လူကြီးကောင်းများ မွေးထုတ်ရေးစီမံကိန်းစပြီ

နေပြည်တော်၌ ပြုလုပ်သော လူငယ်ရေးရာမူဝါဒမိတ်ဆက်ဖြန့်ချိုခြင်းအခမ်းအနားတွင် မိန့်ခွန်းပြောကြားနေသော နိုင်ငံတော်၏ အတိုင်ပင်ခံပုဂ္ဂိုလ် (ဓာတ်ပုံ − EPA)

မြန်မာနိုင်ငံတွင် ပထမဆုံး အကြိမ် ရေးဆွဲသော လူငယ်ရေးရာမူဝါဒ ကို  နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က နေပြည်တော်တွင် ပြီးခဲ့သည့်တစ် ပတ်က မိတ်ဆက်ခဲ့သည်။

‘‘ကျွန်မတို့ဟာ လူငယ်တွေ ရဲ့ တိုးတက်ဖွံ့ဖြိုးရေးအတွက် အထူးအလေးထားပြီး လုပ်ရတယ် ဆိုတာဟာ တစ်နည်းအားဖြင့် ပြောရမယ်ဆိုရင် ကျွန်မတို့နိုင်ငံရဲ့အ နာဂတ်တည်ဆောက်ခြင်းပဲ ဖြစ်ပါ တယ်။ လူငယ်တွေဆိုတာ ကျွန်မ တို့နိုင်ငံရဲ့ အနာဂတ်ပါ’’ဟု ဒေါ် အောင်ဆန်းစုကြည်က မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာန-၂ ( MICC II )တွင် ပြုလုပ်သော မြန်မာနိုင်ငံလူငယ်ရေး ရာမူဝါဒ မိတ်ဆက်ဖြန့်ချိခြင်းအ ခမ်းအနား၌ ပြောကြားသည်။

မြန်မာနိုင်ငံသည် လူငယ်မူ ဝါဒမရှိသေးသည့် ကမ္ဘာ့နိုင်ငံ ၃၀ ကျော်တွင် ပါဝင်နေသည်။ ထို့ ကြောင့် ၂၀၁၂ က စတင်ပြီး လူငယ်အဖွဲ့များ၊ လူငယ်ကွန်ရက်များ၊ အရပ်ဘက်အဖွဲ့အစည်းများ၊ နိုင်ငံတကာအဖွဲ့အစည်းများက မြန်မာနိုင်ငံ၏ လူငယ်မူဝါဒ ပေါ်ပေါက် လာရေး တိုက်တွန်းခဲ့သည်။ ထို့ နောက် ၂၀၁၆ မေလက စ၍ တိုင်း ဒေသကြီး၊ ပြည်နယ်ကိုယ်စားပြု လူငယ်အဆင့်ဆင့် ရွေးချယ်ပြီး လူငယ်များ၏အကြံပြုချက်၊ ဆွေး နွေးချက်များရယူကာ လူငယ်ရေးရာမူဝါဒ မူကြမ်းရေးဆွဲခဲ့သည်။ ၂၀၁၇ နိုဝင်ဘာ ၁၁ ရက် တွင် မြန်မာနိုင်ငံလူငယ်ရေးရာ မူဝါဒကို  အတည်ပြုပြဋ္ဌာန်းခဲ့ပြီး မူဝါဒကို  ပြည်သူများသိရှိစေရန် ၂၀၁၈ ဇန်နဝါရီ ၅ ရက်၌ စတင်မိတ်ဆက်ခဲ့သည်။

‘‘ဒါ ပေါ်ပေါက်လာရင် အနာ ဂတ်နိုင်ငံအတွက် တော်တော်များ များ စိတ်အေးရမယ့်သဘောရှိ တယ်။ လိုက်ပါဆောင်ရွက်နိုင်ရင် ပခုံးပြောင်းတာဝန်ယူရမယ့် လူ ငယ်တွေက အကောင်းစားလူကြီး တွေ ဖြစ်လာမယ်’’ဟု မြန်မာနိုင်ငံ လူငယ်ရေးရာမူဝါဒ၏အရေးပါမှု အပေါ် လူမှုဝန်ထမ်း၊ ကယ်ဆယ် ရေးနှင့် ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ပြော ကြားသည်။

လူငယ်နှင့် လူကြီးများအ ကြား မျိုးဆက်ကွာဟမှုကြီးမားနေ သည်ဟု တစ်ကမ္ဘာလုံးက ပြောဆို နေကြသော်လည်း ကွာဟချက် များကို ညှိယူပြီး လူငယ်များက လူ ကြီးများထံမှ သင်ယူစရာရှိသည် များသင်ယူကာ ပိုမိုနက်နဲအောင် ဆောင်ရွက်ရမည်ဟု လူငယ်ရေး ရာမူဝါဒ မိတ်ဆက်ပွဲတွင် ဒေါ် အောင်ဆန်းစုကြည်က တိုက်တွန်း ပြောကြားသည်။

‘‘လူငယ်ရေးရာမူဝါဒမူကြမ်း ကို လုပ်ငန်းစဉ်အဆင့်ဆင့် ကြိုး ပမ်းဆောင်ရွက်အတည်ပြုနိုင်ခဲ့ ပြီ။ ကျွန်မတို့လူငယ်တွေအတွက် အရေးအကြီးဆုံးကတော့ ပညာ ရေးနဲ့ ကျန်းမာရေးဆိုတာ ထူးထူး ထွေထွေ ပြောစရာမလိုပါဘူး။ နောက် အရေးကြီးတဲ့ကိစ္စတစ်ခုက တော့ ကျွန်မတို့လူငယ်တွေနဲ့ လူ ကြီးတွေကြား ဆက်ဆံမှုဟာ ချော မွေ့ဖို့၊ နောက်ပြီး အပြုသဘော ဆောင်ဖို့ အင်မတန်မှ အရေးကြီး ပါတယ်’’ဟု ဒေါ်အောင်ဆန်းစု ကြည်က ပြောသည်။

လူငယ်သတ်မှတ်ချက်

လူငယ်ရေးရာမူဝါဒအရ အ သက်(၁၅)နှစ်မှ (၃၅)နှစ်အတွင်း မြန်မာနိုင်ငံသားအားလုံးကို လူ ငယ်ဟု သတ်မှတ်ထားသည်။ ၂၀၁၄ လူဦးရေနှင့် အိမ်အကြောင်း အရာသန်းခေါင်စာရင်းအရ မြန်မာနိုင်ငံတွင် လူဦးရေ ၅၁ ဒသမ ၄ သန်းရှိပြီး ယင်းတို့အနက် လူငယ်၏အဓိပ္ပာယ်ဖွင့်ဆိုချက်အတွက် အကျုံးဝင်နိုင်သော အသက်အ ပိုင်းအခြားအလိုက် လူဦးရေအချိုး အစားသည် အသက်(၁၅)နှစ်မှ (၁၉)နှစ်အထိ ၉ ဒသမ ၂၀ ရာခိုင် နှုန်း၊ အသက်(၂၀)မှ (၂၄)နှစ်အ ထိ ၈ ဒသမ ၆၁ ရာခိုင်နှုန်း၊ အ သက်(၂၅)နှစ်မှ (၂၉)နှစ်အထိ ၈ ဒသမ ၂၅ ရာခိုင်နှုန်း၊ အသက် (၃၀) မှ (၃၄)နှစ်အထိ ၇ ဒသမ ၇၅ ရာခိုင်နှုန်းရှိနေသည်။

လက်ရှိတွင် မြန်မာနိုင်ငံလူ ဦးရေ၏သုံးပုံတစ်ပုံသည် လူငယ် စာရင်း၌ ပါဝင်နေသော်လည်း ခေတ်ကာလအနေအထားအရ မြန်မာမိသားစုများတွင် သားသမီး ယူသည့်ဦးရေ တဖြည်းဖြည်းနည်း လာရာ လူငယ်အင်အားနည်းလာ နိုင်ကြောင်း အတိုင်ပင်ခံပုဂ္ဂိုလ်က လူငယ်ရေးရာ မူဝါဒမိတ်ဆက်ပွဲ တွင် ပြောကြားသည်။

‘‘သားသမီးယူတဲ့နှုန်းဟာ ကျ ဆင်းလာတယ်။ ကျဆင်းလာတာ နဲ့အမျှ နောင်ဆိုရင် နိုင်ငံမှာ လူ ငယ်တွေရဲ့ရာခိုင်နှုန်းဟာ ကျလာ မှာပဲဖြစ်ပါတယ်။ ဒီတော့ ရှိတဲ့လူ များဟာ ကိုယ့်ရဲ့အရည်အချင်း တွေကို အစွမ်းကုန်မြှင့်တင်ဖို့ဟာ ကျွန်မတို့နိုင်ငံအတွက် အများကြီး ပဲ အရေးကြီးပါတယ်။ အဲဒါကြောင့်မို့ လူငယ်ရေးရာမူဝါဒကို ဆက်စပ် ဝန်ကြီးဌာနများ၊ လူငယ်များအား လုံး တက်ညီလက်ညီ ဝိုင်းဝန်းအ ကောင်အထည်ဖော်ဆောင်ရွက် ပေးကြပါလို့ တိုက်တွန်းပါတယ်’’ ဟု ဒေါ်အောင်ဆန်းစုကြည်က ဆို သည်။

လူငယ်ရေးရာမူဝါဒဆိုသည်မှာ

နိုင်ငံတစ်နိုင်ငံရှိ လူငယ်များ ၏လူမှုရေး၊ စီးပွားရေး၊ နိုင်ငံရေး၊ ပညာရေး၊ ယဉ်ကျေးမှု၊ ဖွံ့ဖြိုးမှု အနာဂတ်အလားအလာကောင်း များအား ဖြည့်ဆည်းနိုင်မည့် မဟာ ဗျူဟာလမ်းညွှန်ချက်များကို နိုင်ငံ တော်နှင့် သက်ဆိုင်သူများအားလုံး က သိန္နိဋ္ဌာန်ချဆောင်ရွက်နိုင်ရန် လိုအပ်သော အရင်းအမြစ်များ၊ ပံ့ပိုးမှုများ၊ ဝန်ဆောင်မှုများကို စနစ်တကျ ဖော်ညွှန်းထားသော မူဘောင်ဖြစ်သည်။

လူငယ်ရေးရာမူဝါဒတွင် အဓိကကဏ္ဍ ၁၆ ခုကို ကဏ္ဍအ လိုက် အဓိကအကောင်အထည် ဖော်ရမည့် အချက်ခွဲ ၁၂၇ ချက် ဖြင့် ထည့်သွင်းရေးဆွဲထားသည်။

ပညာရေး၊ ကျန်းမာရေး၊ မူး ယစ်ဆေးဝါးနှင့် အခြားဘေးဖြစ် စေတတ်သည့် အန္တရာယ်များ၊ အားကစားနှင့် အပန်းဖြေခြင်း၊ အလုပ်အကိုင်အခွင့်အလမ်း၊ စီး ပွားရေး၊ နိုင်ငံရေး၊ စာပေ၊ အနု ပညာနှင့် ယဉ်ကျေးမှု၊ သုတေသန၊ သိပ္ပံနှင့် နည်းပညာ၊ ပြည်သူ့နီတိ နှင့် နိုင်ငံသားကောင်းဖြစ်မှု၊ သယံ ဇာတသုံးစွဲမှုနှင့် သဘာဝပတ်ဝန်း ကျင်ထိန်းသိမ်းရေး၊ ငြိမ်းချမ်းရေး/ ဘဝလုံခြုံရေး၊ ကျား/မ ညီမျှမှု၊ လူ့အခွင့်အရေး၊ နိုင်ငံတကာ ဆက်ဆံရေး စသည်တို့သည် အဓိက ကဏ္ဍများအဖြစ် ပါဝင်သည်။

‘‘ကျွန်မတို့လူငယ်တွေ ပိုပြီး တော့ တိုးတက်ဖို့ဆိုရင် ပညာရေး၊ ကျန်းမာရေးနဲ့ အားကစားကဏ္ဍ မှာ ကျွန်မတို့အားပေးချင်ပါတယ်’’ ဟု ဒေါ်အောင်ဆန်းစုကြည်က ဆို သည်။

လူငယ်များဖွံ့ဖြိုးရေးအာမခံချက်ပေးမည့် လူငယ်ရေးရာမူဝါဒ ၌ ပညာရေးကဏ္ဍတွင် အခြေခံ ပညာရေးကို လူငယ်တိုင်း လက် လှမ်းမီ အခမဲ့သင်ယူနိုင်ရန်၊ လက်တွေ့လုပ်ငန်းခွင်နှင့် အံဝင်ခွင်ကျ ဖြစ်သည့် နည်းပညာနှင့် သက်မွေးပညာရေးကို လက်လှမ်းမီသင်ယူ နိုင်ရန်၊ ခွဲခြားဆက်ဆံမှုကင်းပြီး လုံခြုံမှုရှိသော ပညာသင်ယူမှုဝန်း ကျင်ကောင်းများ ဖန်တီးပေးရန်၊ မျိုးဆက်ပွားကျန်းမာရေးအပါအဝင် ပြည်သူ့နီတိ၊ ဘဝတွက်တာ ကျွမ်းကျင်စရာ ဘာသာရပ်များ ထိရောက်စွာသင်ကြားပေးရန်  အချက်များပါဝင်သည်။

ကျန်းမာရေးကဏ္ဍတွင် လူ ငယ်များက ယုံကြည်ကိုးစားသော ကျန်းမာရေးစောင့်ရှောက်မှုစနစ် တစ်ခုကို အဖိုးနှုန်းသက်သာစွာ (သို့မဟုတ်) အခမဲ့ရရှိစေရန်၊ အ ခြေခံ မျိုးဆက်ပွားကျန်းမာရေး ဗဟုသုတများနှင့် ဝန်ဆောင်မှုများ ကို အခြေခံ၍ လူငယ်များအနေ ဖြင့် တာဝန်သိသော မိဘများအ ဖြစ် ခံယူနိုင်စေရန်၊ အကြမ်းဖက် မှု၊ လူကုန်ကူးမှု၊ လိင်ပိုင်းဆိုင်ရာ၊ ရုပ်ပိုင်းဆိုင်ရာ ခေါင်းပုံဖြတ် အ မြတ်ထုတ်ခြင်းခံရသော လူငယ် များအတွက် ကျန်းမာရေးနှင့် လူမှု ရေးဝန်ဆောင်မှုများ ရရှိရန် ဆောင်ရွက်ပေးရမည်ဟု လူငယ်ရေးရာ မူဝါဒတွင် ဖော်ပြထားသည်။

မူးယစ်ဆေးနှင့် အခြားဘေး ဖြစ်စေတတ်သည့် အန္တရာယ်များ ကို လူငယ်များကိုယ်တိုင်ကိုယ်ကျ သိရှိပြီး ရှောင်ရှားနိုင်စေရန်၊ တရားမဝင် မူးယစ်ဆေးဝါးစိုက်ပျိုးထုတ် လုပ်ခြင်း၊ ရောင်းချခြင်းများ တားဆီးရာတွင် ဥပဒေစိုးမိုးရန်၊ ပြန်လည်ထူထောင်ရေးဌာနများ တိုးချဲ့ဖွင့်လှစ်ရန်၊ ထိရောက်စွာကာကွယ်ပေးရန် လူငယ်ရေးရာမူဝါဒအရ အစိုးရက ဆောင်ရွက်ပေးရမည်ဖြစ်သည်။ အစိုးရက မူဝါဒအရ ဆောင်ရွက်ပေးရမည့်အခန်းကဏ္ဍများရှိသကဲ့သို့ လူငယ်များကိုယ်တိုင် မူးယစ်ဆေးဝါးကို ကိုယ်တိုင်ရှောင်ရှားရမည်ဟု  ဒေါ်အောင်ဆန်းစုကြည်က လူငယ် ရေးရာမူဝါဒမိတ်ဆက်ပွဲ၌  ပြော ကြားသည်။

‘‘ကျွန်မတို့နိုင်ငံက လူငယ် တွေတော်တော်များများဟာ မူး ယစ်ဆေးဝါးအန္တရာယ်နဲ့ နိစ္စဓူဝ ရင်ဆိုင်နေရတယ်။ ဒီအန္တရာယ်ကို ကျော်လွှားနိုင်တဲ့ သူရှိသလို မ ကျော်လွှားနိုင်ဘဲ ဘဝနစ်မြုပ်သွား တဲ့ လူငယ်တွေလည်း ရှိပါတယ်။ ကိုယ့်ရဲ့မိတ်ဆွေတွေ ဒီလိုပြဿ နာတွေနဲ့ ရင်ဆိုင်နေရပြီဆိုရင် ဝိုင်းပြီး ကူညီကြပါ။ အထင်မသေး ပါနဲ့။ တစ်ယောက်နဲ့တစ်ယောက် ကူညီပါ။ ကိုယ့်ကိုယ်ကိုယ်လည်း စောင့်ရှောက်ပါ။ သူများတွေ မြှောက်ပေးတိုင်းလည်း မလုပ်ပါ နဲ့’’ဟု ဒေါ်အောင်ဆန်းစုကြည်က ဆိုသည်။

အားကစားကဏ္ဍ ရန်ပုံငွေ ပိုမိုတိုးမြှင့်ပြီး လူငယ်အားကစား သမားကောင်းများ ပေါ်ထွက်လာ စေရေး မြို့နယ်တိုင်းတွင် အား ကစားကွင်း၊ အားကစားရုံများ ပြု ပြင်မွမ်းမံခြင်း၊ တည်ဆောက်ခြင်း များ ပြုလုပ်ပေးခြင်း၊ အလုပ်အ ကိုင်အခွင့်အလမ်းကဏ္ဍအတွက် လူငယ်များ၏ အသက်အရွယ်အ ရည်အချင်းနှင့် ကိုက်ညီသော အ လုပ်အကိုင်ရရှိရေး အခွင့်အလမ်း များ ဖန်တီးပေးရမည်ဟု လူငယ် ရေးရာမူဝါဒတွင် ထည့်သွင်းရေး ဆွဲထားသည်။

စီးပွားရေးကဏ္ဍအတွက် စွန့် ဦးတီထွင်နိုင်ပြီး အလားအလာရှိ သည့် လူငယ်များကို စနစ်တကျ ပြုစုပျိုးထောင်ရန်နှင့် အတိုးမဲ့၊ အတိုးနှုန်းသက်သာသော နှစ်ရှည် ချေးငွေများ ထုတ်ချေးရန်၊ ဈေး ကွက်လိုအပ်ချက်နှင့် ကျွမ်းကျင် လုပ်သားရရှိမှု ဟန်ချက်ညီစေရေး ဖော်ဆောင်ပေးရန် လူငယ်ရေးရာ မူဝါဒတွင် ဖော်ပြထားသည်။

နိုင်ငံရေးကဏ္ဍအတွက် ပြည် ထောင်စုအဆင့် ပါဝင်ဆောင်ရွက် နိုင်သော လွတ်လပ်သော လူငယ် အဖွဲ့အစည်းတစ်ခု ဖြစ်ပေါ်လာ စေရေး စီမံပေးရန်နှင့် လူမှုအဖွဲ့ အစည်းများ၊ နိုင်ငံရေးရာနှင့် နိုင်ငံ ၏ ဖွံ့ဖြိုးတိုးတက်မှုလုပ်ငန်းစဉ် များတွင် အဓိပ္ပာယ်ရှိစွာ ပါဝင် ဆောင်ရွက်ခွင့်ရရန် လူငယ်ရေး ရာမူဝါဒအရ အာမခံချက်ပေးထား သည်။

ပြည်သူ့နီတိနှင့် နိုင်ငံသား ကောင်းဖြစ်မှုအတွက် လူ့အခွင့်အရေး၏ တန်ဖိုးများ၊ ဒီမိုကရေစီစံနှုန်းများနှင့် ဖက်ဒရယ်သဘော တရားများကို လူငယ်များ နား လည်ကျင့်သုံးစေရေး၊ ဝန်ထမ်းလူ ငယ်များကို ထိုက်သင့်သော လစာ၊စွမ်းရည်မြှင့်တင်မှု အစီအစဉ်များ နှင့် အကျိုးခံစားခွင့်ရရှိစေပြီး အလုပ်ကို ဂုဏ်ယူမြတ်နိုးစိတ်နှင့် တာဝန်ယူမှု၊ တာဝန်ခံမှုစိတ်ဓာတ် များ ပျိုးထောင်မြှင့်တင်ပေးခြင်း အားဖြင့် အဂတိလိုက်စားမှုကို ဆန့်ကျင်တိုက်ဖျက်ရန် လူငယ် ရေးရာမူဝါဒတွင် ထည့်သွင်းရေး ဆွဲထားသည်။

ထို့အပြင် ငြိမ်းချမ်းရေးဖြစ် စဉ်နှင့် နိုင်ငံတော်တည်ဆောက် ရေးတို့တွင် လူငယ်များ ပါဝင်ဆွေး နွေးဆောင်ရွက်ခွင့်ပြုရန်၊ နိုင်ငံ တကာဆက်ဆံရေးကဏ္ဍ၌ နိုင်ငံတကာ လူမှုအသိုက်အဝန်းတွင် မြန်မာလူငယ်များ၏ ဂုဏ်သိက္ခာ၊ အရည်အသွေးနှင့် အဆင့်အတန်း မြင့်မားလာစေရန် လိုအပ်သော ထောက်ပံ့မှုများ အစိုးရက ပံ့ပိုးပေးရမည်ဟု လူငယ်ရေးရာမူဝါဒ ကဆိုသည်။

လူငယ်မူဝါဒကို ဘယ်သူအကောင်အထည်ဖော်မလဲ

လူမှုဝန်ထမ်း၊ ကယ်ဆယ် ရေးနှင့် ပြန်လည်နေရာချထားရေး ဝန်ကြီးဌာန၊ ကျန်းမာရေးနှင့် အား ကစားဝန်ကြီးဌာန၊ ပညာရေးဝန် ကြီးဌာနတို့က ဦးဆောင်ပြီး အ ကောင်အထည်ဖော်မည့် လူငယ် ရေးရာမူဝါဒပါ အချက်များအ တွက် လိုအပ်သည့်ရန်ပုံငွေကို နှစ် စဉ် အစိုးရဘတ်ဂျက်တွင် ထည့် သွင်းရေးဆွဲ အသုံးပြုမည်ဖြစ် သည်။

 လူငယ်ရေးရာကိစ္စရပ်များ ကို ဆောင်ရွက်ရန် ပြည်ထောင်စု အစိုးရ၊ တိုင်းဒေသကြီး (သို့မဟုတ်) ပြည်နယ်အစိုးရ၊ အရပ် ဘက် လူမှုအဖွဲ့အစည်းများ၊ ပညာရှင်များ (အသိပညာ၊ အတတ်ပညာ)နှင့် လူငယ်များ ပါဝင်သည့် လူငယ်ရေးရာကော်မတီ အဆင့်ဆင့်ကို ဖွဲ့စည်းမည်ဖြစ် သည်။

မူဝါဒနောက်မှမဟာဗျူဟာလုပ်ငန်းစဉ်

 လူငယ်ရေးရာမူဝါဒသည် လူငယ်များ ဖွံ့ဖြိုးတိုးတက်ရေး ဆောင်ရွက်မည့် အခြေခံအာမခံ ချက်များဖြစ်ပြီး မူဝါဒကို အကောင်အထည်ဖော်မည့် အသေးစိတ် မဟာဗျူဟာလုပ်ငန်းစဉ်ကို ၂၀၁၈ ဇွန်လတွင် ထပ်မံပြဋ္ဌာန်းမည်ဖြစ် သည်။

‘‘မူဝါဒဆိုတာကတော့ ဆွဲပြီး ဒီအတိုင်းထားရင် ဘာအကျိုးမှ မရှိဘူး။ အကောင်အထည်ဖော်မှ အကျိုးရှိတာ။ အဲဒီတော့ ပြည်နယ် နှင့် တိုင်းအလိုက် ထပ်ပြီး လူငယ် တွေရဲ့ အသံတွေကို နားထောင် ပြီး Action Plan တွေ ဆွဲမယ်။ မဟာဗျူဟာတွေချမှတ်မယ်။ ချပြီးတော့ ကဏ္ဍအလိုက် လူငယ်များ ရဲ့ ဖွံ့ဖြိုးတိုးတက်ရေးအတွက် အကောင်အထည်ဖော်မယ်’’ ဟု ဒေါက်တာဝင်းမြတ်အေးက ဆို သည်။

မြန်မာနိုင်ငံတွင် ပထမဆုံးအတည်ပြုပြဋ္ဌာန်းသည့် လူငယ်ရေးရာမူဝါဒကို ပြည်သူများ သိရှိ နိုင်စေရန် ဖေဖော်ဝါရီ ဒုတိယပတ် အထိ တိုင်းဒေသကြီးနှင့် ပြည်နယ် အလိုက် မိတ်ဆက်ပွဲများ ကျင်းပ မည်ဖြစ်သည်။

‘‘မူဝါဒထဲကအတိုင်း လက် တွေ့မှာ တကယ် အကောင်အ ထည်ဖော်နိုင်ဖို့ မျှော်လင့်ပါတယ်။ ပါဝင်ပြီးတော့ မူဝါဒဆွဲခဲ့တဲ့သူတွေ ကလည်း အလွှာစုံတယ်။ Diver-sity ဖြစ်တယ်။ မတူကွဲပြားတဲ့သူ တွေလည်း အများကြီးပါပြီး အပင် ပန်းခံ ရေးဆွဲခဲ့တာကြောင့် လုပ် ငန်းအကောင်အထည်ဖော်တဲ့အ ခါမှာ တိတိကျကျ အကောင်အ ထည်ဖော်ပေးဖို့တော့ လိုလိမ့် မယ်’’ဟု မြန်မာနိုင်ငံ လူငယ်ရေး ရာမူဝါဒ မူကြမ်းရေးဆွဲရာတွင် ပါဝင်ခဲ့သူ ရန်ကုန်တိုင်းဒေသကြီးမှ အသက် (၂၇)နှစ်အရွယ် မရှင်းသန့်ကပြောသည်။

အကျိုးသက်ရောက်မှု

လက်ရှိတွင် မြန်မာနိုင်ငံ၏ လူဦးရေ သုံးပုံတစ်ပုံသည် လူငယ် များ ဖြစ်နေခြင်းက လူဦးရေဆိုင် ရာ ဆုလာဘ်တစ်ခုဖြစ်ပြီး ဆယ်စု နှစ် နှစ်စုအတွင်း အကျိုးရှိစွာ အ သုံးချနိုင်လျှင် တိုင်းပြည်ဖွံ့ဖြိုးတိုး တက်မှုကို အထောက်အကူပြုနိုင် ကြောင်း လူဦးရေပညာရှင်များက ပြောဆိုထားသည်။

‘‘ဒီလူငယ်ရေးရာမူဝါဒက လူ ငယ်များအတွက် အလွန်ကိုအရေး ကြီးတယ်။ ဘာဖြစ်လို့လဲဆိုတော့ အနာဂတ်ကို လက်ပြောင်းလက် လွှဲလက်ဆင့်ကမ်း အမွေယူမှာ လူ ငယ်ပဲ။ အဲဒီတော့ သူတို့အတွက် ကို တိကျတဲ့ မူဝါဒတွေ၊ ကောင်း မွန်တဲ့ မူဝါဒတွေ၊ ပြုစုမြေတောင် မြှောက်ပေးမှုတွေ အမှန်လိုအပ် နေတယ်’’ဟု ဒေါက်တာဝင်းမြတ် အေးကဆိုသည်။

နိုင်ငံ၏ အနာဂတ်အတွက် လူငယ်များက ဆက်လက်ဆောင် ရွက်ရန် ၎င်းအနေဖြင့် မျှော်လင့် ထားပြီး မြန်မာနိုင်ငံ လူငယ်ရေးရာ မူဝါဒပါ အချက်များ၊ ဆက်စပ် လုပ်ငန်းများသည် ထိုမျှော်လင့် ချက်များ ပြည့်ဝရန် ဖြည့်ဆည်းပေးနိုင်မည်ဟု ဒေါ်အောင်ဆန်းစု ကြည်ကလည်း ဆိုသည်။

‘‘အနာဂတ်ဆိုတာ ဆောက် လို့မပြီးနိုင်တဲ့ အဆောက်အအုံကြီး လိုပါပဲ။ မျိုးဆက်တစ်ဆက်နဲ့တစ် ဆက်က အခန်းလေး နောက်တစ် ခုထပ်ပြီးတော့ ထည့်သွားမယ်။ တစ်ခါတလေလည်း အရင်မျိုး ဆက်တွေကတည်းက ဆောက်ခဲ့ တဲ့၊ ပျက်သွားတဲ့ နေရာလေးတွေ ကို ပြန်ပြင်သွားမယ်။ ဆေးပြန် သုတ်မယ်။ ပိုပြီးတော့ ချဲ့မယ်။ ခြံ ကို ပိုပြီးတော့ လှအောင်လုပ်မယ် စသဖြင့် ဆက်လက်လုပ်သွားရမှာ ပါ။ ဘယ်မျိုးဆက်ရဲ့ ခေတ်မှာမှ ဒီအလုပ်ဟာ ပြီးမှာမဟုတ်ပါဘူး။ ဒါကြောင့်မို့ လူငယ်တိုင်း၊ လူငယ် တိုင်းဟာ ကျွန်မတို့ နိုင်ငံအနာ ဂတ်ရဲ့ ဗိသုကာကောင်းများဖြစ် အောင် အရည်အချင်းတွေ မွေးမြူ ပါ’’ဟု ဒေါ်အောင်ဆန်းစုကြည်က လူငယ်များအား တိုက်တွန်းပြော ကြားထားသည်။