သထုံခရိုင်အဝေးပြေးလမ်းမ တိုးချဲ့နေသဖြင့် 33KV ဓာတ်အားတိုင်များ မီးရထားလမ်းအောက်ဘက်သို့ ပြောင်းရွှေ့မည်

 မွန်ပြည်နယ် သထုံ ခရိုင် အဝေးပြေးလမ်းမတိုးချဲ့ ဆောင်ရွက်နေသဖြင့် 33 KV ဓာတ် အားတိုင်များ မီးရထားလမ်း အောက်ဘက်ခြမ်းသို့ ပြောင်းရွှေ့ မည်ဖြစ်ကြောင်း လျှပ်စစ်ဓာတ် အားဖြန့်ဖြူးရေးလုပ်ငန်း ဦးစီးဌာန ဒုပြည်နယ်အင်ဂျင်နီယာမှူး ဦးကျော်စိုးက ပြောသည်။

ထိုသို့ ပြောင်းရွှေ့ရန် ၂၀၁၇-၁၈ ဘဏ္ဍာနှစ်ပြည်ထောင်စု ဘတ်ဂျက်မှ ကျပ်သန်း ၂၀၀ ကျော်ရရှိထားကြောင်း ဦးကျော်စိုးက ဆိုသည်။


‘‘သထုံခရိုင်လမ်းမကြီး တစ် လျှောက်မလွတ်ကင်းတဲ့ ဓာတ် တိုင်တွေကို ပြောင်းရွှေ့မယ်။ အခု ကျွန်တော်တို့က ပေါင်မြို့ နယ်အတွင်း ၁၇ မိုင်အတွက် ဘတ်ဂျက်တောင်းထားတာ ရှစ်မိုင်အတွက် ကျပ် ၂၆၃ သန်းကျလာ တယ်။ လုပ်ငန်းအကောင်အ ထည်ဖော်တော့မယ်။ ရှစ်မိုင်ကို အရင်ပြောင်းရွှေ့မယ်’’ဟု ဦးကျော်စိုးက ပြောသည်။

အဆိုပါ ဓာတ်တိုင်များ ပြောင်းရွှေ့စိုက်ထူမည့် မြေနေရာ ကို မြိ့နယ်အုပ်ချုပ်ရေးမှူးနှင့် ညှိနှိုင်းဆောင်ရွက်မည်ဖြစ်ကြောင်း ဦးကျော်စိုးကဆိုသည်။

‘‘ကျွန်တော်တို့လယ်မြေပေါ် မှာ ဓာတ်တိုင်ထားရင် လျော် ကြေးမယူပါဘူး။ အန္တရာယ်တစ်ခု တစ်ခု ဖြစ်လာရင် တာဝန်ယူပေး ဖို့ပဲ လိုတယ်’’ဟု ပေါင်မြို့နယ် မုတ္တမကျေးရွာအုပ်စုမှ ဒေသခံ တစ်ဦးက ပြောသည်။

ပြည်ထောင်စုက ချထားပေး သည့် ကျပ် ၂၆၃ သန်းသည် ဓာတ်တိုင်ပြောင်းရွှေ့ရန်  လုပ်ငန်းကုန် ကျစရိတ်သာဖြစ်ပြီး မြေယာလျော်ကြေးပေးရန် ညွှန်ကြားချက်မ ရှိသေးကြောင်း ဦးကျော်စိုးက ဆိုသည်။

မွန်ပြည်နယ် ၁၀ မြို့နယ် စလုံးတွင် လျှပ်စစ်မီးရရှိပြီး ရေးမြို့နယ်တွင် လုပ်ငန်းရှင်တစ်ဦးက တာဝန်ယူလျှပ်စစ်မီး ဖြန့်ဖြူးပေး နေသည်။

Top News