တနင်္သာရီဒေသတွင် တောင်ငုံးရင်မည်းငှက်ထိန်းသိမ်းရေး တစ်နှစ်စီမံကိန်းဆောင်ရွက်မည်

တောင်ငုံးရင်မည်းငှက်နှစ်ကောင်ကို တွေ့ရစဉ်*(ဓာတ်ပုံ − KanitKhanikul)

 မျိုးတုံးတော့မည့်အန္တရာယ်ကြုံတွေ့နေရသည့် တောင်ငုံးရင်မည်းငှက်ထိန်းသိမ်းရေးကို တနင်္သာရီဒေသတွင် တစ်နှစ်စီမံကိန်းဖြင့် ဆောင်ရွက်မည်ဟု ဇီဝမျိုးစုံမျိုးကွဲနှင့် သဘာဝပတ်ဝန်းကျင်ထိန်းသိမ်းရေးအသင်း (BANCA) မှ ဒေါက်တာသီရိဒေဝီအောင်က ပြောသည်။

 တောင်ငုံးရင်မည်းငှက် ကျက်စားရာ တနင်္သာရီတိုင်းဒေသကြီး လေညာအမျိုးသားဥယျာဉ်နှင့် ငဝန်သစ်တောကြိုးဝိုင်းအတွင်း ကျေးရွာလူထုပါဝင်သော တောင်ငုံးရင်မည်းငှက် ထိန်းသိမ်းရေးစီမံကိန်းကို Critical EcosystemPartnership Fund(CEPF) ၏ကူညီပံ့ပိုးမှုဖြင့် ၂၀၁၈ တွင် အကောင်အထည်ဖော် ဆောင်ရွက်မည်ဖြစ်သည်။


လေညာနှင့် ငဝန်သစ်တော ကြိုးဝိုင်းရှိ ကျေးရွာ ၁၃ ရွာကို အခြေပြု၍ ဒေသခံများအား ပညာပေးခြင်း၊ ဒေသအခြေပြု ထိန်းသိမ်းရေးအဖွဲ့ ဖွဲ့စည်းခြင်းနှင့် သုတေသနပြုလုပ်ခြင်းတို့ ဆောင်ရွက်မည်ဟု ဒေါက်တာ သီရိဒေဝီအောင်က ပြောသည်။

 တောင်ငုံးရင်မည်းငှက် သည် ထိုင်းနှင့် မြန်မာနိုင်ငံတွင် နေ ထိုင်ကျက်စားပြီး ၂၀၁၆ နောက် ပိုင်းတွင် ထိုင်းနိုင်ငံ၏ သဘာဝ တောများထဲ၌ လုံးဝပျောက်ကွယ် သွားပြီဖြစ်ကြောင်း ပညာရှင်များ သုံးသပ်ထားသည်။

  တောင်ငုံးရင်မည်းငှက် သည် မြန်မာနိုင်ငံတွင် တနင်္သာရီ တောင်ဘက်ပိုင်းသာ တွေ့ရှိနိုင်ပြီးမျိုးတုံးရန် အန္တရာယ်နှင့်ရင်ဆိုင်နေရသော မျိုးစိတ်(Endangered Species-ENအဖြစ် သတ်မှတ်ခြင်းခံထားရသည်။

ယင်းငှက်နေထိုင်ကျက်စား ရာ မြေနိမ့်၊ မြေပြန့်တောများ ရှင်းလင်း၍ ရော်ဘာနှင့် ဆီအုန်းစိုက် ခင်း၊ တိုးချဲ့စိုက်ပျိုးခြင်းကြောင့် မြေနိမ့်၊ မြေပြန့်တောများ လျော့နည်းလာပြီး ယင်းတို့နေထိုင်ကျက် စားရာ ဒေသများပျောက်ကွယ် လာကာ အကောင်ရေလျော့ကျခြင်း၊ သားပေါက်နှုန်းလျော့နည်းခြင်း၊ အမဲလိုက်ခံရခြင်းများ ဖြစ်ပေါ်နေသည်။

   တောင်ငုံးရင်မည်းငှက်ကို မြန်မာနိုင်ငံတွင် နှစ်ကာလကြာ မတွေ့ရှိရစဉ်က ထိုင်းနိုင်ငံ၌အဖို၊ အမ (၁၂ စုံ) ၂၄ ကောင်သာကျန်ရှိတော့ကြောင်း သတ်မှတ်ခံ ခဲ့ရသည်။ သို့ရာတွင် ၂၀၀၃ ၌ တနင်္သာရီ၊ ငဝန်ကြိုးဝိုင်းအတွင်း တောင်ငုံးရင်မည်းငှက် ၄၂ ကောင် ကို BirdLife International နှင့် BANCA အသင်းတို့က ပြန်လည် တွေ့ရှိပြီး စာရင်းများအရ မြန်မာတွင် တောင်ငုံးရင်မည်းငှက်အစုံ ၅၀ ခန့် ရှိ ကြောင်းခန့်မှန်းသည်။

More in News Section