ရခိုင်အပါအ၀င် ပြည်နယ်သုံးခု မိုင်းအန္တရာယ်သစ် ရင်ဆိုင်နေရဟု မြေမြှုပ်မိုင်းစောင့်ကြည့်အဖွဲ့ ထုတ်ပြန်

ရခိုင်၊ ရှမ်းနှင့် ကချင် ပြည်နယ်တို့တွင် အသစ်ထပ်မံ ပေါ်ပေါက်လာသည့် မြေမြှုပ်မိုင်း များကြောင့် ဒေသခံများသွားလာ ရေး စိုးရိမ်ဖွယ်အခြေအနေရှိနေ ကြောင်း မြန်မာနိုင်ငံဆိုင်ရာ မြေ မြှုပ်မိုင်းနှင့် ထပ်ဆင့်ပေါက်ကွဲစေ သော လက်နက်ပစ္စည်းများ စောင့်ကြည့်လေ့လာရေးအဖွဲ့ (ICBL) သုတေသီ ဒေါက်တာ ယူရှာမိုဆာ ပန်ဆုဝန်က ပြောကြားသည်။


ရန်ကုန်မြို့တွင် ဇန်န၀ါရီ ၁၀ ရက်က ပြုလုပ်သော အဆိုပါ အဖွဲ့၏ မြေမြှုပ်မိုင်းစောင့်ကြည့် လေ့လာရေးဆိုင်ရာအစီရင်ခံစာ ထုတ်ပြန်ပွဲ၌ ၎င်းက ယင်းသို့ပြော ကြားခြင်းဖြစ်သည်။

ပြီးခဲ့သည့် နှစ်ပိုင်းအတွင်း မိုင်းဖြန့်ကြက်တည်ရှိမှုသည် ရှမ်း ပြည်နယ်မြောက်ဘက်နှင့် ကချင် ပြည်နယ်တွင် မြင့်တက်ခဲ့ကြောင်း အစီရင်ခံစာ၌ ဖော်ပြသည်။ ၂၀၁၇ တွင် ရခိုင်ပြည်မြောက် ဘက်နှင့် ဘင်္ဂလားဒေ့ရ်ှနိုင်ငံအ ကြား နယ်စပ်၌ မိုင်းဖြန့်ကြက်မှု အသစ်ရှိနေသော အစီရင်ခံစာ များရှိခဲ့ကြောင်းနှင့် အလွတ်သ ဘော စစ်တမ်းကောက်ယူမှု လုပ် ငန်းများ ခွင့်ပြုသဖြင့် စစ်တမ်း ကောက်ယူခဲ့သော်လည်း စစ်တမ်းအတွက် မိုင်းတည်နေရာသတ် မှတ်နိုင်မှုမရှိခဲ့ကြောင်း အစီရင်ခံ စာတွင် ဖော်ပြသည်။

‘‘မိုင်းဘယ်လောက်ရှိတယ် ဆိုတာ အတိအကျပြောဖို့ကတော့ ခက်တယ်။ သို့သော် မိုင်းကြောင့် အများဆုံးလယ်ယာအသက်မွေး ၀မ်းကျောင်းလုပ်သူတွေထိခိုက် နေတဲ့ အချက်ကိုဖော်ပြချင်ပါ တယ်။ အမြန်ဆုံးမိုင်းရှင်းလင်း ရေးလုပ်ငန်းကို ဆောင်ရွက်ဖို့လို တယ်။ ဒါမှသာလျှင် ငြိမ်းချမ်းစွာ သွားလာလှုပ်ရှားစားသောက်နိုင် တဲ့ တကယ့်ငြိမ်းချမ်းရေးရမယ်လို့ အဆိုပြုချင်ပါတယ်။ အမြန်ဆုံး ပြန်လည်ရှာဖွေဖော်ထုတ်ဖို့ လိုပါ တယ်’’ဟု ဒေါက်တာ ယူရှာမိုဆာ ပန်ဆုဝန်က သတင်းစာရှင်းလင်း ပွဲတွင် ပြောသည်။

မိုင်းပျံ့နှံ့မှုသည် ဒုက္ခသည် များ နေရပ်ပြန်လာရေး၊ အသက် မွေးဝမ်းကျောင်းလုပ်ငန်းများ၊ စီးပွားရေးဖွံ့ဖြိုးတိုးတက်မှုများ၊ မြေ ယာပိုင်ဆိုင်မှု၊ ကျန်းမာရေးနှင့် ပညာရေးတို့အတွက် ကြီးမား သည့် အဟန့်အတားဖြစ်နေ ကြောင်း ၎င်းက ပြောသည်။

ထို့အတူ တိုင်းနှင့် ပြည်နယ် ၁၀ ခုရှိ မြို့နယ် ၇၁ ခုခန့်တွင် မြေ မြှုပ်မိုင်းအန္တရာယ် ရှိနေဆဲဖြစ်သဖြင့် မိုင်းရှင်းလင်းရေးအစီအစဉ်များ အမြန်ဆုံးအကောင်အ ထည်ဖော်ရန် လိုအပ်ကြောင်း အစီရင်ခံစာ၌ ထည့်သွင်းဖော် ပြသည်။ ကရင်၊ကယား၊ ကချင်ပြည်နယ်တို့တွင် မြို့နယ် ၁၃ ခု၊မွန်ပြည်နယ်တွင် မြို့နယ်ခြောက်ခု၊ပဲခူးတိုင်းဒေသကြီးတွင် မြို့နယ်လေးခု၊ ရခိုင်ပြည်နယ်တွင် မောင်တောမြို့နယ်၊ ရှမ်းပြည်နယ်တွင် မြို့ နယ် ၂၃ ခု၊ တနင်္သာရီတိုင်းတွင် မြို့နယ်ခြောက်ခု၊ ချင်းပြည်နယ် ပလက်ဝမြို့နယ်နှင့် စစ်ကိုင်းတိုင်း ဒေသကြီး အင်းတော်မြို့နယ်တို့ ကို မြေမြှုပ်မိုင်းပျံ့နှံ့မှုရှိသည့် ဒေသများအဖြစ် သတ်မှတ်နိုင် ကြောင်း အစီရင်ခံစာ၌ ဖော်ပြ သည်။ ကရင်ပြည်နယ်နှင့် ပဲခူးတိုင်းသည် မိုင်းပျံ့နှံ့မှု အများဆုံး ဖြစ်ကာ မိုင်းထိမှုအများဆုံးဖြစ် ကြောင်း အစီရင်ခံစာတွင် ပါဝင် သည်။

လက်ရှိ NCA တွင် ပါဝင် လက်မှတ်ရေးထိုးထားသည့် လက်နက်ကိုင်အဖွဲ့များ အခြေစိုက်ရာ ဒေသများသည် မြေမြှုပ်မိုင်း အန္တ ရာယ်ရှိသည့် ဒေသများစာရင်း၌ ပါဝင်ဆဲဖြစ်သည်။ JMC က ကရင် ပြည်နယ်တွင် မြေမြှုပ်မိုင်းစတင် ရှင်းလင်းနိုင်ရေး ဆုံးဖြတ်ထား သော်လည်း သက်ဆိုင်သည့် တပ် မတော်နှင့် ကရင်လက်နက်ကိုင် အဖွဲ့ (KNU) ကြား ညှိနှိုင်းမှုသည် အပြည့်အ၀ အကောင်အထည် ဖော်နိုင်ခြင်း မရှိသေးပေ။

နိုင်ငံတွင် ၁၉၉၉ က စ၍ ၁၇နှစ်အတွင်း မြေမြှုပ်မိုင်းကြောင့် သေဆုံးသူ ၄၈၀ ကျော်ရှိကာ ၃,၃၀၀ ကျော်ထိခိုက်ဒဏ်ရာရခဲ့ ကြောင်း ယင်းအဖွဲ့၏ အချက်အ လက်များ၌ ဖော်ပြသည်။

More in Politics Section

Top News