မန္တလေးလေဆိပ်သို့ ခရီးသွားဝင်ရောက်မှု တစ်နှစ်အတွင်း ၂၀ ရာခိုင်နှုန်းခန့်မြင့်တက်

 မန္တလေး အပြည်ပြည် ဆိုင်ရာလေဆိပ်သို့ ယမန်နှစ် အတွင်း ပြည်တွင်း၊ ပြည်ပခရီး သွားဧည့်သည် ၁ ဒသမ ၃ သန်း ကျော် ဝင်ရောက်ပြီး ၂၀၁၆ က ၂၀ ရာခိုင်နှုန်းခန့် ပိုမိုမြင့်တက်ခဲ့ ကြောင်း လေဆိပ်စီမံခန့်ခွဲရေး ကော်မတီ MC JALUX Aport Services ကုမ္ပဏီ အုပ်ချုပ်ရေးမှူး ဦးကျော်ဆန်းက ပြောသည်။

‘‘၂၀၁၇ အတွင်းမှာ မန္တလေး အပြည်ပြည်ဆိုင်ရာ လေဆိပ်ကို နိုင်ငံတကာ လေကြောင်းလိုင်း တွေ တိုးချဲ့ပြေးဆွဲလာသလို ခရီး သည်ကလည်း သိသိသာသာ တက်လာခဲ့တာ တွေ့ရပါတယ်’’ ဟု ၎င်းက ပြောသည်။

မန္တလေး အပြည်ပြည်ဆိုင် ရာ လေဆိပ်သို့ ပြည်တွင်း၊ပြည်ပ ခရီးသွားဧည့်သည် ဝင်ရောက်မှု နှုန်းသည် ၂၀၁၅ တွင် တစ်သန်း ကျော်၊ ၂၀၁၆ တွင် ၁ ဒသမ ၁ သန်းကျော်နှင့် ၂၀၁၇ တွင် ၁ ဒသမ ၃ သန်းကျော် ဝင်ရောက်ခဲ့ကြောင်း လေဆိပ်ဝန်ဆောင်မှု ကုမ္ပဏီမှတ်တမ်းများတွင် ဖော်ပြထားသည်။

၂၀၁၇ အတွင်း မန္တလေး အပြည်ပြည်ဆိုင်ရာ လေဆိပ်သို့ ဝင်ရောက်ခဲ့သည့် ခရီးသည်များ တွင် နိုင်ငံခြားသား လေးသိန်း ခြောက်သောင်းကျော်နှင့် ပြည် တွင်းခရီးသွား ကိုးသိန်းကျော် ရှိ သည်ဟုဆိုသည်။

မန္တလေး အပြည်ပြည်ဆိုင် ရာ လေဆိပ်သို့ လေကြောင်းလိုင်း များ ဆိုက်ရောက်ပျံသန်းမှုနှုန်း သည် ၂၀၁၆ ကထက် ၃ ရာခိုင် နှုန်းခန့် တိုးတက်လာသည်ဟု ဦးကျော်ဆန်းက ပြောသည်။

၂၀၁၇ အတွင်း လေယာဉ် ဆိုက်ရောက်ထွက်ခွာမှုအနေဖြင့် နိုင်ငံတကာလေကြောင်း လိုင်း များမှ လေယာဉ်အစီးရေ ၅,၅၀၀ နှင့် ပြည်တွင်းလေကြောင်းလိုင်း များမှ လေယာဉ်အစီးရေ ၂၀,၅၀၀ လာရောက်ခဲ့သည်။ မန္တလေး အပြည်ပြည်ဆိုင်ရာ လေဆိပ်နှင့် နိုင်ငံတကာ ခရီးစဉ်များကို နိုင်ငံတကာလေကြောင်းလိုင်း ခုနစ်ခုကပျံသန်းနေကြောင်း မန္တလေး လေဆိပ် စီမံခန့်ခွဲရေး ဝန်ဆောင်မှု ကုမ္ပဏီ MC JALUX Airport Services တာဝန်ရှိသူ များကပြောသည်။

Top News