လာပါတယ်။ အခု ပြုပြင်တဲ့ ရှေးဟောင်းနေရာတွေ ကို လာတာသိပ်မရှိဘူး။ အဲဒီ နေရာတွေကို လာရောက်ဖို့ဆိုရင်  သူတို့သိရမယ်၊ သူတို့စိတ်ဝင်စားနိုင်တဲ့ အချက်တွေ ရှိရမယ်။ ဒီအတိုင်းကြီးပြုပြင် နေရုံနဲ့တော့ ဘာ မှထူးလာမယ်မထင်ဘူး’’ ဟု စစ် ကိုင်းမြို့ခံ ဦးရဲထက်ဇော်က မှတ် ချက်ပြုသည်။

စစ်ကိုင်းမြို့သို့ ခရီးသွားဝင် ရောက်မှု မြှင့်တက်လာစေရန် ဘဏ္ဍာနှစ်အလိုက် လမ်းပန်းဆက် သွယ်ရေး အဆင်ပြေစေရန် ဆောင်ရွက်ခြင်း၊ ရှေးဟောင်း အ ဆောက်အအုံ ပြုပြင်ခြင်းများ ဆောင်ရွက်မည်ဖြစ်ကြောင်း စစ် ကိုင်းတိုင်းအစိုးရ တာဝန်ရှိသူများ က ပြောသည်။

စစ်ကိုင်းမြို့ ဧရာဝတီမြစ် ကမ်းဘေးရှိ မင်းတုန်းမင်းလက် ထက် ၁၈၇၉ တွင် တည်ဆောက် ခဲ့သော အစေခံခံတပ်၊ ညောင်ရမ်း ခေတ် နံရံဆေးရေး ပန်းချီများရှိ သော တိလောကဂုရုလိုဏ်ဂူနှင့် မင်းကွန်းဒေသရှိ သမိုင်းဝင်ကြီး လေးကြီးဖြစ်ကာ ဘိုးတော်ဘုရား ကောင်းမှု ၁၈၁၇ တွင် တည် ဆောက်ခဲ့သော  ကြက်ထောင့်ကန် စသည်တို့ကို ပြုပြင်ထိန်းသိမ်း မှုများ ဆောင်ရွက်ရန် စီစဉ်ထား ကြောင်း ဆိုသည်။

ရှေးဟောင်း အဆောက်အ အုံနေရာများ ပြုပြင်ထိန်းသိမ်းကာ  ခရီးသွားကဏ္ဍ မြှင့်တင်ရေး ဆောင်ရွက်ခြင်းဖြင့် လာမည့် ဘဏ္ဍာနှစ်တွင် စစ်ကိုင်းမြို့သို့ ပြည်တွင်း၊ ပြည်ပ ခရီးသွားဝင် ရောက်မှု နှစ်ဆအထိ မြင့်တက် လာနိုင်ဟု ခန့်မှန်ကြောင်း စစ် ကိုင်းမြို့နယ် စည်ပင်သာယာရေး ကော်မတီဥက္ကဌ ဦးဝင်းနိုင်က ဆို သည်။

စစ်ကိုင်းတိုင်းအစိုးရ၏ ခရီး သွားလုပ်ငန်း မြှင့်တင်ရေး ဆောင် ရွက်မည့်အပေါ်  ကြိုဆိုကြောင်း ပြည်တွင်း ခရီးသွားလုပ်ငန်းရှင် များက ပြောသည်။

‘‘စစ်ကိုင်းတိုင်းမှာတော့ အဲဒီ လိုမျိုး ဆွဲဆောင်မယ့်နေရာတွေ ရှိ လာရင် ဧည့်သည်တွေ ပိုပြီးတော့ ပို့ပေးနိုင်မှာပါ။ အခုလို ဒေသသစ် တွေ လုပ်မယ်ဆိုတာကို ကြိုဆိုရ မှာပါ’’ ဟု မြန်မာနိုင်ငံ ခရီးသွား ဈေးကွက် မြှင့်တင်ရေးအဖွဲ့ ဒု ဥက္ကဌ ဒေါ်စုစုတင်ကပြောသည်။

သို့သော် စစ်ကိုင်းမြို့သို့ ခရီး သွားဧည့်သည်များ ပိုမိုလာရောက် လည်ပတ်ရန် ခရီးသည် ဆွဲဆောင် နိုင်မည့်နေရာဒေသနှင့် အစီအစဉ်  အများအပြား လိုအပ်နေဦးမည် ဟု ခရီးသွားလုပ်ငန်းရှင်များက မှတ်ချက်ပြုသည်။

‘‘ခရီးသွားလုပ်ငန်းတွေမှာ အရေးကြီးဆုံးက ဆွဲဆောင်မူပဲ။ သမိုင်းဝင်နေရာကြီး ဖြစ်နေပေ မယ့်လည်း ဆွဲဆောင်မူမရှိရင် ခရီးသွားမလာဘူး’’ ဟု မြန်မာ နိုင်ငံ ခရီးသွားလုပ်ငန်းရှင်များအ သင်း တွဲဖက်အတွင်းရေးမှူး ဦး နောင်းနောင်းဟန်က ပြောသည်။


စစ်ကိုင်းရှိ ရုပ်စုံကျောင်း (ဓာတ်ပုံ − စည်သူလင်း) 

သမိုင်းဝင်နေရာများ ပြုပြင် ထိန်းသိမ်းကာ  ခရီးသွားများကို ဆွဲဆောင်နိုင်ရန် ဆောင်ရွက်ရ မည့်အပြင် လမ်းပန်းဆက်သွယ် ရေး၊ အစားအသောက်၊ တည်းခို နေထိုင်မှု စသည်တို့ ပြီးပြည့်စုံမှု ရှိရန် လိုအပ်ကြောင်း  ခရီးသွား လုပ်ငန်းရှင်များက ဆိုသည်။ ထို့ အတွက် ခရီးသွားမြှင့်တင်ရေး ဆောင်ရွက်ရာတွင် စားသောက် ဆိုင်၊ ဟိုတယ်စသည့် ခရီးသွား လုပ်ငန်းနှင့် ဆက်စပ်နေသည့် လုပ်ငန်းများကိုပါ မြှင့်တင်ရန် လို အပ်ကြောင်း ခရီးသွားလုပ်ငန်းရှင် များက အကြံပြုသည်။

‘‘ပျုမြို့ဟောင်းတွေဆိုရင် ကမ္ဘာ့ အမွေအနှစ်ထဲမှာတော့ စာ ရင်းထည့်လိုက်ပြီလေ။ ဒါပေမဲ့ ဒီနေရာမှာ ဘယ်လိုတည်းရမယ်၊ ဘယ်လိုစားသောက်ရမယ်၊ ဘယ် လိုသွားရမယ်ဆိုတဲ့ မေးခွန်းတွေ ကို ပြန်ဖြေနိုင်ဖို့လိုပါတယ်။ ဆွဲ ဆောင်မူရှိပေမယ့် အဲဒီလိုဝန် ဆောင်မူတွေက မလိုက်နိုင်ရင်မဖွံ့ ဖြိုးနိုင်ပါဘူး’’ ဟု ဦးနောင်းနောင်း ဟန်က သုံးသပ်ပြောကြားသည်။

 စစ်ကိုင်းမြို့သို့ လာရောက် လည်ပတ်သူများ အဆင်ပြေစေ ရန် မြို့၏အချက်အချာကျသော နေရာများတွင် လမ်းညွှန်ဆိုင်း ဘုတ် အသေး ၁၇ ခုနှင့် စစ်ကိုင်း တံတားထိပ်၊ အင်းဝတံတားထိပ် နှင့် မြို့တွင်းလမ်းမကြီး သုံးနေရာ ၌ ဆိုင်းဘုတ်အကြီး ငါးခုထား ရှိမည်ဖြစ်ကြောင်း ဦးဝင်းနိုင်က  ပြောသည်။ ထို့အပြင် ခရီးသွား အေဂျင်စီများနှင့် ချိတ်ဆက်ကာ တိုင်းဒေသကြီး အတွင်းရှိ  လည် ပတ်လေ့လာစရာ  နေရာများကို မှတ်တမ်းတင် ပြုစုနေကြောင်း ၎င်းကဆိုသည်။

‘‘တစ်ရက်စာ လေ့လာလည် ပတ်စရာ ရှိသွားတော့ မန္တလေး နည်းတူ စစ်ကိုင်းကို ဝင်လာမှာပဲ’’  ဟု ဦးဝင်းနိုင်က ပြောသည်။

စစ်ကိုင်းမြို့တွင် ဟိုတယ် ခြောက်ခုနှင့် လိုင်စင်ရ တည်းခို ခန်း ၄၆ ခုရှိပြီး ဟိုတယ်အဆင့်ရှိ တည်းခိုခန်းများကို ဟိုတယ်အ ဆင့် သတ်မှတ်ရန် ပြင်ဆင်နေကြောင်း ၎င်းက ပြောသည်။

လာမည့်နှစ်က စတင်ကာ ဟိုတယ်နှင့်တည်းခိုခန်း လုပ်ငန်း ရှင်များအသင်း (စစ်ကိုင်း)နှင့် ခရီး သွားအေဂျင်စီများ ချိတ်ဆက်ကာ အင်းဝ-စစ်ကိုင်း-မင်းကွန်း တစ် နေ့တာ ခရီးစဉ်အဖြစ် ခရီးစဉ်သစ် တစ်ခု ဖော်ဆောင်နေကြောင်း  ဦးဝင်းနိုင်က ဆိုသည်။

စစ်ကိုင်းမြို့တွင် ရှေးဟောင်း သမိုင်းဝင် အဆောက်အအုံများ တည်ရှိသလို သာသနာ့နယ်မြေ တစ်ခုအဖြစ်လည်း ထင်ရှားသည်။ စစ်ကိုင်းဒေသတွင် ကျောက်ပျဉ် လုပ်ငန်း၊ အိုးလုပ်ငန်း၊ ငွေထည်၊ ကြေးထည်လုပ်ငန်း၊ စက္ကူရုပ်လုပ် ငန်းနှင့် ဂစ်တာလုပ်ငန်းစသည့် ရိုးရာလက်မှု လုပ်ငန်းများစွာ လည်း တည်ရှိသည်။  စစ်ကိုင်းမြို့ ၏ အဓိက စီးပွားရေးလုပ်ငန်းများ သည် ကျောက်စိမ်းအ ချောထည် လုပ်ငန်း၊ တည်းခိုခန်းလုပ်ငန်းနှင့် စားသောက်ဆိုင်လုပ်ငန်းများ ဖြစ် သည်။

စစ်ကိုင်းမြို့၏ ခရီးသွားလုပ် ငန်း ဖွံ့ဖြိုးတိုးတက်ရေးဆောင် ရွက်သလို မြို့ခံများ၏ အကျိုးစီးပွားနှင့် ဆက်နွှယ်နေသော ကျောက်စိမ်းဈေးကွက် ဖွံ့ဖြိုးရေး ကိုလည်း အကောင်အထည် ဖော် ပေးစေလိုကြောင်း မြို့ခံများက ပြောသည်။

မည်သို့ပင်ဆိုစေ နှစ်ပေါင်းများစွာ အမေ့ခံအဖြစ်တည်ရှိခဲ့သော စစ်ကိုင်းမြို့ရှိ  ကနောင်းမင်းသားကြီး သံရည်ကျို  စက်ရုံမှာမူ မကြာမီ ပြန်လည်အသက်ဝင်လာတော့မည် ဖြစ်သည်။ သမိုင်းဝင်သံရည်ကျိုစက်ရုံက စစ်ကိုင်းမြို့ဆီသို့ ပြည်တွင်း၊ ပြည်ပခရီးသွားများပိုမိုလာရောက်စေရန် အကျိုးပြုလိမ့်မည်ဟု အားလုံးက မျှော်လင့်နေသည်။ အဆိုပါစက်ရုံဟောင်းကြီးနှင့် အပြိုင် စစ်ကိုင်းမြို့၏ ခရီးသွားကဏ္ဍ  အရှိန်အဟုန်ဖြင့် မြင့်တက်လာရေးဒေသခံများက မျှော်လင့်နေသည်။