ပြည်ပခရီးသွားများကို အခွန်ကောက်ခံရေး စီမံချက် အမြန်ဆုံးရေးဆွဲမည်ဟုဆို

ရန်ကုန်မြို့တွင်း လည်ပတ်နေသော နိုင်ငံခြားခရီးသွားအချို့ (ဓာတ်ပုံ − ဂျေမောင်မောင်(အမရပူရ))

ပြည်ပမှ လာရောက်လည်ပတ်သည့် ခရီးသွားများကို အခွန်ကောက်ရန် အမျိုးသားခရီးသွားလုပ်ငန်းဖွံ့ဖြိုးတိုးတက်ရေး ဗဟိုကော်မတီက အလွတ်သဘောခွင့်ပြုသဖြင့် အခွန်ကောက်ခံရေးစီမံချက် အမြန်ဆုံးရေးဆွဲမည်ဟု ဟိုတယ်နှင့် ခရီးသွားလာရေးဝန်ကြီးဌာန ညွှန်ကြားရေးမှူး ဦးခင်မောင်စိုးက ပြောကြားသည်။

ပြည်ပခရီးသွားများကို အခွန်ကောက်ခံရန် သမ္မတ ဦးသိန်းစိန် လက်ထက်ကတည်းက စတင်စီ စဉ်ခဲ့သော်လည်း ဟိုတယ်လုပ်ငန်းရှင်များနှင့် ခရီးသွားကုမ္ပဏီများ၏ ကန့်ကွက်မှုကြောင့် အဆိုပါအစီအစဉ် ဆိုင်းငံ့ခဲ့ရသည်။

၂၀၁၇ ဧပြီအတွင်း (လက်ရှိအစိုးရလက်ထက်) ဟိုတယ်များ ရှိ ညအိပ်ပြည်ပခရီးသွားများကို တစ်ဒေါ်လာကောက်ခံရန် အမျိုး သားခရီးသွားလုပ်ငန်းဖွံ့ဖြိုးတိုး တက်ရေးဗဟိုကော်မတီအစည်း အဝေးတွင် ဆွေးနွေးခဲ့ပြီးနောက်ပိုင်းကန့်ကွက်မှုများ ထပ်မံပေါ် ပေါက်ခဲ့သည်။

ခရီးသွားကဏ္ဍ  ဖွံ့ဖြိုးတိုး တက်ရေးအသုံးပြုရန် ရန်ပုံငွေလိုအပ်ချက်ရှိကြောင်း၊ လက်ရှိ ဖွံ့ဖြိုးရေး အသုံးစရိတ်ကိုလုပ်ငန်းရှင်များအကူအညီဖြင့် စိုက်ထုတ်အသုံးပြုရကြောင်း ဦးခင်မောင်စိုးက ပြောသည်။ ‘‘ခရီးသွားကဏ္ဍအတွက် ပြပွဲတွေသွားတာတွေရှိတယ်။ တခြားနိုင်ငံတွေမှာဆိုရင် တစ်နှစ် ကို သန်းဘယ်လောက်ဆိုပြီး သီး သန့်သုံးကြတယ်။ ဒီမှာက အစိုးရ အနေနဲ့ ထောက်ပံ့ပြီးသုံးနိုင်တာ မရှိဘူး’’ဟု ၎င်းက ပြောသည်။

ခရီးသွား လုပ်ငန်းများနှင့် ချိတ်ဆက်၍ ၀င်ရောက်လာသည့် ပြည်ပခရီးသွားများသည် အခွန် ပေးဆောင်ပြီး ဖြစ်သဖြင့် သီးခြားအခွန်ထပ်မံကောက်ခံမည့် အစီအစဉ်ကိုပြန်လည်စဉ်းစားသင့်ကြောင်း ဒဏ္ဍာရီခရီးသွားကုမ္ပဏီ မန်နေဂျင်းဒါရိုက်တာ ဦးလှဆွေက ပြောသည်။ ‘‘ဒါက မဖြစ်သင့်တဲ့ကိစ္စပဲ။ ဘယ်နိုင်ငံသွားသွား မကောက် ဘူး။ ကျွန်တော်တို့ဆီမှာ အခွန်ပါ ပြီးသားအပြင်ကို ဟိုတယ်တွေကို ပါ အစိုးရက ထပ်ကောက်သေး တယ်။ အဲဒီအပေါ်မှာ ဖွံ့ဖြိုးတိုး တက်ရေးဆိုပြီး ထပ်ကောက်မယ် ဆိုရင် ဘယ်ကောင်းမှာလဲ’’ဟု ၎င်းက ပြောသည်။

ပြည်ပခရီးသွားများကို အခွန်ကောက်မည့် နည်းလမ်းနှင့် ကောက်ခံမည့်ပမာဏကို အတည်ပြုရန် အမျိုးသားခရီးသွားလုပ်ငန်း ဖွံ့ဖြိုးတိုးတက်ရေးဗဟိုကော်မတီ ထံ အမြန်ဆုံးတင်ပြမည်ဟု ဦးခင်မောင်စိုးက ပြောသည်။

ခရီးသွားကဏ္ဍမှ ရရှိသည့် ၀င်ငွေကို ဘဏ္ဍာရေးနှင့် အခွန်ဝန် ကြီးဌာနသို့ ပြန်လည်ပေးသွင်းရ သဖြင့် ခရီးသွားကဏ္ဍဖွံ့ဖြိုးတိုးရန် ဈေးကွက်ရှာဖွေသည့်အခါ အသုံးစရိတ် လိုအပ်ခြင်းကြောင့် ပြည်ပ ခရီးသွားများကို အခွန်ကောက်ခံရန် စီစဉ်ခြင်း ဖြစ် ကြောင်း ၎င်းက ပြောသည်။