ငြိမ်းစုစီဥပဒေ ဥပဒေကြမ်းသည် နောက်ပြန်ဆုတ်နေသည့် ခြေလှမ်းဟု AAPP​ ရှုမြင်

ငြိမ်းစုစီဥပဒေကြမ်းကို မတ်လ ၅ ရက်က ရန်ကုန်တွင် ကန့်ကွက်ဆန္ဒထုတ်ဖော်နေစဉ် (ဓာတ်ပုံ − စိုင်းဇော်)

 ငြိမ်းစုစီဥပဒေကို ပြင် ဆင်သည့်ဥပဒေကြမ်းသည် ဒီမို ကရေစီနည်းကျရွေးကောက်ထား သော အစိုးရအတွက်နောက်ပြန် ဆုတ်နေသည့် ခြေလှမ်းတစ်ရပ် ဖြစ်နေကြောင်း နိုင်ငံရေးအကျဉ်း သားများကူညီစောင့်ရှောက်ရေး အသင်း(AAPP)က ရှုမြင်သည်။


ငြိမ်းစုစီဥပဒေပြင်ဆင်ရန် အဆိုပြုထားသောပြင်ဆင်ဖြည့် စွက်ချက်များသည် စိုးရိမ်ဖွယ်ရာ ဖြစ်ပြီး ဆန္ဒပြမှုအတွက်တင်းကျပ် သောပြဋ္ဌာန်းချက်များသည် နိုင်ငံ တကာစံချိန်၊ စံနှုန်းများနှင့်ဆန့် ကျင်နေကြောင်း AAPP ၏ယမန် နေ့ထုတ်ပြန်ချက်တွင် ဖော်ပြထား သည်။

‘‘အစိုးရအနေနဲ့ နိုင်ငံသား များရဲ့ အခြေခံကျတဲ့အခွင့်အရေး တွေကို ကာကွယ်ဖို့အတွက်ဒီဥပ ဒေရဲ့ ချွတ်ယွင်းချက်တွေကို ပြင် ဆင်ဖြည့်စွက်ဖို့ အရပ်ဘက်အဖွဲ့ အစည်းတွေနဲ့ လက်တွဲလုပ် ဆောင်ဖို့နဲ့ ကိုယ်စားလှယ်တွေရဲ့ မှန်ကန်တဲ့ဆွေးနွေးချက်တွေကို နားထောင်သင့်တယ်လို့ တိုက် တွန်းချင်တာပါ’’ ဟု AAPP ပြော ရေးဆိုခွင့်ရှိသူက ထုတ်ပြန်ချက် နှင့်ပတ်သက်၍ ရှင်းပြသည်။

ငြိမ်းချမ်းစွာစုဝေးခွင့်နှင့် စီ တန်းလှည့်လည်ခွင့်ဥပဒေသည် နိုင်ငံရေးလှုပ်ရှားသူများအား နှုတ် ဆိတ် မသွားစေသင့်ကြောင်း AAPP ကအကြံပြုပြီး ငြိမ်းချမ်းစွာ စုဝေးခွင့်သည့်ရာဇ၀တ်မှုဆိုင်ရာ ပြစ်မှုတစ်ခုအဖြစ်ရှိမနေသင့် ကြောင်း ထောက်ပြသည်။

‘‘ပြီးခဲ့တဲ့ ဖေဖော်ဝါရီအထိ လက်ရှိငြိမ်းစုစီဥပဒေနဲ့ဖမ်းဆီး ထိန်းသိမ်းခံရတဲ့ တက်ကြွလှုပ်ရှား သူတွေ တစ်လကိုဆယ်ဂဏန်း ခန့်ရှိပါတယ်။ ရှင်းလင်းမှုမရှိတဲ့ ဒီဥပဒေနဲ့နိုင်ငံသားတွေကို တရား စွဲတာ၊ ဖမ်းဆီးတာတွေမဖြစ်သင့် ဘူး။ ပြောင်းလဲမယ်ဆိုရင်လည်း ဖိနှိပ်တဲ့ဥပဒေတစ်ရပ် မဖြစ်ဖို့အ တွက် အကောင်းဘက်ကို ပြောင်းလဲဖို့အတွက်သေချာ သုံးသပ်သင့် တယ်’’ ဟု AAPP ပြောရေးဆိုခွင့် ရှိသူ ဦးအောင်မျိုးကျော်ကပြော သည်။

လက်ရှိ လွှတ်တော်သက် တမ်းအတွင်း ၂၀၁၆ တွင် ငြိမ်းစု စီဥပဒေကို ပြင်ဆင်ပြဋ္ဌာန်းရာတွင် ဆန္ဒပြရန်ခွင့်ပြုမိန့်တောင်းခံရန် မလိုခြင်းအပါအ၀င် အချက်အချို့ကို ဒီမိုကရက်တစ်အင်အားစုများ က ထောက်ခံခဲ့သည်။ သို့သော် ယခုဥပဒေပြင်ဆင်ချက်ကိုမူ ဒီမိုကရေစီစံနှုန်းများနှင့်လွဲချော်နေ ကြောင်း ဒီချုပ်အမတ်အချို့အပါ အ၀င်လွှတ်တော်ကိုယ်စားလှယ် များနှင့် နိုင်ငံရေးသုတေသီများ၊ တက်ကြွလှုပ်ရှားသူများက အပြင်းအထန် ဝေဖန်ကန့်ကွက်ထား သည်။

အမျိုးသားလွှတ်တော်၌ ယင်းပြင်ဆင်ချက်အတည်ပြုချိန် တွင် ဒီချုပ်အမတ်အချို့နှင့် တပ်မ တော်သားကိုယ်စားလှယ်များအ ပါအ၀င် ကန့်ကွက်သူများရှိခဲ့ သည်။ ငြိမ်းစုစီဥပဒေပြင်ဆင် ချက်အရ ဆန္ဒဖော်ထုတ်ရာ၌ခန့်မှန်းကုန်ကျစရိတ်နှင့်ကုန်ကျခံရ မည့်ပုဂ္ဂိုလ်(သို့မဟုတ်)အဖွဲ့ရှိပါ က အမည်နှင့်ဆက်သွယ်ရန် လိပ် စာအပြည့်အစုံ ဖော်ပြရမည်ဖြစ် သည်။ ထို့အပြင် တည်ငြိမ်အေး ချမ်းရေးကို ပျက်ပြားစေရန်အကြံ ဖြင့် ဆန္ဒထုတ်ဖော်ရန် သွေးဆောင်ဖြားယောင်းတိုက်တွန်းသူ ကို  ၂ နှစ်ထက်မပိုသောထောင် ဒဏ်အပြင် ငွေဒဏ်လည်းချမှတ် နိုင်ကြောင်း ဖော်ပြထားသည်။ အ မျိုးသားလွှတ်တော်က အတည်ပြု ထားသည့် ငြိမ်းစုစီဥပဒေပြင်ဆင် ချက်ကို စကားရပ်အချို့ပြင်ဆင် ဖြည့်စွက်၍ အတည်ပြုသင့် ကြောင်း ပြည်သူ့လွှတ်တော်ဥပ ဒေကြမ်းကော်မတီက အစီရင်ခံ စာတင်သွင်းထားသည်။

More in Politics Section