တက္ကသိုလ်ဝင်စာမေးပွဲ ဖြေဆိုခွင့်ကတ်ပြားများ ဖေဖော်ဝါရီတွင် ထုတ်ပေးမည်

ယမန်နှစ်က တက္ကသိုလ်ဝင်စာမေးပွဲ ဖြေဆိုပြီး ထွက်လာသည့် ကျောင်းသား၊ကျောင်းသူများအား တွေ့ရစဉ် (ဓာတ်ပုံ-နစ်ကီ)

မတ်လ ၇ ရက်တွင် စတင်ကျင်းပ မည့် တက္ကသိုလ်ဝင်စာမေးပွဲဖြေ ဆိုခွင့် ကတ်ပြားများကို ဖေဖော် ၀ါရီအတွင်း ထုတ်ပေးမည်ဟု မြန်မာနိုင်ငံစာစစ်ဦးစီးဌာန ညွှန် ကြားရေးမှူး ဦးမိုးမြတ်ကျော်က ပြောကြားသည်။

အခြေခံပညာအထက်တန်း ကျောင်းများမှ ဖြေဆိုခွင့်လျှောက် ထားသော ကျောင်းသား၊ ကျောင်း သူများသည် သက်ဆိုင်ရာကျောင်း အုပ်ကြီးများထံတွင်လည်းကောင်း၊  အခြေခံပညာ အထက်တန်း ကျောင်း၊ ကျောင်းခွဲနှင့် တွဲဖက် ကျောင်းများ၊ ကိုယ်ပိုင်အထက် တန်းကျောင်းများမှ ကျောင်းသား၊ ကျောင်းသူများသည် စာရင်းသွင်း ထားသည့် ကျောင်းအုပ်ကြီးများ ထံမှလည်းကောင်း၊ ပြင်ပမှဖြေဆို မည့်သူများသည် မိမိတို့ဖြေဆိုရ မည့် စာစစ်ဌာနကြီးကြပ်ရေးမှူး များထံမှလည်းကောင်း ဖြေဆို ခွင့်ကတ်ပြားများ ထုတ်ယူရမည် ဖြစ်သည်။

‘‘အခုထိကတော့ စာရင်းက မငြိမ်သေးဘူး။ ရခိုင်လိုနေရာမျိုး ကျတော့ ဖြေချင်တဲ့သူစာရင်းက ၀င်တုန်းပဲ။ ဖေဖော်ဝါရီထဲမှာ တော့ ဖြေဆိုခွင့်ကတ်တွေပြန်ချ ပေးမှာပါ’’ဟု ဦးမိုးမြတ်ကျော်က ပြောသည်။

တက္ကသိုလ်ဝင်စာမေးပွဲ ၀င် ရောက် ဖြေဆိုမည့်သူများအား ဘာသာတွဲအလိုက် အစိမ်းရောင် ဖြေဆိုခွင့်ကတ်ပြား၊ ပန်းရောင် ဖြေဆိုခွင့်ကတ်ပြားများ ထုတ်ပေး မည်ဖြစ်ပြီး စာမေးပွဲဖြေဆိုမည့် ပထမဆုံးရက်တွင် ဖြေဆိုခွင့် ကတ်ပြားကို စာမေးပွဲခန်းအတွင်း တစ်ပါတည်းယူဆောင်လာရမည် ဖြစ်သည်။

တက္ကသိုလ်ဝင်စာမေးပွဲဖြေ ဆိုခွင့်လျှောက်ထားသည့် ဘာသာ တွဲမှအပ အခြားဘာသာတွဲကို ပြောင်းလဲဖြေဆိုခွင့် ပြုမည်မ ဟုတ်ကြောင်း မြန်မာနိုင်ငံစာစစ် ဦးစီးဌာနက ကြေညာထားသည်။

ရခိုင်ပြည်နယ်မှအပ ကျန် တိုင်းဒေသကြီးနှင့် ပြည်နယ်အား လုံး မှ ၂၀၁၈ တက္ကသိုလ်စာမေးပွဲ ဖြေဆိုမည့်သူများအား စက်တင် ဘာ ၂၉ ရက်နောက်ဆုံးထား၍ စာမေးပွဲဖြေဆိုခွင့် လျှောက်ထား ရန် မြန်မာနိုင်ငံစာ စစ်ဦးစီးဌာနက ခွင့်ပြုခဲ့သည်။

ဒီဇင်ဘာလကုန်အထိ စာ ရင်းအရ ယခုနှစ်တက္ကသိုလ်ဝင် စာမေးပွဲဖြေဆိုရန် လျှောက်ထား သူ ၈၄၀,၀၀၀ ကျော်ရှိပြီး ယခင် နှစ်ကထက် ရှစ်သောင်းခန့်တိုး လာသည်။

၂၀၁၈တက္ကသိုလ်စာမေးပွဲ ကို မတ်လ ၇ ရက်တွင် မြန်မာစာ၊ မတ်လ ၈ ရက်တွင် အင်္ဂလိပ်စာ၊ မတ်လ ၉ ရက်တွင် သင်္ချာ၊ မတ်လ ၁၂ ရက်တွင် ဓာတုဗေဒ နှင့် စိတ်ကြိုက်မြန်မာစာ၊ မတ်လ ၁၃ ရက်တွင် ရူပဗေဒ၊ မတ်လ ၁၄ ရက်တွင် ဇီဝဗေဒနှင့် ဘောဂ ဗေဒ၊ မတ်လ ၁၅ ရက်တွင် ပထ၀ီ ၀င်၊ မတ်လ ၁၆ ရက်တွင် သမိုင်း ဘာသာရပ်များကို ဖြေဆိုရမည် ဖြစ်သည်။

ယခုနှစ်တွင် တက္ကသိုလ်စာ မေးပွဲမေးခွန်းအချို့ကို အလွတ် ကျက်ဖြေဆိုရသည့် ပုံစံအစား စဉ်း စားတွေးခေါ်ဖြေဆိုရသည့် ပုံစံသို့ ပြောင်းလဲမည်ဟု ပညာရေးဝန် ကြီးဌာနက သြဂုတ်အတွင်းက ကြေညာထားသည်။