တက္ကသိုလ်ဝင်စာမေးပွဲတွင် စိတ်ကြိုက်မြန်မာစာဘာသာရပ် ဖြေဆိုသူတစ်ဦးသာရှိ

၂၀၁၈ တက္ကသိုလ်ဝင် စာမေးပွဲတွင် စိတ်ကြိုက်မြန်မာစာ ဘာသာရပ်ကို တစ်ပြည်လုံးတွင် ရန်ကုန်တိုင်းဒေသကြီးမှ ကျောင်း သူတစ်ဦးသာ ဝင်ရောက်ဖြေဆို သည်။

မတ်လ ၁၂ ရက်တွင် ဓာတု ဗေဒနှင့်  စိတ်ကြိုက်မြန်မာစာဘာသာရပ်ကို ဖြေဆိုရခြင်းဖြစ်ရာ အထက(၂)စမ်းချောင်းမြို့နယ် စာစစ်ဌာနမှ စာဖြေသူတစ်ဦးသာ ယင်းဘာသာရပ် ဖြေဆိုခဲ့ကြောင်း မြန်မာနိုင်ငံ စာစစ်ဦးစီးဌာနက ထုတ်ပြန်သည်။

စာမေးပွဲဖြေဆိုရန် စာရင်း သွင်းထားသူ ရှစ်သိန်းကျော်တွင် တစ်ဦးသာ စိတ်ကြိုက်မြန်မာစာ ဘာသာရပ်ပါဝင်သည့် ဘာသာတွဲ ဖြင့် ဖြေဆိုရန် စာရင်းပေးသွင်းခဲ့ ပြီး မပျက်ကွက်ဘဲ ဖြေဆိုခဲ့သည်။

‘‘စာရင်းသွင်းတစ်ဦး၊ ဖြေ တစ်ဦးပဲ’’ဟု မြန်မာနိုင်ငံ စာစစ်ဦး စီးဌာနမှ တာဝန်ရှိသူတစ်ဦးက ပြောသည်။ အဆိုပါကျောင်းသူ သည် ပြီးခဲ့သည့် ၂ နှစ်ကလည်း  စိတ်ကြိုက်မြန်မာစာ ဘာသာတွဲ ဖြင့်ပင် စာမေးပွဲဝင်ရောက်ဖြေဆို ခဲ့သည်။

၂၀၁၇ တက္ကသိုလ်ဝင်စာမေး ပွဲတွင် စင်ကာပူနိုင်ငံမှ မြန်မာ ကျောင်းသူတစ်ဦး၊ တနင်္သာရီတိုင်းဒေသကြီးမှ ကျောင်းသား တစ်ဦး၊ ရန်ကုန်တိုင်းဒေသကြီးမှ ကျောင်းသူတစ်ဦး စိတ်ကြိုက်မြန်မာစာပါဝင်သည့် ဘာသာတွဲဖြင့် စာမေးပွဲဖြေဆိုရန် စာရင်းပေးသွင်းခဲ့ပြီး တနင်္သာရီဒေသကြီးမှ ကျောင်းသားသည် ဖြေဆိုရန် ပျက်ကွက်ခဲ့သည်။ စာမေးပွဲကို ကျန်နှစ်ဦးဖြေဆိုသော်လည်း အောင်မြင်သူမရှိပေ။တက္ကသိုလ်ဝင်စာမေးပွဲတွင် ဘောဂဗေဒ၊ ရူပဗေဒ၊ ဓာတုဗေဒ ဘာသာရပ်များပါဝင်သည့် ဘာ သာတွဲနှင့် ဇီဝဗေဒ၊ ရူပဗေဒ၊ ဓာတုဗေဒဘာသာရပ်များ ပါဝင် သည့် ဘာသာတွဲများကို နှစ်စဉ် ဖြေဆိုသူများသည်။

အခြေခံပညာအထက်တန်း အဆင့်တွင် ဘာသာတွဲ ရှစ်ခုရှိ သော်လည်း ပထဝီဝင်၊ သမိုင်း၊ စိတ်ကြိုက်မြန်မာစာဘာသာရပ် များ ပါဝင်သည့် ဘာသာတွဲကို ရွေးချယ်သင်ယူသူနည်းပါးသည်။

Top News