ဒစ်ဂျစ်တယ်ငွေပေးချေစနစ် ပိုမိုအောင်မြင်ရေး ပညာပေးရန်လိုအပ်ကြောင်း Visa မြန်မာထုတ်ပြန်

ဒစ်ဂျစ်တယ်ငွေပေးချေ မှုစနစ် ပိုမိုအောင်မြင်ရန် အပိုထပ်ဆောင်းကောက်ခံမှုနှင့် ဒေါ်လာ ဈေးတန်းညှိတွက်ချက်သည့် အ လေ့အကျင့်များအပေါ် ပညာပေး ရန်လိုအပ်ကြောင်း Visa မြန်မာက ကြေညာသည်။

ဒစ်ဂျစ်တယ်ငွေပေးချေမှု ဖွံ့ ဖြိုးစဈေးကွက်ဖြစ်သည့် မြန်မာ နိုင်ငံ၌ ယခုကဲ့သို့ တွက်ချက်မှု သည် ဈေးကွက်အောင်မြင်ရန် အဓိကအတားအဆီးဖြစ်ကြောင်း ဖေဖော်ဝါရီ တတိယပတ်၌ Visa က ထုတ်ပြန်သည်။


 ဒေါ်လာနှင့် မြန်မာငွေအ ကြား Visa ၏ တွက်ချက်ကောက် ခံမှုသည် ဗဟိုဘဏ်၏ သတ်မှတ် နှုန်းထားထက် ကျော်လွန်နေသည်ကို အပြည့်အ၀နားလည်မှုမရှိ ကြောင်း၊ Visa အနေဖြင့် မြန်မာ ငွေ ပြန်လည်ကောက်ခံရာတွင် ဗဟိုဘဏ်ဈေးနှုန်းနှင့် တွက်ချက် ပေးစေလိုကြောင်း ကွန်ပျူတာ စီးပွားရေးလုပ်ငန်းရှင် ဦးမျိုးမြင့် ထွန်းက ပြောသည်။

         ဥပမာအနေဖြင့် ဟိုတယ်အခန်းဘွတ်ခ်ကင် ပြုလုပ်သည့်အခါ တစ်ဒေါ်လာအတွက် ဗဟိုဘဏ် ပေါက်ဈေး ၁,၃၆၀ ကျပ်ရှိချိန်တွင် Visa ကတ်၏ ငွေကြေးပြန်လည်ကောက်ခံမှုသည် ၁,၄၀၀ ကျပ်ဖြစ်သည်။

‘‘ကတ်သုံးစွဲသူတွေအနေနဲ့ သူတို့ရဲ့ ကတ်ကိုဘယ်လိုအသုံး ပြုရမယ်၊ ကုန်သည်တွေအနေနဲ့ လည်း ကတ်လက်ခံတဲ့အခါ အ ကောင်းဆုံးလုပ်ထုံးလုပ်နည်းတွေ ကို ဘယ်လိုလိုက်နာရမယ်ဆိုတာ နဲ့ ပတ်သက်ပြီး ပညာပေးမှုများ ဆက်လက်လုပ်ဆောင်သွားဖို့ လို ပါတယ်’’ဟု Visa မြန်မာမှ Mr. Arturo Planell က ပြောသည်။

ဒေါ်လာနှင့် မြန်မာငွေအ ကြား တန်းညှိတွက်ချက်ပေးသည့် ၀န်ဆောင်မှုကို ဟိုတယ်များနှင့် စားသောက်ဆိုင်လုပ်ငန်းများက ကြိုက်နှစ်သက်ကြောင်း Visa မြန်မာကြေညာချက်တွင် ဖော်ပြထားသည်။

Visa ကုမ္ပဏီသည် မြန်မာ နိုင်ငံ၌ အကြွေးဝယ်ကတ်ကိုင် ဆောင်ထားသူ အရေအတွက်ကိုထုတ်ပြန်ရန် ငြင်းဆိုခဲ့သည်။ ၂၀၁၇ တစ်နှစ်အတွင်း Visa အကြွေးဝယ်ကတ်တွင် ငွေသွင်း၊ ငွေထုတ်ပြုလုပ်မှု ၃၀၀ ရာခိုင်နှုန်းနီးပါးတိုးတက်ခဲ့ကြောင်း Mr. Arturo Planell က ပြောသည်။

Visa ကတ်ကို မြန်မာနိုင်ငံ၌ ဈေးဝယ်စင်တာ၊ စားသောက်ဆိုင်နှင့် တည်နေရာ ၇,၅၀၀ ကျော်တွင်အသုံးပြုနိုင်ပြီး ၊Visa ၏ အဓိကပြိုင်ဘက်သည် ငွေသားဖြင့် ပေးချေသည့် စနစ်သာဖြစ်ကြောင်း ၎င်းက ပြောသည်။

 ကုမ္ပဏီသည် ကြိုတင်ငွေ ဖြည့်ကတ်ကို မြန်မာနိုင်ငံ၌ ၂၀၁၃ တွင် မိတ်ဆက်ခဲ့ပြီး အကြွေးဝယ်ကတ်ကို ၂၀၁၇ ဖေဖော်ဝါရီကမိတ်ဆက်ခဲ့သည်။