တီလာဆန်အလွန် ဝါရှင်တန်၏ သံခင်းတမန်ခင်း လှုပ်လာမည်လား

နေ့မြင်ညပျောက်သဘော၊ မမြဲသော သဘော၊ အနိစ္စသဘော၊ သင်္ခါရသဘောတို့သည် ခေတ်ပြိုင် နိုင်ငံရေးမျက်နှာစာကို ထင်ဟပ်လျက်ရှိသည်။ မနေ့က သမ္မတ၊မနေ့က နိုင်ငံခြားရေးဝန်ကြီးသည် ယနေ့ သာမန်အရပ်သား ဖြစ်သွားလေ့ရှိတတ်သည်မှာ နိုင်ငံရေးဝန်းကျင်တွင်ဖြစ်သည်။ မနေ့တစ်နေ့က အမေရိကန်နိုင်ငံခြားရေးဝန်ကြီး ရက်စ်တီလာဆန်သည် ယနေ့တွင် သာမန်အရပ်သားပင်ဖြစ်သည်။ တီလာဆန်အလွန် ဝါရှင်တန်၏ သံခင်းတမန်ခင်းတွင် မျှော်လင့်ချက်များ၊ အလားအလာများ ရှိနေလင့်ကစား ကမ္ဘာ့ငြိမ်းချမ်းရေးဆီ ဦးတည်ဖော်ဆောင်နိုင်မည့်  နိုင်ငံ တကာ သံခင်းတမန်ခင်း ခြေလှမ်း များကို လှမ်းလာနိုင်ပါ့မလားဟု လည်း မေးခွန်းထုတ်သံများ ကြား နေရသည်။


၂၀၁၈ မတ်လ ၁၃ ရက်နေ့ သည် နိုင်ငံတကာဆက်ဆံရေးနှင့် သံခင်းတမန်ခင်း နယ်ပယ်တွင် လှုပ်လှုပ်ခတ်ခတ် ဖြစ်စေခဲ့သည့် နေ့တစ်နေ့အဖြစ် သမိုင်းဝင်ခဲ့ပြီ ဖြစ်သည်။ ထိုနေ့တွင် အမေရိကန် ပြည်ထောင်စုသမ္မတ ဒေါ်နယ် ထရန့်သည် နိုင်ငံခြားရေးဝန်ကြီး ရက်စ်တီလာဆန်ကို တာဝန်မှရပ် စဲခဲ့ပြီး အမေရိကန်ဗဟို ထောက် လှမ်းရေးအေဂျင်စီ (CIA) ညွှန် ကြားရေးမှူး မိုက်ခ်ပွန်ပီယိုအား နိုင်ငံခြားရေးဝန်ကြီး ခန့်အပ်တာ ဝန်ပေးရန် အမည်စာရင်း ထုတ် ပြန်ခဲ့သဖြင့် ဝါရှင်တန်၏ သံခင်း တမန်ခင်းတွင်သာမက နိုင်ငံ တကာ သံခင်းတမန်ခင်းတွင် လည်း လှုပ်လှုပ်ရှားရှား ဖြစ်ခဲ့ရ သည်ဟု ဆိုရမည်ဖြစ်သည်။

 အမေရိကန်နိုင်ငံခြားရေး ဝန်ကြီးသည် နိုင်ငံတကာဆက်ဆံ ရေးနှင့် သံခင်းတမန်ခင်းတွင် သမ္မတပြီးလျှင် အရေးပါဆုံး ပုဂ္ဂိုလ်ဖြစ်သဖြင့် နိုင်ငံခြားရေး ဝန်ကြီး အပြောင်းအလဲသည် ဝါ ရှင်တန်နှင့် ကမ္ဘာ့နိုင်ငံများအကြား သံခင်းတမန်ခင်း အပြောင်းအလဲ နှင့် ဆက်စပ်ကောင်း ဆက်စပ်နိုင် သည်။ မြန်မာနိုင်ငံသည်လည်း အမေရိကန်နိုင်ငံခြားရေးဝန်ကြီး အပြောင်းအလဲအပေါ် မျက်ခြည် မပြတ် စောင့်ကြည့်လေ့လာနိုင် ရန် အရေးကြီးသည်။ ဝါရှင်တန် ၏ နိုင်ငံခြားရေးဝန်ကြီးအပြောင်း အလဲသည် အာရှသံခင်းတမန် ခင်း ဘေဂျင်းနှင့် ဆက်ဆံရေးတို့ အပေါ် မည်ရွေ့မည်မျှ သက်ရောက်မည်ကို လေ့လာသုံးသပ်နိုင်ရန် လိုအပ်မည်ဖြစ်သည်။

သမ္မတဒေါ်နယ်ထရန့်သည် သူ၏တရားဝင် တွစ်တာစာမျက် နှာတွင် နိုင်ငံခြားရေးဝန်ကြီး အဟောင်း၊ အသစ်ကိစ္စကိုဖော်ပြ ခဲ့သဖြင့် နိုင်ငံခြားရေးဝန်ကြီး ရက်စ်တီလာဆန်ကိုယ်တိုင်သည် ပင်  တွစ်တာစာမျက်နှာမှတစ်ဆင့် ဖတ်ရှုသိရှိခဲ့ရသည်။ ထရန့်နှင့် တီလာဆန်အကြား အမြင်မတူ သဘောကွဲလွဲမှုများ ရှိနေသဖြင့် နိုင်ငံခြားရေး ဝန်ကြီးနေရာကို အစားထိုးခန့်အပ်ရန် စီစဉ်နေ သည်ဟူသော ကောလာဟလ ဆန်ဆန်သတင်းများ ကမ္ဘာတစ် လွှား ပြန့်ကားနေခဲ့သည်မှာ ကြာ ပြီဖြစ်သည်။ ကြက်ဥအယောင် တိမ်တောင်သဖွယ် မင်းရေးကျယ် ဟု ဆိုရမည်ဖြစ်သည်။ အစိုးရ သက်တမ်း နုနုကာလတွင် ထရန့် အစိုးရအနေဖြင့် နိုင်ငံတကာ သံ ခင်းတမန်ခင်း အကျပ်အတည်း များနှင့် ရင်ဆိုင်နေရသဖြင့် နိုင်ငံ ခြားရေးဝန်ကြီးသစ် ခန့်အပ်ရန် ဆုံးဖြတ်ခဲ့သလားဟု မေးခွန်း ထုတ်ရမည်ဖြစ်သည်။

ကိုရီးယား ဒီမိုကရက်တစ် ပြည်သူ့သမ္မတနိုင်ငံ (မြောက်ကို ရီးယား) ခေါင်းဆောင် ကင်ဂျုံ အန်နှင့် ထိပ်သီးတွေ့ဆုံဆွေးနွေး ပွဲများ ကျင်းပနိုင်ရန် စိုင်းပြင်းနေ ဆဲကာလတွင် အမေရိကန်နိုင်ငံ ခြားရေးဝန်ကြီးကို တာဝန်မှရပ်စဲ ၍ CIA ညွှန်ကြားရေးမှူးကို နိုင်ငံ ခြားရေးဝန်ကြီးသစ်အဖြစ် အမည် တင်သွင်းသည့် နောက်ကွယ်၌ စိတ်ဝင်စားဖွယ်နောက်ကြောင်း များ၊ ကောက်ကြောင်းများရှိနေ မည်မှာ မြေကြီးလက်ခတ်မလွဲပင် ဖြစ်သည်။ ဝါရှင်တန်၏ နိုင်ငံခြား ရေးဝန်ကြီးကိစ္စသည် လတ်တ လော ဝါရှင်တန်-ပြုံယမ်း သံခင်း တမန်ခင်းနှင့် ဆက်စပ်ကောင်း ဆက်စပ်နိုင်ဖွယ် ရှိသည်။ ပြုံယမ်း သံခင်းတမန်ခင်းနှင့် စပ်လျဉ်း၍ ထရန့်နှင့် တီလာဆန်အကြား အမြင်သဘောထား ကွဲလွဲခဲ့ သလားမေးခွန်းထုတ်ရမည်ဖြစ် သည်။ အီရန်နိုင်ငံနှင့်ချုပ်ဆိုမည့် နျူကလီးယား သဘောတူစာချုပ် ကိစ္စတွင် ထရန့်နှင့်တီလာဆန် အကြား သိသာမြင်သာ သဘော ကွဲလွဲခဲ့သည်ဟုလည်း ပြောသံဆို သံ ကြားမိသည်။

  နိုင်ငံခြားရေးဝန်ကြီးသစ် အဖြစ် အမည်စာရင်း တင်သွင်းခံ ရသူ မိုက်ခ်ပွန်ပီယိုသည် အောက် လွှတ်တော် အမတ်ဟောင်းတစ်ဦး ဖြစ်ပြီး ထရန့်အစိုးရလက်ထက် တွင် CIA ညွှန်ကြားရေးမှူးဖြစ် လာသူလည်းဖြစ်သည်။ အမေရိကန်အထက်လွှတ်တော် (ဆီးနိတ်) အတည်ပြုမည်ဆိုလျှင် မိုက်ခ်ပွန်ပီယိုသည် ၇၀ ဦး မြောက် နိုင်ငံခြားရေးဝန်ကြီး အဖြစ် စာရင်းဝင်မည်ဖြစ်သည်။ မိုက်ခ်ပွန်ပီယိုသည် မြောက်ကိုရီး ယားနိုင်ငံနှင့်စပ်လျဉ်း၍ အစိုးရ အပြောင်းအလွှဲ လုပ်ရန်လိုအပ် ကြောင်း၊ အီရန်နိုင်ငံနှင့်ချုပ်ဆို မည့် နျူကလီးယားစာချုပ်ကို ပြန်လည်ရုပ်သိမ်းရန် လိုအပ် ကြောင်း သဘောထားမှတ်ချက် ပေးခဲ့သူဖြစ်သည်။

စစ်အေးခေတ် အမေရိကန် နိုင်ငံရေးသမိုင်းတွင် ဗဟိုထောက် လှမ်းရေးအေဂျင်စီ (CIA)ညွှန် ကြားရေးမှူးကို နိုင်ငံခြားရေးဝန် ကြီးအဖြစ် ခန့်အပ်တာဝန်ပေးခဲ့ သည့် မှတ်တမ်း မတွေ့ရှိရပေ။ သမ္မတ အိုင်ဆင်ဟောင်ဝါ အစိုးရ လက်ထက် နိုင်ငံခြားရေးဝန်ကြီး နှင့် CIA ညွှန်ကြားရေးမှူးတို့ ညီ အစ်ကိုအရင်း ဖြစ်ခဲ့သည့်သာဓက ကိုသာ တွေ့ရှိရသည်။ နိုင်ငံခြား ရေးဝန်ကြီး ဂျွန်ဖော်စတာဒါး လက်စ်၏ညီ အဲလန်ဒါးလက်စ် သည် ၁၉၅၃ မှ ၁၉၆၁ အထိ CIA ညွှန်ကြားရေးမှူးအဖြစ် တာဝန် ထမ်းဆောင်ခဲ့သည်။ ဂျွန်ဖော် စတာဒါးလက်စ်သည် စစ်အေး ခေတ်ဦးပိုင်းတွင် ကွန်မြူနစ်ဆန့် ကျင်ရေးစိတ် ပြင်းထန်သည့် အနောက်အုပ်စု၏ ပြောင်မြောက် သော နိုင်ငံခြားရေးဝန်ကြီးတစ်ဦး အဖြစ် လူသိများ ကျော်ကြားခဲ့ သည်။ ဂျွန်ဖော်စတာဒါးလက်စ် သည် မြန်မာနိုင်ငံသို့ တရားဝင် အလည်အပတ် လာရောက်ခဲ့ သည့် ပထမဆုံး အမေရိကန် နိုင်ငံခြားရေးဝန်ကြီးဖြစ်ပြီး ၁၉၅၅ ဖေဖော်ဝါရီတွင်  အလည်အပတ် လာရောက်ခဲ့သည်။

CIA ညွှန်ကြားရေးမှူး ဟောင်းသည် အမေရိကန်သမ္မတ အဖြစ် ရွေးကောက်တင်မြှောက် ခံခဲ့ရသည့် သမိုင်းကလည်း ရှိနေ သည်။  ၁၉၈၉ တွင် အမေရိကန် ပြည်ထောင်စု၏ (၄၁)ဦးမြောက် သမ္မတအဖြစ် ရွေးကောက်ခံရသူ ဂျော့ခ်ျဟားဘတ်ဝေါ်ကာဘုရှ် သည် သမ္မတဖို့ဒ်အစိုးရလက် ထက် CIA ညွှန်ကြားရေးမှူးအဖြစ် တာဝန် ထမ်းဆောင်ခဲ့သူဖြစ် သည်။ CIA ညွှန်ကြားရေးမှူးမှ သမ္မတအဖြစ် ရွေးကောက်ခံရသူ တစ်ဦးသာရှိခဲ့သည်။ ဆီးနိတ် လွှတ်တော်အနေဖြင့် အတည်ပြု ခဲ့မည်ဆိုလျှင် မိုက်ခ်ပွန်ပီယိုသည်  CIA ညွှန်ကြားရေးမှူးမှ ပထမဆုံး နိုင်ငံခြားရေးဝန်ကြီးအဖြစ် ခန့် အပ်တာဝန်ပေးခံရသူအဖြစ် မှတ် တမ်းဝင်သွားမည်ဖြစ်သည်။

မိုက်ခ်ပွန်ပီယိုကို နိုင်ငံခြား ရေးဝန်ကြီးအဖြစ် ဆီးနိတ်လွှတ် တော်က အတည်ပြုခဲ့မည်ဆိုလျှင် အမေရိကန်နိုင်ငံခြားရေးဝန်ကြီး ဌာနသည် CIA ၏ အရိပ်အာဝါသ အောက် ရောက်သွားမည်လား၊ CIA နှင့် နိုင်ငံခြားရေးဌာနအကြား ပိုမို ပူးပေါင်းဆောင်ရွက်လာနိုင် မည်လား၊ ဝါရှင်တန်၏အနာဂတ် သံခင်းတမန်ခင်းတွင် CIA သည် အရေးပါသည့်နေရာမှ ပါဝင်လာ မည်လား၊ နိုင်ငံရပ်ခြားရှိ အမေရိ ကန်သံရုံးများသည် CIA ၏ တစ် စိတ်တစ်ဒေသထက် ကျော်လွန် လာမည်လား စသည်မေးခွန်းများ နှင့်အတူ စိုးရိမ်ပူပန်သံများလည်း ကြားနေရသည်။ ယခင်တုန်းက နိုင်ငံခြားရေးဌာနနှင့် CIA အကြားအမြင်သဘောထားမတူ၊ ကွဲလွဲခဲ့သည့် သာဓကများက ဒု နှင့် ဒေးပင်ဖြစ်သည်။ အမေရိကန်ဗဟို ထောက်လှမ်းရေးအေဂျင်စီ (CIA)သည် နိုင်ငံခြားရေးဝန်ကြီးဌာန ယန္တရားပေါ်တွင် နိုင်ငံခြား ဆက်ဆံရေးနှင့် နိုင်ငံတကာ သံ ခင်းတမန်ခင်းတို့ကို ပိုမို တွင်တွင် ကျယ်ကျယ် ပုံဖော်လာမည့် အလားအလာများလည်း ရှိကောင်းရှိနေမည်ဖြစ်သည်။

 CIA ညွှန်ကြားရေးမှူး မိုက်ခ်ပွန်ပီယိုကို အမေရိကန် နိုင်ငံခြားရေးဝန်ကြီးအဖြစ် အတည်ပြုနိုင်ရေး အမေရိကန်ဆီးနိတ်လွှတ်တော် ကြားနာပွဲကို ၂၀၁၈ ဧပြီတွင် ကျင်းပမည်ဟု ဆီးနိတ်လွှတ်တော် နိုင်ငံခြားဆက်ဆံရေး ကော်မတီဥက္ကဋ္ဌ ဘော့ကော်ကာက မတ်လ ၁၃ ရက်တွင်ပြောကြားခဲ့သည်။ အမေရိကန်သမ္မတ ဒေါ်နယ်ထရန့်နှင့် ကိုရီးယားဒီမိုကရက်တစ် ပြည်သူ့သမ္မတနိုင်ငံ (မြောက်ကိုရီးယား)ခေါင်းဆောင် ကင်ဂျုံအန်တို့၏ ထိပ်သီးတွေ့ဆုံပွဲမတိုင်မီ နိုင်ငံခြားရေးဝန်ကြီးသစ်သည် အေကန်မုချ ပွဲတက်လာမည်ဖြစ်သည်။ဆီးနိတ်လွှတ်တော်က အတည်မပြုမီကြား ကာလတွင် ဒုတိယနိုင်ငံခြားရေးဝန်ကြီး ဂျွန်ဆူလီဗန်သည် နိုင်ငံခြားရေးဝန်ကြီးတာဝန်ကို ယာယီရယူထားမည်ဖြစ်သည်။

ဒေါ်နယ်ထရန့်က တီလာ ဆန်ကို အနားပေးခဲ့သည့် မတ်လ ၁၃ ရက်တွင် (၁၃) ကြိမ်မြောက် တရုတ်နိုင်ငံလုံးဆိုင်ရာ ပြည်သူ့ ကွန်ဂရက်(လွှတ်တော်) ပထမ အစည်းအဝေး၌ အစိုးရကို ပိုမို စနစ်ကျ၊ ထိရောက်တွင်ကျယ်၊ ကျစ်လျစ်စွာဖွဲ့စည်းပြီး ဝန် ဆောင်မှုပေးနိုင်ရန်ရည်ရွယ် သည့် ဝန်ကြီးအဖွဲ့ အင်စတီကျူး ရှင်း အပြောင်းအလဲကြီးများနှင့် ပတ်သက်၍ နိုင်ငံတော်ကောင်စီ ဝန် Wang Yong က ရှင်းလင်း တင်ပြခဲ့သည်။ ဘေဂျင်းသည် လည်း ပြုပြင်ပြောင်းလဲရေးကို ဆတိုး ဖော်ဆောင်လျက်ရှိနေ သည်။ တီလာဆန်အလွန် အမေ ရိကန်၏ သံခင်းတမန်ခင်းသည် တစ်ဖက်စောင်းနင်း ဖြစ်လာမည် ကို စိုးရိမ်ပူပန်သံများလည်း ကြား နေရသည်။ ဝါရှင်တန်၏ နိုင်ငံ ခြားရေးဝန်ကြီး အပြောင်းအလဲ သည် ကျင်းပဆဲ တရုတ်နိုင်ငံလုံး ဆိုင်ရာ ကွန်ဂရက်က တရုတ်နိုင် ငံခြားရေးဝန်ကြီး ရွေးချယ်မှု အပေါ် အတိုင်းအတာတစ်ခုအထိ သက်ရောက်ကောင်း သက် ရောက်နိုင်ဖွယ်ရှိသည်။

 အချုပ်အားဖြင့်ဆိုသော် တီလာဆန်အလွန် ဝါရှင်တန်၏ သံခင်းတမန်ခင်းသည် လှုပ်လှုပ် ရှားရှားဘက် ဦးတည်လာမည်မှာ မြေကြီးလက်ခတ် မလွဲပင်ဖြစ် သည်။ ဝါရှင်တန်-ပြုံယမ်း သံခင်း တမန်ခင်းသည် နိုင်ငံခြား ရေးဝန်ကြီးသစ်အဖို့ စိန်ခေါ်မှု သစ်၊ အကျပ်အတည်းသစ် ဖြစ် လာနိုင်ဖွယ်ရှိနေသည်။ ဝါရှင် တန်သည် မော်စကို၊ ဘေဂျင်း၊ ပဲရစ်၊ လန်ဒန်၊ ဘာလင်၊ တိုကျို၊ ဆိုးလ်၊ နယူးဒေလီတို့နှင့်  သံခင်း တမန်ခင်းကို ဗျူဟာမြောက် မြှင့် တင်ချဲ့ထွင်ပြီး နိုင်ငံတကာ နိုင်ငံ ရေး၊ စီးပွားရေး၊ လူမှုရေးအခင်း အကျင်းများတွင် တစ်ဖက်စောင်း နင်း ဖြစ်နိုင်ခြေများကို ညှိနှိုင်း ဆွေးနွေး ဖြေလျှော့နိုင်မှသာ ကမ္ဘာ့ငြိမ်းချမ်းရေး အလားအလာ များသည် ထင်ရှားသည်ထက်ထင် ရှားလာမည်ဖြစ်ပါကြောင်း သုံး သပ်တင်ပြလိုက်ရပါသည်။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)