လိမ်လည်မှုဖြစ်ပြီးနောက် ရန်ကုန်ဆန်ဈေးကွက် ငွေချေသောပုံစံပြောင်းလဲ

ဆန်လောက၌ ငွေကြေးအရှုပ်အရှင်း ထပ်မံဖြစ်နိုင်၍ ရောင်းမှား၊ ၀ယ်မှားမဖြစ်ရေး သတိပြုကြရန် တာဝန်ရှိသူ အကြံပြု

လပိုင်းအတွင်း ကျပ်ရှစ် ဘီလီယံခန့် လိမ်လည်မှုဖြစ်ပြီး နောက် ရန်ကုန်ဆန်ဈေးကွက် တွင် လက်ငင်းငွေချေသည့် စနစ်ပြောင်းလဲကျင့်သုံးလာကြောင်း ဘုရင့်နောင် ဆန်ကုန်စည်ဒိုင် အတွင်းရေးမှူးဦးသန်းဦးက ပြော သည်။

ယခင်က နယ်ကုန်သည်များ သည် ရန်ကုန်မှဆန်ကုန်သည်သို့ ဆန်ရောင်းချရာတွင် အကြွေး စနစ်ဖြင့် ဂိုဒေါင်သို့ ဆန်ချပေးပြီး တစ်လခန့်မှ ငွေရရှိသည်။

သို့သော် လက်ရှိတွင် နယ် မှလာသော ဆန်ကားများပစ္စည်း ချပြီးမ ငွေချက်ချင်း ရှင်းပေးရသည့်စနစ် ပြောင်းလဲလုပ်ကိုင် လာကြောင်း ၎င်းကပြောသည်။

‘‘စနစ်ကတော့ ပြောင်းလာ ပြီ။ ဒါဘယ်လောက်ရေရှည်ခံမ လဲဆိုတာကိုတော့ မပြောနိုင်သေး ဘူး’’ဟု ဦးသန်းဦးက ဆိုသည်။

မြန်မာ့ဆန်လောကတွင် လပိုင်းအတွင်း ကျပ်သန်းသောင်းချီသည့် လိမ်လည်မှု နှစ်ခုကြောင့် ပြည်တွင်း ဈေးကွက်တွင် ဆန်ရောင်းဝယ်မှုပုံစံ ပြောင်းလဲလာသကဲ့သို့ ရန်ကုန်သို့နယ်စုံမှ ဆန်အ၀င်လည်း လျော့ကျလာကြောင်း၊ ပုံမှန်အားဖြင့် ဘုရင့်နောင်ဆန်ကုန်စည်ဒိုင်သို့ တစ်ရက်လျှင် ဆန်အိတ်ရေ ငါးသောင်းခန့်ဝင်သော်လည်း ဇန်န၀ါရီ ဒုတိယပတ်အတွင်း တစ်ရက်လျှင် ဆန်အိတ်ရေ တစ်သောင်းခွဲခန့်သာ ၀င်တော့ကြောင်း ၎င်းက ပြောသည်။

ထို့ကြောင့် ပြည်ပတင်ပို့မည့် ကုန်သည်များသည် နယ်များသို့ ဆင်း၍ ဆန်ဝယ်ယူရခြင်းကြောင့် ရန်ကုန်ဆန်ဈေးကွက်က နယ်သို့ ပြောင်းနေပြီဟု ဦးသန်းဦးက ဆို သည်။

ထို့အပြင် ဆန်လောကတွင် ကြုံတွေ့ခဲ့ရသည့် လိမ်လည်မှု ကြီးက ငွေကြေးပမာဏများခြင်း ကြောင့် ပမာဏအနည်းငယ်သော ငွေကြေးအရှုပ်အရှင်းများလည်း ထပ်မံဖြစ်လာနိုင်သည်ဟု မြန်မာ နိုင်ငံဆန်စပါးအသင်းချုပ် တွဲဖက် အတွင်းရေးမှူး ဦးလူမော်မြင့် မောင်က ပြောသည်။

အလားတူ မြန်မာ့ဆန်လော ကတွင် ငွေကြေးအရှုပ်အရှင်းများ ထပ်မံဖြစ်လာနိုင်သည်ဟု ဆန် ကုန်သည်အချို့ကလည်း ၎င်းတို့ ၏ လူမှုကွန်ရက်စာမျက်နှာများ တွင် ရေးသားမှုအချို့ရှိနေသည်။

လက်ရှိ အချိန်အထိ ကုန် စည်ဒိုင်သို့ အသိပေးတိုင်ကြား သည့် ငွေကြေး အရှုပ်အရှင်းပြဿနာများ မရှိသေးသော်လည်း ငွေပမာဏ ကျပ်သိန်းတစ်သောင်း အောက် အရှုပ်အရှင်း ဖြစ်လာ မည်ကို စိုးရိမ်ကြောင်း ကုန်စည် ဒိုင်အတွင်းရေးမှူး ဦးသန်းဦးက ပြောသည်။

 နယ်ကုန်သည်၊ ရန်ကုန် ကုန်သည်နှင့် ပြည်ပတင်ပို့သူများ အကြား ရောင်းဝယ်ရာတွင် စည်း မျဉ်းစည်းကမ်းများ ထားရှိသော် လည်း ရောင်းသူနှင့်ဝယ်သူ အ ကြား သီးခြားလုပ်ကိုင်နေမှုများ နှင့်ပတ်သက်၍ ကုန်စည်ဒိုင်များ အသင်းအဖွဲ့များက  မသိရဘဲ ပြဿနာဖြစ်မှ သိရသည်ဟု ၎င်းက ဆက်လက်ပြောသည်။

ကုန်စည်ဒိုင်အနေဖြင့် မည် သူမည်ဝါ ငွေကြေးအရှုပ်အရှင်း ဖြစ်သည်ကို ပြောနိုင်ခြင်းမရှိသော် လည်း ပြဿနာဖြစ်နိုင်ခြေကို ကြို တင် သတိပေးမှုများရှိကြောင်း ဦးသန်းဦးက ဆိုသည်။

 ထို့ကြောင့် ဆန်ရောင်းချ သည့် ကုန်သည်များ အနေဖြင့် အလိမ်မခံရစေရန် ရောင်းချမည့် ကုန်သည်၏ ဆန်လုပ်ငန်း လုပ် ကိုင်လာသည့် သက်တမ်းအခြေ အနေ၊ ခိုင်မာမှုတို့ကို လေ့လာပြီး မှ ရောင်းချသင့်ကြောင်း ဘုရင့် နောင်ကုန်စည်ဒိုင်အတွင်းရေးမှူး ဦးသန်းဦးက အကြံပြုသည်။

ထို့အပြင် ဈေးကွက်ပေါက် ဈေးထက်ပိုပေးပြီး ၀ယ်ယူမှုများ ကို ဆန်ကုန်သည်များအနေဖြင့် သတိထားပြီးရောင်းချရန်၎င်းကအကြံပြုသည်။

၂၀၁၇-၁၈ ဘဏ္ဍာနှစ်တွင် မြန်မာနိုင်ငံမှ ပြည်ပသို့ ဆန်တင် ပို့မှုတန်ချိန် ၂ ဒသမ ၆ သန်းကျော် ရှိနေချိန်တွင် နိုင်ငံတကာ ဆန် ဈေးနှုန်းက ပြည်တွင်းဈေးထက် လျော့နည်းသဖြင့် ကုန်သည်များ အကြား ငွေကြေးလည်ပတ်မှု ကျပ်တည်းပြီး လိမ်လည်မှုများဖြစ်ရ ကြောင်း ဆန်ကုန်သည်အသိုင်း အ၀ိုင်းက သုံးသပ်သည်။

ဘုရင့်နောင်ဆန်ဈေးကွက် တွင် ဇန်န၀ါရီ ၄ ရက်က ပြည်ပသို့ ဆန်တင်ပို့နေသည့် ASO ကုမ္ပဏီ ပိုင်ရှင်ဦးအောင်ဆွေဦးက အခြား ကုန်သည်များအား ကျပ် ၅ ဒသမ ၃ ဘီလီယံကျော်ပေးချေခြင်းမရှိဘဲ ထွက်ပြေးတိမ်းရှောင်ခဲ့သည်။ ထို့ အပြင် ၂၀၁၇ စက်တင်ဘာလ ကုန်ပိုင်းကလည်း ဘုရင့်နောင် ဆန်ဈေးကွက်တွင် ကျပ် ၂ ဒသမ ၄ ဘီလီယံကျော် လိမ်လည်မှုဖြစ် ပွားခဲ့သည်။