အနည်းဆုံးအခကြေးငွေပြင်ဆင်မှု ပြည်တွင်းအလုပ်အကိုင်ရှာဖွေရေး လုပ်ငန်းများအပေါ် မထိခိုက်နိုင်ဟုဆို

ယမန်နှစ်က ပြုလုပ်ခဲ့သော ပြည်တွင်းအလုပ်အကိုင်ပြပွဲတစ်ခုကို တွေ့ရစဉ် (ဓာတ်ပုံ-စိုင်းဇော်)

အနည်းဆုံးအခကြေးငွေနှုန်းထား ပြင်ဆင်မှုကြောင့် ပြည်တွင်းအ လုပ်အကိုင်ရှာဖွေမှုလုပ်ငန်းများ အပေါ် ထိခိုက်မှုမရှိနိုင်ကြောင်း အဆိုပါလုပ်ငန်းတာဝန်ရှိသူများ က ဆိုသည်။

အနည်းဆုံးအခကြေးငွေနှုန်း ထားအသစ်ကို အတည်ပြုခြင်းမရှိ သေးသော်လည်း လက်ရှိရွေးချယ် ထားသည့် အဆိုပြုနှုန်းသည် ကုမ္ပဏီလုပ်ငန်းအများစု လက်ခံသော နှုန်းထားဖြစ်၍ အခက်အခဲ မရှိဟု ၎င်းတို့က ပြောသည်။

‘‘အခြေခံအလုပ်သမားတစ် ယောက်ရဲ့ လုပ်အားခသတ်မှတ် ချက်က တစ်သိန်းသုံးသောင်းက နေ တစ်သိန်းငါးသောင်းကြားမှာ ရှိနေတယ်။ အဲဒီအတွက် ပြဿနာ သိပ်မရှိပါဘူး။ လုပ်ငန်းရှင်တွေက ပေးနိုင်တယ်။ နှုန်းထားအတည်ပြု ချက်ကို စောင့်နေတာ’’ဟု နွယ်ရိုး ပြည်တွင်းအလုပ်အကိုင်ရှာဖွေ ရေးအေဂျင်စီ မန်နေဂျင်းဒါရိုက် တာ ဦးကျော်စိုးထွဋ်က ဆိုသည်။

ပြည်တွင်းအလုပ်အကိုင်ရှာ ဖွေရေး အေဂျင်စီများကတစ်ဆင့် အလုပ်လျှောက်ထားသူအများစု သည် အတန်းပညာအထက်တန်း အဆင့်ပြီးဆုံးသူများဖြစ်၍ ရရှိ သည့် လစာသည်လည်း လက်ရှိရွေးချယ်ထားသော အနည်းဆုံး အခကြေးငွေ အဆိုပြုနှုန်းထက် သာလွန်သည်ဟု အောင်မြင်သူအထွေထွေဝန်ဆောင်မှုအေဂျင်စီ မှ တာဝန်ရှိသူတစ်ဦးက ပြော ကြားသည်။

‘‘အခု ကျပ် ၄,၈၀၀ ကတော့ ပြဿနာမရှိဘူးပေါ့။ ကျပ် ၅,၀၀၀ အထိလည်း ဖြစ်သေးတယ်။ ကျပ် ၆,၀၀၀ လောက်ဆိုရင်တော့ အ လုပ်ရှင်နဲ့ ပြန်ညှိရမှာတွေရှိတယ်’’ ဟု ၎င်းက ဆိုသည်။

အနည်းဆုံး အခကြေးငွေ သတ်မှတ်ရေးဆိုင်ရာ အမျိုးသား ကော်မတီသည် အနည်းဆုံးအခ ကြေးငွေ အဆိုပြုနှုန်းထားအသစ် ကို ကျပ် ၄,၈၀၀ သတ်မှတ်ရန် ဒီဇင်ဘာလကုန်က ဆုံးဖြတ်ခဲ့ သည်။

သို့သော် ကျပ် ၄,၈၀၀ ပေး ရန် အလုပ်ရှင်များ အခက်အခဲရှိ သည်ဆိုကာ လက်ခစားအထည် ချုပ်နှင့် အသေးစားစက်မှုလုပ်ငန်း ရှင်အချို့က ကန့်ကွက်ထားသည်။

အလုပ်သမားများက တစ် ရက်လုပ်ခအနည်းဆုံး ကျပ် ၅,၆၀၀နှင့် ကျပ် ၆,၆၀၀ ပေးရန် တောင်း ဆိုထားပြီး ပြည်ထောင်စုအစိုးရ က ရက်ပေါင်း ၆၀ အတွင်း နှုန်းထားအသစ်ကို အတည်ပြု ရွေး ချယ်မည်ဖြစ်သည်။

ပြည်တွင်းအလုပ်အကိုင်ရှာ ဖွေရေးအေဂျင်စီများသည် လုံခြုံ ရေးအဆင့်မှ မန်နေဂျာအဆင့်အထိ အလုပ်အကိုင်များ ရှာဖွေပေးနေပြီး အလုပ်အကိုင်အမျိုးအစား နှင့် ရာထူးအပေါ်မူတည်၍ လစာ ကျပ်တစ်သိန်းသုံးသောင်းမှကျပ် ၁၀ သိန်းအထက်အထိရရှိကြောင်း အေဂျင်စီများကဆိုသည်။

အလုပ်သမားညွှန်ကြားရေး ဦးစီးဌာနက ပြည်တွင်းအလုပ်အ ကိုင်ရှာဖွေပေးနိုင်ရန် အေဂျင်စီ ၁၀၀ ကျော်သို့ တရားဝင်လိုင်စင် ထုတ်ပေးထားသည်။