ရာသီတုပ်ကွေး(H1N1) ကာကွယ်ရေး ရေတို၊ ရေရှည်လုပ်ငန်းစဉ်များ ချမှတ်ဆောင်ရွက်မည်

ရာသီတုပ်ကွေး H1N1 ဖြစ်ပွားမှု မြင့်တက်စဉ်ကာလက နှာခေါင်းစည်းများဖြင့် ကာကွယ်သွားလာနေသူများ (ဓာတ်ပုံ − ဂျေမောင်မောင်(အမရပူရ))

ပြီးခဲ့သည့်နှစ်က အထိတ်တလန့်ဖြစ်ခဲ့ရသော H1N1 ရောဂါကာကွယ်ကုသရေး ယခုနှစ်တွင် ရေတို၊ရေရှည်လုပ်ငန်းစဉ်များ ချမှတ်၍ ဆောင်ရွက်မည်ဖြစ်ကြောင်း ပြည်သူ့ကျန်းမာရေးဦးစီးဌာန၊ သဘာဝဘေးနှင့် ကူးစက်ရောဂါတိုက်ဖျက်ရေးဌာန ဒုတိယညွှန်ကြားရေးမှူးချုပ် ဒေါက်တာသန်းထွန်းအောင်က ပြောသည်။

‘‘အခုလုပ်ရမှာတို့၊ နှစ်စဉ် လုပ်ရမှာတို့၊ နောက်တစ်ခါ ရေ ရှည်လုပ်ရမှာတို့ သူ့အပိုင်းလိုက် ပေါ့။ ဒီလိုကြိုတင်ပြင်ဆင်ထား တာက ဖြစ်လာတဲ့အခါကျတော့ အဆင်သင့်  ဖြစ်အောင်ပေါ့နော်။ မနှစ်ကလိုမျိုးဖြစ်လာမှ လုပ်နေ တော့ နည်းနည်းလေး စနစ်မကျ ဖြစ်သွားတာပေါ့။ အခုက စနစ်ကျ အောင်ပါ’’ဟု ၎င်းက ပြောသည်။

၂၀၁၇ ဇူလိုင်  ၁ ရက်မှစ၍ အောက်တိုဘာ ၉ ရက်အထိ ရာသီတုပ်ကွေး (Influenza A (H1N1) pdm 09) ရောဂါပိုးတွေ့လူနာ ၄၀၁ ဦးရှိပြီး ယင်းရောဂါ ကြောင့် သေဆုံးသူ ၃၈ ဦးရှိခဲ့သည်။ ဖြစ်ပွားမှုအခြေအနေအရ အသက်(၁၃)နှစ်မှ (၆၅) နှစ်ကြား အရွယ်များတွင် ပိုမို ဖြစ်ပွားခဲ့ ကြောင်း ၂၀၁၇ ဒီဇင်ဘာက ကျန်းမာရေးနှင့်အားကစားဝန်ကြီးဌာန က အစီရင်ခံစာထုတ်ပြန်ခဲ့သည်။

ထို့ကြောင့် ယင်းဖြစ်စဉ်ပေါ် မူတည်၍ ယခုနှစ်တွင် အရေးပေါ် တုံ့ပြန်ဆောင်ရွက်ရေးအဖွဲ့များ ဖွဲ့စည်းခြင်း၊ ဌာနဆိုင်ရာများနှင့် ချိတ်ဆက်ပူးပေါင်း၍ ဇာတ်တိုက် လေ့ကျင့်ခြင်း၊ ကျန်းမာရေးဝန်ထမ်းများကို  သင်တန်းများ ပို့ချပေးခြင်း၊ ဆေးရုံများတွင် လိုအပ်သော ဆေးနှင့် ဆေးပစ္စည်းများ အဆင်သင့်ထားရှိခြင်းတို့ ဆောင်ရွက်မည်ဖြစ်သည်။

ထို့ပြင် ဆေးရုံများ၌ သီး သန့်ကုသဆောင်များထားရှိခြင်း နှင့် ဆေးရုံတွင်း ရောဂါကူးစက်မှု ထိန်းချုပ်ရေးကောင်းမွန်စေရန် လမ်းညွှန်ချက်များအတိုင်း လိုက် နာဆောင်ရွက်ခြင်း၊ တိုင်းနှင့်ပြည် နယ်ဆေးရုံကြီးများ၏အထူးကြပ် မတ်ကုသဆောင်များ တိုးချဲ့ဖွဲ့ စည်းတည်ဆောက်ပေးခြင်းနှင့် ကူးစက်ရောဂါများအတွက် သီး သန့် သတ်မှတ်နေရာထားပေး ခြင်း၊ လိုအပ်သော လူ့စွမ်းအား အရင်းအမြစ်များ၊ ဆေးရုံသုံး ပစ္စည်းများ၊ အခြေခံအဆောက် အအုံများကို ဦးစားပေးအစီအ စဉ်အဖြစ် ရေတို၊ ရေရှည်လုပ်ငန်း များခွဲခြားကာ အားဖြည့်ဆောင် ရွက်ခြင်း၊ ကုသရေးနှင့် ကာကွယ် ရေးပစ္စည်းကိရိယာများ ပြည်ပမှ ကြိုတင်မှာယူခြင်း၊ ကျန်းမာရေး ဝန်ထမ်းများကို ကာကွယ်ဆေး ထိုးနှံခြင်းများ ဆောင်ရွက်မည် ဖြစ်သည်။

 အခြေခံကျန်းမာရေးဝန် ထမ်းများကို ရာသီတုပ်ကွေး ရောဂါသိကောင်းစရာ လက်စွဲစာ အုပ်များ ထုတ်ဝေနိုင်ရန် စီစဉ် ခြင်း၊ စီမံချက်ဖြင့် ပြည်သူလူထုသို့ ရာသီတုပ်ကွေးကျန်းမာရေးအသိ ပညာပေးခြင်း၊ နှီးနွှယ်ဌာနပေါင်း စုံနှင့် စနစ်တကျ ပူးပေါင်းချိတ် ဆက်ဆောင်ရွက်ခြင်း၊ လုံခြုံစိတ် ချရသော ဓာတ်ခွဲခန်းများတိုးမြှင့် တည်ဆောက်ရန်၊ ပဋိဇီဝဆေး ယဉ်ပါးမဖြစ်စေရေး အရေးကြီး လုပ်ငန်းစဉ်အဖြစ် သတ်မှတ်ခြင်း တို့ ဆောင်ရွက်မည်ဖြစ်သည်။

ရေရှည်လုပ်ငန်းများအဖြစ် ရောဂါကာကွယ်ရေးနှင့်ကုသရေး ပစ္စည်းများဝယ်ယူရန် ရန်ပုံငွေ ထားရှိခြင်းနှင့် ရာသီတုပ်ကွေး ကာကွယ်ရေး နိုင်ငံတကာနှင့် ပူး ပေါင်းဆောင်ရွက်မည်ဖြစ်သည်။