ရန်ကုန်ဘူတာကြီး တောက်ပလာတော့မလား

ဓာတ်ပုံ−ကျော်ဇင်သန်း

ပျားပန်းခပ် သွားလာ နေသည့် လူအုပ်ကြီးအကြား ရထား ဥသြသံများက ဆူညံနေသည်။ ပင့်ကူအိမ်ကဲ့သို့သော မီးရထား သံလမ်းများနှင့် လူသွားစင်္ကြံများ ၏ မြောက်ဘက်တွင် ဆေးအ၀ါ ရောင်  သုတ်လိမ်းထားသည့် ကိုလိုနီခေတ် အဆောက်အအုံ ကြီးက ခံ့ညားစွာတည်ရှိနေသည်။

အဆိုပါ အဆောက်အအုံ သည် ရန်ကုန်ဘူတာကြီးပင်ဖြစ် သည်။ မြန်မာနိုင်ငံ မြောက်ဖျား မြစ်ကြီးနားကအစပြု၍ နိုင်ငံ၏ တောင်ပိုင်းရေးမြို့အထိ ပို့ဆောင် ဆက်သွယ်ရေးစနစ်ကို ထိန်းချုပ် ကွပ်ကဲနေသည့် အဓိကအ ဆောက်အအုံလည်းဖြစ်သည်။

ရန်ကုန် ဘူတာကြီးကို ၁၈၇၇ က မြန်မာနိုင်ငံ၏ ပထမ ဆုံးသော ဘူတာအဖြစ် အင်္ဂလိပ် အစိုးရက တည်ဆောက် ခဲ့သည်။ ၁၉၄၃ ဒုတိယကမ္ဘာစစ်အတွင်း ဂျပန်စစ်တပ်က ဘူတာကြီး ကိုဖြိုချဖျက်ဆီးခဲ့သည်။

လွတ်လပ်ရေးရပြီး ၁၉၅၄ ၌ မြန်မာအစိုးရက ဘူတာကြီးကို မြန်မာ့နည်း၊မြန်မာ့ဟန်ဖြင့် ပြန် လည်အသက်သွင်းခဲ့သည်။ နှစ် ၆၀ ကျော်အထိပြုပြင် ထိန်း သိမ်းခြင်းမရှိသော ဘူတာကြီးကို ၂၀၁၈ ၌ ပြန်လည်ပြုပြင်ရန် အ ကြောင်းဖန်လာသည်။

ဂျပန်အစိုးရက မြန်မာ့မီးရ ထား၏ အခန်းကဏ္ဍကို ဒေါ်လာ သန်း ၂၅၀ ကျော်အသုံးပြု၍ ရန်ကုန်ဘူတာကြီးကို ပြန်လည် အဆင့်မြှင့်တင်ပေးမည်ဟု ကတိ ပြုခဲ့သည်။

အဘက်ဘက်က ယိုယွင်း ပျက်စီးနေသည့် ဘူတာကြီးကို ပို့ ဆောင်ရေးနှင့် ဆက်သွယ်ရေး ၀န်ကြီးဌာနအနေဖြင့် အစိုးရ ဘတ်ဂျက်အသုံးပြုကာ ပြင်ဆင် ရန် ခက်ခဲနေချိန် ဂျပန်အစိုးရက ကြားခံဝင်ရောက်ကူညီခြင်းဖြစ် သည်။

ယိုပေါက်များ ရှိနေသည့် အမိုးအကာများ၊ အရောင်ညစ် ထည်းနေသည့် ဆေးရောင်များ၊ ပျက်စီးနေသည့် အခန်းတံခါး များ၊ ခေတ်မီခြင်းမရှိတော့သော စင်္ကြံများနှင့် ရထားသံလမ်းများ အပါအ၀င် ဘူတာကြီး အသွင် သဏ္ဌာန်အားလုံးကို ပြန်လည်ပြင် ဆင်ရန် ကြိုစားခြင်းဖြစ်သည်။

‘‘လူနေမှုအဆင့်မြင့်မားခြင်း ကို လက်တွေ့ခံစားနိုင်ဖို့ ထောက် ပံ့မှုအစီအစဉ်တွေ ဆောင်ရွက် ပေးသွားမှာပါ’’ ဟု ဂျပန်နိုင်ငံခြား ရေးဝန်ကြီးက ဇန်န၀ါရီအတွင်း မြန်မာနိုင်ငံသို့ လာရောက်စဉ် ပြောကြားခဲ့သည်။

ရန်ကုန်ဘူတာကြီးကို အ ဆင့်မြှင့်တင်ရန် တင်ဒါစနစ်ဖြင့် ရွေးချယ်ရာတွင် Central Transport Development Consortium (CTDC) ကုမ္ပဏီကို မြန်မာ့မီးရထားက ဖေဖော်ဝါရီ ၂၀ ရက်၌ ရွေးချယ်ခဲ့သည်။ ရန်ကုန်ဘူတာကြီး ဘက်စုံဖွံ့ဖြိုး ရေး စီမံကိန်းကာလ ရှစ်နှစ် ကြာမြင့်မည်ဖြစ်သည်။ တင်ဒါ အောင်သည့် ကုမ္ပဏီက ဘူတာ ကြီးကို ရှေးမှုလက်ရာနှင့် ခေတ် သစ်လက်ရာ အချိုးကျပေါင်းစပ် ပြီး ပြုပြင်မည်ဟု သတင်းထုတ် ပြန်ခဲ့သည်။

ရထား သယ်ယူပို့ဆောင် ရေးအပြင် အများပြည်သူ လို အပ်ချက် ဆက်သွယ်ရေး နည်း လမ်းပေါင်းစုံကို ဘူတာကြီးတွင် တစ်နေရာတည်း စုဝေးနိုင်ရန် ဆောင်ရွက်ပေးမည်ဟု တင်ဒါ အောင်သည့် ကုမ္ပဏီက ကတိပြု ခဲ့သည်။

ဘူတာကြီးကို အဆင့်မြှင့် တင်ရာတွင် ရန်ကုန်မြို့ပတ်ရ ထားလမ်းကြောင်းပါ ပူးတွဲ ဆောင်ရွက်မည်ဖြစ်၍ မြို့နေပြည် သူလူထုက ပြောင်းလဲလာမည့် သယ်ယူပို့ဆောင်ရေး စနစ်ကို များစွာ မျှော်လင့်နေသည်။

‘‘ဘူတာရော၊ ရထားတွေ ရောက နှစ်ခုလုံးအဆင်မပြေဘူး။ မြို့ပြင်ဆွဲတာဆို လေအိတ်ရထား ကလွဲရင် ကျန်တာတွေက စီးရ တာ သက်သောင့်သက်သာမရှိ ဘူး။ အတွဲအမြင့်ကြီးတွေက တက်ရဆင်းရတာ အဆင်မပြေ ဘူး။ ဒါပေမဲ့ အခု ဂျပန်က လုပ်ပေးမယ်ဆိုတော့ မြန်နှုန်းမြင့် ရထားတွေနဲ့ အဆင့်မြင့်လာမယ် ထင်တယ်။ ဒါပေမဲ့ အရင်ကလို လုပ်ပေးပြီး ခဏလောက်နဲ့ ပျက်စီးသွားမှာစိုးရိမ်တယ်’’ ဟု တာမွေမြို့နယ်နေ ကိုကောင်းနိုင် က ဘူတာကြီးအဆင့်မြှင့်တင်ရေး စီမံကိန်းနှင့်ပတ်သက်၍ ပြော သည်။

အဆင့်မြှင့်တင်ခြင်း လုပ် ငန်းပြီးစီးပါက ရန်ကုန်မြို့ပတ် ရထားကြာချိန် လက်ရှိထက်ပိုမို လျော့နည်းမည်ဖြစ်ကြောင်း မြန် မာ့မီးရထားကဆိုသည်။

လက်ရှိ ရန်ကုန်ဘူတာကြီး  အဆောက်အအုံကိုလည်း ရှေးမူ မပျက် ထိန်းသိမ်းမည်ဖြစ်ပြီး ၂၁ ရာစု၏ နောက်ဆုံးပေါ်လက် ရာတစ်ခုအဖြစ် အထင်ကရဖြစ် လာမည့် ဗိသုကာအခေါ် ‘Rotunda’ ဟုခေါ်သည့် ဘဲဥ ပုံသဏ္ဌာန် အမိုးခုံးနှင့် ဘူတာရုံ အသစ်တို့ကို မီးရထားလမ်း ပေါ်၌ အုပ်မိုး၍ ထပ်မံဆောက် လုပ်မည်ဖြစ်ရာ အဟောင်းနှင့် အသစ် တစ်ခုနှင့်တစ်ခု ချိတ် ဆက်အသုံးပြုနိုင်မည့် ထူးခြားလှ ပသည့် အဆောက်အအုံတစ်ခု ဖြစ်လာမည်ဖြစ်ကြောင်း ကုမ္ပဏီ ထုတ်ပြန်ချက်တွင်ပါရှိသည်။

ထို့အပြင် မြို့ ပတ်ရထားစီး သူဦးရေသည် လက်ရှိတွင် တစ် ရက်လျှင် ကိုးသောင်းခန့် ရှိရာမှ စီမံကိန်းပြီးစီးပါက တစ်ရက် သုံးသိန်းခန့် ရှိလာရန် မြန်မာ့မီး ရထားက မျှော်မှန်းထားသည်။

အဆိုပါ ကုမ္ပဏီက ရထား လမ်းအဆင့်မြှင့်တင်ခြင်းအပါ အ၀င်ရထားပိုင်မြေ ၂၇ဧကခန့် တွင်ရုံးခန်းတာဝါများ၊အိမ်ရာများ ဟိုတယ်နှင့် ပန်းခြံများလည်းအ ကောင်အထည်ဖော်မည်ဖြစ်ပြီး ဒေါ်လာ ၂ ဒသမ ၅ ဘီလီယံခန့် ကုန်ကျမည်ဟု ကုမ္ပဏီကဆို သည်။

‘‘အသစ်တည်ဆောက်မယ့် အဆောက်အအုံတွေမှာ ဆေးရုံ တွေ၊ မီးသတ်စခန်းတွေလည်း ပါဝင်တယ်။ ကုမ္ပဏီဘက်က အဆိုပြုရာမှာ မြန်မာ့မီးရထားဝန် ထမ်းတွေအတွက် အိမ်ရာတည် ဆောက်ပေးရေးကဏ္ဍတွေလည်း ပါဝင်ပါတယ်’’ ဟု မြန်မာ့မီးရ ထားအထွေထွေမန်နေဂျာ ဦး ထွန်းအောင်သင်းက ပြောကြား သည်။

Central Transport Development Consortium တွင်မြန်မာနိုင်ငံမှ မင်းဓမ္မကုမ္ပဏီ က ၄၀ ရာခိုင်နှုန်းရှယ်ယာပိုင်ဆိုင် မည်ဖြစ်ပြီး ကျန်ရှယ်ယာ ၆၀ ရာ ခိုင်နှုန်းကို စင်ကာပူအခြစိုက် Oxley Holdings ကုမ္ပဏီနှင့် Sino Great Wall ကုမ္ပဏီတို့က ၃၀ ရာခိုင်နှုန်းစီ ပိုင်ဆိုင်မည် ဖြစ်သည်။ မင်းဓမ္မကုမ္ပဏီသည် မုတ္တမဟိုးလ်ဒင်းကုမ္ပဏီ၏ လက် အောက်ခံကုမ္ပဏီခွဲ ၂၃ ခုအနက် တစ်ခုဖြစ်သည်။ စီမံကိန်းပြီးစီး ပါက သုံးစွဲမည့်ရေ၊ လျှပ်စစ်မီးနှင့် ရေဆိုးစွန့်ပစ်မှုများနှင့် ပတ်သက် ၍ ကုမ္ပဏီဘက်က ရေးဆွဲထား ကြောင်း ဦးထွန်းအောင်သင်းက ပြောသည်။

ရထားများ မြန်နှုန်းမြှင့်ရန် ရထားလမ်း၊ အချက်ပြစနစ်နှင့် ရထားတွဲဟူသော အချက်သုံးခု ညီညွတ်မှသာ ဆောင်ရွက်နိုင် မည်ဖြစ်ကြောင်း ရထားအင် ဂျင်နီယာတစ်ဦးက ပြောသည်။

လက်ရှိ ဟောင်းနွမ်းနေသည့် မီးရထားတွဲများ၊ အချက်ပြစနစ် များနှင့် ရန်ကုန်ဘူတာကြီးကို ဂျပန်နိုင်ငံ၏ ချေးငွေဖြင့် အသွင် ပြောင်းတော့မည်ဖြစ်ရာ လာမည့် နှစ်များအတွင်း ရန်ကုန်အတွက် မြို့ပြအထိမ်းအမှတ်တစ်ခုအဖြစ် ပေါ်ထွက်လာတော့မည် ဖြစ် သည်။ 

Top News