ထိုက်ထိုက်ကိုသာ အပြစ်တင်ပါ

နှစ်ခြိုက်စွာအိပ်မောကျနေသည့် သားငယ်အား ကြည့်နေသော တစ်ကိုယ်တည်းမိခင် ထိုက်ထိုက်ကို တွေ့ရစဉ် (ဓာတ်ပုံ - ညီညီဇော်)

ပဲခူးတိုင်းဒေသကြီးအတွင်းက နယ်မြို့လေးတစ်မြို့၏ ဆောင်းညသည် သာမန်ထက်ပို၍ ချမ်းနေသလား ထင်ရသည်။ ဆောင်းည၏ အအေး ဓာတ်ကို အသက်ခြောက်လသား အရွယ် သားငယ်လေးတစ်ဦး စောင်ထူထူကြားထဲတွင် ရှောင်ပုန်းရင်း နွေးထွေးစွာ အိပ်စက်နေ သည်။ သားငယ်လေး အိပ်စက်ရာအနီးသို့ ခြေအစုံက တစ်လှမ်းချင်း ခပ်ဖွဖွလေး ဝင်ရောက်လာခဲ့ သည်။ ခပ်ဖွဖွလေး မလာ၍လည်း မရ။ သားငယ်လေး အိပ်ပျော်နေသည့် ကြမ်းခင်းက ဝါးကြမ်းခင်း ပေမို့ လူတက်လိုက်သည်နှင့် တကျွိကျွိမြည်ကာ လှုပ်သွားတာကြောင့် သားငယ်လေး နိုးမှာစိုး၍ ဖြစ် သည်။ သားကလေးသည် ကြမ်း ခင်းက အသံကြောင့် ခန္ဓာကိုယ်အနည်းငယ်လှုပ်ကာ နှုတ်ခမ်းအ နည်းငယ် စူသွားသော်လည်း နှစ်ခြိုက်စွာပင် အိပ်ပျော်နေခဲ့သည်။ ခြေထောက်အစုံက သားငယ်လေး ဘေးနားအထိ ကပ်လာခဲ့ပြီး အသာအယာ ထိုင်ချလိုက်သည်။

သားငယ်လေးအနားရောက် လာသူသည် အရပ်အမောင်းက ၅ ပေ ၅ လက်မခန့်၊ ခပ်ပိန်ပိန်၊ ဆံ ပင်တိုတိုနှင့် အမျိုးသားတစ်ဦးအ သွင်ဖြစ်သည်။ ဒူးခေါင်းအထိ ဖုံး နေသော ဘောင်းဘီအတိုနှင့် ရှပ် အင်္ကျီအကွက် လက်ရှည်ဝတ်ဆင် ထားပြီး နှုတ်ခမ်းသည်လည်း ကွမ်း စားသောကြောင့် တလှုပ်လှုပ်။ ထို အမျိုးသားအသွင် လူငယ်သည် ကြမ်းပြင်ပေါ်တွင် စိတ်ချလက်ချ အိပ်ပျော်နေသည့် သားငယ်လေး၏ ဝိုင်းစက်သောမျက်နှာ၊ သွယ်လျသောနှာတံ၊ ခပ်တင်းတင်းစေ့ထားသော နှုတ်ခမ်းတစ်စုံ၊ ဖြူဖွေးကြည်လင်သော အသားအရေတွေကို တစ်ခုချင်း လိုက်ကြည့်သည်။ ပြီးနောက် ‘‘သားလေးက ထိုက်ထိုက်နဲ့တူလို့ ချောတာ’’ဟု ပြောရင်း သူ့စကားသူ သဘောကျကာ ရဲပတောင်းခတ်နေသည့် သွားအစုံပေါ်သည်အထိ ရယ်မော လေသည်။

ကြမ်းပြင်ပေါ်က သားငယ် လေးသည် ထိုက်ထိုက်၏ သားက လေးဖြစ်သည်။ ရုတ်တရက်မြင် လျှင်တော့ ထိုက်ထိုက်၏ သွင်ပြင် ကြောင့် ဖခင်ဟုပင် ထင်မိကြလိမ့် မည်။ သို့သော် ထိုက်ထိုက်က ကလေးဖခင် မဟုတ်ပါ။ ထိုက် ထိုက်က ယောက်ျားအသွင် နေထိုင်တတ်သည့် မိန်းမသားတစ်ဦးဖြစ်ပြီး သားကလေးကို ရင်နှင့်လွယ် မွေးခဲ့သူ မိခင်တစ်ဦးဖြစ် သည်။

ထိုက်ထိုက် ခုလို အားရပါးရ မရယ်မောနိုင်ခဲ့သည်မှာ ကြာတော့ကြာခဲ့ပြီ။ ကာလအားဖြင့်ဆိုလျှင် နှစ်ချီကြာမြင့်ခဲ့လေပြီ။

ဒီအဖြစ်အပျက်တွေ မဖြစ် ပွားမီကတော့ ထိုက်ထိုက်သည် ယောက်ျားသားများနှင့် ရင်ပေါင်တန်းကာ နေထိုင်သော မိန်းက လေးတစ်ဦးဖြစ်သည်။ ထိုက်ထိုက်တို့က ပဲခူးတိုင်းဒေသကြီးအတွင်းက နယ်မြို့လေးတစ်မြို့မှာ နေ ထိုင်သည်။ ထိုက်ထိုက်တို့ မိဘ နှစ်ပါးက တောင်သူ။ ထိုက်ထိုက် အထက်တွင် ငါးနှစ်ခန့်ကြီးသည့် အစ်မတစ်ယောက်သာ ရှိသည်။ ထိုက်ထိုက် ငယ်စဉ်ကတည်းက ယောက်ျားလေးလိုနေရတာ သ ဘောကျသည်။ အမေကလည်း ထိုက်ထိုက်ကိုချစ်၍ ယောက်ျား လေးလိုနေတာ၊ ထိုင်တာ ဘာမှမ ပြော။ အဖေကတော့ မရ။ အခြားယောက်ျားလေးတွေနှင့် ပိုက်ဆံပစ်တာ ဒိုးလှိမ့်တာမျိုး တွေ့ပြီဆိုလျှင် တိုင်မှာကြိုးနှင့်တုပ်ကာ ရိုက်သည်အထိ အဖေက ဒဏ်ပေးခဲ့သည်။ သို့သော် ထိုက်ထိုက်ကတော့မရ။ ယောက်ျားလိုပဲ နေရထိုင်ရတာ သဘောကျသည်။ ယောက်ျား လေးကဲ့သို့ လွတ်လွတ်လပ်လပ် သွားလာခွင့်ရသည်ကို ခုံမင်သည်။ထို့ကြောင့် ဖအေက ဘယ်လောက်ပြောပြော ထိုက်ထိုက် ယောက်ျား လေးတစ်ဦးအဖြစ်သာ ကိုယ့်ကိုယ် ကိုယ် သတ်မှတ်ကာ နေခဲ့ထိုင်ခဲ့ သည်။

ငယ်စဉ်ကတည်းက မိဘ တွေ စီးပွားရေးအဆင်မပြေတာ ကြောင့် အတန်းကျောင်းကို ထိုက် ထိုက်တို့ မနေခဲ့ရ။ ထိုက်ထိုက်က လည်း အိမ်စီးပွားအတွက် ရရာအလုပ်ဝင်လုပ်သည်။ ယောက်ျား သားများနှင့်တန်းတူ တောအလုပ် တွေ ခပ်ကြမ်းကြမ်းပင် ဝင်လုပ် သည်။ မြတ်ရိတ်၊ ကောက်စိုက်၊ ပျိုးနုတ်တာတွေလည်း လုပ်ခဲ့ သည်။ ထိုကဲ့သို့ လုပ်ကိုင်စား သောက်ကာ နေထိုင်လာရင်းဆယ့်လေး၊ ငါးနှစ်အရွယ်မှာပင် အလုပ်ခေတ္တနားချိန် အဖော်အပေါင်းအသင်း ယောက်ျားသား များ၏ ယမကာမှီဝဲကြည့်ဖို့ တိုက်တွန်းမှုတွေ ကြုံခဲ့သည်။

အရက်ဆို၍ သောက်ကြည့် လိုက်တာ ခါးလိုက်တာ။ အနံ့က လည်း ဆိုးသေးသည်။ သို့သော် ကိုယ့်ကိုယ်ကိုယ် ယောက်ျားသား ဟု ထင်မှတ်ထား၍ အခြား ယောက်ျားတွေတောင် သောက် နေတာ ငါ ဘာလို့မသောက်နိုင်ရ မှာလဲဟုတွေးကာ ကြိတ်မှိတ်မျိုချ သည်။ ဘေးနားက သူငယ်ချင်း ယောက်ျားလေးတွေကလည်း သူ သောက်နိုင်မှုအပေါ် အားရပါးရ အားပေးသည်။ ထို့နောက်ပိုင်း တော့ ထိုက်ထိုက်သည် အလုပ်ပင် ပန်းတာတွေရော အခြားအဆင် မပြေမှုတွေပါ ရောချကာ အရက် သောက်တတ်ခဲ့ပါတော့သည်။

အလုပ်ပြီးချိန် တစ်ခါတစ်ရံ ယောက်ျားသားများနှင့် အရက် ဆိုင် အတူတကွသွားသောက်တာ မျိုးတွေ ထိုက်ထိုက်လုပ်ဖြစ်လာခဲ့ သည်။ ထိုက်ထိုက် မိဘနှစ်ပါးမရှိ တော့သည့်အချိန် အစ်မကလည်း အိမ်ထောင်ကျပြီးနောက် ထိုက် ထိုက်နေပုံထိုင်ပုံနှင့် အဆင်မပြေ မှုတွေ ရှိလာခဲ့တော့ ထိုက်ထိုက် အိမ်ပေါ်က ဆင်းခဲ့သည်။ အသိ အိမ်တွေမှာ ခိုကပ်နေရင်း နောက် ဆုံးတော့ ထိုက်ထိုက် ဘုန်းကြီး ကျောင်းထဲက နတ်စင်ကြီးတစ်စင် တွင် သွားရောက်နေထိုင်ဖြစ်တော့ သည်။


တစ်ကိုယ်တည်းမိခင် ထိုက်ထိုက်နှင့် သူ၏ကလေးငယ် (ဓာတ်ပုံ - ညီညီဇော်)

ရရာအလုပ်လုပ်၊ ညဘက် ဆို အပေါင်းအသင်းတွေနဲ့ ဟေး လားဝါးလား။ တစ်ခါတစ်ရံ အရက်သောက်ကြရင်း ထိုက်ထိုက်သည် သာမန်ယောက်ျားတစ်ဦး အဖြစ် သာ ပျော်ပျော်ရွှင်ရွှင် နေထိုင်ခဲ့ သည်။ အရွယ်ကလေး ရောက်လာချိန်မှာတော့ အရက်အတူတူ သောက်ရင်း အချို့ယောက်ျားသား တွေက ပခုံးဖက်တာမျိုးတွေ ကြုံ လာလျှင် ထိုက်ထိုက် ဆတ်ခနဲဆို ရိုက်ချသည်။ မလုပ်နဲ့ မကြိုက်ဘူး ဟု ထိုက်ထိုက် ခပ်မာမာပြော သည်။ မင်းကလည်း ယောက်ျား လေးချင်းဖက်တာ ဘာဖြစ်လဲဟု တစ်ဖက်က စောဒကတက်လာ တော့လည်း ထိုက်ထိုက် ဘာမှ မပြောနိုင်။ သို့သော် ထိုက်ထိုက် ကို အဲဒီလို ဖက်လားပြုလားလုပ် တာတော့ နည်းနည်းမှမကြိုက်။

တစ်ခါတော့ ထိုက်ထိုက် အ ခြားမြို့တစ်မြို့တွင် စပါးရိတ်သွား အလုပ်လုပ်သည်။ ထိုကဲ့သို့အလုပ် လုပ်ရင်း ခင်မင်တာကြာပြီဖြစ် သည့် ယောက်ျားလေးသူငယ်ချင်း တစ်ဦးနှင့် အရက်အတူတူသောက် ဖြစ်ခဲ့သည်။ ထိုညသည် ထိုက် ထိုက် လူမှန်းသူမှန်းမသိအောင် မူးခဲ့သည်။ အတူသောက်သည့် ရွယ်တူသူငယ်ချင်း ယောက်ျား သားကလည်း ထိုက်ထိုက်ကို ပိုသောက်ဖို့သာ အားပေးခဲ့သည်။ ထိုက်ထိုက်လည်း အတူတွဲလာတာကြာပြီဖြစ်သည့် သူငယ်ချင်းမို့ စိတ်ချလက်ချပင်သောက်ခဲ့သည်။ ထိုညက ထိုက်ထိုက် ခေါင်းပင် မထောင်နိုင်လောက်အောင် မူးမိခဲ့ သည်။ ထိုအချိန်ကို အခွင့်ကောင်း ယူကာ သူငယ်ချင်းသည် ထိုက် ထိုက်ကို အခွင့်အရေးယူခဲ့ပါတော့ သည်။ ခပ်သေးသေးခန္ဓာကိုယ်၊ ခေါင်းမထောင်နိုင်အောင် အမူး လွန်နေသော ထိုက်ထိုက်သည် သူငယ်ချင်း၏ အခွင့်အရေးယူမှုကို ဘယ်လိုမှ မရှောင်နိုင်ခဲ့တော့ပေ။

ထိုအဖြစ်အပျက်သည် လူ မှန်းသူမှန်းမသိအောင်ပင် မူးနေ ချိန်ဖြစ်ပွားခဲ့ခြင်းကြောင့် အိပ်မက် လို့ပင် ထိုက်ထိုက် ထင်နေသည်။ ကိုယ့်မြို့ပြန်ရောက်တော့လည်း ထိုက်ထိုက် ပြန်တွေးမိတိုင်း ထို ကိစ္စအပေါ် ရှက်သည်။ ဒေါသဖြစ် သည်။ ဟုတ်ချင်မှ ဟုတ်မှာပါဟု လည်း ပြန်တွေးပြန်သည်။ သို့ သော် တကယ်ဟုတ်ခဲ့ကြောင်း တစ်ရက်မှာတော့ဖြင့် ထိုက်ထိုက် သိလာခဲ့လေသည်။

အမျိုးသမီးကိစ္စ ပုံမှန်လာနေကျအချိန် မလာ၍ ထိုက်ထိုက် ကိုယ့်ကိုယ်ကိုယ် သင်္ကာမကင်း ဖြစ်လာခဲ့သည်။ ထို့နောက် အသိ သူငယ်ချင်းတစ်ဦးကို ဆေးဆိုင်တွင် ကိုယ်ဝန် ရှိ၊ မရှိ ဆီးစစ်ကြည့်လို့ရသည့် ပိုက်ဆိုတာကို ဝယ်ပေးရန် ညာခိုင်းလိုက်သည်။ ကိုယ့်ဟာကိုယ် စစ်ကြည့်သည့်အခါမှာတော့ ကိုယ်ဝန်ရှိကြောင်း အဖြေထွက်လာ၍ ထိုက်ထိုက် မျက်လုံးပြူးသွားခဲ့သည်။ သို့သော် လက်မခံ နိုင်သေး။

သို့သော် စစ်ဆေးကြည့်တာ ထက် ပိုသေချာသည့် ထင်သာမြင် သာရှိသည့် အခြေအနေက ဆိုက် ရောက်လာခဲ့သည်။ ထိုက်ထိုက် ခါးတွေ တဖြည်းဖြည်းတုတ်လာခဲ့ သည်။ ဗိုက်ကလေး ပိုပိုဖောင်းလာ ခဲ့သည်။ ထိုက်ထိုက် ရှက်လိုက် တာ။ ထို့နောက် သူ့ကို အခွင့်အ ရေးယူခဲ့သည့် သူငယ်ချင်းထံသွား သည်။ သူ့ကိစ္စကို ပြောပြသည်။ သူ့ကိုမယူနိုင်လျှင်တောင် ကလေးအဖေအဖြစ် နာမည်ခံပေးဖို့။ သို့ သော် သူ့သူငယ်ချင်းကတော့ လက်မခံခဲ့သလို တာဝန်လည်း မယူခဲ့ပေ။ နောက်တစ်ကြိမ် သွား တွေ့သည့်အခါမှာတော့ ထိုသူ ငယ်ချင်း မြဝတီဘက်သွားတာလို လိုနှင့် ထိုက်ထိုက်ကို အပြီးတိုင် ရှောင်ပုန်းသွားခဲ့လေသည်။

ထိုက်ထိုက်မျက်ရည်ကျရပါ သည်။ တစ်ဘဝလုံး ယောက်ျား သားများနှင့် တန်းတူရင်ပေါင်တန်း အလုပ်လုပ်ရင်း ကိုယ့်ကိုယ်ကိုယ် ယောက်ျားအဖြစ်သာ နေထိုင်ခဲ့ရာ မှ ယခုလို မပေါ့မပါးကြီးဖြစ်လာ ခဲ့ချိန် တစ်ဖက်ကလည်း တာဝန် ယူမပေးဆိုတော့ ထိုက်ထိုက် ဘာ ဆက်လုပ်ရမလဲမသိတော့။ ကြား ခဲ့ရဖူးတာတွေလို ဖအေမပေါ် သည့် ရင်သွေးကိုလည်း ဖျက်ချဖို့ ထိုက်ထိုက်မစဉ်းစား။ ထိုက်ထိုက် ဝမ်းထဲက ရင်သွေးလေးသည် တကယ်တော့ ဘာမှအပြစ်မရှိဟု ထိုက်ထိုက်ထင်လေသည်။ ထို့အ တွက် ထိုက်ထိုက် ဒီရင်သွေးလေး ကို ရအောင်မွေးမည်ဟုသာ ဆုံး ဖြတ်ခဲ့ပါတော့သည်။

ကိုယ့်မြို့ပြန်ရောက်တော့ အရင်နေခဲ့သည့် ဘုန်းကြီးကျောင်း ဝင်းအတွင်းက နတ်စင်အဆောက် အအုံမှာပင် ပြန်လည်နေထိုင်ခဲ့သည်။ အဆောက်အအုံက အောက်က သံမံတလင်းခင်းထား သည်မို့ အရင်က ဖြစ်သလို ခေါင်း ထိုးအိပ်ခဲ့သော်လည်း ဗိုက်ထဲက ရင်သွေးလေး ထိခိုက်မည်စိုးတာမို့ ထိုက်ထိုက် ပီနန်အိတ်ကလေးခင်း ကာ အိပ်ဖြစ်ခဲ့သည်။ မွေးဖို့ဖွားဖို့ အတွက် ဘယ်လိုလုပ်ရမလဲ၊ ထိုက်ထိုက် စဉ်းစားသည်။ သူတို့မြို့ ကလေးမှာတော့ အရပ်လက်သည် ခေါ်လျှင် တစ်သောင်းလောက် သာကျတာ ထိုက်ထိုက် စုံစမ်းရ သည်။ မွေးပြီဆိုလျှင် ဒီဘုန်းကြီး ကျောင်းဝင်းထဲမွေးရန် မသင့်တော်၍ အခြားအိမ်ကလေးတစ်ခုငှားနေ ကာ မွေးဖို့ ထိုက်ထိုက် စီမံရသည်။ ထိုက်ထိုက်မှာလည်း တစ်နေ့လုပ်၊ တစ်နေ့စား၊ တစ်နေ့နဲ့တင် ကုန် တာမို့ မွေးစရိတ်အတွက် ထိုက် ထိုက် ပြင်ဆင်ရတော့မည်။ နောက်ပြီး မီးဖွားပြီးလျှင်လည်း ရက်အ တန်ကြာ နားရဦးမည်မို့ ထိုရက် တွေအတွက် ငွေပိုငွေလျှံလေးတွေ ရှိနေမှ ဖြစ်မည်ဟု ထိုက်ထိုက် တွေးမိသည်။

ထို့ကြောင့် မွေးစရိတ်ကလေးရစေဖို့ ကိုယ်ဝန်ကြီးနှင့်ပင် ထိုက် ထိုက် ပုံမှန်လုပ်နေကျ ကြုံရာကျ ပန်းအလုပ်တွေ ဝင်လုပ်ရသည်။ အပျိုဗိုက်ဖြစ်၍ လူကလည်းသေး တာမို့ ခြောက်လလောက်အထိကို ကိုယ်ဝန်ရှိမှန်း အချို့က မသိကြ။ ထို့ကြောင့် သာမန်အတိုင်း အလေးအပင်တွေမ၊ ရေတွေထမ်းရသည့် အခါ ထိုက်ထိုက် အတော်ကလေး ဂရုစိုက်ရသည်။ ထိုက်ထိုက် ဗိုက် ထဲက ကလေးကို ဘာမှမဖြစ်စေ ချင်။ ညဘက်အိပ်သည့်အခါတွင် တော့ ထိုက်ထိုက် ဗိုက်ကလေး ပွတ်ကာ ဘုရားနှင့် ခိုနားရာ အဆောက်အအုံရှိ နတ်တွေထံ ကလေးရှောရှောရှူရှူမွေးနိုင်ဖို့ ဆုတွေတောင်းရသည်။

နောက်ပြီး နှစ်ရှည်လများ သောက်လာခဲ့သည့် အရက်ကို ထိုက်ထိုက် တိခနဲ ဖြတ်လိုက် သည်။ ထိုက်ထိုက်ကို အမှောင် တွင်းသို့ ဆိုက်ရောက်စေခဲ့သည့် အရက်သေစာကို ထိုက်ထိုက် လုံးဝမသောက်လိုတော့။ မမြင်လို တော့။ အရက်တင်မက ဆေးလိပ် ကိုပါ ဖြတ်ပစ်လိုက်သည်။ ထိုက် ထိုက် ဗိုက်ထဲတွင် ရောက်နေပြီ ဖြစ်သည့် ရင်သွေးကလေးအတွက် ထိုက်ထိုက် အပြုအမူဆိုးတွေ အ ကုန်စွန့်ပစ်လိုက်သည်။

 ထိုက်ထိုက်အကြောင်းကို ထိုက်ထိုက်ဝန်းကျင်က အချို့တွေ ရိပ်စားမိလာခဲ့သည်။ ထိုက်ထိုက် ကတော့ ဘယ်သူမျှ ဘာမှမပြော ဖြစ်ဘဲ ကလေးမွေးစရိတ်ရဖို့ကို သာ အားသွန်ခွန်စိုက် အလုပ်တွေ လုပ်နေခဲ့သည်။ တစ်ရက်မှာတော့ ဈေးနားက ခင်မင်နေသည့် အစ်မ တစ်ယောက်က ထိုက်ထိုက်ကို သတင်းလေးတစ်ခု ပေးလာခဲ့ သည်။ ထိုက်ထိုက်တို့လို တစ်ဦး တည်း မိခင်တွေအား ကလေးမွေး ဖွားရန် အကူအညီတွေ ပေးနေ သည့် ကိုစိုးထိုက်(ဖဒို)တို့နှင့် ဆက်သွယ်ဖို့ဖြစ်သည်။

ထိုက်ထိုက် ကိုစိုးထိုက်တို့နှင့် ဆက်သွယ်ခဲ့သည်။ ကိုစိုးထိုက်တို့ ထိုက်ထိုက်ကို လာခေါ်သည်။ ကိုစိုးထိုက်တို့က ထိုက်ထိုက်ကို အိမ်ကလေးတစ်အိမ်ဆီ ခေါ်သွားခဲ့သည်။ ထိုအိမ်ကလေးသည် ထိုက်ထိုက်လို အကြောင်းအမျိုးမျိုးကြောင့် မိမိပတ်ဝန်းကျင်မှာ ကလေးမွေးဖွားရန် အဆင်မပြေဖြစ်နေသည့် အမျိုးသမီးကလေးတွေ ၁၀ ယောက်လောက် ရောက်နေခဲ့သည်။ ထိုဂေဟာဆရာမ ဒေါ်မြစန္ဒာသန့်ကလည်း ထိုက် ထိုက်တို့ကို အတော်လေး ဂရုစိုက်ခဲ့သည်။

ထိုဂေဟာရောက်လာတော့ ထိုက်ထိုက် ဘောင်းဘီတိုနှင့်နေ၍ မရတော့ပါ။ ပါလာသည့် ပုဆိုး တွေ၊ ဘောင်းဘီတိုတွေအစား ထဘီတွေ ပြောင်းဝတ်ရသည်။ ဗိုက်ဖုံးအင်္ကျီတွေ ဝတ်ဆင်ရ သည်။ ယောက်ျားပုံကြီးနှင့် ထဘီ တွေ ဗိုက်ဗုံးအင်္ကျီတွေဝတ်ရတော့ ထိုက်ထိုက် အတော်လေး စိတ် ကျဉ်းကျပ်မိသည်။ သို့သော် ရောက်လာတော့မည့် ရင်သွေး လေးအတွက် ထိုက်ထိုက် ဒီ လောက်လေးတော့ မမှုတော့ပါ။

ထိုဂေဟာရောက်ပြီးမှ ထိုက် ထိုက် ပထမဆုံးသော အကြော အားဆေး စထိုးဖြစ်သည်။ အရင် မြို့မှာနေတုန်းက ကိုယ်ဝန်နှင့်ပတ် သက်၍ ဘာဆိုဘာမျှ မလုပ်နိုင်ခဲ့။ ထိုဂေဟာအစီအမံဖြင့် ထိုက်ထိုက် တို့တစ်တွေ မနီးမဝေးက ဆေးရုံမှာ ကိုယ်ဝန်သွားပြရသည်။ ဆေးရုံ ရောက်တော့ အမျိုးသားနာမည် မေးခါနီး ဘယ်လိုပြောရမည်မသိ၊ ထိုက်ထိုက် ကြောက်နေသည်။ ထို့ကြောင့် အတူပါလာသူတွေကို ယောက်ျားနာမည် မေးနေတယ် ဘယ်လိုပြောရမလဲဟု တိုးတိုးမေး တော့ သူတို့ကလည်း ကိုစိုးထိုက် လို့သာ ပြောလိုက်ဟု ပြောသည်။ ထို့ကြောင့် ထိုက်ထိုက်လည်း ကိုစိုးထိုက်ဟု ဖြေလိုက်သည်။ အလုပ်အကိုင်ကကောဟု တစ်ခါထပ်မေးပြန်သည်။ ထိုက်ထိုက် အခြားသူ တွေကို ပြန်မေးရပြန်သည်။ ပန်းရန်လို့ဖြေလိုက်ဟုဆိုကာ ကိုစိုးထိုက် လည်း ပန်းရန်သမား ဖြစ်ရပြန်သည်။ ထိုက်ထိုက်ကတော့ အားနာသည်။ ကိုယ့်ကို ကူညီခဲ့သည့်သူ နာမည်သုံးလိုက်ရရုံတင်မက ပန်းရန်သမားပါ ဖြစ်ရပြန်၍ အားနာပြီးရင်း အားနာခဲ့ရသည်။

 ဂေဟာမှာ ထိုက်ထိုက်တို့ မိခင်လောင်းတွေအား မွေးပြီးလျှင် ကလေးပြန်ခေါ်သွားမလား၊ ဂေ ဟာမှာပဲ ထားခဲ့မလားမေးသည်။အချို့မိခင်တွေကတော့ သူတို့အခက်အခဲနှင့်သူမို့ ကလေးကိုထားခဲ့သူတွေရှိသည်။ ထိုက်ထိုက်ကိုမေး တော့ မထားခဲ့ပါ၊ ခေါ်သွားမည်ဟု ရဲရဲပင် ဖြေသည်။ ဟုတ်သည်။ ထိုက်ထိုက် သူ့ရင်သွေးကလေးကို မမြင်ရမီကတည်းက သံယောဇဉ် တွယ်တာမိလေပြီ။ ရင်သွေးလေး ကို ဘယ်မှလည်း မထားခဲ့နိုင်။

မွေးဖို့ဖွားဖို့အတွက် ဂေဟာ က အစစအရာရာ ပြည့်စုံအောင် စီမံပေးပါသည်။ ဘဝတူ တစ်ဦး တည်း မိခင်များဖြင့် အားယူရင်း မွေးဖွားမည့်ရက်က တဖြည်းဖြည်း ရောက်လာခဲ့သည်။ ထိုက်ထိုက် သဘောကတော့ ကလေးကို ရိုးရိုးပဲ မွေးချင်သည်။ ခွဲမွေးပါက နောက်ပိုင်း အလုပ်ကြမ်းတွေ သိပ်မလုပ်နိုင်မှာစိုးတာဖြစ်သည်။ မွေးလာ မည့် ရင်သွေးလေးနှင့် သားအမိနှစ်ယောက် ဝမ်းရေးရုန်းကန်ရဦး မည်မဟုတ်လား။

သို့သော် ထိုက်ထိုက်က အ သက်(၃၄)နှစ်ရှိပြီမို့ အသက်လည်းကြီးတာတစ်ကြောင်း၊ ညှပ်ရိုးက လည်း ကျဉ်းတာတစ်ကြောင်းမို့ ခွဲ မွေးဖို့သာ အခြေအနေပေးခဲ့သည်။ သို့ဖြင့် ၂၀၁၇ ဇူလိုင် ၁၃ ရက်မှာ ထိုက်ထိုက်တစ်ယောက် ရင်သွေး ကလေးကို မွေးဖွားခဲ့ပါသည်။ ရင် သွေးလေးမှာ သားယောက်ျားလေးဖြစ်သည်။ ဆရာမတွေက သားကလေးကို ယူလာပြတော့ ထိုက်ထိုက် ဝမ်းနည်းဝမ်းသာ မျက်ရည်ကျခဲ့ရသည်။

ဝမ်းသာသည်က သူ့ရင်သွေး ကလေး ချောချောမောမော မွေး နိုင်ခဲ့ခြင်းကြောင့်ဖြစ်ပြီး ဝမ်းနည်း သည်ကတော့ သူ့ဘေးနားတွင် မိသားစုအရင်းအချာများ တစ် ယောက်မှမရှိခဲ့ခြင်းကြောင့် ဖြစ် လေသည်။ ထိုက်ထိုက် ကွယ်လွန် သွားပြီဖြစ်သည့် မိခင်ကို သတိရ စေသည်။ ယောက်ျားလိုဝတ်ဆင် တိုင်း၊ ပြောဆိုတိုင်း ဆိုဆုံးမနေကျအဖေ့ကို သတိရသည်။ သူ၏ အစ်မဖြစ်သူကို သတိရသည်။ နောက် ပြီး.. နောက်တစ်ယောက်ကိုတော့ ထိုက်ထိုက် ရင်နာနာနှင့်ပင် သတိ ရခဲ့လေသည်။

မွေးပြီး ၁၃ ရက်အကြာတွင် တော့ ထိုက်ထိုက် ကိုယ့်မြို့ကိုယ့် ဒေသဆီ ပြန်လာခဲ့ပါသည်။ ကိုစိုး ထိုက်တို့ကလည်း အိမ်အထိ လိုက်ပို့ခဲ့ကြသည်။ ကလေးမွေးပြီးစဖြစ် ၍ သားကလေးကလည်း ငယ်သေးသည်မို့ အရင်လို ဘုန်းကြီးကျောင်း ဝင်းထဲ သွားမနေတော့ဘဲ အစ်မ ကြီးအိမ်တွင်သာ ခေတ္တခိုလှုံနေခဲ့ သည်။ အိမ်ပြန်ရောက်ပြီး မကြာ မီတော့ သားအမိနှစ်ယောက် ဝမ်း ရေးအတွက် ထိုက်ထိုက် အလုပ် တွေ ပြန်လုပ်ပါသည်။

 ဈေးထဲမှာ ကုန်စိမ်းသွား ရောင်းလျှင်လည်း သားကလေးကိုခေါ်သွားသည်။ အခြားကောက် စိုက်ပျိုးနုတ်ဆိုလျှင်လည်း သား ကလေးကို ချီပိုးသွားသည်။ သား ကလေးကို ထိုက်ထိုက် မျက်ကွယ် ရာမှာ မထားခဲ့နိုင်။ သားကလည်း သားပေပဲ။ မအေဖြစ်သူကိုမြင်ရုံ ဖြင့် မျက်နှာပြုံးရွှင်ကာ သူ့ကိုချီ ရန် လက်ကမ်းသည်။ မျက်နှာက လည်း အမြဲတမ်းပြုံးရွှင်နေသည်။ ဂျီကျတာ ဂျစ်တိုက်တာမျိုးလည်း မရှိ။ အိပ်ပြီဆိုလျှင်လည်း တစ်ချိုး တည်း။ သို့သော် ထိုက်ထိုက် စိတ် ပူမိတာတွေရှိသေးသည်။ သား ကလေးသည် ဘဝတစ်လျှောက် လုံး ဖအေမပေါ်ဘဲ မွေးလာသည့် ကလေးအဖြစ် အများက သိထား သည့်အတွက် အနှိမ်ခံရမှာ စိုးခြင်း ဖြစ်သည်။ ဥပဓိရုပ်ကလေးတည် ကြည်သန့်စင်သော သားကလေး အား ဘာအစွန်းအထင်းမျှ ထိုက် ထိုက် မရစေလိုပါ။ တကယ်တော့ သားကလေးတွင် ဘာဆိုဘာအပြစ်မှ မရှိပါ။ မိန်းမသားတစ် ယောက် မသောက်သင့်သည့် အ ရက်သေစာသောက်စားမိ၍ တစ် ပါးသူ အနိုင်ကျင့်ခံရသောကြောင့် အပြစ်တင်ချင်လျှင် ထိုက်ထိုက်ကို သာ အပြစ်တင်ပါဟု ထိုက်ထိုက် က သားကလေးကို လှမ်းကြည့် ရင်း ဆိုပါသည်။

 ထိုက်ထိုက် သားကလေး အား မွေးစားလို၍ တောင်းယူသူ တွေရှိပါသည်။ သို့သော် ထိုက် ထိုက် လုံးဝပေးဖို့ ငြင်းဆန်ခဲ့သည်။ သားကလေးသည် ထိုက်ထိုက်၏ အသက်။ သားကလေးသည် ထိုက်ထိုက်၏ ဘဝ။ ထိုက်ထိုက်ဆုံးဖြတ် ထားသည်က ထိုက်ထိုက် အသက် မသေမချင်း သားကလေး လူတန်း စေ့နေနိုင်အောင် ကြိုးစားရှာဖွေ မည်။ သားကလေးမျက်နှာမငယ် အောင် ဖအေလိုတစ်မျိုး၊ မအေလိုတသွယ် စောင့်ရှောက်မည်။ နောက်ပြီး သားကလေးအရွယ် ရောက်လာလျှင် တန်ဖိုးရှိသော ယောက်ျားသားတစ်ဦးဖြစ်အောင်၊ မိန်းကလေးများအား နှမသားချင်း စာနာတတ်သော ယောက်ျားတစ် ဦးဖြစ်အောင် ပြုစုပျိုးထောင်မည် ဟု ထိုက်ထိုက် ရည်မှန်းထား သည်။

ထိုက်ထိုက်ကတော့ သူ့အ သက်ခန္ဓာ တည်မြဲနေသရွေ့ သား ငယ်လေးအတွက် အားအင်တွေ ပြည့်ဖြိုးနေပုံရသည်။ နှစ်ခြိုက်စွာ အိပ်မောကျနေသည့် သားငယ် လေးကိုကြည့်ရင်း ရွှန်းမြသော မျက်နှာဖြင့် ပြုံးကြည့်နေပါသည်။ သားငယ်လေးကတော့ စောင်အ နွေးဓာတ်ရော မိခင်ဖြစ်သူ ထိုက် ထိုက်၏ မိခင်မေတ္တာဖြင့်ပါ နွေး ထွေးစွာ အိပ်စက်၍ ကောင်းနေ ဆဲ... ။        ။