လောင်းကစားဝိုင်းနှင့် ဒိုင်များကို ဥပဒေနှင့်အညီ တင်းကျပ်စွာ တားဆီးပိတ်ပင် အရေးယူရန် ဧရာဝတီတိုင်းအစိုးရအား တိုက်တွန်း

 နိုင်ငံကို ပြန်လည်ထူ ထောင်ရေး၊ ပြုပြင်ပြောင်းလဲရေး လုပ်နေသော အစိုးရ၏ ကြီးမားသော စိန်ခေါ်မှုတွင် ပါဝင်နေသည့် ဥပဒေမဲ့လောင်းကစားဝိုင်းများနှင့် ဒိုင်များကို ဥပဒေနှင့်အညီ တင်းကျပ်စွာတားဆီးပိတ်ပင်အရေးယူရန် ရေကြည်မြို့နယ် အမှတ် (၁) မဲဆန္ဒနယ် တိုင်းဒေသကြီးလွှတ်တော်ကိုယ်စားလှယ် ဦးမျိုးညွန့်က ဧရာဝတီတိုင်းဒေသကြီး အစိုးရအဖွဲ့အား တိုက်တွန်းခဲ့သည်။

မတ်လ ၁၅ ရက်တွင်ကျင်း ပသည့် ဒုတိယအကြိမ် ဧရာဝတီ တိုင်းဒေသကြီးလွှတ်တော် ဒသမပုံမှန်အစည်းအဝေး ဒုတိယနေ့ ၌ လွှတ်တော်ကိုယ်စားလှယ်က ယင်းကဲ့သို့ တိုက်တွန်းခဲ့သည်။ ပြည်သူများ၏ စီးပွားရေး၊ အသိပညာနှင့် ဆင်ခြင်တုံတရား အားနည်းမှုကို အခြေခံပြီး နည်းအမျိုးမျိုးဖြင့် လောင်းကစားမှုများ ဦးမော့လာနေကြောင်း ၎င်းက လွှတ်တော်တွင် ပြောသည်။

ကျေးလက်နှင့် မြို့ပေါ်တွင် နေထိုင်သည့် အခြေခံ လူတန်း စားများသည် အလုပ်အကိုင်အ ခွင့်အလမ်းနည်းပါးခြင်းနှင့် ကြုံ တွေ့နေရကြောင်း၊ တစ်နေ့လုပ် အားခရရှိမှုသည် မိသားစုတစ်ခုမဆိုထားနှင့် မိမိတစ်ဦးတည်းဘ၀ရပ်တည်မှုရရှိရန် အလွန်ပင်ကြိုးစားရုန်းကန်နေရကြောင်း၊ ယင်းကဲ့သို့ ဘ၀ရပ်တည်မှုခက်ခဲနေသူ များကို ထွက်ပေါက်တစ်ခုအဖြစ် မရေရာ၊ မသေချာသော လောင်း ကစားနည်းမျိုးစုံဖြင့် လောင်းက စားသမားများက ဥပဒေမဲ့လုပ်စား နေကြောင်း ၎င်းက ပြောသည်။

‘‘လောင်းကစားကို အခြေခံ ပြီးတော့ ရပ်ရွာအတွင်း ခိုးဆိုးလု ယက်မှုတွေ ပိုမိုဖြစ်ပေါ်လာစေပါ တယ်။ သက်ဆိုင်ရာတွေကို ဖြေ ရှင်းဖို့ ပြောတော့ ဌာနဆိုင်ရာဝန် ထမ်းအင်အားလုံလောက်မှုအား နည်းတာကို အကြောင်းပြတယ်။ လောင်းကစားပြဿနာကို ဖြေရှင်းရင် ကျန်တဲ့ဒုစရိုက်ပြဿနာတွေ လျော့နည်းသွားမယ်။ ဒါကိုမဖြေ ရှင်းတာဟာ ပြဿနာကို တိုးပွား ဖို့ မွေးထားသလို ဖြစ်နေပါတယ်’’ ဟု ဦးမျိုးညွန့်က လွှတ်တော်တွင် ပြောသည်။

ထို့ပြင် လောင်းကစားဒိုင် များသည် ပြစ်မှုပြစ်ဒဏ်သင့်၍ လွတ်မြောက်လာသူများနှင့် တိမ်း ရှောင်ထွက်ပြေးကာ ပြန်လာသူများ၊၎င်းတို့၏ အသိုင်းအ၀ိုင်းများက ဆက်လက်ဆောင်ရွက်နေကြောင်း၊ အစဉ်အလာရှိသူများသာ ဆောင်ရွက်နေခြင်း ဖြစ်ကြောင်း၊ မည်သည့်မြို့ရွာတွင် မည်သူ့ကိုမဆို မေးမြန်းပါက လောင်းကစားလုပ်သူကိုသိရှိပြီး ထိုသူများအား ပြည်သူများက အမုန်းခံ၊ အန္တရာယ်အဖြစ်ခံ၍ တိုင်ကြားရမလို ဖြစ်နေကြောင်း၊ ထိုကိစ္စများကို ဒေသအတွင်း တာဝန်ရှိသူများမသိခြင်းသည် ထူးဆန်းအံ့သြစရာကောင်းကြောင်း ဦးမျိုးညွန့်က ပြောကြားသည်။

 လောင်းကစားမှုနှင့် ပတ် သက်၍ တိုင်းဒေသကြီး အစိုးရအဖွဲ့ထံ တိုက်တွန်းသည့်အဆိုကို ဟင်္သာတမြို့နယ်အမှတ် (၂) မဲဆန္ဒနယ်မြေ တိုင်းဒေသကြီးလွှတ်တော်ကိုယ်စားလှယ် ဦးအောင်ကိုကိုဦးက ထောက်ခံဆွေးနွေးခဲ့သည်။ ထို့ပြင် ဧရာဝတီတိုင်းဒေသကြီးအစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ကျော်စွာလှိုင်က လွှတ်တော်ကိုယ်စားလှယ်များထံမှ ကောင်းမွန်မှန်ကန်တိကျသော အကြံပြုချက်များရရှိပါက ပိုမိုထိရောက်စွာ ဆောင်ရွက်နိုင်မည်ဖြစ်ကြောင်း အဆိုပါလွှတ်တော်အစည်းအဝေး၌ ဆွေးနွေးခဲ့သည်။

 ထိုလောင်းကစားဝိုင်းများ နှင့် ဒိုင်များကို ဥပဒေနှင့်အညီ တင်းကျပ်စွာ တားဆီးပိတ်ပင် အရေးယူရေး ဧရာဝတီတိုင်းဒေသကြီးလွှတ်တော်တွင် ဆက်လက်ဆွေးနွေးရန် လွှတ်တော် ကိုယ်စားလှယ်များက တညီတညွတ်တည်းထောက်ခံပြီး လာမည့် မတ်လ ၂၁ ရက်တွင် အဆိုပါကိစ္စကို ဆက်လက်ဆွေးနွေးမည် ဖြစ်သည်။