မွေးကင်းစကလေးငယ်များ စွန့်ပစ်မှု ရန်ကုန်တိုင်းလွှတ်တော်တွင် ဆွေးနွေးမည်ဟုဆို

မွေးကင်းစ ကလေးငယ်စွန့်ပစ်မှု တားဆီးတိုက်ဖျက်ရေးနှင့် အသိပညာပေးဆွေးနွေးပွဲကို ဇန်န၀ါရီ ၆ ရက်က ပြုလုပ်စဉ် (ဓာတ်ပုံ − နစ်ကီ)

 ပြန်လည်ကျင်းပမည့် ရန်ကုန်တိုင်း လွှတ်တော်အစည်း အဝေး၌ မွေးကင်းစကလေးငယ် နှင့် လသားကလေးငယ်များ စွန့် ပစ်ခြင်းအပါအဝင် ၎င်း၏ မဲဆန္ဒ နယ်တွင် သုံးကြိမ်တိုင်ဆန္ဒပြသည့် အကြောင်းရပ်များကို တင်ပြဆွေး နွေးမည်ဖြစ်ကြောင်း တောင်ဒဂုံ မြို့နယ် လွှတ်တော်ကိုယ်စား လှယ် ဦးညီညီက ပြောသည်။


မွေးကင်းစကလေး စွန့်ပစ် ခြင်းနှင့်ပတ်သက်၍ မည်သို့ အရေးပေါ် ကိုင်တွယ်ဆောင်ရွက် မည်လဲဆိုသည့်မေးခွန်းကို လွှတ် တော်တွင်မေးရန် စီစဉ်ထား ကြောင်း ဦးညီညီကပြောသည်။

မွေးကင်းစကလေး စွန့်ပစ်မှု များပြားလာခြင်းကြောင့် မျိုးဆက် ပွားကျန်းမာရေး အသိပညာပေး ရေးနှင့် ကျူးလွန်သူများကို အပြစ် ပေးနိုင်ရေး ဥပဒေများ ပြဋ္ဌာန်းရန် လိုအပ်ကြောင်း ဇန်နဝါရီ၆ရက်က ပြုလုပ်သည့် မွေးကင်းစကလေး ငယ် စွန့်ပစ်မှု တိုက်ဖျက်ရေးနှင့် အသိပညာပေး ဆွေးနွေးပွဲတွင် ဆွေးနွေးသူများကပြောသည်။

ကလေးစွန့်ပစ်မှုများသည် ယခင်ကလည်းရှိပြီး စာပေစိစစ် ရေးနှင့် သတင်းဖြတ်တောက်မှု များကြောင့် ဖော်ပြခွင့်မရှိခဲ့ဘဲ လူမှုကွန်ရက်များ ပေါ်ပေါက်လာ သည့်အခါ ဖုံးကွယ်၍မရနိုင်သဖြင့် လူသိများလာရကြောင်း ရန်ကုန် မြို့တော် စည်ပင်သာယာရေး ကော်မတီဝင် စာရေးဆရာမ  သန်းမြင့်အောင်က ယင်းဆွေးနွေး ပွဲတွင် ဆွေးနွေးသည်။

မြန်မာနိုင်ငံရှိ လူငယ်များ သည် လိင်ပိုင်းဆိုင်ရာကိစ္စရပ်များ နှင့်ပတ်သက်၍ ဗဟုသုတမရှိဘဲ ကျူးလွန်ပြီး ကိုယ်ဝန်ရှိသည့်အခါ ဖျက်ချခြင်း၊ စွန့်ပစ်ခြင်းများ ပြု လုပ်ကြောင်း ဆွေးနွေးပွဲတွင် ပါ ဝင်သူများက ဆိုသည်။

ယခုနောက်ပိုင်းတွင် လိင်မှု ကိစ္စ ကျူးလွန်မိပြီး ကိုယ်ဝန်ရ ချိန်၌ သက်ဆိုင်သူက တာဝန် မခံ သည့် အမျိုးသမီးများကို ကူညီ စောင့်ရှောက်သည့် ဂေဟာများ ပေါ်ပေါက်လာသည်။ ယင်းကဲ့သို့ ဂေဟာဖြစ်သည့် မြင့်မိုရ်မေတ္တာ (နားခိုရာ) ဂေဟာသည် ချစ်သူ အမျိုးသားက တာဝန်မယူသည့် အမျိုးသမီးငယ်များကို တိတ် တဆိတ် ကလေးမွေးဖွားနိုင်ရန် ကူညီပေးကာ ဂေဟာတည် ထောင်ပြီး ခြောက်လအကြာ ကလေး ၅၇ ဦး မွေးဖွားခဲ့ကြောင်း တည်ထောင်သူ ဒေါက်တာမြတ် သန့်က ပြောကြားသည်။

ထို့အပြင် တောင်ဒဂုံမြို့နယ် တွင် အများပြည်သူပိုင် စည်ပင် သာယာမြေကို ကျူးကျော်ထား သည်ဆိုသော ဂေါပကလူကြီး တစ်ဦးကို ဆန္ဒပြမှုသည် တစ်နှစ် တည်းတွင် သုံးကြိမ်ခန့်ရှိပြီး ယင်း ကိစ္စအပါအဝင် လူငယ်များ မူး ယစ် ဆေးဝါးသုံးစွဲမှုအကြောင်း ထည့်သွင်းဆွေးနွေးမည်ဟု ရန် ကုန်တိုင်းလွှတ်တော်လူမှုရေးနှင့် စီမံခန့်ခွဲရေး ကော်မတီအတွင်း ရေးမှူး ဦးညီညီက ပြောသည်။

ပြန်လည်ကျင်းပမည့် ဆဋ္ဌမ အကြိမ်မြောက် ရန်ကုန်တိုင်း ဒေသကြီး လွှတ်တော်အစည်း အဝေးကို ဇန်နဝါရီ ၃၀ ရက်တွင် စတင်မည်ဖြစ်ကြောင်း တောင် ဒဂုံမြို့နယ် လွှတ်တော်ကိုယ်စား လှယ် ဦးညီညီက ပြောသည်။

More in News Section