မကွေးတိုင်းတွင် ဆင်စခန်းနှစ်ခု ဖွင့်လှစ်ရန် စီစဉ်

မကွေးတိုင်းဒေသကြီး ခရီးသွားဝန်ဆောင်မှုလုပ်ငန်းများ တိုးတက်လာစေရေး အပန်းဖြေ လေ့လာရေးဆင်စခန်းနှစ်ခု ဖွင့်လှစ်ရန် စီစဉ်နေကြောင်း မကွေးတိုင်း သယံဇာတ၊ သဘာဝပတ်ဝန်းကျင်နှင့် သစ်တောဝန်ကြီး ဦးမြင့်ဇော်က ပြောသည်။

မကွေးတိုင်း ဂန့်ဂေါခရိုင် ပုံတောင်ပုံညာဒေသ ဂန့်ဂေါထီး လင်း လမ်းမကြီး ဂန့်ဂေါမြို့မှ ကိုး မိုင်ခန့်အကွာ လောင်ထောင် ဆင်အိုနှင့် ဆင်သားမွေး ထိန်း သိမ်းပြုစုရေးစခန်းနှင့် မင်းဘူး ခရိုင် ရွှေစက်တော် ဘေးမဲ့တော သုံးမိုင်လမ်း ဆင်ဝိုင်းတို့ကို ခရီး သွားဝန်ဆောင်မှု ဆင်စခန်းများ အဖြစ် ပြောင်းလဲဖွင့်လှစ်ရန်စီစဉ် နေကြောင်း မကွေးတိုင်း ဟိုတယ် နှင့် ခရီးသွားလာရေး ညွှန်ကြားမှု ဦးစီးဌာန တိုင်းဦးစီးမှူး ဦးမြင့် စိန်က ပြောသည်။

‘‘ရွှေစက်တော်ဆင်ဝိုင်းကို ဆင်စခန်းအဖြစ် ဆောင်ရွက်ဖို့က ပြည်ထောင်စုက ခွင့်ပြုချက်ရပြီ။ စတင်ဆောင်ရွက်နေပြီပေါ့နော်။ ဂန့်ဂေါကိုတော့ ဆင်စခန်းအဖြစ် လုပ်ဖို့ လေ့လာစီစဉ်နေဆဲပဲရှိ သေးတယ်။ အမြန်ဆုံးတော့ အကောင်အထည်ဖော်မှာပေါ့’’ ဟု ဝန်ကြီးဦးမြင့်ဇော်က ပြော သည်။

ဆင်စခန်းများ ဖြစ်မြောက် ရေး တိုင်းအစိုးရ၏ညွှန်ကြားချက် ဖြင့် သစ်တောဦးစီးဌာန သစ် ထုတ်လုပ်ရေးဌာနနှင့် ဟိုတယ် နှင့်ခရီးသွားလာရေး ညွှန်ကြားမှု ဦးစီးဌာနတို့ ပူးပေါင်းဆောင် ရွက်ခြင်းဖြစ်ကြောင်း တိုင်းဦးစီး မှူး ဦးမြင့်စိန်က ပြောသည်။

ပြီးခဲ့သည့် ဖေဖော်ဝါရီ ၁၇ ရက်က ယင်းဆင်စခန်းများသို့ ကွင်းဆင်းစစ်ဆေးမှုများ ဆောင် ရွက်ခဲ့ပြီး မကြာမီ အကောင် အထည်ဖော်ရန် စီစဉ်နေကြောင်း ၎င်းကပြောသည်။

သစ်ထုတ်လုပ်ရေး ဌာန အနေဖြင့် ဆင်ဝိုင်းများကို ဆင် စခန်းများအဖြစ် ပြောင်းလဲနိုင် ရေး၊ ခရီးသွားများ တည်းခိုအပန်း ဖြေ လေ့လာနိုင်ရေး စသည့် ဝန် ဆောင်မှုအပိုင်းများ တာဝန်ယူ ရပြီး ဟိုတယ်ခရီးဌာနအနေဖြင့် ပြည်တွင်းပြည်ပ ခရီးသွားများ လာရောက်နိုင်စေရန် ခရီးသွား ကုမ္ပဏီများနှင့် ဧည့်လမ်းညွှန်များကို ချိတ်ဆက်ခြင်း၊ ကြော်ငြာပေးခြင်းလုပ်ငန်းများ ဆောင်ရွက် ကြောင်း ၎င်းကပြောသည်။

‘‘ဆင်လေ့လာရေးစခန်းတွေ လုပ်တာက ကောင်းပါတယ်။ ပြည်တွင်း၊ ပြည်ပ ခရီးသွားတွေ စိတ်ဝင်စားတယ်။ လုပ်နိုင်မယ်ဆို ရင် တိုင်းအတွင်း ခရီးသွားဝင် ရောက်မှု မြင့်တက်လာမှာဖြစ် သလို ဒေသတွေလည်း ဖွံ့ဖြိုး တိုးတက်လာမယ်’’ဟု ၎င်းကဆို သည်။

ဂန့်ဂေါခရိုင် လောင်ထောင် ဆင်ဆေးရုံ (ဆင်အို၊ ဆင်သား မွေးပြုစုရေးစခန်း ကိုးမိုင်စခန်း) သည် ဂန့်ဂေါ-ထီးလင်းလမ်းမ ကြီး အတွင်းဘက်သို့ သုံးမိုင်ခန့် ဝင်ရောက်ရပြီး ကားလေးများ ဝင်ရောက်ရန် အခက်အခဲရှိ သဖြင့် ပြုပြင်ရေးလုပ်ငန်းများစွာ ဆောင်ရွက်ရဦးမည်ဖြစ်ကြောင်း ၎င်းကဆိုသည်။

ရွှေစက်တော် ဘေးမဲ့တော ဆင်ဝိုင်းမှာမူ အချက်အချာကျ သောနေရာတွင် တည်ရှိနေပြီး ဆက်သွယ်သွားလာရေး လွယ်ကူ သောကြောင့် ဆင်စခန်းအဖြစ် ဖွင့်လှစ်ပါက အောင်မြင်မှုရရှိနိုင် ကြောင်း တိုင်းဦးစီးမှူးက ဆို သည်။

     ယင်းဆင်စခန်းများတွင် ဆင် တို့၏ သဘာဝများ၊ တောတောင် သဘာဝများကို လေ့လာနိုင်ရုံ သာမက ဆင်ဖြင့် သစ်ထုတ်လုပ် လုပ်ငန်းများပါ လေ့လာနိုင်မည်ဖြစ်ကြောင်း သစ်တောဦးစီးဌာန တာဝန်ရှိသူတစ်ဦးက ပြောသည်။

မြန်မာနိုင်ငံတွင် သစ်ထုတ် လုပ်ရေးဌာနပိုင် ဆင်အကောင် ရေ ၃,၀၀၀ကျော်ရှိပြီး ယင်း အနက် မကွေးတိုင်းတွင် ဆင် ၅၀၀ ကျော်ရှိကြောင်း ဂန့်ဂေါ သစ်ထုတ်လုပ်ရေးဌာနမှ တာဝန် ရှိသူတစ်ဦးက ပြောသည်။

ယင်းအနက် ဂန့်ဂေါခရိုင် သစ်ထုတ်လုပ်ရေးဌာန လက် အောက်တွင် ဆင်ဝိုင်း ၃၂ ဝိုင်း ရှိပြီး ဆင်အကောင်ရေ ၂၀၆ ကောင်ရှိကြောင်း ၎င်းကဆိုသည်။

Top News